ჯანმრთელობის დაცვისა და სოციალურ საკითხთა კომიტეტმა შრომის კოდექსში შესატან ცვლილებებს მეორე მოსმენით მხარი დაუჭირა

05 აგვისტო 2020
ჯანმრთელობის დაცვისა და სოციალურ საკითხთა კომიტეტმა შრომის კოდექსში შესატან ცვლილებებს მეორე მოსმენით მხარი დაუჭირა

ჯანმრთელობის დაცვისა და სოციალურ საკითხთა კომიტეტმა დღევანდელ სხდომაზე, რომელსაც კომიტეტის თავმჯდომარე დიმიტრი ხუნდაძე უძღვებოდა, II მოსმენით განიხილა საქართველოს ორგანული კანონის პროექტის „საქართველოს ორგანულ კანონში „საქართველოს შრომის კოდექსი“ ცვლილების შეტანის შესახებ“ და მისგან გამომდინარე კანონპროექტები.

საკანონმდებლო პაკეტი, რომლის ინიციატორები არიან პარლამენტის წევრები: დიმიტრი ცქიტიშვილი, სოფიო კილაძე, დავით მათიკაშვილი, თამარ ჩუგოშვილი, ირაკლი კობახიძე, რატი იონათამიშვილი და თამარ ხულორდავა, კომიტეტის სხდომაზე დიმიტრი ცქიტიშვილმა წარადგინა.

კანონმდებლები სანამ კანონპროექტებს მუხლობრივად განიხილავდნენ, დიმიტრი ცქიტიშვილმა კომიტეტის წევრებს და შეკრებილ საზოგადოებას ინფორმაცია მიაწოდა მეორე მოსმენამდე განხორციელებული საქმიანობის შესახებ, რათა კანონპროექტები კიდევ უფრო მეტად დახვეწილი და მისაღები ყოფილიყო როგორც დასაქმებულების, ასევე დამსაქმებლებისათვის. 

როგორც დიმიტრი ცქიტიშვილმა განაცხადა, ამ კანონპროექტზე მუშაობის პროცესი საკმაოდ დიდხანს გრძელდებოდა, თითქმის წელიწადნახევარი და ეს იყო შეჯერების, განხილვების პროცესი, რომელშიც ჩართული იყვნენ მათ შორის საერთაშორისო ორგანიზაციები, განსაკუთრებით აღსანიშნავია შრომის საერთაშორისო ორგანიზაცია, მისი ადგილობრივი და საერთაშორისო ექსპერტები. მისი თქმით, ერთობლივი ძალისხმევის შედეგად კანონმდებლობა, ცვლილებები, რომლებიც ჩვენი მოსახლეობის საჭიროებებს ეფუძნება, ადაპტირებული ყოფილიყო საუკეთესო საერთაშორისო პრაქტიკასთან და მაქსიმალურად გათვალისწინებული ყოფილიყო ყველა ის პოზიტიური ელემენტი, რომელიც ამ მიმართულებით საერთაშორისო თანამეგობრობას გააჩნია. 

მსურს აღვნიშნო, რომ უპრეცედენტოდ მაღალი იყო ჩართულობა ყველა მხარის - ესენია პროფკავშირები, ადამიანის უფლებათა დამცველი ორგანიზაციები, ბიზნეს ასოციაცია, სხვადასხვა ბიზნეს ორგანიზაციები, სახელმწიფო უწყებები, რომლებიც მეტნაკლებად უკავშირდება ამ პროცესს. ვეცადეთ დაგვენახა ყველა მხარის პოზიცია და დღეს მეტნაკლებად შეჯერებული პოზიცია წარმოგვედგინა“, - განაცხადა მომხსენებელმა. 

მან კიდევ ერთხელ ხაზგასმით აღნიშნა, რომ ეს კანონმდებლობა პირველ რიგში მოიცავს ცვლილებებს ადამიანის უფლებების, შრომითი უფლებების დაცვის კუთხით - ეს არის ანტიდისკრიმინაციული ნორმების გამკაცრება, სტაჟირება, ცვლილებები დეკრეტული შვებულების კუთხით, სადაც მამის კომპონენტი შემოდის, ეს არის სამუშაო დროის რეგულირება, მათ შორის ღამის, დღის ზეგანაკვეთური შრომის და მისი ანაზღაურების საკითხი, თანამშრომლობა და კონსულტაცია სამუშაო ადგილებზე იმისთვის, რომ თანამშრომლობა დამსაქმებლებსა და დასაქმებულებს შორის უფრო ჰარმონიული იყოს და პროცესები გაფიცვებამდე და კატაკლიზმებამდე არ მივიდეს და ა.შ. 

დიმიტრი ცქიტიშვილის განცხადებით, მნიშვნელოვანია, რომ შრომის კოდექსში სანქციების კუთხით ჩადებული აღსრულების მექანიზმები და ასევე პაკეტში არსებული შრომის ინსპექციის კანონი, რომელიც დამოუკიდებელი, ძლიერი შრომის ინსპექციის ინსტიტუტის შექმნის საშუალებას იძლევა, რომელიც უზრუნველყოფს შრომის კანონის აღსრულებას. 

შრომის ინსპექციის ძლიერი უფლებამოსილება იქნება მთავარი ინსტრუმენტი იმისთვის, რომ ჩვენ პრევენციულად განვახორციელოთ ზედამხედველობა, ვგულისხმობ იმას, რომ მოულოდნელობის ეფექტი, რომ ნებისმიერ კომპანიაში ნებისმიერ დროს შეიძლება შევიდეს ინსპექცია, თავისთავად არის მთავარი იარაღი ინსპექციის, რომ ყველა კომპანია ნებისმიერ დროს უნდა იყოს მზად შემოწმებისთვის. რაც ნიშნავს, რომ უნდა ჰქონდეს მაღალი შრომითი სტანდარტები თავიანთ კომპანიებში. ეს მოგვეხმარება იმაში, რომ შრომითი კულტურა გავაუმჯობესოთ, შრომითი ურთიერთობები ორგანიზაციებსა და კომპანიებში იყოს გაცილებით უკეთესი, რაც მნიშვნელოვანია იმისთვის, რომ თითოეული დასაქმებულის შრომითი ნაყოფიერება და ეფექტურობა იყოს გაცილებით მაღალი - ეს არის თანამედროვე ევროპული ქვეყნების საფუძველი, სადაც საქმიანობის მოტივაცია დასაქმებულს აქვს ისეთივე მაღალი, როგორც კომპანიის მეპატრონეს და დამფუძნებელს, ან მაღალი თანამდებობის პირს“, - განაცხადა მან.

დიმიტრი ცქიტიშვილის თქმით, კანონპროექტის მიღება კიდევ ერთი წინგადადგმული ნაბიჯი იქნება საქართველოს შრომის სამართლის ევროპულ კანონმდებლობასთან და საერთაშორისო სტანდარტებთან დაახლოვების თვალსაზრისით. არსებული გამოწვევების, პრაქტიკაში გამოვლენილი ხარვეზებისა და პრობლემების გათვალისწინებით საქართველოს შრომის კანონმდებლობა უფრო დაუახლოვდება ევროპული კავშირის დირექტივით და შრომის საერთაშორისო ორგანიზაციის (ILO-ს) კონვენციებით გათვალისწინებულ სტანდარტებს.

გარდა ამისა, კანონპროექტის მიღებით, საქართველო შეასრულებს „ასოცირების შესახებ შეთანხმებით“ ნაკისრი ვალდებულებების მნიშვნელოვან ნაწილს. კანონპროექტი თავის მხრივ ხელს შეუწყობს, შრომითი უფლებების დაცვის სტანდარტების განვითარებას, დახვეწასა და გაუმჯობესებას.

როგორც დიმიტრი ცქიტიშვილმა აღნიშნა, პირველი მოსმენის შემდეგ საკანონმდებლო ინიციატივის ავტორებს ინტენსიური კომუნიკაცია ჰქონდა ყველა იმ უწყებასთან, ვისაც ჰქონდა შენიშვნები და წინადადებები და დღევანდელ სხდომაზე კანონპროექტის გარკვეულწილად დახვეწილი ვერსიაა წარმოდგენილი. 
მან იმედი გამოთქვა, რომ ეს პარლამენტი ისეთ კანონმდებლობას დატოვებს შრომის სფეროში, რომელიც მნიშვნელოვანი იქნება ამ ქვეყანაში მცხოვრები თითოეული მოქალაქისთვის, განსაკუთრებით დასაქმებულებისათვის, ასევე დამსაქმებლებისათვის. 

კომიტეტის სხდომაზე ორგანული კანონის პროექტი „საქართველოს ორგანულ კანონში „საქართველოს შრომის კოდექსი“ ცვლილების შეტანის შესახებ“ და მისგან გამომდინარე კანონპროექტები მუხლობრივად, დეტალურად განიხილეს, რომელშიც კომიტეტის წევრებთან ერთად, სხვადასხვა ორგანიზაციების, მათ შორის, ბიზნეს ასოციაციის, პროფკავშირების წარმომადგენლები, ექსპერტები, სპეციალისტები მონაწილეობდნენ. 

კანონპროექტების თითქმის ხუთ საათიანი განხილვის შემდეგ, კომიტეტის წევრებმა კენჭისყრის შედეგად, ცალკეული შენიშვნების გათვალისწინებით, ერთხმად დაუჭირეს მხარი საკანონმდებლო პაკეტის პარლამენტის პლენარულ სხდომაზე მეორე მოსმენით განსახილველად გატანას.

გალერეა

  • ჯანმრთელობის დაცვისა და სოციალურ საკითხთა კომიტეტმა შრომის კოდექსში შესატან ცვლილებებს მეორე მოსმენით მხარი დაუჭირა, 2020 წლის 5 აგვისტო
  • ჯანმრთელობის დაცვისა და სოციალურ საკითხთა კომიტეტმა შრომის კოდექსში შესატან ცვლილებებს მეორე მოსმენით მხარი დაუჭირა, 2020 წლის 5 აგვისტო
  • ჯანმრთელობის დაცვისა და სოციალურ საკითხთა კომიტეტმა შრომის კოდექსში შესატან ცვლილებებს მეორე მოსმენით მხარი დაუჭირა, 2020 წლის 5 აგვისტო
  • ჯანმრთელობის დაცვისა და სოციალურ საკითხთა კომიტეტმა შრომის კოდექსში შესატან ცვლილებებს მეორე მოსმენით მხარი დაუჭირა, 2020 წლის 5 აგვისტო
  • ჯანმრთელობის დაცვისა და სოციალურ საკითხთა კომიტეტმა შრომის კოდექსში შესატან ცვლილებებს მეორე მოსმენით მხარი დაუჭირა, 2020 წლის 5 აგვისტო
  • ჯანმრთელობის დაცვისა და სოციალურ საკითხთა კომიტეტმა შრომის კოდექსში შესატან ცვლილებებს მეორე მოსმენით მხარი დაუჭირა, 2020 წლის 5 აგვისტო
  • ჯანმრთელობის დაცვისა და სოციალურ საკითხთა კომიტეტმა შრომის კოდექსში შესატან ცვლილებებს მეორე მოსმენით მხარი დაუჭირა, 2020 წლის 5 აგვისტო
  • ჯანმრთელობის დაცვისა და სოციალურ საკითხთა კომიტეტმა შრომის კოდექსში შესატან ცვლილებებს მეორე მოსმენით მხარი დაუჭირა, 2020 წლის 5 აგვისტო
  • ჯანმრთელობის დაცვისა და სოციალურ საკითხთა კომიტეტმა შრომის კოდექსში შესატან ცვლილებებს მეორე მოსმენით მხარი დაუჭირა, 2020 წლის 5 აგვისტო
  • ჯანმრთელობის დაცვისა და სოციალურ საკითხთა კომიტეტმა შრომის კოდექსში შესატან ცვლილებებს მეორე მოსმენით მხარი დაუჭირა, 2020 წლის 5 აგვისტო
  • ჯანმრთელობის დაცვისა და სოციალურ საკითხთა კომიტეტმა შრომის კოდექსში შესატან ცვლილებებს მეორე მოსმენით მხარი დაუჭირა, 2020 წლის 5 აგვისტო
  • ჯანმრთელობის დაცვისა და სოციალურ საკითხთა კომიტეტმა შრომის კოდექსში შესატან ცვლილებებს მეორე მოსმენით მხარი დაუჭირა, 2020 წლის 5 აგვისტო
  • ჯანმრთელობის დაცვისა და სოციალურ საკითხთა კომიტეტმა შრომის კოდექსში შესატან ცვლილებებს მეორე მოსმენით მხარი დაუჭირა, 2020 წლის 5 აგვისტო