დარგობრივი ეკონომიკისა და

ეკონომიკური პოლიტიკის

კომიტეტის სხდომის 

ოქმი #2

 

ქ. თბილისი                                 19 სექტემბერი, 2011 წ.

 

სხდომას თავმჯდომარეობდა: გიორგი მელაძე

 

სხდომას მდივნობდა:           რამაზ ყანჩაველი

 

სხდომას ესწრებოდნენ:

 

კომიტეტის წევრები:	თ. წურწუმია, რ. მარსაგიშვილი, კ. ბადაგაძე,   ზ. კიკალეიშვილი, გ. კანდელაკი, თ. კოხოძე, კ. კურდღელაშვილი, რ. მაისურაძე, დ. ოვაშვილი, გ. ჩახვაძე, გ. ჯაბუა;
აპარატის მუშაკები:	ი. მერებაშვილი, მ. ჯაფარიძე, გ. სირაძე, მ.ჯულაყიძე, ვ. ქარუმიძე, თ. ტეფნაძე, თ.ჯაფარიძე;
მოწვეულები:	ირაკლი გორდულაძე – პრეზიდენტის საპარლამენტო მდივნის მოადგილე, ნინო ენუქიძე – ენერგეტიკისა და ბუნებრივი რესურსების მინისტრის მოადგილე, ირაკლი ღვალაძე – „საქპატენტის“ თავმჯდომარე, ზვიად კუკავა – საქართველოს პარლამენტის წევრი, ეკატერინე ციმაკურიძე – ეკონომიკისა და მდგრადი განვითარების სამინისტროს იურიდიული დეპატამენტის უფროსის მოადგილე;

 

დღის წესრიგი

 

1. 1.საქართველოს პრეზიდენტის მიერ რატიფიკაციისათვის წარმოდგენილი   “საერთაშორისო სარკინიგზო გადაზიდვის შესახებ” 1980 წლის 9 მაისის კონვენციაში (კოტიფი) ცვლილებების შეტანის თაობაზე”1999 წლის 3 ივნისის ოქმთან („საერთაშორისო სარკინიგზო გადაზიდვის შესახებ“ 1980 წლის 9 მაისის კონვენციაში (კოტიფი)ს ტექსტის თანახმად)“ საქართველოს შეერთების თაობაზე

/მომხ. ირაკლი გორდულაძე/

1. 2.საქართველოს პარლამენტის წევრების მიხეილ ცქიტიშვილისა და ზვიად კუკავას მიერ საკანონმდებლო ინიციატივის წესით წარმოდგენილი კანონპროექტი: „საქართველოს ზოგიერთ საკანონმდებლო აქტში ცვლილების შეტანის თობაზე“

(მეორე მოსმენა)

/მომხ. ზვიად კუკავა/

 

1. 3.საქართველოს პარლამენტის წევრების მიხეილ ცქიტიშვილის, ზვიად კუკავასა და დავით ნადაშვილის მიერ საკანონმდებლო ინიციატივის წესით წარმოდგენილი კანონპროექტი: „ლატარიების, აზარტული და სხვა მომგებიანი თამაშობების მოწყობის შესახებ“ საქართველოს კანონში ცვლილების შეტანის თაობაზე“

(პირველი მოსმენა)

/მომხ.ზვიად კუკავა/

 

1. 4.საქართველოს პარლამენტის წევრების თეიმურაზ წურწუმისა და ზვიად კუკავას მიერ საკანონმდებლო ინიციატივის წესით წარმოდგენილი კანონპროექტი: „ნავთობისა და გაზის შესახებ“ საქართველოს კანონში ცვლილების შეტანის თობაზე“

(პირველი მოსმენა)

/მომხ. ნინო ენუქიძე/

 

1. 5.საქართველოს მთავრობის მიერ საკანონმდებლო ინიციატივის წესით წარმოდგენილი კანონპროექტი: „საქონლის ადგილწარმოშობის დასახელებისა და გეოგრაფიული აღნიშვნის შესახებ“ საქართველოს კანონში ცვლილების შეტანის თაობაზე“

(პირველი მოსმენა)

/მომხ. ირაკლი ღვალაძე /

 

1.მოისმინეს:		მოხსენება “საერთაშორისო სარკინიგზო გადაზიდვის შესახებ” 1980 წლის 9 მაისის კონვენციაში (კოტიფი) ცვლილებების შეტანის თაობაზე”1999 წლის 3 ივნისის ოქმთან („საერთაშორისო სარკინიგზო გადაზიდვის შესახებ“ 1980 წლის 9 მაისის კონვენციაში (კოტიფი)   1999 წლის 3 ივნისის ცვლილებების ოქმის ტექსტის თანახმად)“ საქართველოს პრეზიდენტის მიერ რატიფიკაციისათვის წარმოდგენილი საქართველოს შეერთების თაობაზე.   აღინიშნა რომ, საქართველოს რკინიგზით ტვირთის/მგზავრთა საერთშორისო გადაზიდვა/გადაყვანისათვის აუცილებელია შესაბამისი სამართლებრივი რეგულაციების არსებობა. 1992 წელს საქართველო გაწევრინებულ იქნა რკინიგზის თანამშრომლობის ორგანიზაციაში (RTO). აღნიშნულ ორგანიზაციაში გაწევრიანებასთან ერთად საქართველო ასევე შეუერთდა ამ ორგანიზაციის ფარგლებში მოქმედ საერთაშორისო სარკინიგზო სატვირთო მიმოსვლის და საერთაშორისო სამგზავრო მიმოსვლის შესახებ შეთანხმებებს.   აღნიშნული შეთანხმებებით მოწესრიგდა საერთაშორისო გადაზიდვისათვის ისეთი მნიშვნელოვანი საკითხები, როგორიცაა გადაზიდვის დოკუმენტის შედგენა; ტვირთის უსაფრთხო და შეუფერხებელი გადატანა და პასუხისმგებლობა შეთანხმებული ვალდებულებების დარღვევისათვის; პრეტენზიების წარდგენის წესი და ა.შ.   თუმცა, რკინიგზის თანამშრომლობის ორგანიზაციაში ძირითადად გაწევრიანებულნი არიან პოსტსაბჭოთა სივრცის ქვეყნები, ასევე ზოგიერთი აღმოსავლეთ ევროპოს ქვეყანა და აზიის სახელმწიფოები. შესაბმისად, ამ ორგანიზაციის ფარგლებში მოქმედი საერთაშორისო სარკინიგზო სატვირთო მიმოსვლის და საერთაშორისო სამგზავრო მიმოსვლის შესახებ შეთანხმებების მოქმედების არეალიც განისაზღვრება ზემოთ დასახელებული ქვეყნების მიხედვით.   ყარსი-ახალქალაქის სარკინიგზო პროექტმა, რისი დასრულების შემდეგებაც საქართველოს რკინიგზა დაუკავშირდება თურქეთის, ხოლო თურქეთიდან დასავლეთ ევროპის ქვყნებს, ახალი გამოწვევების წინაშე დააყენა საქართველო. თურქეთის და დასავლეთ ევროპის ყველა ქვეყანა შეერთებულია საერთაშორისო სარკინიგზო გადაზიდვების შესახებ კონვენციასთან (COTIF), რომელთანაც შეუერთებლობის გარეშე, ყარსი-ახალქალაქის სარკინიგზო პროექტის დასრულების შემდეგ, საქართველოს რკინიგზიდან ვერც თურქეთის და ვერც დასავლეთ ევროპის რომელიმე სახელმწიფოში ვერ განხორციელდება მგზავრთა გადაყვანა და ტვირთის გადაზიდვა. შესაბამისად, გადაუდებელ აუცილებლობას წარმოადგენს საქართველოს აღნიშნულ კონვენციასთან შეერთება. ვინაიდან ყარსი - ახალქალაქის სარკინიგზო პროექტი გახლავთ რეგიონული პროექტი, რომელშიც ასევე ჩართულია აზერბაიჯანის რკინიგზა, ჩვენს მსგავსად, აზერბაიჯანის რესპუბლიკმაც დაიწყო COTIF-თან შეერთების შიდასახელმწიფოებრივი პროცედურები და საკითხი განსახილველად გადაგზავნილია მინი მეჯლისში.
	აზრი გამოთქვეს:		კანდელაკმა, ოვაშვილმა, მელაძემ;
	გადაწყვიტეს:		კომიტეტმა მიიღო შესაბამისი გადაწყვეტილება (დანართი 1).
	2.მეორე მოსმენით განიხილეს:		მოხსენება „საქართველოს ზოგიერთ საკანონმდებლო აქტში ცვლილების შეტანის თობაზე“ საქართველოს პარლამენტის წევრების მიხეილ ცქიტიშვილისა და ზვიად კუკავას მიერ საკანონმდებლო ინიციატივის წესით წარმოდგენილი კანონპროექტის შესახებ.   წარმოდგენილი იქნა კანონპროექტების მიმართ გამოთქმული შენიშვნების   (დანართი 2) გათვალისწინებით რედაქტირებული კანონპროექტის ტექსტი (დანართი 3)
	აზრი გამოთქვეს:			ციმაკურიძემ, კიკალეიშვილმა, ჩახვაძემ, მელაძემ;
	გადაწყვიტეს:			კომიტეტმა მიიღო შესაბამისი გადაწყვეტილება (დანართი ¹4).
	3. პირველი    მოსმენით    განიხილეს:			მოხსენება „ლატარიების, აზარტული და სხვა მომგებიანი თამაშობების მოწყობის შესახებ“ საქართველოს კანონში ცვლილების შეტანის თაობაზე“ საქართველოს პარლამენტის წევრების მიხეილ ცქიტიშვილის, ზვიად კუკავასა და დავით ნადაშვილის მიერ საკანონმდებლო ინიციატივის წესით წარმოდგენილი კანონპროექტის (დანართი 5) შესახებ   აღინიშნა რომ, „ლატარიების, აზარტული და სხვა მომგებიანი თამაშობების მოწყობის შესახებ“ საქართველოს კანონი განსაზღვრავს საქართველოში ლატარიების, აზარტული და სხვა მომგებიანი თამაშობების ლიცენზიის მფლობელი კომპანიის უფლებებსა და ვალდებულებებს. მათ შორის კანონით განსაზღვრულია, რომ სახელმწიფო ბიუჯეტში უნდა მიიმართოს რეალიზებული ბილეთების ჯამური ღირებულების არანაკლებ 20 პროცენტისა.   გასული პერიოდის განმავლობაში საქართველოს სახელმწიფო გახდა ლატარეის ორგანიზატორი კომპანიის მფლობელი, შესაბამისად სახელმწიფოს მიერ მიღებული შემოსავალი აისახება კომპანიის მიერ გადასახდელ დივიდენდებში.   კანონპროექტის მიზანია გააუმჯობესოს ორგანიზატორი კომპანიის ფინანსურ ლიკვიდურობა და ხელი შეუწყოს ლატარიის ორგანიზებიდან მისაღები შემოსავლების ზრდა. აღნიშნულიდან გამომდინარე დღის წესრიგში დადგა სახელმწიფო ბიუჯეტში მისამართი გადასახდელის შემცირება 10 პროცენტამდე.   ამასთანავე, არსებული კანონით შეზღუდულია ლატარეის ორგანიზებაზე მესამე პირზე უფლებების დელეგირება, რაც ზღუდავს ლატარეის ორგანიზატორის საქმიანობის არეალს, ამცირებს შესაძლო მოგებას და ხელს უშლის სხვა კომპანიების მიერ პრომო-აქციების ორგანიზებას. წარმოდგენილი კანონპროექტი აუქმებს აღნიშნულთან დაკავშირებულ მუხლებს.
	აზრი გამოთქვეს:			ჩახვაძემ, მელაძემ;
	გადაწყვიტეს:			კომიტეტმა მიიღო შესაბამისი გადაწყვეტილება (დანართი ¹6).
	4. პირველი    მოსმენით    განიხილეს:			მოხსენება „ნავთობისა და გაზის შესახებ“ საქართველოს კანონში ცვლილების შეტანის თობაზე“ საქართველოს პარლამენტის წევრების თეიმურაზ წურწუმიასა და ზვიად კუკავას მიერ საკანონმდებლო ინიციატივის წესით წარმოდგენილი კანონპროექტის შესახებ.   აღინიშნა რომ, აღნიშნული კანონპროექტის შემუშავება განპირობებულია იმით, რომ შეზღუდული პასუხისმგებლობის და სააქციო საზოგადოებებში, მეწარმეთა შესახებ საქართველოს კანონის თანახმად, პარტნიორთა (აქციონერთა) მიერ გადაწყვეტილებების მისაღებად საკმარისია ხმათა ნახევარზე მეტი (50%-ზე), შესაბამისად ნავთობის ეროვნულ კომპანიაში სახელმწიფო მიერ 50%-ზე მეტი წილის (აქციების) ფლობა (საკონტროლო პაკეტის ფლობა) სახელმწიფოს აძლევს გადამწყვეტი ხმის უფლებამოსილებას. ამდენად, წარმოდგენილი კანონპროექტით ნავთობის ეროვნულ კომპანიაში სახელმწიფოს მფლობელობაში არსებული 75%-იანი ბარიერი იცვლება და განისაზღვრება 50%-ით.   წარმოდგენილი იქნა კანონპროექტების მიმართ გამოთქმული შენიშვნების   (დანართი 7) გათვალისწინებით რედაქტირებული კანონპროექტის ტექსტი (დანართი 8).
	აზრი გამოთქვეს:			ჩახვაძემ, წურწუმიამ, მელაძემ;
	გადაწყვიტეს:			კომიტეტმა მიიღო შესაბამისი გადაწყვეტილება (დანართი ¹9).
	6. პირველი მოსმენით განიხილეს:			მოხსენება „საქონლის ადგილწარმოშობის დასახელებისა და გეოგრაფიული აღნიშვნის შესახებ“ საქართველოს კანონში ცვლილების შეტანის თაობაზე“ საქართველოს მთავრობის მიერ საკანონმდებლო ინიციატივის წესით წარმოდგენილი კანონპროექტის შესახებ.   აღინიშნა რომ, საქართველოს მთავრობის მიერ საკანონმდებლო ინიციატივის წესით წარმოდგენილი კანონპროექტი მიზნად ისახავს სხვა ქვეყნებში ქართული ადგილწარმოშობის დასახელების ან გეოგრაფიული აღნიშვნების რეგისტრაციისა და დაცვისათვის შესაბამისი ღონისძიებების გატარებას. კერძოდ, აღნიშნული ღონისძიებების გასატარებლად საქპატენტს ენიჭება შესაბამისი უფლებამოსილება იმ შემთხვევაში, როდესაც ადგილწარმოშობის დასახელების ან გეოგრაფიული აღნიშვნების რეგისტრაციისას საქპატენტში განმცხადებელი არის საჯარო ხელისუფლების ორგანო ან საჯარო სამართლის იურიდიული პირი.   კომიტეტის სხდომაზე წარმოდგენილი იქნა კანონპროექტების მიმართ გამოთქმული შენიშვნების   (დანართი 10) გათვალისწინებით რედაქტირებული კანონპროექტის ტექსტი (დანართი 11).
	აზრი გამოთქვეს:			კოხოძემ, ჩახვაძემ, მელაძემ;
	გადაწყვიტეს:			კომიტეტმა მიიღო შესაბამისი გადაწყვეტილება (დანართი 12).

სხდომის თავმჯდომარე:                   გიორგი მელაძე

 

სხდომის მდივანი:                         რამაზ ყანჩაველი

 

 

 

 

დანართი 1

 

 

საქართველოს პარლამენტის ბიუროს

 

საქართველოს პარლამენტის

დარგობრივი ეკონომიკისა და

ეკონომიკური პოლიტიკის კომიტეტის

 

დ ა ს კ ვ ნ ა

 

“საერთაშორისო სარკინიგზო გადაზიდვის შესახებ” 1980 წლის 9 მაისის კონვენციაში (კოტიფი) ცვლილებების შეტანის თაობაზე”1999 წლის 3 ივნისის ოქმზე

 

 

საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტმა 2011 წლის 19 სექტემბრის სხდომაზე განიხილა საქართველოს პრეზიდენტის მიერ რატიფიკაციისათვის წარმოდგენილი “საერთაშორისო სარკინიგზო გადაზიდვის შესახებ” 1980 წლის 9 მაისის კონვენციაში (კოტიფი) ცვლილებების შეტანის თაობაზე”1999 წლის 3 ივნისის ოქმი („საერთაშორისო სარკინიგზო გადაზიდვის შესახებ“ 1980 წლის 9 მაისის კონვენციაში (კოტიფი)   1999 წლის 3 ივნისის ცვლილებების ოქმის ტექსტის თანახმად)“ მასთან საქართველოს შეერთებისათვის და მომზადებულად მიიჩნია საქართველოს პარლამენტის პლენარულ სხდომაზე რატიფიკაციისათვის.

 

 

 

გიორგი მელაძე

 

კომიტეტის თავმჯდომარე

დანართი 1

 

“საქართველოს ზოგიერთ საკანონმდებლო აქტში ცვლილებების შეტანის თაობაზე”

პარლამენტის წევრების მ. ცქვიტიშვილისა და ზ. კუკავას მიერ წარმოდგენილ კანონპროქტზე გამოთქმული შენიშვნების გათვალისწინების მდგომარეობის ამსახველი ფურცელი

 

შენიშვნის ავტორი	შენიშვნის შინაარსი	გათვალისწინების მდგომარეობა
დარგობრივი ეკონომიკისა და ეკონომიკური პოლიტიკის კომიტეტი	კანონპროექტის პირველი მუხლის პირველ პუნქტში გათვალისწინებული „აქციების გლობალური დეპოზიტარული ხელწერილების ფორმა“ უნდა შეიცვალოს „აქციებად ან სერტიფიკატით წარმოდგენილ აქციებად“, რათა პრივატიზაციის ახალმა ფორმამ მოიცვას სხვა სახის ხელწერილებიც. „სერტიფიკატი“ თავისი შინაარსით მოიცავს არა მხოლოდ გლობალურ დეპოზიტარულ ხელწერილს (GDR), არამედ ამერიკულ დეპოზიტარულ ხელწერილს (ADR) და სხვა ნებისმიერი სახის ხელწერილსაც. ამავე დროს, უნდა დაკონკრეტდეს შეთავაზების ფორმები: როგორც პირდაპირი, ასევე, შუამავლის მეშვეობით განხორციელებული შეთავაზება. ასევე, ამავე მუხლს დაემატოს კერძო შეთავაზების საშუალებაც. შესაბამისი ცვლილებები უნდა განხორციელდეს კანონპროექტის მთელ ტექსტის ფარგლებში პრივატიზაციის ახალ ფორმებზე მითითების დროს.	გათვალისწინებულია
	კანონპროექტის მე-4 მუხლი შეიცავს ტექნიკური ხასიათის ხარვეზს, კერძოდ, „წილებისა და აქციების“ ნაცვლად უნდა მიეთითოს „წილების ან აქციების“	გათვალისწინებულია
	კანონპროექტის 1.5 მუხლი დაკონკრეტდეს და მიეთითოს, რომ ახალი ფორმებით პრივატიზება ხორციელდება „სამინისტროს წინადადების საფუძველზე“.	გათვალისწინებულია
	მიზანშეწონილია, რომ კანონპროექტის 1.7.3 მუხლში მიეთითოს, თუ რას მოიცავს „პრივატიზების ზოგადი პირობები“.	გათვალისწინებულია
	კანონპროექტის 1.7.4 მუხლი უნდა დაზუსტდეს, რაც გამოიხატება საქართველოს მთავრობის განკარგულებით განსაზაღვრული პირობების ჩამონათვალში. განკარგულებამ უნდა მიუთითოს არა მარტო ფიქსირებული რაოდენობები და ფასები, არამედ არსებობდეს შესაძლებლობა მათი პროცენტული მაჩვენებლებით და მაქსიმალური ან/და მინიმალური ზღვრებით ჩამოყალიბების, რაც უკავშირდება პრივატიზაციის ახალი ფორმების სპეციფიკურ ბუნებას. ასევე, აუცილებელია, ამავე მუხლიდან ამოღებული იქნას ჩანაწერი: “საქართველოს მთავრობა უფლებას აძლევს“, რადგანაც აღნიშნულს მოიცავს 1.7.5 მუხლი (შენიშვნა N6).	გათვალისწინებულია
	მიზანშეწონილია, რომ საქართველოს მთავრობის განკარგულებით სამინისტროს მიენიჭოს უფლებამოსილება განსაზღვროს პრივატიზაციის კონკრეტული პირობები, მთავრობის გადაწყვეტილების შესაბამისად. აღნიშნული გათვალისწინებული უნდა იქნას 1.7.5 მუხლში.	გათვალისწინებულია
	ასევე, აუცილებელია, პრივატიზაციის ახალი ფორმები ითვალისწინებდეს შესაძლებლობას, რომ საქართველოს მთავრობის განკარგულებით დადგინდეს სერტიფიკატით წარმოდგენილი აქციების მიმართ ხმის უფლების ან სხვა უფლებასთან დაკავშირებული შეზღუდვები და ვალდებულებები. აღნიშნული გათვალისწინებული უნდა იქნას კანონპროექტის 1.7.6 მუხლში. ამასთან, აღნიშნული საჭიროებს შესაბამის ცვლილებას კანონპროექტის მე-2 მუხლში.	გათვალისწინებულია
	მიზანშეწონილია, რომ კანონპროექტის 1.7.5, 1.7.6 და 1.7.8 მუხლები გაერთიანდეს და ჩამოყალიბდეს ერთ 1.7.7 მუხლში, რადგან აღნიშნული მუხლებით გათვალისწინებული ყველა მოქმედებება უნდა განხორციელდეს საქართველოს მთავრობის განკარგულებით დადგენილი წესით და ამავე განკარგულებით დადგენილ ვადაში	გათვალისწინებულია
	„მეწარმეთა შესახებ“ საქართველოს კანონის შესაბამისი მუხლი მიზანშეწონილია შეიცავდეს დებულებებს წილების ან აქციების ან სერტიფიკატებით წარმოდგენილი აქციების, პირდაპირ ან შუამავლის მეშვეობით, საჯარო ან კერძო შეთავაზების გზით, უცხო ქვეყნის აღიარებულ საფონდო ბირჟაზე ან მოცემულ დროს საერთაშორისო კაპიტალის ბაზრებზე არსებულ პრაქტიკასთან შესაბამისობაში მყოფი შეთავაზების სხვაგვარი ფორმით პრივატიზებისას აქციების და წელების მფლობელთა უფლებების და ვალდებულებების კომპანიის წესდებით კანონისგან განსხვავებულად რეგულირების შესაძლებლობის თაობაზე	გათვალისწინებულია

 

 

 

 

 

 

 

 

 

 

 

 

 

დანართი 3

 

პროექტი

 

საქართველოს კანონი

 

საქართველოს ზოგიერთ საკანონმდებლო აქტში

ცვლილების შეტანის თაობაზე

 

მუხლი 1          „სახელმწიფო ქონების შესახებ“ საქართველოს კანონში (საქართველოს საკანონმდებლო მაცნე, №48, 09.08.2010, მუხ. 312) შეტანილ იქნეს შემდეგი ცვლილება:

 

1. მე-2 მუხლის „გ“ ქვეპუნქტი ჩამოყალიბდეს შემდეგი რედაქციით:

„გ) პრივატიზება – ელექტრონული ან/და საჯარო აუქციონის, პირდაპირი მიყიდვის, კონკურენტული შერჩევის საფუძველზე პირდაპირი მიყიდვისა და უსასყიდლო გადაცემის ფორმებით, აგრეთვე წილების ან აქციების ან სერტიფიკატებით წარმოდგენილი აქციების, პირდაპირ ან შუამავლის მეშვეობით, საჯარო ან კერძო შეთავაზების გზით, უცხო ქვეყნის აღიარებულ საფონდო ბირჟაზე ან მოცემულ დროს საერთაშორისო კაპიტალის ბაზრებზე არსებულ პრაქტიკასთან შესაბამისობაში მყოფი შეთავაზების სხვაგვარი ფორმით ფიზიკური ან იურიდიული პირების ან მათი გაერთიანებების მიერ სახელმწიფო ქონებაზე საკუთრების უფლების შეძენა ამ კანონით დადგენილი წესით.“.

 

2. მე-2 მუხლს „გ“ ქვეპუნქტის შემდეგ დაემატოს შემდეგი შინაარსის „გ¹“ ქვეპუნქტი:

„გ¹) უცხო ქვეყნის აღიარებული საფონდო ბირჟა - „ფასიანი ქაღალდების ბაზრის შესახებ“ საქართველოს კანონის მე-2 მუხლის 62-ე პუნქტის შესაბამისად საქართველოს ეროვნული ბანკის მიერ აღიარებულ ბირჟათა სიაში შეყვანილი საფონდო ბირჟა;“.

 

3. 41-ე მუხლის მე-2 პუნქტი ჩამოყალიბდეს შემდეგი რედაქციით:

„2. წილების ან აქციების პრივატიზება შეიძლება განხორციელდეს აუქციონის და პირდაპირი მიყიდვის ფორმებით, აგრეთვე წილების ან აქციების ან სერტიფიკატებით წარმოდგენილი აქციების, პირდაპირ ან შუამავლის მეშვეობით, საჯარო ან კერძო შეთავაზების გზით, უცხო ქვეყნის აღიარებულ საფონდო ბირჟაზე ან მოცემულ დროს საერთაშორისო კაპიტალის ბაზრებზე არსებულ პრაქტიკასთან შესაბამისობაში მყოფი შეთავაზების სხვაგვარი ფორმით.“.

 

4. 42-ე მუხლის სათაური ჩამოყალიბდეს შემდეგი რედაქციით:

„მუხლი 42. წილების ან აქციების პრივატიზება აუქციონისა და პირდაპირი მიყიდვის ფორმებით, წილებისა ან აქციების ან სერტიფიკატებით წარმოდგენილი აქციების პრივატიზება პირდაპირ ან შუამავლის მეშვეობით, საჯარო ან კერძო შეთავაზების გზით, უცხო ქვეყნის აღიარებულ საფონდო ბირჟაზე ან მოცემულ დროს საერთაშორისო კაპიტალის ბაზრებზე არსებულ პრაქტიკასთან შესაბამისობაში მყოფი შეთავაზების სხვაგვარი ფორმით“.

 

5. 42-ე მუხლს დაემატოს შემდეგი შინაარსის მე-3 პუნქტი:

„3. წილების ან აქციების ან სერტიფიკატებით წარმოდგენილი აქციების, პირდაპირ ან შუამავლის მეშვეობით, საჯარო ან კერძო შეთავაზების გზით, უცხო ქვეყნის აღიარებულ საფონდო ბირჟაზე ან მოცემულ დროს საერთაშორისო კაპიტალის ბაზრებზე არსებულ პრაქტიკასთან შესაბამისობაში მყოფი შეთავაზების სხვაგვარი ფორმით პრივატიზება ხორციელდება სამინისტროს წინადადების საფუძველზე საქართველოს მთავრობის გადაწყვეტილებით, ამ კანონის 45¹ მუხლით დადგენილი წესით.“.

 

6. 45-ე მუხლს დაემატოს შემდეგი შინაარსის მე-5 პუნქტი:

„5. ამ მუხლის მე-2-მე-4 პუნქტებით დადგენილი წესი არ ვრცელდება წილების ან აქციების ან სერთიფიკატების ფორმით წარმოდგენილი აქციების, პირდაპირ ან შუამავლის მეშვეობით, საჯარო ან კერძო შეთავაზების გზით, უცხო ქვეყნის აღიარებულ საფონდო ბირჟაზე ან მოცემულ დროს საერთაშორისო კაპიტალის ბაზრებზე არსებულ პრაქტიკასთან შესაბამისობაში მყოფი შეთავაზების სხვაგვარი ფორმით პრივატიზების შემთხვევაზე.“.

 

7. კანონს დაემატოს შემდეგი შინაარსის 45¹ მუხლი:

„მუხლი 45¹. წილებისა ან აქციების ან სერტიფიკატებით წარმოდგენილი აქციების, პირდაპირ ან შუამავლის მეშვეობით, საჯარო ან კერძო შეთავაზების გზით, უცხო ქვეყნის აღიარებულ საფონდო ბირჟაზე ან მოცემულ დროს საერთაშორისო კაპიტალის ბაზრებზე არსებულ პრაქტიკასთან შესაბამისობაში მყოფი შეთავაზების სხვაგვარი ფორმით პრივატიზების წესი

 

1. წილების ან აქციების ან სერტიფიკატებით წარმოდგენილი აქციების, პირდაპირ ან შუამავლის მეშვეობით, საჯარო ან კერძო შეთავაზების გზით, უცხო ქვეყნის აღიარებულ საფონდო ბირჟაზე ან მოცემულ დროს საერთაშორისო კაპიტალის ბაზრებზე არსებულ პრაქტიკასთან შესაბამისობაში მყოფი შეთავაზების სხვაგვარი ფორმით პრივატიზება ხორციელდება საქართველოს მთავრობის გადაწყვეტილებით, სამინისტროს წარდგინების საფუძველზე.

 

2. სამინისტრო საქართველოს მთავრობისთვის დასაბუთებული წინადადების წარდგენამდე განსაზღვრავს წილების ან აქციების ან სერტიფიკატებით წარმოდგენილი აქციების, პირდაპირ ან შუამავლის მეშვეობით, საჯარო ან კერძო შეთავაზების გზით, უცხო ქვეყნის აღიარებულ საფონდო ბირჟაზე ან მოცემულ დროს საერთაშორისო კაპიტალის ბაზრებზე არსებულ პრაქტიკასთან შესაბამისობაში მყოფი სხვაგვარი ფორმით შეთავაზების ხელსაყრელ დროს და შეიმუშავებს შესაბამისი დოკუმენტების პროექტებს, ასევე ახორციელებს კანონმდებლობით გათვალისწინებულ სხვა ღონისძიებებს.

 

3. სამინისტროს დასაბუთებული წინადადება, სადაც მოცემულია პრივატიზების ზოგადი პირობები, მათ შორის, პრივატიზების ფორმა, ვადა და პრივატიზების სხვა არსებითი პირობები, სამინისტროს მიერ მომზადებული დოკუმენტების პროექტებთან ერთად წარედგენება საქართველოს მთავრობას.

 

4. საქართველოს მთავრობა სამინისტროს დასაბუთებული წინადადების მოწონების შემთხვევაში განკარგულებით იღებს გადაწყვეტილებას წილების ან აქციების ან სერტიფიკატებით წარმოდგენილი აქციების, პირდაპირ ან შუამავლის მეშვეობით, საჯარო ან კერძო შეთავაზების გზით, უცხო ქვეყნის აღიარებულ საფონდო ბირჟაზე ან მოცემულ დროს საერთაშორისო კაპიტალის ბაზრებზე არსებულ პრაქტიკასთან შესაბამისობაში მყოფი სხვაგვარი შეთავაზების ფორმით პრივატიზების თაობაზე. საქართველოს მთავრობის განკარგულებით განისაზღვრება პრივატიზების პირობები, მათ შორის:

ა) პრივატიზებას დაქვემდებარებული წილების ან აქციების რაოდენობრივი ან პროცენტული მაჩვენებელი ან ამ მაჩვენებლის მაქსიმალური ან/და მინიმალური ზღვარი;

ბ)            წილების ან აქციების ან სერტიფიკატებით წარმოდგენილი აქციების საპრივატიზებო საფასური (საჯარო შეთავაზების შემთხვევაში, საწყისი საპრივატიზებო საფასური) და ანგარიშსწორების წესი და პირობები;

გ)            სამინისტროს წინადადებაში განსაზღვრული გრაფიკის შესაბამისად, პრივატიზების პროცესის დასრულებისათვის საჭირო ძირითადი თარიღები, შესაბამისი ხელშეკრულებების გაფორმების ვადა, წილებსა და აქციებზე ან სერტიფიკატებით წარმოდგენილ აქციებზე საკუთრების უფლების შეძენის სხვა პირობები, რომელთა შესაბამისად სამინისტრო განახორციელებს წილების ან აქციების ან სერტიფიკატებით წარმოდგენილი აქციების, პირდაპირ ან შუამავლის მეშვეობით, საჯარო ან კერძო შეთავაზების გზით, უცხო ქვეყნის აღიარებულ საფონდო ბირჟაზე ან მოცემულ დროს საერთაშორისო კაპიტალის ბაზრებზე არსებულ პრაქტიკასთან შესაბამისობაში მყოფი სხვაგვარი ფორმით შეთავაზებას და მასთან დაკავშირებულ შესაბამის ქმედებებს.

 

5. საქართველოს მთავრობის განკარგულებით სამინისტროს ენიჭება პრივატიზების კონკრეტული პირობების განსაზღვრის უფლებამოსილება, რაც უნდა შეესაბამებოდეს საქართველოს მთავრობის გადაწყვეტილებას.

 

6. სერტიფიკატით წარმოდგენილი აქციების პრივატიზების საკითხზე საქართველოს მთავრობის მიერ გადაწყვეტილების მიღებისას საქართველოს მთავრობის განკრგულებით შეიძლება დადგინდეს სერტიფიკატით წარმოდგენილი აქციების მიმართ ხმის უფლებასთან ან სხვა უფლებასთან დაკავშირებული ნებისმიერი შეზღუდვა ან ვალდებულება (მათ შორის, საქართველოს მთავრობის განკარგულებით განსაზღვრულ საკითხებზე საზოგადოების წინასწარ ინფორმირების ვალდებულება).

 

7. წილების ან აქციების ან სერტიფიკატებით წარმოდგენილი აქციების, პირდაპირ ან შუამავლის მეშვეობით, საჯარო ან კერძო შეთავაზების გზით, უცხო ქვეყნის აღიარებულ საფონდო ბირჟაზე ან მოცემულ დროს საერთაშორისო კაპიტალის ბაზრებზე არსებულ პრაქტიკასთან შესაბამისობაში მყოფი შეთავაზების სხვაგვარი ფორმით პრივატიზებისას პრივატიზების განმახორციელებელი ორგანოს მიერ შესაბამისი ხელშეკრულება/ხელშეკრულებები იდება, საპრივატიზებო საფასური გადაიხდება და მყიდველს საკუთრების უფლება შეძენილ ქონებაზე გადაეცემა საქართველოს მთავრობის განკარგულებით დადგენილი წესით და ვადაში.

 

მუხლი 2

„მეწარმეთა შესახებ“ საქართველოს კანონის (საქართველოს პარლამენტის უწყებები, 1994, №21–22, მუხ. 455) მე-3 მუხლს დაემატოს შემდეგი შინაარსის მე-11 პუნქტი:

 

„11. სახელმწიფო საკუთრებაში არსებული წილებისა და აქციების პრივატიზება ხორციელდება „სახელმწიფო ქონების შესახებ“ საქართველოს კანონით დადგენილი წესით. წილების ან აქციების ან სერტიფიკატებით წარმოდგენილი აქციების, პირდაპირ ან შუამავლის მეშვეობით, საჯარო ან კერძო შეთავაზების გზით, უცხო ქვეყნის აღიარებულ საფონდო ბირჟაზე ან მოცემულ დროს საერთაშორისო კაპიტალის ბაზრებზე არსებულ პრაქტიკასთან შესაბამისობაში მყოფი შეთავაზების სხვაგვარი ფორმით პრივატიზების შემთხვევისთვის საზოგადოების წესდება შეიძლება ითვალისწინებდეს აქციების ან წილების მფლობელების ამ კანონით დადგენილისაგან განსხვავებულ უფლებებსა და ვალდებულებებს, რამაც არ უნდა ხელყოს დივიდენდის მიღების უფლება.“.

 

მუხლი 3

ამ კანონის ამოქმედებიდან 1 თვის ვადაში საქართველოს ეკონომიკისა და მდგრადი განვითარების სამინისტრომ შეიმუშაოს და დაამტკიცოს წილების ან აქციების ან სერტიფიკატებით წარმოდგენილი აქციების, პირდაპირ ან შუამავლის მეშვეობით, საჯარო ან კერძო შეთავაზების გზით, უცხო ქვეყნის აღიარებულ საფონდო ბირჟაზე ან მოცემულ დროს საერთაშორისო კაპიტალის ბაზრებზე არსებულ პრაქტიკასთან შესაბამისობაში მყოფი შეთავაზების სხვაგვარი ფორმით პრივატიზების წესი.

 

 

     მუხლი 4

     ეს კანონი ამოქმედდეს გამოქვეყნებისთანავე.                

 

 

საქართველოს პრეზიდენტი                                                         მიხეილ სააკაშვილი

 

 

 

 

 

 

 

 

 

 

 

 

 

 

 

 

 

 

 

 

დანართი 4

 

 

საქართველოს პარლამენტის ბიუროს

 

 

დარგობრივი ეკონომიკისა და

ეკონომიკური პოლიტიკის კომიტეტის

 

დ ა ს კ ვ ნ ა

 

„საქართველოს ზოგიერთ საკანონმდებლო აქტში

ცვლილების შეტანის თაობაზე“

საქართველოს პარლამენტის წევრების მიხეილ ცქიტიშვილისა და

ზვიად კუკავას მიერ საკანონმდებლო ინიციატივის წესით წარმოდგენილ საქართველოს კანონის პროექტზე

 

დარგობრივი ეკონომიკისა და ეკონომიკური პოლიტიკის კომიტეტმა 2011 წლის 19 სექტემბერის სხდომაზე მეორე მოსმენით განიხილა პარლამენტის წევრების მიხეილ ცქიტიშვილისა და ზვიად კუკავას მიერ საკანონმდებლო ინიციატივის წესით წარმოდგენილი საქართველოს კანონის პროექტი „საქართველოს ზოგიერთ საკანონმდებლო აქტში ცვლილების შეტანის თაობაზე“ და მომზადებულად მიიჩნია საქართველოს პარლამენტის პლენარულ სხდომაზე მეორე მოსმენით განხილვისათვის.

 

 

 

გიორგი მელაძე

 

კომიტეტის თავმჯდომარე

 

 

 

 

 

 

 

 

 

დანართი 5

 

პროექტი

საქართველოს კანონი

 

„ლატარიების, აზარტული და სხვა მომგებიანი თამაშობების მოწყობის შესახებ“ საქართველოს კანონში ცვლილების შეტანის თაობაზე

 

მუხლი 1.

 

„ლატარიების, აზარტული და სხვა მომგებიანი თამაშობების შესახებ“ საქართველოს კანონის (საქართველოს საკანონმდებლო მაცნე, N15, 19.04.2005, მუხ. 96) მე-6 მუხლის:

 

ა) პირველი პუნქტი ჩამოყალიბდეს შემდეგი რედაქციით:

 

„1. საქართველოში ლატარიის ორგანიზებასა და ჩატარებას ახორციელებს საქართველოს ფინანსთა სამინისტროს მიერ ჩატარებულ ტენდერში გამარჯვებული პირი. ტენდერში გამარჯვებულად განისაზღვრება ის პირი, რომელიც დააკმაყოფილებს ტენდერის პირობებს და სახელმწიფო ბიუჯეტში ყოველწლიურად გადაიხდის ლატარიის ჩატარებისას რეალიზებული ბილეთების ჯამური ღირებულების მაქსიმალურ ოდენობას, მაგრამ არანაკლებ რეალიზებული ბილეთების ჯამური ღირებულების 10 პროცენტისა, რომელიც მთლიანად ჩაირიცხება საქართველოს სახელმწიფო ბიუჯეტში.“;

ბ) მესამე და მე-4 პუნქტები ამოღებულ იქნეს.

 

 

მუხლი 2.

ეს კანონი ამოქმედდეს გამოქვეყნებისთანავე.

 

 

საქართველოს პრეზიდენტი                მიხეილ სააკაშვილი

 

 

 

 

 

 

 

დანართი 6

 

 

საქართველოს პარლამენტის ბიუროს

 

 

დარგობრივი ეკონომიკისა და

ეკონომიკური პოლიტიკის კომიტეტის

 

დ ა ს კ ვ ნ ა

 

„ლატარიების, აზარტული და სხვა მომგებიანი თამაშობების მოწყობის შესახებ“ საქართველოს კანონში ცვლილების შეტანის თაობაზე“

საქართველოს პარლამენტის წევრების მიხეილ ცქიტიშვილის, ზვიად კუკავასა და დავით ნადაშვილის მიერ საკანონმდებლო ინიციატივის წესით წარმოდგენილ კანონპროექტზე

 

დარგობრივი ეკონომიკისა და ეკონომიკური პოლიტიკის კომიტეტმა 2011 წლის 19 სექტემბრის სხდომაზე, პირველი მოსმენით განიხილა საქართველოს პარლამენტის წევრების მიხეილ ცქიტიშვილის, ზვიად კუკავასა და დავით ნადაშვილის მიერ საკანონმდებლო ინიციატივის წესით წარმოდგენილი კანონპროექტი „ლატარიების, აზარტული და სხვა მომგებიანი თამაშობების მოწყობის შესახებ“ საქართველოს კანონში ცვლილების შეტანის თაობაზე“ და მომზადებულად მიიჩნია საქართველოს პარლამენტის პლენარულ სხდომაზე პირველი მოსმენით განხილვისათვის.

 

 

 

გიორგი მელაძე

 

კომიტეტის თავმჯდომარე

 

 

 

 

 

 

 

დანართი 7

 

საქართველოს პარლამენტის წევრების თეიმურაზ წურწუმიასა და ზვიად კუკავას მიერ წარმოდგენილ კანონპროექტზე

"ნავთობისა და გაზის შესახებ საქართველოს კანონში ცვლილებების შეტანის შესახებ"

გამოთქმული შენიშვნების გათვალისწინების მდგომარეობის ამსახველი ფურცელი

 

შენიშვნის ავტორი	შენიშვნის მოკლე შინაარსი	გათვალისწინების მდგომარეობა
საქართველოს პარლამენტის იურიდიული დეპარტამენტი	„ნორმატიული აქტების შესახებ“ საქართველოს კანონის მე–20 მუხლი მე–8 პუნქტის შესაბამისად კანონპროექტის პირველი მუხლის მე–3 პუნქტით გათვალისწინებული ცვლილება – მე–9 მუხლის მე–2 პუნქტის უნდა ჩამოყალიბდეს სრულად წარმოდგენილი ცვლილების გათვალისწინებით, ან იგი უნდა შეიცვალოს შემდეგი რედაქციით: „მე–9 მუხლის მე–2 პუნქტში სიტყვები „ამ კანონის 81 მუხლის პირველი პუნქტის „ი“ ქვეპუნქტის შესაბამისად, სანამ საქართველოს სახელმწიფო ფლობს მისი წილის (აქციების) 75%-ზე მეტს, ნავთობის ეროვნული კომპანიის ფუნქციებია:” შეიცვალოს სიტყვებით „ამ კანონის 81 მუხლის პირველი პუნქტის „ი“ ქვეპუნქტის შესაბამისად, სანამ საქართველოს სახელმწიფო ფლობს მისი წილის (აქციების) 50%-ზე მეტს, ნავთობის ეროვნული კომპანიის ფუნქციებია:”	გათვალისწინებულია