დანართი 2

პროექტი

საქართველოს კანონი

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონში ცვლილების შეტანის თაობაზე

მუხლი 1. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის (საქართველოს საკანონმდებლო მაცნე, ¹3, 13.02.2004, მუხ.7) მე-14 მუხლის მე-2 პუნქტი ჩამოყალიბდეს შემდეგი რედაქციით:

2. საქართველოს სამინისტროებია:

ა) განათლებისა და მეცნიერების;

ბ) გარემოს დაცვის;

გ) ეკონომიკისა და მდგრადი განვითარების;

დ) ენერგეტიკის და ბუნებრივი რესურსების;

ე) თავდაცვის;

ვ) იუსტიციის;

ზ) კულტურისა და ძეგლთა დაცვის;

თ) ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა;

ი) საგარეო საქმეთა;

კ) შინაგან საქმეთა;

ლ) სოფლის მეურნეობის;

მ) ფინანსთა;

ნ) შრომის, ჯანმრთელობისა და სოციალური დაცვის.

ო) სასჯელაღსრულების, პრობაციისა და იურიდიული დახმარების საკითხთა

პ) საქართველოს რეგიონული განვითარებისა და ინფრასტრუქტურის.

ჟ) სპორტისა და ახალგაზრდობის საქმეთა.

მუხლი 2.

1. საქართველოს ენერგეტიკისა და ბუნებრივი რესურსების სამინისტროს გადაეცეს:

ა) საქართველოს გარემოს დაცვისა და ბუნებრივი რესურსების სამინისტროს და საქართველოს ეკონომიკისა და მდგრადი განვითარების სამინისტროს   უფლებამოსილებანი, რომელიც უკავშირდება ბუნებრივი რესურსების მართვასთან და სარგებლობასთან დაკავშირებული პოლიტიკის განხორციელებას, შესაბამისი საკანონმდებლო აქტების შემუშავებას და კანონქვემდებარე ნორმატიული აქტების დამტკიცებას.

ბ) საქართველოს გარემოს დაცვისა და ბუნებრივი რესურსების სამინისტროს   უფლებამოსილებანი, რომელიც უკავშირდება ბირთვული და რადიაციული საქმიანობის რეგულირებასთან დაკავშირებულ საკითხებს.

2. საქართველოს ენერგეტიკისა და ბუნებრივი რესურსების სამინისტრო ჩაითვალოს საქართველოს ენერგეტიკის სამინისტროს უფლებამონაცვლედ. ასევე, საქართველოს გარემოს დაცვისა და ბუნებრივი რესურსების სამინისტროს და საქართველოს ეკონომიკისა და მდგრადი განვითარების სამინისტროს უფლებამონაცვლედ ამ მუხლის პირველი პუნქტით განსაზღვრულ საკითხებში.  

3. რეორგანიზებული იქნას საჯარო სამართლის იურიდიული პირი “სატყეო სააგენტო” და საქართველოს ენერგეტიკის სამინისტროს სახელმწიფო საქვეუწყებო დაწესებულება “ნავთობისა და გაზის ეროვნული სააგენტო” და მათ ბაზაზე შეიქმნას საჯარო სამართლის იურიდიული პირი “ბუნებრივი რესურსების სააგენტო”.

4. საჯარო სამართლის იურიდიული პირი “ბუნებრივი რესურსების სააგენტო” ჩაითვალოს საჯარო სამართლის იურიდიული პირის “სატყეო სააგენტოს”, საქართველოს ენერგეტიკის სამინისტროს სახელმწიფო საქვეუწყებო დაწესებულება “ნავთობისა და გაზის ეროვნულ სააგენტოს” უფლებამონაცვლედ და საქართველოს გარემოს დაცვისა და ბუნებრივი რესურსების სამინისტროს და საქართველოს ეკონომიკისა და მდგრადი განვითარების სამინისტროს უფლებამონაცვლედ ამ მუხლის მე-5 პუნქტით განსაზღვრულ საკითხებში.

5. საჯარო სამართლის იურიდიულ პირს “ბუნებრივი რესურსების სააგენტოს” გადაეცეს საქართველოს გარემოს დაცვისა და ბუნებრივი რესურსების სამინისტროს და საქართველოს ეკონომიკისა და მდგრადი განვითარების სამინისტროს ფუნქციები და უფლებამოსილებანი, რომელიც უკავშირდება:

ა. ბუნებრივი რესურსების მართვასთან და სარგებლობასთან დაკავშირებულ საკითხებს, მათ შორის თევზჭერასთან და ნადირობასთან დაკავშირებულ საკითხებს;

ბ. ბუნებრივი რესურსების მოპოვების კვოტებისა და მარაგების დამტკიცებას, საქართველოს მთავრობის მიერ დადგენილი წესით.

6. საქართველოს სოფლის მეურნეობის სამინისტროს გადაეცეს საქართველოს გარემოს დაცვისა და ბუნებრივი რესურსების სამინისტროს ფუნქციები და უფლებამოსილებანი, რომელიც უკავშირდება:

ა) პესტიციდებთან და აგროქიმიკატებთან დაკავშირებულ საკითხებს, გარდა ნარჩენებთან დაკავშირებული საკითხებს და განხორციელდეს საქართველოს კანონმდებლობით დადგენილი წესით;

ბ) ნიადაგების კონსერვაციასა და ნაყოფიერების აღდგენა-გაუმჯობესებასთან დაკავშირებულ საკითხებს და განხორციელდეს საქართველოს კანონმდებლობით დადგენილი წესით.

7. საქართველოს სოფლის მეურნეობის სამინისტრო ჩაითვალოს საქართველოს გარემოს დაცვისა და ბუნებრივი რესურსების სამინისტროს უფლებამონაცვლედ ამ მუხლის მე-6 პუნქტით განსაზღვრულ საკითხებში.

8. საქართველოს იუსტიციის სამინისტროს მმართველობის სფეროში მოქმედ საჯარო სამართლის იურიდიულ პირს – “საჯარო რეესტრის ეროვნულ სააგენტოს” გადაეცეს საქართველოს გარემოს დაცვისა და ბუნებრივი რესურსების სამინისტროს ფუნქციები და უფლებამოსილებანი, რომელიც უკავშირდება:

ა) მიწის მიზნობრიობის შეცვლასთან დაკავშირებულ საკითხებს და განხორციელდეს საქართველოს კანონმდებლობით დადგენილი წესით;

ბ) სახელმწიფო ტყის ფონდის საზღვრების დადგენასთან, სახელმწიფო ტყის ფონდის გაზრდასთან ან შემცირებასთან (სახელმწიფო ტყის ფონდში ფართობის ჩარიცხვა და ფონდიდან ამორიცხვა) დაკავშირებულ საკითხებს და განხორციელდეს საქართველოს კანონმდებლობით დადგენილი წესით.

9. საქართველოს იუსტიციის სამინისტროს მმართველობის სფეროში არსებული საჯარო სამართლის იურიდიული პირი – საჯარო რეესტრის ეროვნული სააგენტო ჩაითვალოს სამინისტროს უფლებამონაცვლედ ამ მუხლის მე-8 პუნქტით განსაზღვრულ საკითხებში.

10. საქართველოს ენერგეტიკის და ბუნებრივი რესურსების სამინისტროს მმართველობის სფეროში გადაეცეს საჯარო სამართლის იურიდიული პირები: “ბუნებრივი რესურსების სააგენტო” და “სატყეო საბაზისო-სანერგე მეურნეობა”.

11. სსიპ “გარემოს ეროვნული სააგენტოს” ფუნქციები, რომელიც უკავშირდება   გეოლოგიურ გარემოში სასარგებლო წიაღისეულის მართვასთან და სივრცულ ინფორმაციასთან დაკავშირებულ საკითხებს, გადაეცეს საჯარო სამართლის იურიდიულ პირს “ბუნებრივი რესურსების სააგენტოს”, ხოლო ნაპირდაცვის საკითხებთან დაკავშირებული ფუნქცია გადაეცეს საქართველოს რეგიონული განვითარებისა და ინფრასტრუქტურის სამინისტროს. შესაბამისად სსიპ “ბუნებრივი რესურსების სააგენტო” და საქართველოს რეგიონული განვითარებისა და ინფრასტრუქტურის სამინისტრო ამ პუნატით განსაზღვრულ საკითხებში ჩაითვალონ სსიპ “გარემოს ეროვნული სააგენტოს” უფლებამონაცვლედ.

12. საქართველოს ენერგეტიკის და ბუნებრივი რესურსების სამინისტროს მმართველობის სფეროში გადაეცეს საქართველოს გარემოს დაცვისა და ბუნებრივი რესურსების სამინისტროს სახელმწიფო საქვეუწყებო დაწესებულებები: ,,გარემოს დაცვის ინსპექცია” და ,,საგამოძიებო დეპარტამენტი”.

13. საქართველოს გარემოს დაცვისა და ბუნებრივი რესურსების სამინისტროს სახელმწიფო საქვეუწყებო დაწესებულებები: ,,გარემოს დაცვის ინსპექცია” და ,,საგამოძებო დეპარტამენტი ლიკვიდირებული იქნას ამ კანონის ამოქმედებიდან 2 თვის ვადაში.

14. ამ კანონის ამოქმედებიდან 2 თვის ვადაში საქართველოს ენერგეტიკისა და ბუნებრივი რესურსების სამინისტრომ უზურნველყოს სახელმწიფო საქვეუწყებო დაწესებულებების: ,,გარემოს დაცვის ინსპექციისა” და ,,საგამოძიებო დეპარტამენტიის ლიკვიდაციასთან დაკავშირებული ღონისძიებების გატარება.

15. საქართველოს ენერგეტიკისა და ბუნებრივი რესურსების სამინისტრო და საქართველოს გარემოს დაცვის სამინისტრო კანონმდებლობით დადგენილი წესით თავიანთი კომპეტენციის ფარგლებში, ჩაითვალონ სახელმწიფო საქვეუწყებო დაწესებულებების: ,,გარემოს დაცვის ინსპექციისა” და ,,საგამოძიებო დეპარტამენტის უფლებამონაცვლედ მათი ლიკვიდაციის დასრულების შემდეგ.      

16. საქართველოს გარემოს დაცვის სამინისტრო ჩაითვალოს საქართველოს გარემოს დაცვისა და ბუნებრივი რესურსების სამინისტროს უფლებამონაცვლედ, გარდა ამ მუხლით გათვალისწინებული იმ ფუნქციებისა და უფლებამოსილებებისა, რომლებიც გადაეცა ამავე მუხლით გათვალისწინებულ დაწესებულებებს.

17. საქართველოს გარემოს დაცვის სამინისტროს მმართველობის სფეროში გადაეცეს საჯარო სამართლის იურდიული პირი “გარემოს ეროვნული სააგენტო და საჯარო სამართლის იურიდიული პირი “დაცული ტერიტორიების სააგენტო”.

18. საქართველოს ეკონომიკისა და მდგრადი განვითარების სამინისტრომ უზრუნველყოს საქართველოს ენერგეტიკისა და ბუნებრივი რესურსების სამინისტროსათვის და საჯარო სამართლის იურიდიული პირის “ბუნებრივი რესურსების სააგენტოსათვის” მათი ფუნქციონირებისათვის აუცილებელი ქონების გადაცემა საქართველოს კანონმდებლობით დადგენილი წესით.

19. საქართველოს ენერგეტიკის სამინისტროს, საქართველოს გარემოს დაცვისა და ბუნებრივი რესურსების სამინისტროს, საქართველოს ეკონომიკისა და მდგრადი განვითარების სამინისტროს, საქართველოს ენერგეტიკის სამინისტროს სახელმწიფო საქვეუწყებო დაწესებულება “ნავთობისა და გაზის ეროვნულ სააგენტოს”, საქართველოს გარემოს დაცვისა და ბუნებრივი რესურსების სამინისტროს სახელმწიფო საქვეუწყებო დაწესებულებების ,,გარემოს დაცვის ინსპექციის” და სხვა შესაბამისი უწყებების მიერ გამოცემული აქტები ინარჩუნებს იურიდიულ ძალას, ვიდრე მათი უფლებამონაცვლე უწყებები არ გამოსცემენ ახალ აქტებს.

20. საქართველოს მთავრობამ ამ კანონის ამოქმედებიდან 2 თვეში უზრუნველყოს აუცილებელი საკანონმდებლო აქტების პროექტების მომზადება და კანონქვემდებარე აქტების ამ კანონთან შესაბამისობაში მოყვანა.

მუხლი 3. ეს კანონის ამოქმედდეს გამოქვეყნებისთანავე.

საქართველოს პრეზიდენტი                   მიხეილ სააკაშვილი                                                      

პროექტი

საქართველოს კანონი

,,საჯარო რეესტრის შესახებ” საქართველოს კანონში ცვლილებების შეტანის შესახებ

მუხლი 1 „საჯარო რეესტრის შესახებ“ საქართველოს კანონში (საქართველოს საკანონმდებლო მაცნე, №41, 30.12.2008, მუხ. 298) შეტანილ იქნეს შემდეგი ცვლილებები:

1. მე–2 მუხლის ,,თ“ ქვეპუნქტი ჩამოყალიბდეს შემდეგი რედაქციით:

თ) რეგისტრაცია – ნივთსა და არამატერიალურ ქონებრივ სიკეთეზე ამ კანონით განსაზღვრული უფლების, საჯარო-სამართლებრივი შეზღუდვის და საგადასახადო გირავნობის/იპოთეკის, უძრავ ნივთზე საკუთრების უფლებასთან დაკავშირებული ვალდებულების წარმოშობის, მათში ცვლილების და მათი შეწყვეტის, უძრავ ნივთზე საკუთრების უფლების მიტოვების, მიწის მიზნობრივი დანიშნულების და სასოფლო სამეურნეო დანიშნულების მიწის ნაკვეთის კატეგორიის შეცვლის, ტყის ფონდის საზღვრის დადგენის და მასში ცვლილებების შეტანის, ასევე ნივთსა და არამატერიალურ ქონებრივ სიკეთეზე უფლების სუბიექტისა და ობიექტის საიდენტიფიკაციო მონაცემთა აღრიცხვა შესაბამის რეესტრში, რეგისტრაციის თაობაზე გადაწყვეტილების მიღებით;

2. 31-ე მუხლის პირველი პუნქტის ,,ა“ ქვეპუნქტი ჩამოყალიბდეს შემდეგი რედაქციით:

ა) უძრავ ნივთზე უფლების, უძრავ ნივთზე საკუთრების უფლებასთან დაკავშირებული ვალდებულების, მათში ცვლილების და მათი შეწყვეტის, ტყის ფონდის საზღვრის ცვლილებების, ასევე მიწის მიზნობრივი დანიშნულების და სასოფლო სამეურნეო დანიშნულების მიწის ნაკვეთის კატეგორიის შეცვლის რეგისტრაცია – 4 სამუშაო დღის ვადაში – 50 ლარი;

3. 32 -ე მუხლისAპირველი პუნქტის ,,ა” ქვეპუნქტი ჩამოყალიბდეს შემდეგი რედაქციით:

ა) უძრავ ნივთზე უფლების, უძრავ ნივთზე საკუთრების უფლებასთან დაკავშირებული ვალდებულების, მათში ცვლილების და მათი შეწყვეტის, ტყის ფონდის საზღვრის ცვლილებების, ასევე მიწის მიზნობრივი დანიშნულების და სასოფლო სამეურნეო დანიშნულების მიწის ნაკვეთის კატეგორიის შეცვლის რეგისტრაცია – განცხადების შეტანის დღეს – 200 ლარი, ერთ სამუშაო დღეში – 150 ლარი;

4. 33-ე მუხლის ,,გ” ქვეპუნქტი ჩამოყალიბდეს შემდეგი რედაქციით:

გ) ნივთსა და არამატერიალურ ქონებრივ სიკეთეზე სახელმწიფოს, თვითმმართველი ერთეულის და საქართველოს ეროვნული ბანკის უფლებების, უძრავ ნივთზე საკუთრების უფლებასთან დაკავშირებული ვალდებულების, აგრეთვე მათ სასარგებლოდ დადებული საჯარო-სამართლებრივი შეზღუდვის წარმოშობის, ცვლილების და შეწყვეტის, სახელმწიფოს და ადგილობრივი თვითმმართველი ერთეულის მოთხოვნით, ტყის ფონდის საზღვრის ცვლილებების, მათ საკუთრებაში არსებული მიწის მიზნობრივი დანიშნულების და სასოფლო სამეურნეო დანიშნულების მიწის ნაკვეთის კატეგორიის შეცვლის რეგისტრაცია, საბანკო გარანტიის წარმოშობის და მასში ცვლილების რეგისტრაცია, როდესაც პრინციპალი არის სახელმწიფო, თვითმმართველი ერთეული ან საქართველოს ეროვნული ბანკი, ასევე მათ საკუთრებაში არსებულ ნივთზე (უფლებაზე) ამონაწერის და საკადასტრო გეგმის მომზადება და სარეგისტრაციოდ წარმოდგენილ სახელმწიფოს ან თვითმმართველი ერთეულის მონაწილეობით დადებულ გარიგებაზე მხარეთა ხელმოწერების დადასტურება;

მუხლი 2. ეს კანონი ამოქმედდეს გამოქვეყნებიდან მე– 15 დღეს

საქართველოს პრეზიდენტი                     მიხეილ სააკაშვილი

პროექტი

საქართველოს კანონი

“საქართველოს ტყის კოდექსში” ცვლილებების შეტანის შესახებ

მუხლი 1. “საქართველოს ტყის კოდექსში” (საქართველოს საკანონმდებლო მაცნე, N28(35), 1999 წელი, მუხ. 148) შეტანილ იქნეს შემდეგი ცვლილებები:

1. მე-7 მუხლის პირველი ნაწილი ჩამოყალიბდეს შემდეგი რედაქციით:

„1. საქართველოს ტყის ფონდთან დაკავშირებულ სამართლებრივ ურთიერთობებში საქართველოს კანონმდებლობის შესაბამისად სახელმწიფოს სახელით მონაწილეობენ საქართველოს ენერგეტიკისა და ბუნებრივი რესურსების სამინისტრო (შემდგომში – სამინისტრო), სამინისტროს სისტემაში შემავალი საჯარო სამართლის იურიდიული პირი – ბუნებრივი რესურსების სააგენტო (შემდგომში – ბუნებრივი რესურსების სააგენტო), საქართველოს ეკონომიკისა და მდგრადი განვითარების სამინისტროს სისტემაში შემავალი საჯარო სამართლის იურიდიული პირი – დაცული ტერიტორიების სააგენტო (შემდგომში – დაცული ტერიტორიების სააგენტო), ხოლო აფხაზეთისა და აჭარის ავტონომიური რესპუბლიკების ტერიტორიებზე – ავტონომიური რესპუბლიკების შესაბამისი ორგანოები.“.

2. მე-16 მუხლის პირველი ნაწილი ჩამოყალიბდეს შემდეგი რედაქციით:

“1. სახელმწიფო ტყის ფონდს, ადგილობრივი მნიშვნელობის ტყის, სახელმწიფო ტყის ფონდის დაცული ტერიტორიების, აფხაზეთისა და აჭარის ავტონომიური რესპუბლიკების ტერიტორიებზე არსებული ტყის ფონდის გარდა, მართავს ბუნებრივი რესურსების სააგენტო.”

3. მე-18 მუხლის პირველი და მეორე ნაწილები ამოღებულ იქნეს.

4. 33-ე მუხლის მეორე ნაწილი ჩამოყალიბდეს შემდეგი რედაქციით:

“2. სპეციალური დანიშნულებით სარგებლობის უფლებას სახელმწიფო ტყის ფონდში ანიჭებს სამინისტრო, ხოლო დაცულ ტერიტორიებზე იქ სადაც დაშვებულია სპეციალური მიზნით ტყითსარგებლობა, საქართველოს ეკონომიკისა და მდგრადი განვითარების სამინისტრო დაინტერესებულ პირებთან შეთანხმებით, საქართველოს კანონმდებლობისა და ამ კოდექსის 31-ე მუხლის მოთხოვნათა დაცვით.

5. 39-ე მუხლის მესამე ნაწილი ჩამოყალიბდეს შემდეგი რედაქციით:

“3. ბუნებრივი რესურსების სააგენტოს მართვისადმი დაქვემდებარებულ ტერიტორიაზე დაცვის განსაკუთრებული რეჟიმის დადგენისა და ამ რეჟიმში ღონისძიებების განხორციელების წესი დგინდება „ტყითსარგებლობის წესით“, რომელსაც დადგენილებით ამტკიცებს საქართველოს მთავრობა.”.

6. მე-53 მუხლის მესამე ნაწილი ჩამოყალიბდეს შემდეგი რედაქციით:

“3. ბუნებრივი რესურსების სააგენტოს მართვისადმი დაქვემდებარებულ ტერიტორიაზე ამ კოდექსის 51-ე მუხლის პირველი ნაწილით განსაზღვრული ტყითსარგებლობის სახეები „ტყითსარგებლობის წესის“ შესაბამისად შეიძლება განხორციელდეს აგრეთვე:

ა) ტყითსარგებლობის ხელშეკრულებით;

ბ) ხე-ტყის დამზადების ბილეთით;

გ) ტყის რესურსით სარგებლობის ბილეთით.”.

7. 108-ე მუხლი ჩამოყალიბდეს შემდეგი რედაქციით:

“მუხლი 108. საქართველოს ტყისა და ტყის კანონმდებლობის დაცვის           სახელმწიფო კონტროლი

ტყეების მდგომარეობის, სახელმწიფო ტყის ფონდის მოვლის, დაცვის, აღდგენისა და გაშენების, აგრეთვე ტყითსარგებლობის სახელმწიფო კონტროლს ახორციელებენ საქართველოს ენერგეტიკისა და ბუნებრივი რესურსების სამინისტროს სახელმწიფო საქვეუწყებო დაწესებულება – გარემოს დაცვის ინსპექცია, სსიპ “ბუნებრივი რესურსების სააგენტო” და სსიპ “დაცული ტერიტორიების სააგენტო.”.

მუხლი 2. ეს კანონი ამოქმედდეს გამოქვეყნებისთანავე.

საქართველოს პრეზიდენტი                         მიხეილ სააკაშვილი

პროექტი

საქართველოს კანონი

„ქალაქ თბილისის საზღვრებში და მიმდებარე ტერიტორიაზე არსებული მწვანე ნარგავებისა და სახელმწიფო ტყის ფონდის განსაკუთრებული დაცვის შესახებ“ საქართველოს კანონში ცვლილებების შეტანის თაობაზე

მუხლი 1. „ქალაქ თბილისის საზღვრებში და მიმდებარე ტერიტორიაზე არსებული მწვანე ნარგავებისა და სახელმწიფო ტყის ფონდის განსაკუთრებული დაცვის შესახებ“ საქართველოს კანონში (საქართველოს საკანონმდებლო მაცნე, N43, 2000 წელი, მუხ. 122) შეტანილი იქნეს შემდეგი ცვლილებება:

1.     პირველი მუხლის 2 - 4 პუნქტები ჩამოყალიბდეს შემდეგი რედაქციით:

2.     ქ. თბილისის საზღვრებში და მიმდებარე ტერიტორიაზე არსებული სახელმწიფო ტყის ფონდით სარგებლობა დაიშვება მიჩენის მიზნით, ასევე სახელმწიფო ტყის ფონდისათვის სპეციალური დანიშნულების კატეგორიის მინიჭებისას, ხოლო ქ. თბილისის საზღვრებში და მიმდებარე ტერიტორიაზე არსებული სახელმწიფო ტყის ფონდიდან ფართობების ამორიცხვა დაიშვება კანონმდებლობით დადგენილი წესით.

3.     ამოღებულ იქნას.

4.     “4. ქ. თბილისის საზღვრებში და მიმდებარე ტერიტორიაზე არსებული სახელმწიფო ტყის ფონდისათვის სპეციალური დანიშნულების კატეგორიის მინიჭება და მისი სპეციალური ტყითსარგებლობისათვის გაცემა დაიშვება მხოლოდ საქართველოს კანონმდებლობით განსაზღვრული მიზნებისათვის (გარდა წიაღის მოპოვებისა), რის შესახებაც გადაწყვეტილებას საქართველოს კანონმდებლობით დადგენილი წესით იღებს საჯარო სამართლის იურიდიული პირი “ბუნებრივი რესურსების სააგენტო”.

2. 2¹მუხლის მე-2 პუნქტი ჩამოყალიბდეს შემდეგი რედაქციით:

“2. ამ მუხლის პირველი პუნქტით გათვალისწინებულ ბრძანებულებას საქართველოს პრეზიდენტი გამოსცემს ქ. თბილისის მერის მიმართვის საფუძველზე, რომელიც შეთანხმებულია საქართველოს გარემოს დაცვის სამინისტროსთან”.

3. მე-5 მუხლის მე-6 პუნქტი ჩამოყალიბდეს შემდეგი რედაქციით:

“6. ამ მუხლით განსაზღვრული ჯგუფებისადმი სხვა ხე-მცენარეების, ბუჩქებისა და ხვიარა მცენარეების მიკუთვნებას ახორციელებს და ამტკიცებს ქ. თბილისის მერიის შესაბამისი სამსახური, ხოლო სახელმწიფო ტყის ფონდის ტერიტორიაზე -   საქართველოს ენერგეტიკისა და ბუნებრივი რესურსების სამინისტროს სახელმწიფო საქვეუწყებო დაწესებულება გარემოს დაცვის ინსპექცია.”.

მუხლი 2. ეს კანონი ამოქმედდეს გამოქვეყნებისთანავე.

საქართველოს პრეზიდენტი                     მიხეილ სააკაშვილი

პროექტი

საქართველოს კანონი

„გარემოს დაცვის შესახებ“ საქართველოს კანონში

ცვლილებების შეტანის თაობაზე

მუხლი 1. „გარემოს დაცვის შესახებ“ საქართველოს კანონში (პარლამენტის უწყებანი, 1-2 (33-34/7), 22 იანვარი, 1997, გვ. 24) შეტანილ იქნეს შემდეგი ცვლილებები:

1. მე-4 მუხლის “ტ” ქვეპუნქტი ჩამოყალიბდეს შემდეგი რედაქციით:

„ტ) „სამინისტრო“ – საქართველოს გარემოს დაცვის სამინისტრო;”

2. მე-13 მუხლი ჩამოყალიბდეს შემდეგი რედაქციით:

მუხლი 13. გარემოს დაცვის სამინისტროს კომპეტენცია გარემოს დაცვის სფეროში

გარემოს დაცვის სამინისტროს კომპეტენციას განეკუთვნება:

       ა) გარემოს დაცვის სფეროში ერთიანი სახელმწიფო პოლიტიკის განხორციელება;

ბ) გარემოს დაცვის სახელმწიფო მართვა;

გ) საქართველოს ტერიტორიაზე გარემოსდაცვითი მოთხოვნების, რაციონალური ბუნებათსარგებლობის და მდგრადი განვითარების პრინციპების გათვალისწინებით ეკოლოგიური წონასწორობის შენარჩუნების უზრუნველყოფა;

დ) ჰიდრომეტეოროლოგიისა და გარემოს დაბინძურების მონიტორინგის მართვის სახელმწიფო პოლიტილის განხორციელება;

ე) გარემოსდაცვით სფეროში საქართველოს მიერ ნაკისრი ვალდებულებების შესრულების მონიტორინგის განხორციელება;

ვ) მიწის, წყლის, ატმოსფერული ჰაერის დაბინძურების მონიტორინგი;

ზ) ზღვის დაბინძურების მონიტორინგი;

თ) გარემოზე ზემოქმედების ნებართვის სანებართვო პირობებისა და ეკოლოგიური ექსპერტიზის დასკვნის პირობების მონიტორინგი;

ი) საქართველოს ტერიტორიაზე, მდინარეთა აუზებსა და წყალსატევებში, შავი ზღვის ტერიტორიულ წყლებში, კონტინენტურ შელფზე და განსაკუთრებულ ეკონომიკურ ზონაში არსებული და მოსალოდნელი ჰიდრომეტეროლოგიური, გეოდინამიკური პროცესების, გეოეკოლოგიური მდგომარეობის შეფასების და გარემოს მდგომარეობის შესახებ ინფორმაციის მომზადება;

კ) გარემოში ბუნებრივი რადიაციული ფონის მონიტორინგი;

ლ) დაცული ტერიტორიების მართვა;

მ) გადაშენების საფრთხის წინაშე მყოფი ფლორისა და ფაუნის სახეობების მონიტორინგი;

ნ) სამეცნიერო-კვლევითი მიზნით ცხოველთა სამყაროს ობიექტების გარემოდან ამოღების რეგულირება;

ო) გარემოს მონიტორინგი (გარემოს მდგომარეობაზე დაკვირვების ერთიანის სისტემის ორგანიზება);

პ) გარემოსდაცვითი ინფორმაციის ფლობა და განახლება;

ჟ) გარემოსდაცვითი ინფორმაციის ხელმისაწავდომობის უზრუნველყოფა;

რ) გარემოსდაცვითი განათლების და გარემოსდაცვითი ცნობიერების ამაღლების ხელშეწყობა;

ს) გარემოს მდგომარეობის შესახებ ეროვნული მოხსენების შედგენა და გამოქვეყნება;

ტ) გარემოს დაცვის მოქმედებათა ეროვნული პროგრამის შემუშავების კოორდინაცია;

უ) კომპეტენციის ფარგლებში საშუალოვადიანი დაგეგმვის დოკუმენტის მომზადების კოორდინაცია (MTEF);

ფ) გარემოზე ზემოქმედების ნებართვის გაცემა;

ქ) ეკოლოგიური ექსპერტიზის ჩატარება;

ღ) “გადაშენების საფრთხის წინაშე მყოფი ველური ფლორისა და ფაუნის სახეობებით საერთაშორისო ვაჭრობის შესახებ” კონვენციის (ჩIთEშ) დანართებში შეტანილი სახეობების, მათი ნაწილებისა და დერივატების ექსპორტის, იმპორტის, რეექსპორტისა და ზღვიდან ინტროდუქციის ნებართვის გაცემა;

ყ) კლიმატის ცვლილების გამომწვევი ქიმიური ნივთიერებების განსაზღვრა და გაფრქვევის მონიტორინგი;

შ) საქართველოს ტერიტორიაზე ოზონდამშლელ ნივთიერებათა მონიტორინგი;

ჩ) გადაშენების პირას მყოფი ველური ფაუნისა და ფლორის სახეობათა განსაზღვრა;

ც) გადაწყვეტილების მიღება წითელ ნუსხაში შეტანილი სახეობების გარემოდან ამოღების შესახებ.

ძ) საქართველოს კანონმდებლობით დადგენილი სხვა ფუნქციები.

3. ამოღებული იქნას კანონის მე-19 მუხლი.

4. ამოღებულ იქნას 57-ე მუხლის პირველი პუნქტი

5. 57-ე მუხლის მე-2 პუნქტი ჩამოყალიბდეს შემდეგი რედაქციით:

2. გარემოს დაცვის სფეროში გამოვლენილ სისხლის სამართლის დანაშაულებზე რეაგირებას უზრუნველყოფს ენერგეტიკისა და ბუნებრივი რესურსების სამინისტროს სახელმწიფო საქვეუწყებო დაწესებულება – საგამოძიებო დეპარტამენტი (შემდგომში – საგამოძიებო დეპარტამენტი), რომელიც ახორციელებს გარემოს დაცვისა და ბუნებრივი რესურსებით სარგებლობის წესის წინააღმდეგ მიმართულ დანაშაულთან ბრძოლას, საქართველოს კონსტიტუციის, საქართველოს საერთაშორისო ხელშეკრულებებისა და შეთანხმებების, საქართველოს სისხლის სამართლისა და სისხლის სამართლის საპროცესო კოდექსების, „ოპერატიულ-სამძებრო საქმიანობის შესახებ“ საქართველოს კანონის, საგამოძიებო დეპარტამენტის დებულების და სხვა საკანონმდებლო და კანონქვემდებარე ნორმატიული აქტების შესაბამისად.”.

6. 57¹ მუხლის პირველი და მე-2 პუნქტები ჩამოყალიბდეს შემდეგი რედაქციით:

“1. საგამოძიებო დეპარტამენტში იმ მოსამსახურის თანამდებობაზე დანიშვნისა და სამსახურის გავლის წესები, რომლის ფუნქციაა ოპერატიულ-სამძებრო საქმიანობის განხორციელება ან სისხლის სამართლის საქმის გამოძიება, განისაზღვრება ენერგეტიკისა და ბუნებრივი რესურსების მინისტრის ბრძანებით.

2. საგამოძიებო დეპარტამენტის მოსამსახურე არის საჯარო მოსამსახურე, რომელზედაც ვრცელდება „საჯარო სამსახურის შესახებ“ საქართველოს კანონით დადგენილი ეკონომიკური, სოციალური და სამართლებრივი დაცვის გარანტიები. საგამოძიებო დეპარტამენტის მოსამსახურის დამატებითი ეკონომიკური, სოციალური და სამართლებრივი დაცვის გარანტიებს ადგენს საქართველოს ენერგეტიკისა და ბუნებრივი რესურსების მინისტრი კანონქვემდებარე ნორმატიული აქტით.”.

მუხლი 2.   ეს კანონი ამოქმედდეს გამოქვეყნებისთანავე.

საქართველოს პრეზიდენტი              მიხეილ სააკაშვილი

დანართი 3

დარგობრივი ეკონომიკისა და

ეკონომიკური პოლიტიკის კომიტეტის

დ ა ს კ ვ ნ ა

„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონში ცვლილების შეტანის თაობაზე”

საქართველოს მთავრობის მიერ საკანონმდებლო ინიციატივის წესით წარმოდგენილ კანონპროექტსა და მისგან გამომდინარე კანონპროექტებზე

დარგობრივი ეკონომიკისა და ეკონომიკური პოლიტიკის კომიტეტმა 10 მარტის სხდომაზე მესამე მოსმენით განიხილა საქართველოს მთავრობის მიერ საკანონმდებლო ინიციატივის წესით წარმოდგენილი კანონპროექტი „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონში ცვლილების შეტანის თაობაზე” და მისგან გამომდინარე კანონპროექტები: „ბირთვული და რადიაციული უსაფრთხოების შესახებ“ საქართველოს კანონში ცვლილებების შეტანის თაობაზე”, „ბუნებრივი რესურსებით სარგებლობისათვის მოსაკრებლების შესახებ“ საქართველოს კანონში ცვლილებების შეტანის თაობაზე”, „სახელმწიფო ქონების შესახებ“ საქართველოს კანონში ცვლილებების შეტანის თაობაზე”, „გარემოს დაცვის ინსპექციის შესახებ” საქართველოს კანონში ცვლილებების შეტანის თაობაზე”, „იარაღის შესახებ“ საქართველოს კანონში ცვლილებების შეტანის თაობაზე”, „ნავთობისა და გაზის შესახებ“ საქართველოს კანონში ცვლილებების შეტანის თაობაზე”, „ოპერატიულ-სამძებრო საქმიანობის შესახებ“ საქართველოს კანონში ცვლილებების შეტანის თაობაზე”, „სახელმწიფო საიდუმლოების შესახებ“ საქართველოს კანონში ცვლილების შეტანის თაობაზე”, „სამეწარმეო საქმიანობის კონტროლის შესახებ“ საქართველოს კანონში ცვლილებების შეტანის თაობაზე”, „სასოფლო-სამეურნეო დანიშნულების მიწის არასასოფლო-სამეურნეო მიზნით გამოყოფისას სანაცვლო მიწის ათვისების ღირებულებისა და მიყენებული ზიანის ანაზღაურების შესახებ“ საქართველოს კანონში ცვლილებების შეტანის თაობაზე”, “საქართველოს სისხლის სამართლის საპროცესო კოდექსში” ცვლილებების შეტანის შესახებ”, “საქართველოს ადმინისტრაციულ სამართალდარღვევათა კოდექსში ცვლილებების შეტანის შესახებ”, „ატმოსფერული ჰაერის დაცვის შესახებ“ საქართველოს კანონში ცვლილებების შეტანის თაობაზე”, „სახელმწიფო ბაჟის შესახებ“ საქართველოს კანონში ცვლილების შეტანის თაობაზე”, “ეკოლოგიური ექსპერტიზის შესახებ” საქართველოს კანონში ცვლილებების შეტანის თაობაზე”, „ელექტროენერგეტიკისა და ბუნებრივი გაზის შესახებ“საქართველოს კანონში ცვლილებების შეტანის თაობაზე”, „ეროვნული საარქივო ფონდისა და ეროვნული არქივის შესახებ“ საქართველოს კანონში ცვლილების შეტანის თაობაზე”, „გარემოს დაცვის შესახებ“ საქართველოს კანონში” ცვლილებების შეტანის თაობაზე”, „გარემოზე ზემოქმედების ნებართვის შესახებ“ საქართველოს კანონში ცვლილებების შეტანის თაობაზე”, „კურორტებისა და საკურორტო ადგილების სანიტარიული დაცვის ზონების შესახებ“ საქართველოს კანონში ცვლილების შეტანის თაობაზე”, „ქალაქ თბილისის საზღვრებში და მიმდებარე ტერიტორიაზე არსებული მწვანე ნარგავებისა და სახელმწიფო ტყის ფონდის განსაკუთრებული დაცვის შესახებ“ საქართველს კანონში ცვლილებების შეტანის თაობაზე”, „საქართველოს ტერიტორიაზე ნარჩენების ტრანზიტისა და იმპორტის შესახებ“ საქართველოს კანონში ცვლილების შეტანის თაობაზე”, „ნიადაგების კონსერვაციისა და ნაყოფიერების აღდგენა-გაუმჯობესების შესახებ“ საქართველოს კანონში ცვლილებების შეტანის თაობაზე”, „პესტიციდებისა და აგროქიმიკატების შესახებ“ საქართველოს კანონში ცვლილებების შეტანის თაობაზე”, ,,საჯარო რეესტრის შესახებ” საქართველოს კანონში ცვლილებების შეტანის შესახებ”, "საქართველოს საკონსულო დაწესებულებათა შესახებ" საქართველოს კანონში ცვლილების შეტანის თაობაზე”, „სამხედრო პოლიციის შესახებ“ საქართველოს კანონში ცვლილების შეტანის თაობაზე”, “საქართველოს ტყის კოდექსში” ცვლილებების შეტანის შესახებ”, საჯარო სამართლის იურიდიული პირის – სატყეო სააგენტოს შესახებ“ საქართველოს კანონში ცვლილებების შეტანის თაობაზე”, „საქართველოს სახელმწიფო საზღვრის შესახებ“ საქართველოს კანონში ცვლილების შეტანის თაობაზე”, “საქართველოს საზღვაო კოდექსში ცვლილების შეტანის შესახებ”, „საქართველოს საზღვაო სივრცის შესახებ“ საქართველოს კანონში ცვლილებების შეტანის თაობაზე”, „შეიარაღების, სამხედრო ტექნიკისა და ორმაგი დანიშნულების პროდუქციის საექსპორტო და საიმპორტო კონტროლის შესახებ“ საქართველოს კანონში ცვლილების შეტანის თაობაზე”, „სახელმწიფო სპეციალური წოდებების შესახებ“ საქართველოს კანონში ცვლილებების შეტანის თაობაზე”, „დაცული ტერიტორიების სისტემის შესახებ“ საქართველოს კანონში ცვლილებების შეტანის თაობაზე”, „დაცული ტერიტორიების სტატუსის შესახებ“ საქართველოს კანონში ცვლილებები შეტანის თაობაზე”,   „თბილისის ეროვნული პარკის შესახებ“ საქართველოს კანონში ცვლილებების შეტანის თაობაზე“, „ბორჯომ-ხარაგაულის დაცული ტერიტორიების შექმნისა და მართვის შესახებ” საქართველოს კანონში ცვლილებების შეტანის თაობაზე”, „კოლხეთის დაცული ტერიტორიების შექმნისა და მართვის შესახებ“ საქართველოს კანონში ცვლილებების შეტანის თაობაზე”, „იმერეთის მღვიმეების დაცული ტერიტორიების შექმნისა და მართვის შესახებ” საქართველოს კანონში ცვლილებების შეტანის თაობაზე”, „თუშეთის, ბაწარა-ბაბანეურის, ლაგოდეხისა და ვაშლოვანის დაცული ტერიტორიების შექმნისა და მართვის შესახებ“ საქართველოს კანონში ცვლილებების შეტანის თაობაზე”  და „საქართველოს ზღვის, წყალსატევებისა და მდინარეთა ნაპირების რეგულირებისა და საინჟინრო დაცვის შესახებ“ საქართველოს კანონში ცვლილებების შეტანის თაობაზე“.