საქართველოს პარლამენტის

საპროცედურო საკითხთა და წესების კომიტეტის    სხდომის

ოქმი N103

                                                                       1 ივლისი 2011წ.

14.00 საათი. ოთახი N221 

სხდომას უძღვებოდა: კომიტეტის თავმჯდომარე ხათუნა გოგორიშვილი

სხდომას ესწრებოდნენ:

კომიტეტის წევრები: დავით თოდრაძე, თამაზ პეტრიაშვილი, კახაბერ ანჯაფარიძე, კახაბერ სუხიშვილი, გიორგი ხახნელიძე, დილარ ხაბულიანი.

მოწვეულები: კონსტანტინე გამსახურდია – საქართველოს პარლამენტის წევრი, სხდომას ესწრებოდნენ აგრეთვე:  საპროცედურო საკითხთა და წესების კომიტეტის აპარატის უფროსი – თამარ დიხამინჯია, კომიტეტის აპარატის მუშაკები და   მასმედიის წარმომადგენლები.

სხდომის უფლებამოსილება განისაზღვრა საპროცედურო საკითხთა და წესების კომიტეტის 6 წევრის დასწრებით.

სხდომის დღის წესრიგი (პროექტი):

სხდომის დღის წესრიგის პროექტთან დაკავშირებით შენიშვნები და წინადადებები არ გამოთქმულა

კომიტეტის წევრებმა ერთხმად დაამტკიცეს სხდომის დღის წესრიგი

სხდომის დღის წესრიგი:

პარლამენტის წევრის კონსტანტინე გამსახურდიასათვის პარლამენტის წევრის უფლებამოსილების ვადამდე შეწყვეტის საკითხის განხილვა

       /მომხსენებელი: ხათუნა გოგორიშვილი/

სხდომის დღის წესრიგით გათვალისწინებულ   საკითხთან დაკავშირებით:

მოისმინეს: ხათუნა გოგორიშვილის ინფორმაცია, რომლის თანახმადაც, საქართველოს პარლამენტის წევრი – კონსტანტინე გამსახურდია საქართველოს პრეზიდენტის N25/06/02 განკარგულებით დაინიშნა ტელეკომუნიკაციების საერთაშორისო კავშირში (ITU) და მეტეოროლოგიის მსოფლიო ორგანიზაციაში (WMO) საქართველოს მუდმივ წარმომადგენლად. იმის გამო, რომ საქართველოს პარლამენტის წევრი – კონსტანტინე გამსახურდია, საქართველოს პრეზიდენტის განკაგულების თანახმად, დაინიშნა პარლამენტის წევრის სტატუსთან შეუთავსებელ თანამდებობაზე, კომიტეტი კანონმდებლობით დადგენილი პროცედურების შესაბამისად, განიხილავს  საქართველოს პარლამენტის წევრის – კონსტანტინე გამსახურდიასთვის პარლამენტის წევრის უფლებამოსილების ვადამდე შეწყვეტის საკითხს.

         კომიტეტს მიაჩნია, რომ საქართველოს კონსტიტუციის 54-ე მუხლის მე-2 პუნქტის «დ» ქვეპუნქტისა და საქართველოს პარლამენტის რეგლამენტის მე-7 მუხლის მე-2 პუნქტის «დ» ქვეპუნქტის შესაბამისად საქართველოს პარლამენტის წევრს კონსტანტინე გამსახურდიას შეუწყდეს პარლამენტის წევრის უფლებამოსილება.

გადაწყვიტეს (ერთხმად):

საქართველოს პარლამენტის ბიუროს წარედგინოს კომიტეტის დასკვნა და პარლამენტის დადგენილების პროექტი – საქართველოს კონსტიტუციის  54-ე მუხლის მე-2 პუნქტის «დ» ქვეპუნქტისა და საქართველოს პარლამენტის რეგლამენტის მე-7 მუხლის მე-2 პუნქტის «დ» ქვეპუნქტის შესაბამისად,  საქართველოს პარლამენტის წევრის კონსტანტინეგამსახურდიას პარლამენტის წევრის უფლებამოსილების ვადამდე შეწყვეტის თაობაზე

        /კომიტეტის დასკვნა  და დადგენილების პროექტი თან ერთვის/

       კომიტეტის თავმჯდომარე

                                                                              ხათუნა გოგორიშვილი          

               კომიტეტის  აპარატის 

                     უფროსი                      

                                                                           თამარ დიხამინჯია