საპარლამენტო უმრავლესობის წარმომადგენლები შვედეთის პარლამენტის თავმჯდომარის მოადგილეს შეხვდნენ

08 ნოემბერი 2017
საპარლამენტო უმრავლესობის წარმომადგენლები შვედეთის პარლამენტის თავმჯდომარის მოადგილეს შეხვდნენ

საქართველოს პარლამენტი დღეს შვედეთის პარლამენტის თავმჯდომარის მეორე მოადგილეს ბიორნ სოდერს და შვედეთის საპარლამენტო დელეგაციის წევრებს მასპინძლობს. 

საპარლამენტო უმრავლესობის სახელით შვედ კოლეგებთან შეხვედრა ოთარ დანელიამ, ირინე ფრუიძემ და ნინო წილოსანმა გამართეს. 

„შეხვედრაზე სტუმრებს კითხვები ჰქონდათ საკონსტიტუციო რეფორმასთან და სასამართლოში არსებულ მდგომარეობასთან დაკავშირებით, რადგან უმცირესობამ საკმაოდ მიკერძოებული ინფორმაცია მიაწოდა აღნიშნულ საკითხებთან დაკავშირებით. მათგან მივიღეთ ოვაციები იმ საკონსტიტუციო ცვლილებებთან დაკავშირებით რომელიც განხორციელდა. დამაჯერებელი ვიყავით სასამართლო რეფორმასთან დაკავშირებით და ჩვენს მონდომებაში, რომ სასამართლო კიდევ უფრო მეტად დამოუკიდებელი გახდეს“, - განაცხადა შეხვედრის დასრულების შემდეგ, საპარლამენტო უმრავლესობის წარმომადგენელმა, ევროპასთან ინტეგრაციის კომიტეტის წევრმა, ნინო წილოსანმა.

მისი თქმით, შეხვედრაზე მხარეებმა ქვეყნის დემოკრატიული განვითარების გზაზე ისაუბრეს. „შვედეთი არის ქვეყანა, რომელიც ჩვენთვის სამაგალითოა, როგორც დემოკრატიული განვითარების კუთხით ასევე, ქვეყნის ინსტიტუციური მოწყობის მიმართულებით“, - განაცხადა ნინო წილოსანმა.

გალერეა

  • საპარლამენტო უმრავლესობის წარმომადგენლები შვედეთის პარლამენტის თავმჯდომარის მოადგილეს შეხვდნენ, 2017 წლის 8 ნოემბერი
  • საპარლამენტო უმრავლესობის წარმომადგენლები შვედეთის პარლამენტის თავმჯდომარის მოადგილეს შეხვდნენ, 2017 წლის 8 ნოემბერი
  • საპარლამენტო უმრავლესობის წარმომადგენლები შვედეთის პარლამენტის თავმჯდომარის მოადგილეს შეხვდნენ, 2017 წლის 8 ნოემბერი
  • საპარლამენტო უმრავლესობის წარმომადგენლები შვედეთის პარლამენტის თავმჯდომარის მოადგილეს შეხვდნენ, 2017 წლის 8 ნოემბერი
  • საპარლამენტო უმრავლესობის წარმომადგენლები შვედეთის პარლამენტის თავმჯდომარის მოადგილეს შეხვდნენ, 2017 წლის 8 ნოემბერი