ირაკლი კობახიძე საბერძნეთის რესპუბლიკის საგანგებო და სრულუფლებიან ელჩს შეხვდა

10 აგვისტო 2017
ირაკლი კობახიძე საბერძნეთის რესპუბლიკის საგანგებო და სრულუფლებიან ელჩს შეხვდა

პარლამენტის თავმჯდომარემ, ირაკლი კობახიძემ  საბერძნეთის რესპუბლიკის საგანგებო და სრულუფლებიან ელჩთან, დიმიტრის კარაბალისთან გაცნობითი ხასიათის შეხვედრა გამართა.

მხარეებმა, საქართველოსა და საბერძნეთს შორის არსებულ მეგობრულ და ისტორიულ ურთიერთობებზე და თანამშრომლობის კიდევ უფრო გაღრმავების პერსპექტივებზე ისაუბრეს.

შეხვედრაზე, ორი ქვეყნის საკანონმდებლო ორგანოებს შორის ურთიერთობის გაძლიერების აუცილებლობას გაესვა ხაზი. აღინიშნა, რომ საჭიროა როგორც მეგობრობის ჯგუფების გააქტიურება ასევე, პარლამენტის თავმჯდომარეების მიერ, მაღალი დონის ვიზიტების განხორციელება. 

როგორც შეხვედრაზე აღინიშნა, წლევანდელი წელი აქტიური და დატვირთული იყო ორი ქვეყნის მთავრობის წარმომადგენლების ვიზიტებით და ახლა საჭიროა ასეთივე დინამიკა შევინარჩუნოთ საპარლამენტო ურთიერთობებშიც.

მხარეებმა, ოკუპირებულ ტერიტორიებზე არსებულ ვითარებასა და რუსეთის მიერ საქართველოს ტერიტორიების ანექსიის მცდელობებზე, საქართველოს საგარეო პოლიტიკის მიმართულებებზე, ჩვენი ქვეყნის ევროპული და ევროატლანტიკური სტრუქტურების მიმართ სწრაფვაზე ისაუბრეს.

პარლამენტის თავმჯდომარემ, სტუმარს ქვეყანაში მიმდინარე და დაგეგმილი რეფორმები გააცნო. ირაკლი კობახიძემ ყურადღება გაამახვილა საკონსტიტუციო რეფორმასა და სასამართლო სისტემაში გასატარებელ რეფორმებზე. 

ელჩმა, დიმიტრის კარაბალისმა საქართველოს სუვერენიტეტის, ტერიტორიული მთლიანობისა და ქვეყნის ევროპული და ევროატლანტიკური ინტეგრაციის მიმართ საბერძნეთის მტკიცე მხარდაჭერა გამოხატა.

პარლამენტის თავმჯდომარემ, ირაკლი კობახიძემ ელჩს მის მომავალ საქმიანობაში წარმატება უსურვა. თავის მხრივ, საბერძნეთის ელჩმა მზაობა გამოთქვა, მაქსიმალურად შეუწყოს ხელი ქვეყნებს შორის არსებული თანამშრომლობის შემგომ გაღრმავებას.

გალერეა

  • ირაკლი კობახიძე საბერძნეთის რესპუბლიკის საგანგებო და სრულუფლებიან ელჩს შეხვდა, 2017 წლის 10 აგვისტო
  • ირაკლი კობახიძე საბერძნეთის რესპუბლიკის საგანგებო და სრულუფლებიან ელჩს შეხვდა, 2017 წლის 10 აგვისტო
  • ირაკლი კობახიძე საბერძნეთის რესპუბლიკის საგანგებო და სრულუფლებიან ელჩს შეხვდა, 2017 წლის 10 აგვისტო