დარგობრივი ეკონომიკისა და

ეკონომიკური პოლიტიკის

კომიტეტის სხდომის 

ოქმი  # 15

 

ქ.                                                                                                                                       თბილისი                                 29 აპრილი 2011 წ.

 

სხდომას თავმჯდომარეობდა: გიორგი მელაძე 

სხდომას მდივნობდა:           რამაზ ყანჩაველი 

სხდომას ესწრებოდნენ:

 

კომიტეტის წევრები:	მ. სამადაშვილი, თ. წურწუმია, რ. მარსაგიშვილი, კ. ბადაგაძე, ზ. კიკალეიშვილი, კ. კურდღელაშვილი, დ. ოვაშვილი, გ. ჩახვაძე, გ. ჯაბუა;
აპარატის მუშაკები:	ი. მერებაშვილი, მ. ჯაფარიძე, ი. გაბისონია, გ. სირაძე, თ. ტეფნაძე,თ. შაბაშვილი, ვ. ქარუმიძე, მ. ჯულაყიძე, თ. ჯაფარიძე;
მოწვეულები:	გია ხუროშვილი – მთავრობის საპარლამენტო მდივანი, დავით მარღანია – სახელმწიფო შესყიდვების სააგენტოს საინფორმაციო ტექნოლოგიების სამსახურის უფროსი, რუსუდან კერვალიშვილი – პარლამენტის წევრი, ანდრო ალავიძე – პარლამენტის წევრი, ზვიად კუკავა – პარლამენტის წევრი

 

 

დღის წესრიგი

 

 

1. 1.საქართველოს პარლამენტის წევრების ზვიად კუკავასა და ანდრო ალავიძის მიერ საკანონმდებლო ინიციატივის წესით წარმოდგენილი კანონპროექტი „სახელმწიფო შესყიდვების შესახებ“ საქართველოს კანონში ცვლილებებისა და დამატებების შეტანის თაობაზე“

/მეორე მოსმენა/

/მომხ. ზვიად კუკავა/

1. 2.საქართველოს პარლამენტის წევრების ზვიად კუკავასა და ანდრო ალავიძის მიერ საკანონმდებლო ინიციატივის წესით წარმოდგენილი კანონპროექტი: „სახელმწიფო შესყიდვების შესახებ“ საქართველოს კანონში ცვლილებებისა და დამატებების შეტანის თაობაზე“ საქართველოს კანონში ცვლილებების შეტანის შესახებ“

/მეორე მოსმენა/

/მომხ. ზვიად კუკავა/

 

1. 3.საქართველოს მთავრობის მიერ საკანონმდებლო ინიციატივის წესით წარმოდგენილი კანონპროექტი „საქართველოს ტყის კოდექსში” ცვლილებებისა და დამატებების შეტანის შესახებ“ და მისგან გამომდინარე კანონპროექტები:

• „ბუნებრივი რესურსებით სარგებლობისათვის მოსაკრებლების შესახებ“ საქართველოს კანონში ცვლილებებისა და დამატების შეტანის თაობაზე”,
• „საქართველოს სისხლის სამართლის კოდექსში დამატების შეტანის შესახებ”,
• „საქართველოს ადმინისტრაციულ სამართალდარღვევათა კოდექსში ცვლილებებისა და დამატებების შეტანის შესახებ”,
• „ტყის ფონდის მართვის შესახებ“ საქართველოს კანონში ცვლილებების შეტანის თაობაზე“

/პირველი მოსმენა/

/მომხ. ნინო ენუქიძე/

 

1. 4.საქართველოს მთავრობის მიერ საკანინმდებლო ინიციატივის წესით წარმოდგენილი კანონპროექტი„რეგულირების საფასურის შესახებ“ საქართველოს კანონში ცვლილებების შეტანის შესახებ“ და მისგან გამომდინარე კანონპროექტები:

• „ლიცენზიებისა და ნებართვების შესახებ“ საქართველოს კანონში ცვლილებებისა და დამატებების შეტანის თაობაზე“,
• „ნავთობისა და გაზის შესახებ“ საქართველოს კანონში ცვლილებების შეტანის თაობაზე“,
• „საქართველოს ადმინისტრაციულ სამართალდარღვევათა კოდექსში დამატების შეტანის შესახებ“

/პირველი მოსმენა/

/მომხ. ნინო ენუქიძე/

 

 

 

1. 5.საქართველოს პარლამენტის წევრის რუსუდან კერვალიშვილის მიერ საკანონმდებლო ინიციატივის წესით წარმოდგენილი საქართველოს პარლამენტის დადგენილების პროექტი „გენდერული თანასწორობის უზრუნველსაყოფად განსახორციელებელი 2011 – 2013 წლების სამოქმედო გეგმის დამტკიცების შესახებ“

/მომხ. რუსუდან კერვალიშვილი/

 

1. 6.საქართველოს პარლამენტის წევრების პავლე კუბლაშვილის, ზვიად კუკავასა და ანდრო ალავიძის მიერ საკანონმდებლო ინიციატივის წესით წარმოდგენილი კანონპროექტი „საჯარო სამართლის იურიდიული პირის _ საქართველოს შინაგან საქმეთა სამინისტროს მომსახურების სააგენტოს მიერ გაწეული მომსახურებისათვის დაწესებული საფასურისა და ვადების შესახებ“ საქართველოს კანონში ცვლილებებისა და დამატებების შეტანის თაობაზე“

/მომხ. ანდრო ალავიძე/

 

1. მეორე    მოსმენით    განიხილეს:	მოხსენება „სახელმწიფო შესყიდვების   შესახებ“ საქართველოს კანონში ცვლილებებისა და დამატებების შეტანის თაობაზე“ საქართველოს პარლამენტის წევრების ზვიად კუკავასა და ანდრო ალავიძის მიერ საკანონმდებლო ინიციატივის წესით წარმოდგენილი კანონპროექტის შესახებ.   მომხსენებელმა   წარმოადგინა გამოთქმული შენიშვნების გათვალისწინებით (დანართი 1) რედაქტირებული კანონპროექტი (დანართი 2).
აზრი გამოთქვეს:	თ. წუმწუმიამ, გ. მელაძემ;
გადაწყვიტეს:	კომიტეტმა მიიღო შესაბამისი გადაწყვეტილება (დანართი ¹3).
2. მეორე    მოსმენით    განიხილეს:	მოხსენება „სახელმწიფო შესყიდვების   შესახებ“ საქართველოს კანონში ცვლილებებისა და დამატებების შეტანის თაობაზე“ საქართველოს კანონში ცვლილებების შეტანის შესახებ“ საქართველოს პარლამენტის წევრების ზვიად კუკავასა და ანდრო ალავიძის მიერ საკანონმდებლო ინიციატივის წესით წარმოდგენილი კანონპროექტის შესახებ. იმის გათვალისწინებით, რომ განხილვის პროცესში კანონპროექტის მიმართ შენიშვნები და წინადადებები არ გამოთქმულა, კანონპროექტის ტექსტი არ შეცვლილა.
აზრი გამოთქვეს:	გ. ჩახვაძემ, გ. მელაძემ;
გადაწყვიტეს:	კომიტეტმა მიიღო შესაბამისი გადაწყვეტილება (დანართი ¹4).
3.  პირველი მოსმენით განიხილეს:	მოხსენება „საქართველოს ტყის კოდექსში” ცვლილებებისა და დამატებების შეტანის შესახებ“ „ბუნებრივი რესურსებით სარგებლობისათვის მოსაკრებლების შესახებ“ საქართველოს კანონში ცვლილებებისა და დამატების შეტანის თაობაზე”, „საქართველოს სისხლის სამართლის კოდექსში დამატების შეტანის შესახებ”, „საქართველოს ადმინისტრაციულ სამართალდარღვევათა კოდექსში ცვლილებებისა და დამატებების შეტანის შესახებ”, „ტყის ფონდის მართვის შესახებ“ საქართველოს მთავრობის მიერ საკანონმდებლო ინიციატივის წესით წარმოდგენილი კანონპროექტი და მისგან გამომდინარე კანონპროექტების შესახებ.   აღინიშნა რომ, კანონპროექტთა პაკეტის მიღების მიზეზია სახელმწიფო ტყის ფონდის ტერიტორიაზე ხე-ტყით სარგებლობის სფეროში არსებული ქაოტური მდგომარეობა, რაც საკმაოდ ართულებს მათზე კონტროლისა და აღრიცხვიანობის განხორციელებას.   შესაბამისად: “საქართველოს ტყის კოდექსში” ცვლილებებისა და დამატებების შეტანის შესახებ“ კანონპროექტის მიღების მიზანია მასში ასახული იქნეს ის ცვლილებები, რომელიც გამომდინარეობს ხე-ტყით სარგებლობის რეგულირების აუცილებლობიდან და დაკავშირებულია საქართველოს ტერიტორიაზე მრგვალი ხე-ტყის (მორის) მოძრაობასთან და პირველადი გადამუშავების სამართლებრივ ურთიერთობების დარეგულირებასთან. “ბუნებრივი რესურსებით სარგებლობისათვის მოსაკრებლების შესახებ” საქართველოს კანონში ცვლილებებისა და დამატების შეტანის ძირითად მიზეზს წარმოადგენს ზეზემდგომი ხის შეფასების დღეს მოქმედი მოთხოვნების დახვეწა. კერძოდ, სახელმწიფო ტყის ფონდის ტერიტორიაზე მერქნული რესურსით სარგებლობისათვის მოსაკრებლის ოდენობა ნაცვლად ორი კატეგორიისა (სამასალე მერქანი უქერქოდ და საშეშე მერქანი ქერქით) იყოფა სახელმწიფო ტყის ფონდის ტერიტორიაზე გავრცელებული მერქნული რესურსის ჯგუფებისა (სახეობებისა) და კატეგორიების მიხედვით. ტყის მერქნიან სახეობათა სხვადასხვა კატეგორიების მიკუთვნების წესი განისაზღვრება საქართველოს მთავრობის დადგენილებით.   „სისხლის სამართლის კოდექსში დამატების შეტანის შესახებ“ კანონპროექტის მიღების მიზანია “საქართველოს ადმინისტრაციულ სამართალდარღვევათა კოდექსში ცვლილებებისა და დამატებების შეტანის შესახებ” საქართველოს კანონპროექტით გათვალისწინებულ სამართალდარღვევის, კერძოდ, სახელმწიფო ტყის ფონდის ტერიტორიაზე მოპოვებული ხე–ტყის სპეციალური ფირნიშებით მარკირების გარეშე ტრანსპორტირების შემთხვევაში, ასეთივე დარღვევისათვის ადმინისტრაციული სახდელის დადების შემდეგ შემოღებულ იქნეს სისხლის სამართლებრივი პასუხისმგებლობის ზომები.   “საქართველოს ადმინისტრაციულ სამართალდარღვევათა კოდექსში ცვლილებების შეტანის შესახებ” საქართველოს კანონის პროექტი წარმოადგენს თანმდევ კანონპროექტს “საქართველოს ტყის კოდექსში” ცვლილებებისა და დამატებების შეტანის შესახებ“. წარმოდგენილი კანონპროექტის მიღების მიზანია ასახული იქნეს ის ცვლილებები, რომელიც გამომდინარეობს “საქართველოს ტყის კოდექსში” ცვლილებებისა და დამატებების შეტანის შესახებ საქართველოს კანონპოროექტით გათვალისწინებული მოთხოვნების შესრულებადობის უზრუნველსაყოფად.   „ტყის ფონდის მართვის შესახებ“ საქართველოს კანონში ცვლილებების შეტანის თაობაზე“ კანონი წარმოადგენს თანმდევ კანონპროექტს “საქართველოს ტყის კოდექსში ცვლილებების შეტანის შესახებ” საქართველოს კანონპროექტის. Mმისი მიღების ძირითად მიზეზს წარმოადგენს ასახული იქნას ის ცვლილებები, რომლიც წარმოიშვება ხე-ტყით სარგებლობის რეგულირების აუცილებლობიდან. აღნიშნულიდან გამომდინარე კანონში ნაცვლად საშეშე მერქნისა მითითებულია მერქნული რესურსი. ამასთან საქართველოს მთვრობას უფლება ეძლევა დადგენილებით განსაზღვროს სსიპ “ბუნერივი რესურსების სააგნეტოს” როგორც მომსახუროების სახეები ისე საფასური.   მომხსენებელმა   წარმოადგინა გამოთქმული შენიშვნების გათვალისწინებით (დანართი 5) რედაქტირებული კანონპროექტი (დანართი 6).
აზრი გამოთქვეს:	მ. სამადაშვილმა,გ.მელაძემ;
გადაწყვიტეს:	კომიტეტმა მიიღო შესაბამისი გადაწყვეტილება (დანართი ¹7).
4. პირველი    მოსმენით      განიხილეს:	მოხსენება „რეგულირების საფასურის შესახებ“ საქართველოს კანონში ცვლილებების შეტანის შესახებ“ „ლიცენზიებისა და ნებართვების შესახებ“ საქართველოს კანონში ცვლილებებისა და დამატებების შეტანის თაობაზე“, „ნავთობისა და გაზის შესახებ“ საქართველოს კანონში ცვლილებების შეტანის თაობაზე“,„საქართველოს ადმინისტრაციულ სამართალდარღვევათა კოდექსში დამატების შეტანის შესახებ“ საქართველოს მთავრობის მიერ საკანინმდებლო ინიციატივის წესით წარმოდგენილი კანონპროექტების თაობაზე. აღინიშნა რომ, საქართველოს მთავრობის მიერ საკანონმდებლო ინიციატივის წესით წარმოდგენილი კანონპროექტი მიზნად ისახავს რეგულირების საფასურის შემოღებას ბუნებრივი რესურსებით სარგებლობის, ნავთობის გადამუშავების, გაზის დამუშავების ან/და ტრანსპორტირების საქმიანობის განხორციელების რეგულირებისათვის, რაც ხელს შეუწყობს, მარეგულირებელი ორგანოების გარდა, კანონპროექტით განსაზღვრული საჯარო სამართლის იურიდიული პირისთვის ფინანსურ დამოუკიდებლობასა და მისთვის დაკისრებული საჯარო ფუნქციის ეფექტურად განხორციელების უზრუნველყოფას.   ამას გარდა, თანმდევი კანონპროექტების მიღების მიზანია, რიგი დებულებები შესაბამისობაში იქნას მოყვანილი ძირითად კანონპროექტთან - “რეგულირების საფასურის შესახებ” საქართველოს კანონში ცვლილებების შეტანის შესახებ”. მომხსენებელმა   წარმოადგინა გამოთქმული შენიშვნების გათვალისწინებით (დანართი 8) რედაქტირებული კანონპროექტი (დანართი 9).
აზრი გამოთქვეს:	გ. ხუროშვილმა,გ, მელაძემ
გადწყვიტეს:	კომიტეტმა მიიღო შესაბამისი გადაწყვეტილება (დანართი ¹10).
5. მოისმინეს:	მოხსენება „გენდერული თანასწორობის უზრუნველსაყოფად განსახორციელებელი 2011 – 2013 წლების სამოქმედო გეგმის დამტკიცების შესახებ“ საქართველოს პარლამენტის წევრის რუსუდან კერვალიშვილის მიერ საკანონმდებლო ინიციატივის წესით წარმოდგენილი საქართველოს პარლამენტის დადგენილების პროექტი.   აღინიშნა რომ, დადგენილების პროექტის მიზანია გენდერული თანასწორობის განხორციელებისათვის უზრუნველყოს კონკრეტული ღონისძიებების განსაზღვრა, ხელი შეუწყოს «გენდერული თანასწორობის შესახებ» კანონის იმპლემენტაციასა და აღნიშნული კანონით გათვალისწინებული პრინციპებისა და დებულებების პრაქტიკულ რეალიზებას.   2011-2013 წლების სამოქმედო გეგმა ითვალისწინებს გენდერული თანასწორობის უზრუნველყოფისათვის კონკრეტული ღონისძიებების განხორციელებას საზოგადოებრივი ცხოვრების სხვადასხვა სფეროში. გეგმის სტრუქტურისა და მისი შინაარსის გათვალისწინებით ღონისძიებები დაგეგმილია შემდეგ რვა სფეროში: 1. გენდერული თანასწორობის ინსტიტუციონალური მექანიზმების გაძლიერება; 2. განათლება და ცნობიერების ამაღლება; 3. ეკონომიკა; 4. სტატისტიკა; 5. ქალთა პოლიტიკური მონაწილეობა; 6. უსაფრთხოება და მშვიდობის მშენებლობა; 7. ჯანმრთელობა და სოციალური დაცვა; 8. გარემოს დაცვა.
აზრი გამოთქვეს:	გ. ჯაბუამ, რ. კერვალიშვილმა, გ.მელაძემ.
გადწყვიტეს:	კომიტეტმა მიიღო შესაბამისი გადაწყვეტილება (დანართი ¹11).
6. მოისმინეს:	მოხსენება „საჯარო სამართლის იურიდიული პირის _ საქართველოს შინაგან საქმეთა სამინისტროს მომსახურების სააგენტოს მიერ გაწეული მომსახურებისათვის დაწესებული   საფასურისა და ვადების შესახებ“ საქართველოს კანონში ცვლილებებისა და დამატებების შეტანის თაობაზე“ საქართველოს პარლამენტის წევრების პავლე კუბლაშვილის, ზვიად კუკავასა და ანდრო ალავიძის მიერ საკანონმდებლო ინიციატივის წესით წარმოდგენილი კანონპროექტი   აღინიშნა რომ, მოქმედ კანონში ცვლილებების და დამატებების შეტანა გამოწვეულია იმ გარემოებით, რომ დღეისათვის მოქმედი წესების თანახმად, სატრანპორტო საშულებების შიდა ტრანზიტული სანომრე ნიშნები სააგენტოს მიერ გაიცემა მხოლოდ იმპორტის სასაქონლო ოპერაციას დაქვემდებარებულ მექანიკურ სატრანსპორტო საშუალებებზე. ვინიდან ასეთი შეზღუდვა იხსნება და შიდა ტრანზიტული სანომრე ნიშნების გაცემა იწარმოებს აგრეთვე ექსპორტის სასაქონლო ოპერაციას დაქვემდებარებულ სატრანსპორტო საშუალებებზე,   საჭიროა შიდა ტრანზიტული ნომრების გაცემის უფლებამოსილება მიენიჭოს საჯარო სამართლის იურიდიული პირს – საქართველოს ფინანსთა სამინისტროს შემოსავლების სამსახურს.   კანონპროექტის თანახმად:   ახლებურად ჩამოყალიბდა შიდა ტრანზიტული სანომრე ნიშნის განმარტება, რომლის თანახმადაც შიდა ტრანზიტი არის დროებითი სანომრე ნიშანი, რომლის გაცემისა და გამოყენების წესი განისაზღვრება საქართველოს შინაგან საქმეთა მინისტრის ბრძანებით;შესაძლებელი გახდება დაინტერესებული პირის მოთხოვნის საფუძველზე, სააგენტოს სტრუქტურული ერთეულის ტერიტორიის ფარგლებს გარეთ სატრანსპორტო საშუალების დათვალიერება, შესაბამისი დათვალიერების აქტის შედგენით ან მის გარეშე, რომლის საფასური განისაზღვრა 20 ლარით; ასევე, შესაძლებელი გახდება დაინტერესებული პირის მოთხოვნის საფუძველზე, სააგენტოს სტრუქტურული ერთეულის ტერიტორიის ფარგლებს გარეთ ერთი ერთეული მექანიკური სატრანსპორტო საშუალების საექსპერტო შემოწმება შემოწმების აქტის შედგენის გარეშე, რომლის საფასურიც განისაზღვრა 20 ლარით;   იზრდება სატრანსპორტო საშუალებათა დროებითი შიდა ტრანზიტული სანომრე ნიშნების გაცემის ვადა, შიდა ტრანზიტული სანომრე ნიშნების გაცემა კანონმდებლობით განსაზღვრული გარემოებების არსებობისას, სააგენტოსთან შეთანხმებით შეუძლიათ განახორციელონ საქართველოს ფინანსთა სამინისტროს მმართველობის სფეროში შემავალი საჯარო სამართლის იურიდიული პირი - შემოსავლების სამსახურს ან/და საქართველოს შინაგან საქმეთა სამინისტროს სისტემაში შემავალმა უფლებამოსილმა ორგანომ; განსაზღვრული გარომოების არსებობისას, შიდა ტრანზიტით მოსარგებლე დაინტერესებულ პირს უფლება აქვს, შიდა ტრანზიტით სარგებლობისათვის ამ კანონით დადგენილი საფასური გადაიხადოს მომსახურების გაწევის შემდგომ, მექანიკური სატრანსპორტო საშუალების მიმართ სასაქონლო ოპერაციის გამოყენებდე.“
აზრი გამოთქვეს:	თ. წურწუმიამ, გ.მელაძემ.
გადაწყვიტეს:	კომიტეტმა მიიღო შესაბამისი გადაწყვეტილება (დანართი ¹12).

 

 

 

სხდომის თავმჯდომარე:                  გიორგი მელაძე

 

სხდომის მდივანი:                         რამაზ ყანჩაველი

 

 

 

 

დანართი 1

 

„სახელმწიფო შესყიდვების შესახებ“

საქართველოს კანონში ცვლილებებისა და დამატებების შეტანის თაობაზე“

საქართველოს პარლამენტის წევრების ზვიად კუკავასა და ანდრო ალავიძის მიერ საკანონმდებლო ინიციატივის წესით წარმოდგენილ კანონპროექტებზე გამოთქმული შენიშვნების გათვალისწინების მდგომარეობის                 ამსახველი ფურცელი

 

	შენიშვნის ავტორი	შენიშვნის მოკლე შინაარსი	გათვალისწინების მდგომარეობა
1	სამუშაო ჯგუფი	კანონის მე–3 მუხლის პირველი პუნქტის „მ“ ქვეპუნქტში უმჯობესი არაკეთილსინდისიერ პირთა რეესტრის ნაცვლად მიეთითოს შავი სია და შესაბამისად ჩასწორდეს მთელ ტექსტში.   კანონის მე–3 მუხლის პირველი პუნქტის „მ“ ქვეპუნქტი მიზანშეწონილია ჩამოყალიბდეს შემდეგი რედაქციით: მ) შესყიდვებში მონაწილე არაკეთილსინდისიერ პირთა რეესტრი (შემდგომში – შავი სია) – შავი სია, რომელსაც ამ კანონით განსაზღვრული უფლებამოსილი ორგანო ელექტრონულად აწარმოებს და განათავსებს თავის ოფიციალურ ვებ-გვერდზე. შავი სია აისახება შესყიდვებში მონაწილე იმ არაკეთილსინდისიერ პირთა, პრეტენდენტთა და მიმწოდებელთა მონაცემები, რომლებსაც შავ სიაში შეტანიდან 1 წლის განმავლობაში არა აქვთ უფლება, მონაწილეობა მიიღონ სახელმწიფო შესყიდვებში და დადონ სახელმწიფო შესყიდვის შესახებ ხელშეკრულება. შავი სია ხელმისაწვდომია ნებისმიერი პირისათვის. შავი სიის წარმოების წესი და პირობები განისაზღვრება ამ კანონით განსაზღვრული უფლებამოსილი ორგანოს თავმჯდომარის მიერ დამტკიცებული კანონქვემდებარე ნორმატიული აქტით (შემდგომში – კანონქვემდებარე ნორმატიული აქტი);   კანონის მე–4 მუხლის მე–6 პუნქტის „კ“ ქვეპუნქტი მიზანშეწონილია ჩამოყალიბდეს შემდეგი რედაქციით: „კ) შავი სიის წარმოება;“.	გათვალისწინებულია   ასახულ იქნა კანონპროექტის პირველი მუხლის პირველი პუნქტის „ა“ ქვეპუნქტში და პირველი მუხლის მე-2 პუნქტში
2	კომიტეტის წევრი გურანდა ჯაბუა	გამოქვეყნების საფასური საჭიროა განიმარტოს და აისახოს კანონის ტერმინთა განმარტებებში	გათვალისწინებულია კანონპროექტის პირველი მუხლის პირველი პუნქტის „ბ“ ქვეპუნქტით
3	კომიტეტის წევრი გურანდა ჯაბუა	კანონპროექტით უნდა დარეგულირდეს შენობა-ნაგებობის დემონტაჟის ან/და დემონტაჟის შედეგად დარჩენილი ტერიტორიის მასალებისა და ნარჩენებისაგან გათავისუფლების სახელმწიფო შესყიდვის პირობების და წესის განისაზღვრის საკითხი.	გათვალისწინებულია კანონპროექტის პირველი მუხლის პირველი პუნქტის „გ“ ქვეპუნქტში და პირველი მუხლის მე-6 პუნქტში
4	სამუშაო ჯგუფი	კანონის მე–3 მუხლის პირველი პუნქტს მიზანშეწონილია დაემატოს „ტ1“ ქვეპუნქტი შემდეგი რედაქციით: ,,ტ1) სტატუსი - ელექტრონული ტენდერის ან გამარტივებული ელექტრონული ტენდერის მიმდინარეობის კონკრეტული ეტაპი;” კანონის 23–ე მუხლის პირველი და მე–5 პუნქტები მიზანშეწონილია ჩამოყალიბდეს შემდეგი რედაქციით: „1. შესყიდვებში მონაწილეობის მსურველს ან პრეტენდენტს გამარტივებული ელექტრონული ტენდერისთვის, ან ელექტრონული ტენდერისთვის კანონქვემდებარე ნორმატიული აქტით გათვალისწინებული სტატუსის მინიჭებამდე შეუძლია გაასაჩივროს შემსყიდველი ორგანიზაციის ან სატენდერო კომისიის ქმედება შემსყიდველ ორგანიზაციაში ან სააგენტოში, თუ მიაჩნია, რომ შესყიდვისას დაირღვა ამ კანონითა და შესაბამისი ნორმატიული აქტებით დადგენილი წესები ან/და შეილახა მისი უფლებები.“.             „5. შემსყიდველ ორგანიზაციას ან სააგენტოს გამოაქვს დასაბუთებული წერილობითი გადაწყვეტილება და აცნობებს მას მომჩივანს საჩივრის მიღებიდან არა უგვიანეს 10 სამუშაო დღისა. სააგენტოს გადაწყვეტილების ცნობებად ჩაითვლება გადაწყვეტილების გამოქვეყნება სააგენტოს ოფიციალურ ვებ-გვერდზე.“.	გათვალისწინებულია ასახულ იქნა კანონპროექტის პირველი მუხლის პირველი პუნქტის „დ“ ქვეპუნქტში და პირველი მუხლის მე-10 პუნქტში
5	სამუშაო ჯგუფი	კანონის მე–7 მუხლის 21 პუნქტი მიზანშეწონილია ჩამოყალიბდეს შემდეგი რედაქციით: „21. შეჩერებული შესყიდვის პროცედურის გაგრძელების წესი განისაზღვრება კანონქვემდებარე ნორმატიული აქტით.“	გათვალისწინებულია ასახულ იქნა კანონპროექტის პირველი მუხლის მე–3 პუნქტში
6	სამუშაო ჯგუფი	კანონის მე–8 მუხლის მე–2 პუნქტი მიზანშეწონილია ჩამოყალიბდეს შემდეგი რედაქციით: „2. ამ მუხლის პირველი პუნქტით განსაზღვრული საქმიანობის განმახორციელებელ პირს ექნება ინტერესთა კონფლიქტი პრეტენდენტთან ან მიმწოდებელთან, თუ მათ შორის არსებობს საქართველოს საგადასახადო კოდექსის მე-19 მუხლით გათვალისწინებული ურთიერთობები. თუ სახელმწიფო შესყიდვებს ახორციელებს ან სახელმწიფო შესყიდვებში მონაწილეობს ის საწარმო, რომლის აქციათა ან წილის 50%-ზე მეტს ფლობს სახელმწიფო ან ადგილობრივი თვითმმართველობის ორგანო, ინტერესთა კონფლიქტთან დაკავშირებულ საკითხებზე საქართველოს საგადასახადო კოდექსის მე–19 მუხლის დებულებების გავრცელების შემთხვევები განისაზღვრება კანონქვემდებარე ნორმატიული აქტით.“.	გათვალისწინებულია ასახულ იქნა კანონპროექტის პირველი მუხლის მე–4 პუნქტში
7	კომიტეტის წევრი თეიმურაზ წურწუმია	მიზანშეწონილია, ელექტრონული ტენდერის ჩატარებისას, განცხადების განთავსების ვალდებულება დაეკისროს იმ საქონლის შესყიდვისას, რომლის სავარაუდო ღირებულება იქნება არა 500 000 როგორც მოქმედ რედაქციაშია არამედ 2 მილიონი ლარი, ანალოგიურად სამუშაოების შესრულების სახელმწიფო შესყიდვისას 1 მილიონი ლარიდან გაიზარდოს 4 მილიონ ლარამდე.	გათვალისწინებულია ასახულ იქნა კანონპროექტის პირველი მუხლის მე–7 პუნქტში
8	სამუშაო ჯგუფი	კანონის 121 მუხლის მე–6 პუნქტი მიზანშეწონილია ჩამოყალიბდეს შემდეგი რედაქციით: „6. შემსყიდველი ორგანიზაცია ვალდებულია შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული ტექსტური მასალები, ტექნიკური სპეციფიკაციები, გეგმები, ნახაზები, ესკიზები და სხვა მასალები შეუსაბამოს საქართველოში და საერთაშორისო პრაქტიკაში აღიარებულ სტანდარტებს, ტექნიკურ მაჩვენებლებს, ტერმინოლოგიას და პირობით აღნიშვნებს. შემსყიდველი ორგანიზაცია ვალდებულია მიუთითოს შესაბამის გამოყენებულ სტანდარტზე, ასეთის არსებობის შემთხვევაში. შესყიდვის ობიექტის აღწერილობაში დაუშვებელია სასაქონლო ნიშნის, პატენტის, მოდელის, წარმოშობის წყაროს ან მწარმოებლის მითითება. ასეთ შემთხვევებში შესყიდვის ობიექტის აღწერისას აუცილებლად უნდა იქნეს გამოყენებული ისეთი ტერმინები, როგორიცაა “მსგავსი”, “ექვივალენტური” და სხვა;“.	გათვალისწინებულია   ასახულ იქნა კანონპროექტის პირველი მუხლის მე–7 პუნქტში
9	კომიტეტის წევრი თეიმურაზ წურწუმია	სასურველია კანონს დაემატოს ორეტაპიანი შესყიდვის მარეგულირებელი მუხლი.	გათვალისწინებულია ასახულ იქნა კანონპროექტის პირველი მუხლის მე–8 და მე-11 პუნქტებში
10	სამუშაო ჯგუფი	კანონის 21–ე მუხლის 21 პუნქტში სიტყვები „ზეპირი ვაჭრობის შედეგად“ უნდა შეიცვალოს სიტყვებით „სახელმწიფო შესყიდვების ერთიანი ელექტრონული სისტემის მეშვეობით“	გათვალისწინებულია ასახულ იქნა კანონპროექტის პირველი მუხლის მე–9 პუნქტში
11	სამუშაო ჯგუფი	კანონპროექტის მე–2 მუხლში უნდა აისახოს კანოპროექტის შესაბამისი დებულებების განსხვავებულ ვადებში ამოქმედების თარიღები.	გათვალისწინებულია   ასახულ იქნა კანონპროექტის მე– მუხლში

 

 

 

 

 

 

 

 

 

 

 

 

 

 

დანართი 2

 

პროექტი

 

საქართველოს კანონი

„სახელმწიფო შესყიდვების შესახებ“ საქართველოს კანონში

ცვლილებებისა და დამატებების შეტანის თაობაზე”

 

მუხლი 1. „სახელმწიფო შესყიდვების შესახებ“ საქართველოს კანონში (საქართველოს საკანონმდებლო მაცნე, №22, 18.05.2005, მუხ. 151) შეტანილ იქნას შემდეგი ცვლილებები და დამატებები:

1. მე-3 მუხლის პირველი პუნქტის:

ა) „მ“ ქვეპუნქტი ჩამოყალიბდეს შემდეგი რედაქციით:

„მ) შესყიდვებში მონაწილე არაკეთილსინდისიერ პირთა რეესტრი (შემდგომში – შავი სია) – შავი სია, რომელსაც ამ კანონით განსაზღვრული უფლებამოსილი ორგანო ელექტრონულად აწარმოებს და განათავსებს თავის ოფიციალურ ვებ-გვერდზე. შავი სია აისახება შესყიდვებში მონაწილე იმ არაკეთილსინდისიერ პირთა, პრეტენდენტთა და მიმწოდებელთა მონაცემები, რომლებსაც შავ სიაში შეტანიდან 1 წლის განმავლობაში არა აქვთ უფლება, მონაწილეობა მიიღონ სახელმწიფო შესყიდვებში და დადონ სახელმწიფო შესყიდვის შესახებ ხელშეკრულება. შავი სია ხელმისაწვდომია ნებისმიერი პირისათვის. შავი სიის წარმოების წესი და პირობები განისაზღვრება ამ კანონით განსაზღვრული უფლებამოსილი ორგანოს თავმჯდომარის მიერ დამტკიცებული კანონქვემდებარე ნორმატიული აქტით (შემდგომში – კანონქვემდებარე ნორმატიული აქტი);”.

ბ) „ო“ ქვეპუნქტის შემდეგ დაემატოს „ო¹“ ქვეპუნქტი შემდეგი რედაქციით:

„ო¹) გამოქვეყნების საფასური – შემსყიდველი ორგანიზაციის მიერ საკონკურსო განცხადებისა და საკონკურსო დოკუმენტაციის ან სატენდერო განცხადებისა და სატენდერო დოკუმენტაციის ელექტრონულად გამოქვეყნებისათვის სააგენტოს ანგარიშზე გადასახდელი სავალდებულო თანხა. გამოქვეყნების საფასურის ოდენობები და გადახდის წესი კონკურსისა და გამარტივებული ელექტრონული ტენდერის და ელექტრონული ტენდერის შემთხვევაში განისაზღვრება კანონქვემდებარე ნორმატიული აქტით;”.

 

 

გ) ,,ყ” ქვეპუნქტი ჩამოყალიბდეს შემდეგი რედაქციით:

                ,,ყ) კონკურსი – ამ კანონის მიზნებისთვის, საპროექტო მომსახურების და შენობა-ნაგებობის დემონტაჟის ან/და დემონტაჟის შედეგად დარჩენილი ტერიტორიის მასალებისა და ნარჩენებისაგან გათავისუფლების სახელმწიფო შესყიდვის ალტერნატიული საშუალება, რომელიც გამოიყენება შემსყიდველის გადაწყვეტილებით;”.

            დ) ,,ტ” ქვეპუნქტის შემდეგ დაემატოს ,,ტ¹” ქვეპუნქტი შემდეგი რედაქციით:

                ,,ტ¹) სტატუსი - ელექტრონული ტენდერის ან გამარტივებული ელექტრონული ტენდერის მიმდინარეობის კონკრეტული ეტაპი;”.

 

2. მე-4 მუხლის მე-6 პუნქტის „კ“ ქვეპუნქტი ჩამოყალიბდეს შემდეგი რედაქციით:

„კ) შავი სიის წარმოება;“.

 

3. მე-7 მუხლის 2¹ პუნქტი ჩამოყალიბდეს შემდეგი რედაქციით:

            „21. შეჩერებული შესყიდვის პროცედურის გაგრძელების წესი განისაზღვრება კანონქვემდებარე ნორმატიული აქტით.“.

 

4. მე-8 მუხლის მე-2 პუნქტი ჩამოყალიბდეს შემდეგი რედაქციით:

„2. ამ მუხლის პირველი პუნქტით განსაზღვრული საქმიანობის განმახორციელებელ პირს ექნება ინტერესთა კონფლიქტი პრეტენდენტთან ან მიმწოდებელთან, თუ მათ შორის არსებობს საქართველოს საგადასახადო კოდექსის მე-19 მუხლით გათვალისწინებული ურთიერთობები. თუ სახელმწიფო შესყიდვებს ახორციელებს ან სახელმწიფო შესყიდვებში მონაწილეობს ის საწარმო, რომლის აქციათა ან წილის 50%-ზე მეტს ფლობს სახელმწიფო ან ადგილობრივი თვითმმართველობის ორგანო, ინტერესთა კონფლიქტთან დაკავშირებულ საკითხებზე საქართველოს საგადასახადო კოდექსის მე–19 მუხლის დებულებების გავრცელების შემთხვევები განისაზღვრება კანონქვემდებარე ნორმატიული აქტით.“.

 

5. 10¹ მუხლის მე-3 პუნქტის ,,ა” ქვეპუნქტი ჩამოყალიბდეს შემდეგი რედაქციით:

,,ა) საქონლის მიწოდება, სამუშაოს შესრულება ან მომსახურების გაწევა მხოლოდ ერთი პირის ექსკლუზიური უფლებაა და არ არსებობს მიზანშეწონილი ალტერნატივა შესყიდვის ობიექტის ჩასანაცვლებლად. ექსკლუზიურ უფლებად არ განიხილება შემთხვევა:

        ა.ა) თუ შესასყიდი საქონლის ან მომსახურების სავარაუდო ღირებულება აღემატება 2 000 000 ლარს, ხოლო სამუშაოს – 4 000 000 ლარს და ქვეყნის გარეთ გონივრულ ტერიტორიულ ფარგლებში არსებობს სხვა პირი, რომელსაც შეუძლია განახორციელოს იგივე საქონლის მიწოდება, მომსახურების გაწევა, სამუშაოს შესრულება;

ა.ბ) თუ შესასყიდი საქონლის ან მომსახურების სავარაუდო ღირებულება არ აღემატება 2 000 000 ლარს, ხოლო სამუშაოს – 4 000 000 ლარს და ქვეყნის შიგნით არსებობს სხვა პირი, რომელსაც შეუძლია განახორციელოს იგივე საქონლის მიწოდება, მომსახურების გაწევა, სამუშაოს შესრულება;”.

 

6. 10² მუხლი ჩამოყალიბდეს შემდეგი რედაქციით:

,,მუხლი 10². კონკურსი       

1. შემსყიდველის გადაწყვეტილებით, საპროექტო მომსახურების და შენობა-ნაგებობის დემონტაჟის ან/და დემონტაჟის შედეგად დარჩენილი ტერიტორიის მასალებისა და ნარჩენებისაგან გათავისუფლების სახელმწიფო შესყიდვა შესაძლებელია განხორციელდეს გამარტივებული შესყიდვის, გამარტივებული ელექტრონული ტენდერისა და ელექტრონული ტენდერისგან განსხვავებული სახელმწიფო შესყიდვის – კონკურსის – საშუალებით.

2. საკონკურსო განცხადება და საკონკურსო დოკუმენტაცია უნდა განთავსდეს სააგენტოს ოფიციალურ ვებ–გვერდზე, რის შედეგადაც საკონკურსო განცხადებას ენიჭება უნიკალური ნომერი და საკონკურსო განცხადება და საკონკურსო დოკუმენტაცია ითვლება ოფიციალურად გამოქვეყნებულად. საკონკურსო განცხადებისა და საკონკურსო დოკუმენტაციის გამოქვეყნებისთვის შემსყიდველი ორგანიზაცია იხდის გამოქვეყნების საფასურს. საჭიროების შემთხვევაში, შემსყიდველ ორგანიზაციას უფლება აქვს გამოიყენოს საკონკურსო განცხადებისა და საკონკურსო დოკუმენტაციის გავრცელების სხვა დამატებითი საშუალებები.

3. საკონკურსო განცხადებისა და საკონკურსო დოკუმენტაციის გამოქვეყნების წესი და პირობები განისაზღვრება კანონქვემდებარე ნორმატიული აქტით.

4. კონკურსის მეშვეობით საპროექტო მომსახურების სახელმწიფო შესყიდვის პირობები და წესი განისაზღვრება კანონქვემდებარე ნორმატიული აქტით.

5. კონკურსის მეშვეობით შენობა-ნაგებობის დემონტაჟის ან/და დემონტაჟის შედეგად დარჩენილი ტერიტორიის მასალებისა და ნარჩენებისაგან გათავისუფლების სახელმწიფო შესყიდვის პირობები და წესი განისაზღვრება საქართველოს მთავრობის დადგენილებით და კანონქვემდებარე ნორმატიული აქტით.”.

 

7. 12¹ მუხლის:

ა) პირველი პუნქტი ჩამოყალიბდეს შემდეგი რედაქციით:

                ,,1. ელექტრონული ტენდერის ჩატარებისას სატენდერო კომისია შემსყიდველი ორგანიზაციის სახელით ელექტრონული ტენდერის ჩატარების შესახებ განცხადებას და სატენდერო დოკუმენტაციას ქართულ ენაზე განათავსებს სახელმწიფო შესყიდვების ერთიან ელექტრონულ სისტემაში. შემსყიდველი ორგანიზაციის გადაწყვეტილებით, ელექტრონული ტენდერის ჩატარების შესახებ განცხადება შესაძლებელია სახელმწიფო შესყიდვების ერთიან ელექტრონულ სისტემაში განთავსდეს ინგლისურ ენაზედაც. თუ შესასყიდი საქონლის ან მომსახურების სავარაუდო ღირებულება აღემატება 2 000 000 ლარს, ხოლო სამუშაოს სავარაუდო ღირებულება – 4 000 000 ლარს, ელექტრონული ტენდერის ჩატარების შესახებ განცხადების სახელმწიფო შესყიდვების ერთიან ელექტრონულ სისტემაში ინგლისურ ენაზე განთავსება სავალდებულოა.”.

ბ) მე-2 პუნქტი ჩამოყალიბდეს შემდეგი რედაქციით:

                ,,2. ელექტრონული ტენდერის და გამარტივებული ელექტრონული ტენდერის შემთხვევებში სატენდერო განცხადება და სატენდერო დოკუმენტაცია უნდა განთავსდეს სახელმწიფო შესყიდვების ერთიან ელექტრონულ სისტემაში, რის შედეგადაც განცხადებას ენიჭება უნიკალური ნომერი და სატენდერო განცხადება და სატენდერო დოკუმენტაცია ითვლება ოფიციალურად გამოქვეყნებულად. სახელმწიფო შესყიდვების ერთიანი ელექტრონულ სისტემის მეშვეობით სატენდერო განცხადებისა და სატენდერო დოკუმენტაციის გამოქვეყნებისთვის შემსყიდველი ორგანიზაცია იხდის გამოქვეყნების საფასურს. სატენდერო განცხადება დამატებით უნდა გამოქვეყნდეს გაზეთ ,,24” საათში კანონქვემდებარე ნორმატიული აქტით დადგენილი წესით. სატენდერო განცხადების გაზეთ ,,24” საათში გამოქვეყნებას უზრუნველყოფს სააგენტო. საჭიროების შემთხვევაში, შემსყიდველ ორგანიზაციას უფლება აქვს გამოიყენოს სატენდერო განცხადებისა და სატენდერო დოკუმენტაციის გავრცელების სხვა დამატებითი საშუალებები.“.

            გ) მე–2 პუნქტი ჩამოყალიბდეს შემდეგი რედაქციით:

„2. ელექტრონული ტენდერის და გამარტივებული ელექტრონული ტენდერის შემთხვევებში სატენდერო განცხადება და სატენდერო დოკუმენტაცია უნდა განთავსდეს სახელმწიფო შესყიდვების ერთიან ელექტრონულ სისტემაში, რის შედეგადაც განცხადებას ენიჭება უნიკალური ნომერი და სატენდერო განცხადება და სატენდერო დოკუმენტაცია ითვლება ოფიციალურად გამოქვეყნებულად. სახელმწიფო შესყიდვების ერთიანი ელექტრონულ სისტემის მეშვეობით სატენდერო განცხადებისა და სატენდერო დოკუმენტაციის გამოქვეყნებისთვის შემსყიდველი ორგანიზაცია იხდის გამოქვეყნების საფასურს. საჭიროების შემთხვევაში, შემსყიდველ ორგანიზაციას უფლება აქვს გამოიყენოს სატენდერო განცხადებისა და სატენდერო დოკუმენტაციის გავრცელების დამატებითი საშუალებები.“.

დ) მე-6 პუნქტი ჩამოყალიბდეს შემდეგი რედაქციით:

„6. შემსყიდველი ორგანიზაცია ვალდებულია შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული ტექსტური მასალები, ტექნიკური სპეციფიკაციები, გეგმები, ნახაზები, ესკიზები და სხვა მასალები შეუსაბამოს საქართველოში და საერთაშორისო პრაქტიკაში აღიარებულ სტანდარტებს, ტექნიკურ მაჩვენებლებს, ტერმინოლოგიას და პირობით აღნიშვნებს. შემსყიდველი ორგანიზაცია ვალდებულია მიუთითოს შესაბამის გამოყენებულ სტანდარტზე, ასეთის არსებობის შემთხვევაში. შესყიდვის ობიექტის აღწერილობაში დაუშვებელია სასაქონლო ნიშნის, პატენტის, მოდელის, წარმოშობის წყაროს ან მწარმოებლის მითითება. ასეთ შემთხვევებში შესყიდვის ობიექტის აღწერისას აუცილებლად უნდა იქნეს გამოყენებული ისეთი ტერმინები, როგორიცაა “მსგავსი”, “ექვივალენტური” და სხვა;“.

 

8. 20² მუხლის შემდეგ დაემატოს 20³ მუხლი შემდეგი რედაქციით:

,,მუხლი 20³. ორეტაპიანი სახელმწიფო შესყიდვა  

1. კანონქვემდებარე ნორმატიული აქტით განსაზღვრული შესყიდვის ობიექტების ორეტაპიანი სახელმწიფო შესყიდვა შეიძლება განხორციელდეს ორეტაპიანი ელექტრონული ტენდერის ან ორეტაპიანი გამარტივებული ელექტრონული ტენდერის მეშვეობით.

2. ორეტაპიანი ელექტრონული ტენდერის ან ორეტაპიანი გამარტივებული ელექტრონული ტენდერის ჩატარების პირობები და წესი განისაზღვრება კანონქვემდებარე ნორმატიული აქტით.

3. ორეტაპიანი ელექტრონული ტენდერის ან ორეტაპიანი გამარტივებული ელექტრონული ტენდერის ჩატარების პირობები და წესი, სახელმწიფო შესყიდვის აღნიშნული საშუალებების თავისებურებათა გათვალისწინებით, შესაძლებელია შეიცავდეს ელექტრონული ტენდერის ან/და გამარტივებული ელექტრონული ტენდერისათვის ამ კანონით დადგენილისაგან განსხვავებულ დებულებებს.”.

 

9. 21-ე მუხლის 2¹ პუნქტი ჩამოყალიბდეს შემდეგი რედაქციით:

              „21. იმ შემთხვევაში, თუ შესყიდვის ობიექტი არის ნავთობპროდუქცია (საწვავი), რომლის ღირებულება თავისი სპეციფიკის გამო დამოკიდებულია საერთაშორისო სასაქონლო ბირჟაზე არსებულ ცვალებად ფასზე ან/და ეროვნული ვალუტის ოფიციალურ გაცვლით კურსზე, სახელმწიფო შესყიდვის შესახებ ხელშეკრულების დადებამდე მიმწოდებელი ვალდებულია შემსყიდველ ორგანიზაციას წარუდგინოს მისაწოდებელი საქონლის ერთეულის პრეტენდენტის მიერ სახელმწიფო შესყიდვების ერთიანი ელექტრონული სისტემის მეშვეობით დაფიქსირებული საბოლოო ფასი, რომელიც გამოთვლილია კანონქვემდებარე ნორმატიული აქტით დადგენილი წესით. ეს მოთხოვნა არ ვრცელდება საზღვარგარეთ საქართველოს დიპლომატიური წარმომადგენლობისა და საკონსულო დაწესებულების მიერ, აგრეთვე თავდაცვის ატაშეს, საქართველოს თავდაცვის სამინისტროსა და საქართველოს შინაგან საქმეთა სამინისტროს წარმომადგენელთა მიერ ნავთობპროდუქციის (საწვავის) შესყიდვაზე.“.

 

            10. 23-ე მუხლის:

            ა) პირველი პუნქტი ჩამოყალიბდეს შემდეგი რედაქციით:

                „1. შესყიდვებში მონაწილეობის მსურველს ან პრეტენდენტს გამარტივებული ელექტრონული ტენდერისთვის, ან ელექტრონული ტენდერისთვის კანონქვემდებარე ნორმატიული აქტით გათვალისწინებული სტატუსის მინიჭებამდე შეუძლია გაასაჩივროს შემსყიდველი ორგანიზაციის ან სატენდერო კომისიის ქმედება შემსყიდველ ორგანიზაციაში ან სააგენტოში, თუ მიაჩნია, რომ შესყიდვისას დაირღვა ამ კანონითა და შესაბამისი ნორმატიული აქტებით დადგენილი წესები ან/და შეილახა მისი უფლებები.“.

 

            ბ) მე-5 პუნქტი ჩამოყალიბდეს შემდეგი რედაქციით:

                „5. შემსყიდველ ორგანიზაციას ან სააგენტოს გამოაქვს დასაბუთებული წერილობითი გადაწყვეტილება და აცნობებს მას მომჩივანს საჩივრის მიღებიდან არა უგვიანეს 10 სამუშაო დღისა. სააგენტოს გადაწყვეტილების ცნობებად ჩაითვლება გადაწყვეტილების გამოქვეყნება სააგენტოს ოფიციალურ ვებ-გვერდზე.“.

 

                11. 24-ე მუხლს მე-10 პუნქტის ,,ე” ქვეპუნქტის შემდეგ დაემატოს ,,ვ” ქვეპუნქტი შემდეგი რედაქციით:

                ,,ვ) 2012 წლის 1 იანვრამდე - ორეტაპიანი ელექტრონული ტენდერის და ორეტაპიანი გამარტივებული ელექტრონული ტენდერის ჩატარების წესის დამტკიცება.”.

 

 

მუხლი 2.

1. ეს კანონი, გარდა ამ კანონის პირველი მუხლის პირველი პუნქტის ,,ბ” და ,,გ” ქვეპუნქტების, მე-3 პუნქტის, მე-6 პუნქტის და მე-7 პუნქტის ,,ბ” და ,,გ” ქვეპუნქტებისა ამოქმედდეს გამოქვეყნებისთანავე.

2. ამ კანონის პირველი მუხლის პირველი პუნქტის ,,ბ” და ,,გ” ქვეპუნქტები, მე-3 პუნქტი, მე-6 პუნქტი და მე-7 პუნქტის ,,ბ” ქვეპუნქტი ამოქმედდეს გამოქვეყნებიდან 30-ე დღეს.

3. ამ კანონის პირველი მუხლის მე–7 პუნქტის „გ“ ქვეპუნქტი ამოქმედდეს 2012 წლის 1 აგვისტოდან.

 

 

საქართველოს პრეზიდენტი               მიხეილ სააკაშვილი

 

 

 

 

 

 

 

 

 

 

 

 

 

 

 

 

 

დანართი 3

 

საქართველოს პარლამენტის ბიუროს

 

 

დარგობრივი ეკონომიკისა და ეკონომიკური პოლიტიკის კომიტეტის

დ ა ს კ ვ ნ ა

„სახელმწიფო შესყიდვების შესახებ“

საქართველოს კანონში ცვლილებებისა და

დამატებების შეტანის თაობაზე“

საქართველოს პარლამენტის წევრების ზვიად კუკავასა და  ანდრო ალავიძის მიერ საკანონმდებლო ინიციატივის წესით

წარმოდგენილ კანონპროექტზე

 

დარგობრივი ეკონომიკისა და ეკონომიკური პოლიტიკის კომიტეტმა 2011 წლის 29 აპრილის სხდომაზე მეორე მოსმენით განიხილა საქართველოს პარლამენტის წევრების ზვიად კუკავასა და ანდრო ალავიძის მიერ საკანონმდებლო ინიციატივის წესით წარმოდგენილი კანონპროექტი „სახელმწიფო შესყიდვების შესახებ“ საქართველოს კანონში ცვლილებებისა და დამატებების შეტანის თაობაზე“ და მომზადებულად მიიჩნია საქართველოს პარლამენტის პლენარულ სხდომაზე მეორე მოსმენით განხილვისათვის.

 

 

 

გიორგი მელაძე

 

კომიტეტის თავმჯდომარე

 

 

 

 

 

 

 

 

დანართი 4

 

საქართველოს პარლამენტის ბიუროს

 

 

დარგობრივი ეკონომიკისა და

ეკონომიკური პოლიტიკის კომიტეტის

 

დ ა ს კ ვ ნ ა

 

„სახელმწიფო შესყიდვების შესახებ“

საქართველოს კანონში ცვლილებებისა და დამატებების შეტანის თაობაზე“

საქართველოს კანონში ცვლილებების შეტანის შესახებ“

საქართველოს პარლამენტის წევრების ზვიად კუკავასა და ანდრო ალავიძის მიერ საკანონმდებლო ინიციატივის წესით

წარმოდგენილ კანონპროექტზე

 

დარგობრივი ეკონომიკისა და ეკონომიკური პოლიტიკის კომიტეტმა 2011 წლის 29 აპრილის სხდომაზე მეორე მოსმენით განიხილა საქართველოს პარლამენტის წევრების ზვიად კუკავასა და ანდრო ალავიძის მიერ საკანონმდებლო ინიციატივის წესით წარმოდგენილი კანონპროექტი „სახელმწიფო შესყიდვების შესახებ“ საქართველოს კანონში ცვლილებებისა და დამატებების შეტანის თაობაზე“ საქართველოს კანონში ცვლილებების შეტანის შესახებ“ და მომზადებულად მიიჩნია საქართველოს პარლამენტის პლენარულ სხდომაზე მეორე მოსმენით განხილვისათვის.

 

 

 

გიორგი მელაძე

 

კომიტეტის თავმჯდომარე

 

 

 

დანართი 5

”ტყის კოდექსში ცვლილებებისა და დამატებების შეტანის თაობაზე"

საქართველოს მთავრობის მიერ საკანონმდებლო ინიციატივის წესით წარმოდგენილ კანონპროექტის თანმდევ კანონპროექტებზე

გამოთქმული შენიშვნების გათვალისწინების მდგომარეობის ამსახველი ფურცელი

	შენიშვნის ავტორი	კანონპროექტი	შენიშვნის შინაარსი	გათვალისწინების მდგომარეობა
1.	დარგობრივი ეკონომიკისა და ეკონომიკური პოლიტიკის კომიტეტი	საქართველოს ადმინისტრაციულ სამართალდარღვევათა კოდექსში ცვლილებებისა და დამატებების შესახებ	კანონპროექტის მე-2 მუხლი ჩამოყალიბდეს შემდეგი რედაქციით:   მუხლი 2. ეს კანონი ამოქმედდეს 2011 წლის 1 ივლისიდან.	გათვალისწინებულია
2.		„ბუნებრივი რესურსებით სარგებლობისათვის მოსაკრებლების შესახებ“ საქართველოს კანონში ცვლილებებისა და დამატების შეტანის თაობაზე	კანონპროექტის მე-3 მუხლი ჩამოყალიბდეს შემდეგი რედაქციით:   მუხლი 3. ეს კანონი ამოქმედდეს 2011 წლის 1 ივლისიდან.	გათვალისწინებულია
3.		საქართველოს სისხლის სამართლის კოდექსში დამატების შეტანის შესახებ	კანონპროექტის მე-3 მუხლი ჩამოყალიბდეს შემდეგი რედაქციით:   მუხლი 3. ეს კანონი ამოქმედდეს 2011 წლის 1 ივლისიდან.	გათვალისწინებულია

 

 

 

დანართი 6

 

საქართველოს კანონი

“საქართველოს ტყის კოდექსში” ცვლილებებისა და დამატებების შეტანის შესახებ

 

მუხლი 1. საქართველოს ტყის კოდექსში (საქართველოს საკანონმდებლო მაცნე, ¹28(35), 1999 წელი, მუხ. 148) შეტანილ იქნეს შემდეგი ცვლილებები და დამატება:

 

1. კოდექსის მე-5 მუხლს დაემატოს შემდეგი შინაარსის “შ”, “ჩ”, “ც”, “ძ”, “წ”, “ჭ” და “ხ” ქვეპუნქტები:

“შ) ხე-ტყე _ საქართველოს ტყის ფონდის ტერიტორიაზე არსებული მერქნული რესურსი;

ჩ) სოციალური ჭრა – საქართველოს კანონმდებლობით დადგენილ შემთხვევებში არაკომერციული მიზნით, მოსახლეობის, საბიუჯეტო ორგანიზაციების, საჯარო სამართლის იურიდიული პირებისა (მათ შორის, საქართველოს კონსტიტუციური შეთანხმებით აღიარებული საჯარო სამართლის იურიდიული პირის) და საქართველოს მთავრობის მიერ განსაზღვრული სხვა პირების ხე-ტყით უზრუნველყოფისთვის შესაბამის ღონისძიებათა განხორციელება;

ც) მრგვალი ხე-ტყე (მორი) - ხე-ტყის დამზადების შედეგად (მათ შორის მოთხრილ-მოტეხილისგან) მიღებული 12 სმ-ზე მეტი (წვრილი ბოლოდან) დიამეტრის მქონე მერქნული რესურსი;

ძ) ხე-ტყის მარკირება – საქართველოს ენერგეტიკისა და ბუნებრივი რესურსების მინისტრის მიერ დადგენილი წესით მრგვალი ხე-ტყის (მორის) სპეციალური ფირნიშის საშუალებით აღრიცხვა;

წ) სპეციალური ფირნიში - ფირნიში, რომელიც ადასტურებს საქართველოს კანონმდებლობით გათვალისწინებულ შემთხვევებში მრგვალი ხე-ტყის (მორის) კანონიერ წარმოშობას და დადგენილი წესით აღირიცხება ერთიან მონაცემთა ბაზაში.

ჭ) სახერხი საამქრო - მეწარმე სუბიექტის მფლობელობაში არსებული მრგვალი ხე-ტყის (მორის) პირველადი გადამამუშავებელი ობიექტი;

ხ) საკონტროლო ფირნიში - სპეციალური ფირნიშის განუყოფელი ნაწილი, რომელიც სახერხ საამქროში მრგვალი ხე-ტყის (მორის) პირველადი გადამუშავების შემდეგ აღრიცხვა-ანაგარიშების მიზნით დადგენილი წესით ექვემდებარება საქართველოს ენერგეტიკისა და ბუნებრივი რესურსების სამინისტროს საჯარო სამართლის იურიდიული პირი ბუნებრივი რესურსების სააგენტოში წარმოდგენას.”.

2. 52-ე მუხლი ჩამოყალიბდეს შედეგი რედაქციით:

“მუხლი 52. ტყითსარგებლობის ვადები

1. საქართველოს ტყის ფონდი გაიცემა მოკლევადიანი (1 წლამდე, მათ შორის, სეზონური) და გრძელვადიანი (49 წლამდე) სარგებლობისათვის. საქართველოს მთავრობის თანხობით შესაძლებელია გაგრძელებულ იქნას ტყის ფონდის სარგებლობის ვადა.

 

3. კოდექსის XXVII თავის სათაური ჩამოყალიბდეს შემდეგი რედაქციით:

 

“თავი XXVII

მრგვალი ხე-ტყის (მორის) მოძრაობისა და პირველადი გადამუშავების ზოგადი მოთხოვნები”.

4. კოდექსის 93-ე მუხლი ჩამოყალიბდეს შემდეგი რედაქციით:

“მუხლი 93. მრგვალი ხე-ტყის (მორის) მოძრაობისა და პირველადი გადამუშავების ზოგადი მოთხოვნები

 

1. საქართველოს ტყის ფონდის ტერიტორიაზე მოპოვებული, ასევე იმპორტირებული ხე-ტყის მოძრაობის, მარკირებისა და მრგვალი ხე-ტყის (მორის) პირველადი გადამუშავების სავალდებულო მოთხოვნები განისაზღვრება “საქართველოს ტერიტორიაზე ხე-ტყის მოძრაობის წესისა და ხე-ტყის პირველადი გადამუშავების ობიექტის (სახერხი საამქრო) ტექნიკური რეგლამენტის დამტკიცების შესახებ” საქართველოს ენერგეტიკისა და ბუნებრივი რესურსების მინისტრის ბრძანებით დადგენილი წესით.

 

2. ამ მუხლის პირველი პუნქტის საფუძველზე განსაზღვრული წესით საქართველოს ტყის ფონდის ტერიტორიაზე მოპოვებულ ხე-ტყეზე შესაბამისი ხე-ტყის წარმოშობის დოკუმენტი გაიცემა სახელმწიფო ტყის ფონდის მართვის უფლების მქონე შესაბამისი ორგანოს მიერ. თვითმმართველი ერთეულისა და კერძო საკუთრების ტერიტორიაზე არსებული ხე-მცენარეებიდან მიღებული მერქნული რესურსის პირველადი გადამუშავების მიზნით შესაბამისი წარმოშობის დოკუმენტი გაიცემა საქართველოს კანონმდებლობით დადგენილი წესით ბუნებრივი რესურსების სააგენტოს მიერ.

 

3. საქართველოს ტყის ფონდის ტერიტორიაზე მოპოვებული ხე-ტყე, რომელსაც ამ მუხლის პირველი პუნქტის საფუძველზე განსაზღვრული წესის თანახმად არ გააჩნია შესაბამისი ხე-ტყის წარმოშობის დოკუმენტი ან მრგვალი ხე-ტყის (მორის) შემთხვევაში დადგენილი წესით არ არის მარკირებული სპეციალური ფირნიშებით იწვევს პასუხისმგებლობას საქართველოს კანონმდებლობით დადგენილი წესით.

 

4. აკრძალულია საქართველოს კანონმდებლობით დადგენილ შემთხვევებში სოციალური ჭრების განხორციელების შედეგად მოპოვებული ხე-ტყის, ასევე მისგან მიღებული პირველადი გადამუშავების პროდუქტის ნებისმიერი ფორმით გასხვისება.”.

 

5. ამოღებულ იქნეს 116-ე მუხლის “ვ” ქვეპუნქტი.

მუხლი 2. გარდამავალი დებულებანი

1. საქართველოს ენერგეტიკისა და ბუნებრივი რესურსების სამინისტრომ ამ კანონის გამოქვეყნებიდან ორი თვის ვადაში გამოსცეს კანონქვემდებარე ნორმატიული აქტი “საქართველოს ტერიტორიაზე ხე-ტყის მოძრაობის წესისა და ხე-ტყის პირველადი გადამუშავების ობიექტის (სახერხი საამქრო) ტექნიკური რეგლამენტის დამტკიცების შესახებ”.

2. საქართველოს ტყის ფონდის ტერიტორიაზე ხე-ტყით სარგებლობასთან დაკავშირებული ღონისძიებების აღრიცხვის მიზნით იქმნება მონაცემთა ერთიანი ბაზა, რომლის წარმოების ინსტრუქცია კანონქვემდებარე ნორმატიული აქტით მტკიცდება საქართველოს ენერგეტიკისა და ბუნებრივი რესურსების მინისტრის მიერ. მონაცემთა ერთიანი ბაზის წარმოება ხორციელდება საქართველოს ტყის კოდექსის მე-15 და მე-16 მუხლებით გათვალისწინებული საქართველოს ტყის ფონდის მართვის უფლების მქონე ორგანოების მიერ, ამ ინსტრუქციის შესაბამისად.

3. საქართველოს ტყის კოდექსის 93-ე მუხლისა და 116-ე მუხლის “ვ” ქვეპუნქტის საფუძველზე, 2011 წლის პირველი იანვრამდე გაცემულ დოკუმენტებს იურიდიული ძალა უნარჩუნდებათ მხოლოდ 2011 წლის პირველ ივლისამდე.

4. საქართველოს ტყის კოდექსის 93-ე მუხლისა და 116-ე მუხლის “ვ” ქვეპუნქტის საფუძველზე, 2011 წლის პირველი იანვრის შემდეგ გაცემულ დოკუმენტებს იურიდიული ძალა უნარჩუნდებათ 1 აგვისტომდე მხოლოდ დადგენილი წესით შეცვლისთვის. იკრძალება აღნიშნული დოკუმენტებით ნებისმიერი ქმედების განხორციელება მათი დადგენილი წესით შეცვლამდე.

5. ამ კანონის ამოქმედებისთანავე სავალდებულოა მრგვალი ხე-ტყის (მორის) ამ კანონის პირველი მუხლის მე-3 პუნქტის საფუძველზე განსაზღვრული წესის თანახმად მარკირება სპეციალური ფირნიშებით, მიუხედავად მისი განთავსების ადგილისა.

 

მუხლი 3. კანონის ამოქმედება

1. ეს კანონი, გარდა მე-2 მუხლის მე-3 პუნქტისა ამოქმედდეს 2011 წლის 1 ივლისიდან.

2. ამ კანონის მე-2 მუხლის მე-3 პუნქტი ამოქმედდეს გამოქვეყნებისთანავე.

 

       საქართველოს პრეზიდენტი                  მიხეილ სააკაშვილი

პროექტი

 

საქართველოს კანონი

 

„ბუნებრივი რესურსებით სარგებლობისათვის მოსაკრებლების შესახებ“ საქართველოს კანონში ცვლილებებისა და დამატების შეტანის თაობაზე

 

მუხლი 1. „ბუნებრივი რესურსებით სარგებლობისათვის მოსაკრებლების შესახებ“ საქართველოს კანონში (საქართველოს საკანონმდებლო მაცნე, N41, 30.12.2004, მუხ. 213) შეტანილ იქნეს შემდეგი ცვლილებები:

1. 1.მე-5 მუხლის მე-2 პუნქტი ჩამოყალიბდეს შემდეგი რედაქციით:

„2. მოსაკრებლის ოდენობა სახელმწიფო ტყის ფონდის ტერიტორიაზე გავრცელებული მერქნული რესურსის ჯგუფებისა (სახეობებისა) და კატეგორიების მიხედვით:

ტყის მერქნიან სახეობათა ჯგუფები (სახეობათა დასახელების ჩათვლით)	მოსაკრებლის ოდენობა ერთი კუბური მეტრისათვის ლარებში
	პირველი კატეგორია	მეორე კატეგორია	მესამე კატეგორია	მეოთხე კატეგორია
1	2	3	4	5
I ჯგუფი: უთხოვარი, ბზა, ღვია, ძელქვა, კაკალი	102	71	41	6
II ჯგუფი: მუხა, წაბლი, იფანი, თელა, თუთა, ნეკერჩხალი, ცაცხვი, პანტა, საღსაღაჯი	60	42	24	4
III ჯგუფი: წიფელი, რცხილა, აკაცია, აკაკი, უხრავი	47	33	19	3
IV ჯგუფი: ფიჭვი, ნაძვი, სოჭი, კედარი, კვიპაროსი, კრიპტომერია, ტუია	22	15	9	2
V ჯგუფი: ჯაგრცხილა, ჭადარი, ტყის დანარჩენი მერქნიანი სახეობები	13	9	5	2

 

                შენიშვნა: ტყის მერქნიან სახეობათა სხვადასხვა კატეგორიების მიკუთვნების წესი განისაზღვრება საქართველოს მთავრობის დადგენილებით.“.

 

1. 2.მე–7 მუხლის მე–3 პუნქტი ჩამოყალიბდეს შემდეგი შინაარსით:

„3. პირი, რომელიც ახორციელებს სანიტარულ ჭრას, ბუნებრივი რესურსების სარგებლობისათვის მოსაკრებლის გადასახადს იხდის მე–5 მუხლის მე–2 პუნქტის შესაბამისად პირველი კატეგორიისთვის დადგენილი მოსაკრებლის 60%–ის ოდენობით.“.

1. 3.მე–7 მუხლს დაემატოს შემდეგი შინაარსის მე–4 პუნქტი:

„4. განსაკუთრებულ შემთხვევებში, საქართველოს კანონმდებლობის შესაბამისად სოციალური ჭრების შედეგად სათბობი შეშით უზრუნველყოფისას საქართველოს მთავრობის გადაწყვეტილებით კატეგორიის მიუხედავად ბუნებრივი რესურსების სარგებლობისათვის მოსაკრებლის გადახდა ხორციელდება მე–5 მუხლის მე–2 პუნქტის მე–4 კატეგორიისთვის დადგენილი მოსაკრებლის ოდენობით.“.

 

            მუხლი 2. ამ კანონის ამოქმედებამდე სახელმწიფო ტყის ფონდში გამოყოფილ ტყეკაფებზე მოპოვებულ ხე–ტყეზე ბუნებრივი რესურსების სარგებლობის მოსაკრებლის გადახდა განხორციელდეს ამ კანონის ამოქმედებამდე არსებული მოსაკრებლების მიხედვით.

 

მუხლი 3. ეს კანონი ამოქმედდეს 2011 წლის 1 ივლისიდან.

 

 

     საქართველოს პრეზიდენტი                                         მიხეილ სააკაშვილი

 

 

 

პროექტი

საქართველოს კანონი

 

საქართველოს სისხლის სამართლის კოდექსში დამატების შეტანის შესახებ

 

   მუხლი 1. საქართველოს სისხლის სამართლის კოდექსს (საქართველოს საკანონმდებლო მაცნე, №41(48), 1999 წელი, მუხ. 209) დაემატოს შემდეგი შინაარსის 3031 მუხლი:

      „მუხლი 303¹. სახელმწიფო ტყის ფონდის ტერიტორიაზე მოპოვებული მრგვალი ხე–ტყის (მორის) სპეციალური ფირნიშებით მარკირების გარეშე ტრანსპორტირება“       

          

1. სახელმწიფო ტყის ფონდის ტერიტორიაზე მოპოვებული მრგვალი ხე–ტყის (მორის) სპეციალური ფირნიშებით მარკირების გარეშე ტრანსპორტირება, ასეთივე დარღვევისათვის ადმინისტრაციული სახდელის დადების შემდეგ,

– ისჯება ჯარიმით ანდა თავისუფლების აღკვეთით ვადით ერთ წლამდე.

2. იგივე ქმედება, ჩადენილი არაერთგზის,

-ისჯება ჯარიმით ანდა თავისუფლების აღკვეთით ვადით ორ წლამდე.

 

 

მუხლი 2. ეს კანონი ამოქმედდეს 2011 წლის 1 ივლისიდან.

 

 

საქართველოს პრეზიდენტი                                               მიხეილ სააკაშვილი

 

პროექტი

საქართველოს კანონი

საქართველოს ადმინისტრაციულ სამართალდარღვევათა

კოდექსში ცვლილებებისა და დამატებების შეტანის შესახებ

მუხლი 1. საქართველოს ადმინისტრაციულ სამართალდარღვევათა კოდექსში (საქართველოს სსრ უმაღლესი საბჭოს უწყებები, №12, 1984 წელი, მუხ. 421) შეტანილ იქნეს შემდეგი ცვლილებები და დამატებები:

1. 1.კოდექსის 66-ე მუხლი ჩამოყალიბდეს შემდეგი რედაქციით:

,,მუხლი 66. უკანონო ტყითსარგებლობა

1. ტყითსარგებლობა ტყით სარგებლობის გენერალური ლიცენზიის, ხე-ტყის დამზადების სპეციალური ლიცენზიისა და ტყითსარგებლობის გრძელვადიანი ხელშეკრულების ან ხე-ტყის დამზადების ბილეთის ან შესაბამისი ხელშეკრულების გარეშე, ან ხე-ტყის დამზადების ბილეთში ან ხელშეკრულებაში მითითებულ პირობათა დარღვევით,

– გამოიწვევს დაჯარიმებას 1000 ლარის ოდენობით, სამართალდარღვევის საგნის და იარაღის კონფისკაციით ან მის გარეშე.

2. ტყით სარგებლობის გენერალური ლიცენზიის, ხე-ტყის დამზადების სპეციალური ლიცენზიისა და ტყითსარგებლობის გრძელვადიანი ხელშეკრულების პირობათა დარღვევა,

– გამოიწვევს დაჯარიმებას 5000 ლარის ოდენობით.

3. სახელმწიფო ტყის ფონდის ტერიტორიაზე სამონადირეო მეურნეობის მოწყობა სათანადო ლიცენზიის გარეშე ან სამონადირეო მეურნეობის მოწყობის მიზნით გაცემული სათანადო ლიცენზიის პირობების დარღვევა,

– გამოიწვევს დაჯარიმებას 1000 ლარის ოდენობით, სამართალდარღვევის საგნის და იარაღის კონფისკაციით ან მის გარეშე.

შენიშვნა: ამ მუხლის მე-3 ნაწილით გათვალისწინებული ადმინისტრაციული პასუხისმგებლობის ზომები ასევე გამოიყენება სახელმწიფო ტყის ფონდის ტერიტორიის ფარგლებს გარეთ ,,ლი­­ცენ­ზიისა და ნებართვების შესახებ” საქართველოს კანონის ამოქ­მედებამდე სამონადირეო მეურნეობის მოწყობის მიზნით გაცემული ცხო­ველთა სამყაროს ობიექტებით სარგებლობის ლიცენზიის მფლო­ბელების მიერ შესაბამისი სალიცენზიო პირობების დარღვევის შემთხვევაში.“

 

1. 2.კოდექსის 128² მუხლი ჩამოყალიბდეს შემდეგი რედაქციით:

„მუხლი 1282. ხე-ტყის ტრანსპორტირებისა და რეალიზაციის, ხე-ტყის პირველადი გადამუშავების მოთხოვნათა დარღვევა

1. ხე-ტყის პირველადი გადამუშავება სახელმწიფო ტყის ფონდის ტერიტორიაზე,

–გამოიწვევს დაჯარიმებას 2000 ლარის ოდენობით, სამართალდარღვევის იარაღის კონფისკაციით ან უამისოდ.

2. უკანონოდ მოპოვებული ხე-ტყის პირველადი გადამუშავება,

– გამოიწვევს დაჯარიმებას 2000 ლარის ოდენობით, ხე-ტყის ან/და მისგან მიღებული პირველადი გადამუშავების პროდუქციის კონფისკაციით და სამართალდარღვევის იარაღის კონფისკაციით ან უამისოდ.

3. ამ მუხლის პირველი ან მე-2 ნაწილით გათვალისწინებული ქმედება, ჩადენილი განმეორებით,

– გამოიწვევს დაჯარიმებას 4000 ლარის ოდენობით, ხე-ტყის ან/და მისგან მიღებული პირველადი გადამუშავების პროდუქციისა და სამართალდარღვევის იარაღის კონფისკაციით.

4. საქართველოს ტყის ფონდის ტერიტორიაზე მოპოვებული ხე-ტყის ტრანსპორტირება საქართველოს ენერგეტიკისა და ბუნებრივი რესურსების მინისტრის კანონქვემდებარე ნორმატიული აქტით გათვალისწინებულ შემთხვევებში სათანადო დოკუმენტის ან სპეციალური ფირნიშებით მარკირების გარეშე ან/და დადგენილი წესების დარღვევით,

– გამოიწვევს დაჯარიმებას 2000 ლარის ოდენობით, ხე-ტყის კონფისკაციით ან უამისოდ.

5. თვითმმართველი ერთეულის ან კერძო საკუთრებაში არსებულ ტერიტორიაზე მოპოვებული ხე-ტყის საქართველოს ენერგეტიკისა და ბუნებრივი რესურსების მინისტრის კანონქვემდებარე ნორმატიული აქტით გათვალისწინებულ შემთხვევებში სპეციალური ფირნიშებით მარკირების გარეშე სახერხ სამქროში განთავსება,

– გამოიწვევს დაჯარიმებას 200 ლარის ოდენობით, ხე-ტყის კონფისკაციით ან უამისოდ.

6. ამ მუხლის მე-5 ნაწილით გათვალისწინებული ქმედება, ჩადენილი განმეორებით,

– გამოიწვევს დაჯარიმებას 400 ლარის ოდენობით, ხე-ტყის კონფისკაციით.

7. კანონმდებლობით დადგენილი წესით სახელმწიფო ტყის ფონდის ტერიტორიაზე სოციალური ჭრების შედეგად მოპოვებული ხე–ტყით უზრუნველყოფის (დაკმაყოფილების) შემდეგ ხე-ტყის მოსარგებლის მიერ ხე-ტყის ტრანსპორტირება საქართველოს ენერგეტიკისა და ბუნებრივი რესურსების მინისტრის კანონქვემდებარე ნორმატიული აქტით გათვალისწინებული წესების დარღვევით ან ხე–ტყის გასხვისება ნებისმიერი ფორმით,

- გამოიწვევს დაჯარიმებას 500 ლარის ოდენობით, ხე-ტყის კონფისკაციით ან უამისოდ.

შენიშვნა:

1. საქართველოს ენერგეტიკისა და ბუნებრივი რესურსების მინისტრის კანონქვემდებარე ნორმატიული აქტით გათვალისწინებულ შემთხვევებში სათანადო დოკუმენტის ან სპეციალური ფირნიშებით მარკირების გარეშე ხე-ტყის ტრანსპორტირებისას ან რეალიზაციისას სამართალდამრღვევს ამ მუხლით გათვალისწინებული სამართალდარღვევის საქმის განხილვამდე დროებით ჩამოერთმევა სატრანსპორტო საშუალება მასზე არსებულ ხე-ტყესთან, ხოლო ამ მუხლის მე–2 და მე–3 ნაწილებით დადგენილ შემთხვევაში მისგან მიღებულ პირველადი გადამუშავების პროდუქტთან ერთად და მას გადაიყვანენ სპეციალურ დაცულ სადგომზე; ტრანსპორტირებისა და სადგომზე შენახვის ხარჯები დაეკისრება სამართალდამრღვევს; სატრანსპორტო საშუალება მის მფლობელს (მესაკუთრეს) დაუბრუნდება ამ მუხლით გათვალისწინებული სამართალდარღვევის საქმის განხილვის დასრულებისა და ამ კოდექსის 119-ე მუხლის შენიშვნის პირველ ნაწილში მითითებული დოკუმენტაციის წარმოდგენისას, გარდა ამ კოდექსის 249-ე მუხლის მე-2 ნაწილით გათვალისწინებული შემთხვევისა.

2. ამ მუხლის მიზნებისთვის უკანონოდ მოპოვებულ ხე-ტყედ ჩაითვლება ხე-ტყე, რომელსაც არ გააჩნია საქართველოს ენერგეტიკისა და ბუნებრივი რესურსების მინისტრის კანონქვემდებარე ნორმატიული აქტით გათვალისწინებულ შემთხვევებში სათანადო დოკუმენტი ან ამავე აქტით დადგენილი წესით არ არის მარკირებული სპეციალური ფირნიშებით.“

 

1. 3.კოდექსს დაემატოს შემდეგი შინაარის 128³ მუხლი:

„მუხლი 128³. ხე–ტყის პირველადი გადამამუშავებელი ობიექტების (სახერხი საამქროების) ტექნიკური რეგლამენტის მოთხოვნების დარღვევა

1. საქართველოს ენერგეტიკისა და ბუნებრივი რესურსების მინისტრის კანონქვემდებარე ნორმატიული აქტით დადგენილი ხე-ტყის პირველადი გადამამუშავებელი ობიექტების (სახერხი საამქროების) ტექნიკური რეგლამენტის მოთხოვნების დარღვევა,

– გამოიწვევს დაჯარიმებას 2000 ლარის ოდენობით, უკანონო ან/და აღურიცხავი ხე-ტყის ან/და მისგან მიღებული ხე-ტყის პირველადი გადამუშავების პროდუქციის კონფისკაციით ან უამისოდ.

2. ამ მუხლის პირველი ნაწილით გათვალისწინებული ქმედება, ჩადენილი განმეორებით,

–       გამოიწვევს დაჯარიმებას 4000 ლარის ოდენობით, უკანონო ან/და აღურიცხავი ხე-ტყის ან/და ხე-ტყის პირველადი გადამუშავების პროდუქციის კონფისკაციით.

3. ამ მუხლის პირველი ან მე-2 ნაწილით გათვალისწინებული ქმედების ჩადენისთვის ადმინისტრაციული სახდელის დადებიდან ერთი წლის განმავლობაში, ამ მუხლის პირველი ნაწილით გათვალისწინებული ქმედება ჩადენილი უკანონო ხე-ტყის მიღებასთან, შენახვასთან, გადამუშავებასთან ანდა ტექნიკური რეგლამენტით გათვალისწინებული შესაბამისი აღრიცხვის ჟურნალის გამოუყენებლობასთან დაკავშირებით,

–       გამოიწვევს დაჯარიმებას 4000 ლარის ოდენობით, უკანონო ან/და აღურიცხავი ხე-ტყის ან/და ხე-ტყის პირველადი გადამუშავების პროდუქციის და სახერხი დანადგარებისა და მოწყობილებების კონფისკაციით.

 

შენიშვნა:

1. ამ მუხლის პირველი, მე-2 და მე-3 ნაწილებით გათვალისწინებულ შემთხვევებში უკანონოდ ჩაითვლება ის ხე-ტყე, რომელსაც არ გააჩნია საქართველოს ენერგეტიკისა და ბუნებრივი რესურსების მინისტრის კანონქვემდებარე ნორმატიული აქტით გათვალისწინებულ შემთხვევებში დადგენილი წესით არ არის მარკირებული სპეციალური ფირნიშებით.

2. ამ მუხლის პირველი მე-2 და მე-3 ნაწილებით გათვალისწინებულ შემთხვევებში აღურიცხავად ჩაითვლება ის ხე-ტყე ან/და ხე-ტყის პირველადი გადამუშავების პროდუქცია, რომელიც არ არის აღრიცხული საქართველოს ენერგეტიკისა და ბუნებრივი რესურსების მინისტრის კანონქვემდებარე ნორმატიული აქტით გათვალისწინებულ შესაბამისი აღრიცხვის ჟურნალში.”

 

1. 4.კოდექსს დაემატოს შემდეგი შინაარის 128⁴ მუხლი:

„მუხლი 128⁴. ხე–ტყის პირველადი გადამამუშავებელი ობიექტების (სახერხი საამქროების) ანგარიშგების მოთხოვნების დარღვევა

1. ხე-ტყის პირველადი გადამამუშავებელი ობიექტების (სახერხი საამქროების) მიერ საქართველოს ენერგეტიკისა და ბუნებრივი რესურსების მინისტრის კანონქვემდებარე ნორმატიული აქტით დადგენილი ანგარიშის წარმოუდგენლობა,

- გამოიწვევს დაჯარიმებას ხუთასი ლარის ოდენობით.

2. საქართველოს ენერგეტიკისა და ბუნებრივი რესურსების მინისტრის კანონქვემდებარე ნორმატიული აქტით დადგენილ შემთხვევებში და ვადებში ხე-ტყის მარკირების სპეციალური ფირნიშების საკონტროლო ფირნიშების შესაბამის ორგანოში წარუდგენლობა, ასევე დაკარგვის ან დაზიანების შემთხვევაში შესაბამისი განაცხადის წარდგენის დადგენილი წესების დარღვევა,

- იწვევს პირის დაჯარიმებას ხუთასი ლარის ოდენობით.

3. ამ მუხლის პირველი და მე–2 ნაწილებით გათვალისწინებული ქმედება, ჩადენილი განმეორებით,

- გამოიწვევს დაჯარიმებას ათასი ლარის ოდენობით.“

 

1. 5.კოდექსს დაემატოს შემდეგი შინაარის 128⁵ მუხლი:

„მუხლი 128⁵. ხე-ტყის წარმოშობის დოკუმენტისა და ხე–ტყის მარკირების სპეციალური ფირნიშების გამოყენების, აღრიცხვისა და ანგარიშგების წესების დარღვევა, იმპორტირებული ხე–ტყის მარკირებისთვის დადგენილი მოთხოვნების დარღვევა

1. ხე-ტყის წარმოშობის დოკუმენტის ან ხე–ტყის მარკირების სპეციალური ფირნიშების გაუხარჯავი ან/და დაზიანებული ფორმების საქართველოს ენერგეტიკისა და ბუნებრივი რესურსების მინისტრის კანონქვემდებარე ნორმატიული აქტით დადგენილ შემთხვევებში და ვადებში შესაბამის ორგანოში წარუდგენლობა, ასევე დაკარგვის შემთხვევაში შესაბამისი განაცხადის წარდგენის დადგენილი წესების დარღვევა,

- გამოიწვევს პირის დაჯარიმებას ხუთასი ლარის ოდენობით.

2. ამ მუხლის პირველი ნაწილით გათვალისწინებული ქმედება, ჩადენილი განმეორებით,

- გამოიწვევს დაჯარიმებას ათასი ლარის ოდენობით.

3. იმპორტირებული ხე–ტყის მარკირებისთვის საქართველოს ენერგეტიკისა და ბუნებრივი რესურსების მინისტრის კანონქვემდებარე ნორმატიული აქტით დადგენილი განაცხადის წარდგენის მოთხოვნების დარღვევა,

- გამოიწვევს დაჯარიმებას ათასი ლარის ოდენობით.“

 

1. 6. 208-ე მუხლი ჩამოყალიბდეს შემდეგი რედაქციით:

„მუხლი 208. რაიონის (ქალაქის) სასამართლო განიხილავს ადმინისტრაციულ სამართალდარღვევათა საქმეებს, რომლებიც გათვალისწინებულია ამ კოდექსის 421 და 422 მუხლებით, 43-ე მუხლის მე-2 ნაწილით, 44-ე–443, 445, 447–4410, 45-ე–491, 501–554, 56-ე, 57-ე–69-ე, 71-ე–78-ე, 791–822, 84-ე–86-ე, 88-ე–893, 912, 94-ე, 95-ე, 97-ე–1002, 1031–1051 და 1054 მუხლებით, 1271 მუხლის მე-5 ნაწილით, 1281, 1282 – 1285,143-ე, 144-ე, 14410, 145-ე, 1461, 148-ე, 150-ე–151-ე, 152-ე, 1522–1531, 1533–1543, 1551–156-ე, 1571–1581, 159-ე–1599, 163-ე, 164-ე, 1644, 1651–1653, 166-ე, 167-ე და 170-ე მუხლებით, 171-ე მუხლის მე-3 ნაწილით, 1711, 1724, 1725, 1734, 1736, 1737, 1739, 17310, 17311, 17312, 1741, 1745, 1748–17414, 1751, 1752, 1778, 1779, 17711, 178-ე, 1791–183-ე, 187-ე–1872, 189-ე, 191-ე (გარდა 191-ე მუხლის პირველი და 11 ნაწილებისა), 192-ე, 195-ე, 1962–1966 და 1971 მუხლებით.

 

1. 7. 222-ე მუხლის პირველი ნაწილი ჩამოყალიბდეს შემდეგი რედაქციით:

 

„1. საქართველოს ენერგეტიკისა და ბუნებრივი რესურსების სამინისტროს ორგანოებს აქვთ ამ კოდექსის 48-ე, 49-ე, 49¹, 51-ე, 51², 51⁴, 51⁵, 52-ე, 53-ე, 53¹, 53², 54-ე, 54¹, 55¹, 55⁴, 56-ე, 57-ე, 57¹, 58-ე, 58¹, 59-ე–60³, 61¹–79², 82-ე–85-ე, 85⁴, 86-ე მუხლებით (გარდა 86-ე მუხლის მე-4 და მე-5 ნაწილებისა), 89-ე–89³, 103-ე−103¹, 128³–128⁵,146¹, 151-ე (გარდა 151-ე მუხლის მე-3 ნაწილისა), 158² და 173⁵ მუხლებით გათვალისწინებულ ადმინისტრაციულ სამართალდარღვევათა საქმეების განხილვისა და ადმინისტრაციული სახდელების დადების უფლება.“

 

9. 239-ე მუხლის მე-4 ნაწილი ჩამოყალიბდეს შემდეგი რედაქციით:

 

„4. ამ კოდექსის 47-ე–49¹, 51-ე–51², 51⁴, 51⁵, 52-ე, 53-ე, 53¹, 53², 54-ე, 54¹, 55¹, 55⁴, 56-ე–60³, 61¹–79², 82-ე–86-ე, 89-ე–89³, 103-ე−103¹, 104-ე, 128²–128⁵, 146¹, 151-ე (გარდა 151-ე მუხლის მე-3 ნაწილისა), 158², 173⁵, 177⁸ და 177⁹ მუხლებით გათვალისწინებულ ადმინისტრაციულ სამართალდარღვევათა ოქმს ადგენენ საქართველოს ენერგეტიკისა და ბუნებრივი რესურსების და საქართველოს გარემოს დაცვის სამინისტროების ორგანოები.“;

 

10. 262-ე მუხლის 2¹ ნაწილი ჩამოყალიბდეს შემდეგი რედაქციით:

 

„2¹. საქართველოს ენერგეტიკისა და ბუნებრივი რესურსების სამინისტროს შესაბამისი ორგანოების მიერ ამ კოდექსის 48-ე, 49-ე, 49¹, 51-ე, 51², 51⁴, 51⁵, 52-ე, 53-ე, 53¹, 53², 54-ე, 54¹, 55¹, 55⁴, 56-ე, 57-ე, 57¹, 58-ე, 58¹, 59-ე–60³, 61¹–79², 82-ე–85-ე, 85⁴, 86-ე მუხლებით (გარდა 86-ე მუხლის მე-5 და მე-6 ნაწილებისა), 89-ე–89³, 128²–128⁵, 146¹, 151-ე, 158² და 173⁵ მუხლებით გათვალისწინებულ ადმინისტრაციულ სამართალდარღვევათა საქმეები განიხილება 14 დღის ვადაში.“.

 

მუხლი 2. ეს კანონი ამოქმედდეს 2011 წლის 1 ივლისიდან.

 

 

საქართველოს პრეზიდენტი                           მიხეილ სააკაშვილი

პროექტი

 

საქართველოს კანონი

 

„ტყის ფონდის მართვის შესახებ“ საქართველოს კანონში

ცვლილებების შეტანის თაობაზე

 

მუხლი 1. „ტყის ფონდის მართვის შესახებ“ საქართველოს კანონში (საქართველოს საკანონმდებლო მაცნე, №39, 19.07.2010, მუხ. 235) შეტანილ იქნეს შემდეგი ცვლილებები:

 

1. მე-3 მუხლის “ი” ქვეპუნქტი ჩამოყალიბდეს შემდეგი რედაქციით:

“ი) მომსახურების საფასური - შესაბამისი მომსახურებისათვის საქართველოს მთავრობის დადგენილებით განსაზღვრული სსიპ “ბუნებრივი რესურსების სააგენტოსათვის” სავალდებულოდ გადასახდელი თანხა.

 

1.  მე-6 მუხლის „მ“ და „ნ“ ქვეპუნქტები ჩამოყალიბდეს შედეგი რედაქციით:

„მ) ხე-ტყის დამზადება;

ნ) ფიზიკური და იურიდიული პირების ხე-ტყით უზრუნველყოფა საქართველოს მთავრობის ინდივიდუალური ადმინისტრაციულ-სამართლებრივი აქტით განსაზღვრული მიზნით და ოდენობით.“.

 

2. მე-12 მუხლი ჩამოყალიბდეს შედეგი რედაქციით:

„მუხლი 12. ხე-ტყის დამზადების ბილეთი

   ხე-ტყის დამზადების ბილეთი გაიცემა ტყის ფონდის ტერიტორიაზე ხე-ტყის დამზადებისათვის.“.

 

3. მე-16 მუხლი ჩამოყალიბდეს შედეგი რედაქციით:

   „მუხლი 16. მომსახურების საფასური.

   სააგენტოს მიერ გაწეული მომსახურების სახეები და საფასური განისაზღვრება საქართველოს მთავრობის დადგენილებით.”.

 

მუხლი 2. ეს კანონი ამოქმედდეს 2011 წლის 1 ივლისიდან.

 

საქართველოს პრეზიდენტი                         მიხეილ სააკაშვილი

დანართი 7

 

საქართველოს პარლამენტის ბიუროს

 

 

დარგობრივი ეკონომიკისა და

ეკონომიკური პოლიტიკის კომიტეტის

 

დ ა ს კ ვ ნ ა

 

კანონპროექტზე

“საქართველოს ტყის კოდექსში” ცვლილებებისა და დამატებების შეტანის შესახებ“

და მისგან გამომდინარე კანონპროექტებზე

 

 

დარგობრივი ეკონომიკისა და ეკონომიკური პოლიტიკის კომიტეტმა 2011 წლის 29 აპრილის სხდომაზე პირველი მოსმენით განიხილა საქართველოს მთავრობის მიერ წარმოდგენილი საქართველოს კანონპროექტი “საქართველოს ტყის კოდექსში” ცვლილებებისა და დამატებების შეტანის შესახებ“ და მისგან გამომდინარე კანონპროექტები: „ბუნებრივი რესურსებით სარგებლობისათვის მოსაკრებლის შესახებ“ საქართველოს კანონში ცვლილებებისა და დამატების შეტანის თაობაზე“, „სისხლის სამართლის კოდექსში დამატების შეტანის შესახებ“, „საქართველოს ადმინისტრაციულ სამართალდარღვევათა კოდექსში“ ცვლილებებისა და დამატებების შესახებ“ და „ტყის ფონდის მართვის შესახებ“ საქართველოს კანონში ცვლილებების შეტანის თაობაზე“.

 

კომიტეტმა წარმოდგენილი კანონპროექტები მომზადებულად მიიჩნია   საქართველოს პარლამენტის პლენარულ სხდომაზე პირველი მოსმენით განხილვისათვის.

 

გიორგი მელაძე

 

კომიტეტის თავმჯდომარე

დანართი 8

”რეგულირების საფასურის შესახებ”

საქართველოს კანონში ცვლილებების შეტანის თაობაზე"

საქართველოს მთავრობის მიერ საკანონმდებლო ინიციატივის წესით წარმოდგენილ კანონპროექტზე და თანმდევ კანონპროექტებზე

გამოთქმული შენიშვნების გათვალისწინების მდგომარეობის ამსახველი ფურცელი

	შენიშვნის ავტორი	კანონპროექტი	შენიშვნის მოკლე შინაარსი	გათვალისწინების მდგომარეობა
1	დარგობრივი ეკონომიკისა და ეკონომიკური პოლიტიკის კომიტეტი	”რეგულირების საფასურის შესახებ” საქართველოს კანონში ცვლილებების შეტანის თაობაზე	საყურადღებოა, რომ კანონპროექტის მე-3 მუხლის პირველ პუნქტში, რომელიც რეგულირების საფასურის ცნებას განსაზღვრავს, ხდება სიტყვა „დამოუკიდებლობის“ ამოღება. აღნიშნული წინააღმდეგობაში მოდის „დამოუკიდებელი ეროვნული მარეგულირებელი ორგანოების შესახებ“ საქართველოს კანონის მე-4 მუხლის 1 პუნქტთან, რომლის მიხედვითაც, „დამოუკიდებელი მარეგულირებელი ორგანო თავის საქმიანობაში ხელმძღვანელობს დამოუკიდებლობის, საჯაროობისა და პასუხისმგებლობის პრინციპებით.“ კომიტეტის მოსაზრებით, სიტყვა „დამოუკიდებლობა“-ს, კანონპროექტით გათვალისწინებული ორგანოების საქმიანობის არსიდან გამომდინარე, არსებითი მნიშვნელობა აქვს, ვინაიდან მოქმედ კანონში არსებული დამოუკიდებლობის პრინციპი უზრუნველყოფს კანონით გათვალისწინებული ორგანოების მიერ მათთვის კანონით განსაზღვრული ფუნქციების განხორციელებისას დამოუკიდებლობის ხარისხს. ზემოხსენებული კანონი თავისი არსიდან გამომდინარე შეეხება დამოუკიდებელ მარეგულირებელ ორგანოებს, ამიტომ კომიტეტს მიზანშეწონილად მიაჩნია, სიტყვა „დამოუკიდებლობა“ უცვლელად იქნას დატოვებული მოქმედ კანონში არსებული რედაქციით, რათა შემდგომში რაიმე ბუნდოვანება არ წარმოიშვას მარეგულირებელი ორგანოების დამოუკიდებლობის ხარისხთან დაკავშირებით.	გათვალიწინებულია
2			კანონპროექტით განსაზღვრული ბუნებრივი რესურსებით სარგებლობის, ნავთობის გადამუშავების, გაზის დამუშავების ან/და ტრანსპორტირების საქმიანობის რეგულირების განმახორციელებელი საჯარო სამართლის იურიდიული პირის სახელწოდება უმჯობესია დაკონკრეტდეს, რათა არ გამოიწვიოს ბუნდოვანება.	არ არის გათვალისწინებული    „რეგულირების საფასურის შესახებ“ საქართველოს კანონი   დღეისათვის   არ აკონკრეტებს დამოუკიდებელი მარეგულირებელი ორგანოების სახელწოდებას. შესაბამისად, მოცემულ შემთხვევაში რომელიმე პირის სახელწოდების მითითება, იურიდიული ტექნიკის თვალსაზირსით, არასწორია.        ამასთან, უნდა აღინიშნოს, რომ წარმოდგენილი კანონპრექტის თანახმად, რეგულირების საფასური განისაზღვრება მხოლოდ იმ პირისათვის, რომლის ფუნქციაც იქნება ბუნებრივი რესურსებით სარგებლობის, ნავთობის გადამუშავების, გაზის დამუშავების ან/და ტრანსპორტირების საქმიანობის რეგულირების განხორციელება.
3		„ნავთობისა და გაზის შესახებ“ საქართველოს კანონში ცვლილებების შეტანის თაობაზე	„ნავთობისა და გაზის შესახებ“ საქართველოს კანონში ცვლილებების შეტანის თაობაზე“ წარმოდგენილი კანონპროექტის მე-2 მუხლის მე-2 პუნქტით დაკისრებული ქმედებების ეფექტური განხორციელებისათვის, უმჯობესია, ბუნებრივი რესურსების სააგენტოს განესაზღვროს კონკრეტული ვადა.	გათვალისწინებულია