ილია ნაკაშიძე და სოფო კილაძე აჭარის საზოგადოებრივი მაუწყებლის ხელმძღვანელებს შეხვდნენ

13 მარტი 2020
ილია ნაკაშიძე და სოფო კილაძე აჭარის საზოგადოებრივი მაუწყებლის ხელმძღვანელებს შეხვდნენ

პარლამენტის თავმჯდომარის მოადგილე ილია ნაკაშიძე და ადამიანის უფლებების დაცვისა და სამოქალაქო ინტეგრაციის კომიტეტის თავმჯდომარე სოფო კილაძე აჭარის საზოგადოებრივი მაუწყებლის ხელმძღვანელებს შეხვდნენ.

შეხვედრაზე მხარეებმა აჭარის საზოგადოებრივ მაუწყებელში მიმდინარე მოვლენებზე ისაუბრეს. როგორც შეხვედრის დასრულების შემდეგ ილია ნაკაშიძემ განაცხადა, ტელევიზიაში არსებული პრობლემები წესდების მიხედვით უნდა გადაწყდეს.

დღეს, დარწმუნებული ვარ ერთ რამეში - არის წესდება და ამ წესდების მიხედვით უნდა იმოქმედოს კოლექტივმა მშვიდად და მოგვცეს მაგალითი, როგორ უნდა მოიქცეს კოლექტივი, როდესაც მის წინაშე დგება პროფესიული პრობლემები. საქართველოს პარლამენტის სურვილია ავაშენოთ მაღალი სტანდარტის დემოკრატია, რომლის ნაწილიც არის მედია და ასევე, ჩვენი სურვილია, რომ მედიაც იყოს მაღალი სტანდარტის“, - აღნიშნა პარლამენტის თავმჯდომარის მოადგილემ.

ადამიანის უფლებების დაცვისა და სამოქალაქო ინტეგრაციის კომიტეტის თავმჯდომარის, სოფო კილაძის განცხადებით, აჭარის ტელევიზიაში უნდა იყოს სიმშვიდე და ყველა მხარეს უნდა ჰქონდეს თავისუფლად მუშაობის უფლება. „ჩვენ ამ კვირაში შეხვედრა გვქონდა აჭარის მაუწყებლის ჟურნალისტების ნაწილთან. იმისთვის, რომ გვქონოდა ობიექტური სურათი, დღეს შევხვდით მეორე მხარესაც, რომლის მიმართაც ჟურნალისტების ნაწილს გარკვეული პრეტენზიები აქვთ. მოგვეწოდა ინფორმაცია, რომ მოთხოვნილია აუდიტის დასკვნა და მნიშვნელოვანი იქნება ამ დასკვნის შედეგების გაცნობაც. ჩვენთვის მთავარია აჭარის მაუწყებელში სიტუაცია იყოს მშვიდი და ყველა მხარეს ჰქონდეს თავისუფლად მუშაობის უფლება იმისთვის, რომ მათ განახორციელონ თავისი უფლებამოსილებები, რაც კანონი მხრიდან მათ აქვთ დაკისრებული“, - განაცხადა სოფო კილაძემ.

გალერეა

  • ილია ნაკაშიძე და სოფო კილაძე აჭარის საზოგადოებრივი მაუწყებლის ხელმძღვანელებს შეხვდნენ, 2020 წლის 13 მარტი
  • ილია ნაკაშიძე და სოფო კილაძე აჭარის საზოგადოებრივი მაუწყებლის ხელმძღვანელებს შეხვდნენ, 2020 წლის 13 მარტი
  • ილია ნაკაშიძე და სოფო კილაძე აჭარის საზოგადოებრივი მაუწყებლის ხელმძღვანელებს შეხვდნენ, 2020 წლის 13 მარტი
  • ილია ნაკაშიძე და სოფო კილაძე აჭარის საზოგადოებრივი მაუწყებლის ხელმძღვანელებს შეხვდნენ, 2020 წლის 13 მარტი
  • ილია ნაკაშიძე და სოფო კილაძე აჭარის საზოგადოებრივი მაუწყებლის ხელმძღვანელებს შეხვდნენ, 2020 წლის 13 მარტი