საპარლამენტო ფრაქციებში „საქართველოს 2020 წლის სახელმწიფო ბიუჯეტის შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტის განხილვა გრძელდება

15 ივნისი 2020
საპარლამენტო ფრაქციებში „საქართველოს 2020 წლის სახელმწიფო ბიუჯეტის შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტის განხილვა გრძელდება

საპარლამენტო ფრაქციების „ევროპული საქართველოს“, „ევროპული საქართველო მოძრაობა თავისუფლებისთვის“ და „ევროპული საქართველო-რეგიონების“ სხდომაზე „საქართველოს 2020 წლის სახელმწიფო ბიუჯეტის შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტის განხილვა გაიმართა.

საკითხი განსახილველად ფინანსთა მინისტრის მოადგილემ, გიორგი კაკაურიძემ წარადგინა.

მინისტრის მოადგილემ ბიუჯეტის შესრულების მაჩვენებლებზე, დაგეგმილ ცვლილებებზე და მომდევნო წლის პროგნოზებზე დეტალურად ისაუბრა.

მომხსენებელმა ფრაქციების წევრებს ძირითად ფინანსურ დოკუმენტში განსახორციელებელ ცვლილებებზე ინფორმაცია მიაწოდა და აღნიშნა, რომ იანვარში ეკონომიკური ზრდის მაჩვენებელი იყო 5 %-ზე მაღალი, თუმცა, თებერვლიდან ეკონომიკას და შემოსავლების ნაწილს პანდემიის ეფექტი დაეტყო, რაც როგორც მსოფლიო ეკონომიკაში ასევე, საქართველოს შემთხვევაშიც აისახა და ეკონომიკური ზრდის მაჩვენებელი მნიშვნელოვნად შემცირდა.

მისი თქმით, სავალუტო ფონდთან შეთანხმებით გადაწყდა, რომ ბიუჯეტი დაგეგმილიყო 4%-იანი შემცირების პროგნოზით, თუმცა, ფულადი სახსრების კუთხით ასევე, მოხდა შეთანხმება, რომ მზადყოფნა ყოფილიყო უფრო მეტი დანაკლისისთვის როგორც ეკონომიკური კუთხით ასევე, პანდემიის უფრო ხანგრძლივი პერიოდით გაგრძელების, ან მეორე ტალღის შემთხვევაშიც, რომ ბიუჯეტი მზად ყოფილიყო რესურსული კუთხით იმისთვის, რომ ნებისმიერი აუცილებელი საჭიროება დაეფინანსებინა.

„გრანტების და სესხების გარეშე ბიუჯეტი დაგეგმილი იყო 13 მლრდ 705 მლნ ლარის ოდენობით, ნაერთი ბიუჯეტის შემოსავლების ნაწილი მცირდება 1მლრდ 817 მლნ ლარით და 11 მლრდ 888 მლნ ლარით განისაზღვრა. გადასახადების ნაწილში მცირდება 1 მლრდ 545 მლნ ლარით. ასევე, მცირდება სსიპ -იდან მისაღები თანხები, სხვა შემოსავლების ნაწილში არის 167 მლნ-იანი შემცირება. სავალუტო ფონდთან მოლაპარაკებისას, ერთ-ერთი მთავარი პარამეტრი რაც უნდა შეგვენარჩუნებინა იყო საბიუჯეტო დეფიციტის მაჩვენებელი. ჩვენ შევთანხმდით საბიუჯეტო დეფიციტის მაჩვენებლის გაზრდაზე 2,5%-დან 8,5%-მდე“, - განაცხადა მთავრობის წარმომადგენელმა.

ისი განმარტებით, იმისვთის, რომ შემოსავლებში1 მლრდ 800 მლნ-იანი დანაკლისი და ასევე, ის 3,4მლრდ-იანი პაკეტი, რომელიც ანტიკრიზისული გეგმით არის განსაზღვრული გადაფარულიყო, საჭირო იყო ხარჯვითი ნაწილის შემცირება.

„შესაბამისად წარმოდგენილ ნაერთ ბიუჯეტში მცირდება 600 მლნ ლარის ხარჯვითი ნაწილი, ამავდროულად, ემატება 1 მლრდ 800 მლნ ლარზე მეტი, რაც ხარჯვით ნაწილში აისახება“, - განაცხადა ფინანსთა მინისტრის მოადგილემ.

მომხსენებლის განმარტებით, ბიუჯეტში ანტიკრიზისული გეგმისთვის განსაზღვრულია 3,4 მილიარდი ლარი.

„450 მილიონი ლარია ჩადებული ბიუჯეტში უმუშევრად დარჩენილი მოქალაქეების დახმარებისთვის. გათვალისწინებულია 200 ლარის გაცემა 6 თვის განმავლობაში. საგადასახადო შეღავათის კუთხით გათვალისწინებულია 250 მილიონი ლარი, თვითდასაქმებულთა ერთჯერადად 300 ლარიანი დახმარებისთვის გათვალისიწნებულია 75 მილიონი ლარი, მოსახლეობის კომუნალური ხარჯებისთვის 170 მილიონი ლარი, სხვდადასხვა კატეგორიის სოციალური ჯგუფებისთვის ჯამში გათვალისწინებულია 85 მილიონ ლარამდე, გარდა ამისა, ბიუჯეტში ჩაიდო სტოპკოვიდ ფონდისთვის მობილიზებული თანხა 133,5 მილიონი ლარი, რომლის ხარჯვაც შესაძლებელი იქნება მხოლოდ ვირუსის საწინააღმდეგო ღონისძიებების ან დაზარალებულთა დახამრებისთვის, საკარანტინე სივრცეებზე გათვალისწინებულია 45 მილიონი ლარი. ჯანდაცვის ხარჯები, პრევენციის ნაწილი და მკურნალობის ხარჯები 245 მილიონი ლარია, ინფრასტრუქტურული კომპონენტი ჯანდაცვაში არის 60 მილიონი ლარი, საკრედიტო საგარანტიო სქემა 330 მილიონი ლარი, სასტუმროების საპროცენტო ხარჯი და სუბსიდირება 70 მილიონი ლარი, ტურისტული ობიექტების ქონების გადასახადებისგან გათავისუფლება 45 მილიონი ლარი და ესეც შემოსავლების შემცირებაშია ასახული, მცირე გრანტების დაფინანსება 20 მილიონი ლარი, სამშენებლო სექტორის მხარდაჭერა, მათ შორის, დევნილთათვის სახლების შესყიდვა 40 მილიონი ლარი, სოფლის მეურნეობის სექტორის ხელშეწყობა 139 მილიონი ლარი და ორი მსხვილი კომპონენტი: დღგ-ს დამატებით დაბრუნება 600 მილიონი ლარი, ხოლო კომერციული ბანკების გრძელვადიანი ლიკვიდობის მიწოდება 600 მილიონი ლარი. ეს არის ჯამში 3.4 მლრდ-იანი პაკეტი რასაც ითვალისწინებს ანტიკრიზისული გეგმა“, - განაცხადა გიორგი კაკაურიძემ.

მომხსენებელმა კანონმდებლებს, უშუალოდ, კონკრეტული უწყებების დაფინანსების შემცირების შესახებ ინფორმაცია მიაწოდა.

მისი განმარტებით, უწყებების დაფინანსების შემცირების მიუხედავად, არ უქმდება არც ერთი პროექტი და პროგრამა და მათი მხოლოდ ვადების ცვლილება განხორციელდება.

როგორც გიორგი კაკაურიძემ აღნიშნა, საგადასახადო შემოსავლების კუთხით მუნიციპალიტეტებში დანაკლისი არის 250 მლნ ლარი, და ამის ნაწილობრივი კომპენსირების მიზნით, ბიუჯეტში ტრანსფერის სახით გათვალისწინებულია 70 მლნ ლარი.

მისი თქმით, სხვადასხვა პროექტების ნაწილში ხდება სახელმწიფო ბიუჯეტის 547 მილიონი ლარით შემცირება, თუმცა, არის დამატებით 2 მილიარდ ლარზე მეტი ზრდის ნაწილში. საბოლოოდ, სახელმწიფო ბიუჯეტის ხარჯვითი ნაწილი იზრდება 1მილიარდ 490 მილიონი ლარით და შეადგენს 15 მილიარდ 923 მილიონ ლარს.

მთავრობის წარმომადგენელმა პარლამენტის ოპოზიციენორი წარმომადგენლების მიერ დასმულ კრიტიკულ შეკითხვებს უპასუხა.

დეპუტატებმა ბიუჯეტის წარმოდგენილი პროექტი დაიწუნეს, შესაბამისად, მას მხარი არ დაუჭირეს.

 

გალერეა

  • საპარლამენტო ფრაქციებში „საქართველოს 2020 წლის სახელმწიფო ბიუჯეტის შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტის განხილვა გრძელდება, 2020 წლის 15 ივნისი
  • საპარლამენტო ფრაქციებში „საქართველოს 2020 წლის სახელმწიფო ბიუჯეტის შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტის განხილვა გრძელდება, 2020 წლის 15 ივნისი
  • საპარლამენტო ფრაქციებში „საქართველოს 2020 წლის სახელმწიფო ბიუჯეტის შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტის განხილვა გრძელდება, 2020 წლის 15 ივნისი
  • საპარლამენტო ფრაქციებში „საქართველოს 2020 წლის სახელმწიფო ბიუჯეტის შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტის განხილვა გრძელდება, 2020 წლის 15 ივნისი
  • საპარლამენტო ფრაქციებში „საქართველოს 2020 წლის სახელმწიფო ბიუჯეტის შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტის განხილვა გრძელდება, 2020 წლის 15 ივნისი
  • საპარლამენტო ფრაქციებში „საქართველოს 2020 წლის სახელმწიფო ბიუჯეტის შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტის განხილვა გრძელდება, 2020 წლის 15 ივნისი
  • საპარლამენტო ფრაქციებში „საქართველოს 2020 წლის სახელმწიფო ბიუჯეტის შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტის განხილვა გრძელდება, 2020 წლის 15 ივნისი
  • საპარლამენტო ფრაქციებში „საქართველოს 2020 წლის სახელმწიფო ბიუჯეტის შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტის განხილვა გრძელდება, 2020 წლის 15 ივნისი
  • საპარლამენტო ფრაქციებში „საქართველოს 2020 წლის სახელმწიფო ბიუჯეტის შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტის განხილვა გრძელდება, 2020 წლის 15 ივნისი
  • საპარლამენტო ფრაქციებში „საქართველოს 2020 წლის სახელმწიფო ბიუჯეტის შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტის განხილვა გრძელდება, 2020 წლის 15 ივნისი
  • საპარლამენტო ფრაქციებში „საქართველოს 2020 წლის სახელმწიფო ბიუჯეტის შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტის განხილვა გრძელდება, 2020 წლის 15 ივნისი
  • საპარლამენტო ფრაქციებში „საქართველოს 2020 წლის სახელმწიფო ბიუჯეტის შესახებ“ საქართველოს კანონში ცვლილების შეტანის თაობაზე“ საქართველოს კანონის პროექტის განხილვა გრძელდება, 2020 წლის 15 ივნისი