დარგობრივი ეკონომიკისა და

ეკონომიკური პოლიტიკის

კომიტეტის სხდომის 

ოქმი #6

ქ. თბილისი                                                            12  მარტი 2012 წ. 

სხდომას თავმჯდომარეობდა: გიორგი მელაძე

სხდომას მდივნობდა:           რამაზ ყანჩაველი

სხდომას ესწრებოდნენ:

 დღის წესრიგი

1. 1.საქართველოს პარლამენტის წევრის აკაკი ბობოხიძის მიერ წარმოდგენილი კანონპროექტი „სალიცენზიო და სანებართვო მოსაკრებლების   შესახებ“ საქართველოს კანონში ცვლილების შეტანის თაობაზე“

(პირველი მოსმენა)

/მომხ. აკაკი ბობოხიძე/

1. 2.საქართველოს მთავრობის მიერ წარმოდგენილი კანონპროექტი „წყლის შესახებ“ საქართველოს კანონში ცვლილების შეტანის თაობაზე“

(პირველი მოსმენა)

/მომხ. ნინო ენუქიძე/

1. 3.საქართველოს მთავრობის მიერ წარმოდგენილი კანონპროექტი „საქართველოს ზოგიერთ საკანონმდებლო აქტში ცვლილების შეტანის თაობაზე“

(პირველი მოსმენა)

/მომხ. ნინო ენუქიძე/

1. 4.საქართველოს მთავრობის მიერ წარმოდგენილი კანონპროექტი „ბირთვული და რადიაციული უსაფრთხოების შესახებ“ და მისგან გამომდინარე კანონპროექტები: „ლიცენზიებისა და ნებართვების შესახებ“ საქართველოს კანონში ცვლილების შეტანის თაობაზე“ და „შეიარაღების, სამხედრო ტექნიკისა და ორმაგი დანიშნულების პროდუქციის საექსპორტო და საიმპორტო კონტროლის შესახებ“ საქართველოს კანონში ცვლილების შეტანის თაობაზე

/მომხ. ნინო ენუქიძე/

სხდომის თავმჯდომარე:                                             გიორგი მელაძე

სხდომის მდივანი:                                                       რამაზ ყანჩაველი

დანართი 1

პროექტი

საქართველოს კანონი

„სალიცენზიო და სანებართვო მოსაკრებლების შესახებ“ საქართველოს კანონში ცვლილების შეტანის თაობაზე

მუხლი 1. „სალიცენზიო და სანებართვო მოსაკრებლების შესახებ“ საქართველოს კანონში (საქართველოს საკანონმდებლო მაცნე, №26, 5.09.2003, მუხ. 195) შეტანილ იქნეს შემდეგი ცვლილება:

1. მე-7 მუხლის მე-12¹ და მე-12² პუნქტები ჩამოყალიბდეს შემდეგი რედაქციით:

„121. რადიოაქტიური მასალების შეძენის და გადაცემის ნებართვა – 20 ლარი.

                122. რადიოაქტიური მასალების, ნედლეულის, რომლებიდანაც შესაძლებელია ბირთვული მასალის მიღება ან წარმოება, დანადგარების, რომლებიც შეიცავენ რადიოაქტიურ ნივთიერებებს, ბირთვული ტექნოლოგიების ან ნოუ-ჰაუს იმპორტ-ექსპორტის, აგრეთვე რადიოაქტიური წყაროების ექსპორტის, იმპორტის და ტრანზიტის ნებართვა – 40 ლარი.“

2. მე-7 მუხლს დაემატოს შემდეგი შინაარსის მე-12³ პუნქტი:

                „12³. რადიოაქტიური ნარჩენების ექსპორტის ნებართვა – 40 ლარი.“

მუხლი 2. ეს კანონი ამოქმედდეს 2012 წლის 1 მაისიდან.

საქართველოს პრეზიდენტი                     მიხეილ სააკაშვილი

დანართი 2

საქართველოს პარლამენტის ბიუროს

დარგობრივი ეკონომიკისა

და

ეკონომიკური პოლიტიკის კომიტეტის

დ ა ს კ ვ ნ ა

კანონპროექტზე

„სალიცენზიო და სანებართვო მოსაკრებლების   შესახებ“

საქართველოს კანონში ცვლილების შეტანის თაობაზე“

დარგობრივი ეკონომიკისა და ეკონომიკური პოლიტიკის კომიტეტმა 2012 წლის 12 მარტის სხდომაზე პირველი მოსმენით განიხილა საქართველოს პარლამენტის წევრის აკაკი ბობოხიძის მიერ საკანონმდებლო ინიციატივის წესით წარმოდგენილი კანონპროექტი „სალიცენზიო და სანებართვო მოსაკრებლების   შესახებ“ საქართველოს კანონში ცვლილების შეტანის თაობაზე“ და მომზადებულად მიიჩნია საქართველოს პარლამენტის პლენარულ სხდომაზე პირველი მოსმენით განხილვისათვის.

გიორგი მელაძე

კომიტეტის თავმჯდომარე

დანართი 3

პროექტი

საქართველოს კანონი

„წყლის შესახებ“

საქართველოს კანონში ცვლილების შეტანის თაობაზე

            მუხლი 1. „წყლის შესახებ“ საქართველოს კანონის (პარლამენტის უწყებანი, N44, 11.11.1997, გვ. 123) 21-ე მუხლს დაემატოს შემდეგი შინაარსის 7¹ პუნქტი:

                „7¹. სასარგებლო წიაღისეულის მოპოვების ლიცენზიას დაქვემდებარებული მიწისქვეშა წყლის ობიექტის კანონმდებლობით დადგენილი წესით შემუშავებული სანიტარიული დაცვის ზონების პროექტის უფლებამოსილი ორგანისათვის წარდგენისა და დამტკიცების წესი დგინდება საქართველოს მთავრობის დადგენილებით.“

            მუხლი 2. ეს კანონი ამოქმედდეს გამოქვეყნებისთანავე.

საქართველოს პრეზიდენტი           მიხეილ სააკაშვილი

დანართი 4

საქართველოს პარლამენტის ბიუროს

დარგობრივი ეკონომიკისა

და

ეკონომიკური პოლიტიკის კომიტეტის

დ ა ს კ ვ ნ ა

კანონპროექტზე

„წყლის შესახებ“

საქართველოს კანონში ცვლილების შეტანის თაობაზე“

დარგობრივი ეკონომიკისა და ეკონომიკური პოლიტიკის კომიტეტმა 2012 წლის 12 მარტის სხდომაზე პირველი მოსმენით განიხილა საქართველოს მთავრობის მიერ საკანონმდებლო ინიციატივის წესით წარმოდგენილი კანონპროექტი „წყლის შესახებ“ საქართველოს კანონში ცვლილების შეტანის თაობაზე“ და მომზადებულად მიიჩნია საქართველოს პარლამენტის პლენარულ სხდომაზე პირველი მოსმენით განხილვისათვის.

გიორგი მელაძე

კომიტეტის თავმჯდომარე

დანართი 5

პროექტი

საქართველოს კანონი

საქართველოს ზოგიერთ საკანონმდებლო აქტში

ცვლილების შეტანის თაობაზე

მუხლი 1. „გარემოს დაცვის შესახებ“ საქართველოს კანონს (პარლამენტის უწყებანი, №1-2 (33-34/7), 22 იანვარი, 1997, გვ. 24) დაემატოს შემდეგი შინაარსის II2 კარი:

„კარი II2

შეთანხმება გარემოს დაცვისა და ბუნებრივი რესურსებით სარგებლობის სფეროში

მუხლი 57¹⁰. შეთანხმება გარემოს დაცვისა და ბუნებრივი რესურსებით სარგებლობის სფეროში

1. დაინტერესებული პირის მიმართვის საფუძველზე, საქართველოს ენერგეტიკისა და ბუნებრივი რესურსების სამინისტროს და ამ პირს შორის შესაძლებელია დაიდოს შეთანხმება, რომლითაც პირის მიერ გარემოს დაცვისა და ბუნებრივი რესურსებით სარგებლობის სფეროში შეთანხმებით გათვალისწინებულ პერიოდში ჩადენილი/განხორციელებული ყველა ქმედება ითვლება კანონიერად.

2. შეთანხმება იდება დაინტერესებული პირის მიერ სახელმწიფოსათვის კომპენსაციის გადახდით.

3. შეთანხმების დადების დღიდან პირს შეთანხმებით გათვალისწინებულ პერიოდში გარემოს დაცვისა და ბუნებრივი რესურსებით სარგებლობის სფეროში ჩადენილ/განხორციელებულ ქმედებებზე სახელმწიფოს და/ან ადგილობრივი თვითმმართველობის ორგანოების მიმართ არ დაეკისრება სამოქალაქო და/ან ადმინისტრაციული პასუხისმგებლობა, მათ შორის რაიმე სახის ვალდებულება, მოსაკრებელი, ჯარიმა და/ან ზიანის ანაზღაურება, გარდა იმ შემთხვევისა, როდესაც შეთანხმება გაუქმებულია.

4. დაუშვებელია პირის მიერ შეთანხმებით გათვალისწინებულ პერიოდში გარემოს დაცვისა და ბუნებრივი რესურსებით სარგებლობის სფეროში ჩადენილი/განხორციელებული ქმედებების შემოწმება და სამოქალაქო და/ან ადმინისტრაციული პასუხისმგებლობის, მათ შორის რაიმე სახის ვალდებულების, მოსაკრებელის, ჯარიმის და/ან ზიანის ანაზღაურების დაკისრება სახელმწიფო და/ან ადგილობრივი თვითმმართველობის ორგანოების მიერ, გარდა იმ შემთხვევისა, როდესაც შეთანხმება გაუქმებულია.

5. შეთანხმების დადებიდან მის გაუქმებამდე პერიოდში ამ მუხლის მე-3 პუნქტით გათვალისწინებული ვალდებულებების და პასუხისმგებლობების მიმართ კანონმდებლობით დადგენილი ხანდაზმულობის ვადების დინება შეჩერებულად ითვლება.

6. შეთანხმება შესაძლებელია ითვალისწინებდეს დაინტერესებული პირის მიერ შესასრულებელ სხვა ვალდებულებებს.

7. შეთანხმების გასაჩივრება დასაშვებია მხოლოდ იმ შემთხვევაში, თუ ის ხელმოწერილია არაუფლებამოსილი პირის მიერ.

მუხლი 57¹¹.   გარემოს დაცვისა და ბუნებრივი რესურსებით სარგებლობის სფეროში შეთანხმების დადების წესი

1. 57¹⁰ მუხლით გათვალისწინებული შეთანხმების დადების მიზნით დაინტერესებული პირი წერილობით მიმართავს საქართველოს ენერგეტიკისა და ბუნებრივი რესურსების სამინისტროს, რომელიც უფლებამოსილია:

ა) უარი თქვას შეთანხმების გაფორმებაზე, რაც წერილობით უნდა ეცნობოს დაინტერესებულ პირს. ასეთ შემთხვევაში სამინისტრო არ არის ვალდებული დაასაბუთოს უარი;

ბ) აღნიშნული განცხადება თანდართულ მასალებთან ერთად წარუდგინოს   საქართველოს პრემიერ-მინისტრს.

2. შეთანხმების გაფორმების შესახებ გადაწყვეტილებას იღებს საქართველოს პრემიერ-მინისტრი

3. საქართველოს პრემიერ-მინისტრის გადაწყვეტილებით, შეთანხმებით გათვალისწინებული კომპენსაციის გადახდის უზრუნველსაყოფად დამატებით პირობად შესაძლებელია განისაზღვროს კანონმდებლობით გათვალისწინებული ვალდებულების შესრულების უზრუნველყოფის საშუალება.

4. ამ მუხლის მე-2 პუნქტის შესაბამისად მიღებული გადაწყვეტილების შესახებ დაინტერესებულ პირს უნდა ეცნობოს წერილობით.

5. შეთანხმება იდება განუსაზღვრელი ვადით.

6. დაინტერესებული პირის მიერ შეთანხმების პირობების დარღვევა გამოიწვევს შეთანხმების გაუქმებას ამავე შეთანხმების პირობების შესაბამისად.

მუხლი 57¹². ამ თავის მოქმედების სფერო  

1. ამ თავის მოქმედება არ ვრცელდება:

ა) დაინტერესებული პირის ვალდებულებებსა და პასუხისმგებლობებზე ფიზიკური და კერძო სამართლის იურიდიული პირების მიმართ;

ბ) დაინტერესებული პირისათვის დაკისრებულ იმ სამოქალაქო და/ან ადმინისტრაციულ პასუხისმგებლობებზე, ვალდებულებებზე, მოსაკრებელზე, ჯარიმასა და/ან ზიანის ანაზღაურებაზე, რომლებიც შეთანხმების დადების დღეს აღსრსრულებულია/შესრულებულია;

გ) საგადასახადო და საბაჟო ვალდებულებებზე.

2. ამ თავით გათვალისწინებული შეთანხმების დადების წესი და პირობები განისაზღვრება საქართველოს მთავრობის დადგენილებით.”

მუხლი 2. საქართველოს სისხლის სამართლის კოდექსის (საქართველოს საკანონმდებლო მაცნე, №41(48), 1999 წელი, მუხ. 209) 287-ე მუხლს დაემატოს შემდეგი შინაარსის შენიშვნა:

,,შენიშვნა:

1. დანაშაულის ჩამდენი ამ თავით გათვალისწინებული ქმედებისთვის სისხლისსამართლებრივი პასუხისმგებლობისგან გათავისუფლდება, თუ მის მიერ ან იმ პირის მიერ, რომლის უფლებამოსილების ფარგლებშიც მოქმედებდა იგი, დადებულია „გარემოს დაცვის შესახებ“ საქართველოს კანონის 57¹⁰ მუხლით გათვალისწინებული შეთანხმება, რომელიც მოიცავს პერიოდს, რა დროსაც ჩადენილი იქნა ზემოთხსენებული დანაშაული, გარდა იმ შემთხვევისა, როდესაც შეთანხმება გაუქმებულია.

2. პირველი ნაწილით გათვალისწინებული შეთანხმების დადებიდან მის გაუქმებამდე პერიოდში ამ თავით გათვალისწინებული დანაშაულების მიმართ ამ კოდექსით დადგენილი ხანდაზმულობის ვადების დინება შეჩერებულად ითვლება.“

მუხლი 3. საქართველოს ადმინისტრაციულ სამართალდარღვევათა კოდექსის (საქართველოს სსრ უმაღლესი საბჭოს უწყებები, №12, 1984 წელი, მუხ. 421) 232-ე მუხლს დაემატოს შემდეგი შინაარსის მე-10 ნაწილი:

,,10) ამ კოდექსის 91²-ე, 48-ე, 49-ე, 51-ე, 51¹-ე, 51²-ე, 51³-ე, 51⁴-ე, 51⁵-ე, 52-ე, 53-ე, 53¹-ე, 53²-ე, 54-ე, 54¹-ე, 55-ე, 55¹-ე, 55²-ე, 55³-ე, 55⁴-ე, 55⁵-ე, 56-ე, 57-ე, 57¹-ე, 57²-ე, 57³-ე, 58-ე, 58¹-ე, 58²-ე, 59-ე, 59³-ე, 60-ე, 60³-ე, 61-ე, 61¹-ე, 63-ე, 63¹-ე, 64-ე, 64¹-ე, 65-ე, 66-ე, 66¹-ე, 66²-ე, 67-ე, 67¹-ე, 68-ე, 69-ე, 69⁴-ე, 69⁵-ე, 71-ე, 72¹-ე, 73-ე, 74-ე, 75-ე, 76-ე, 77-ე, 78-ე, 79¹-ე, 79²-ე, 82-ე, 82¹-ე, 82²-ე, 84-ე, 84¹-ე, 85-ე, 85¹-ე, 85²-ე, 85³-ე, 85⁴-ე, 85⁵-ე, 86-ე, 89-ე, 89¹-ე, 89²-ე, 89³-ე, 96²-ე, 103¹-ე, 104-ე, 128²-ე, 128³-ე, 128⁴-ე, 128⁵-ე, 146¹-ე, 146²-ე, 148-ე, 150-ე,151-ე, 151¹-ე, 152-ე, 152³-ე, 165²-ე და 173⁵-ე მუხლებით გათვალისწინებული სამართალდარღვევისათვის, თუ სამართალდარღვევის ჩამდენი პირის ან იმ პირის მიერ, რომლის უფლებამოსილების ფარგლებშიც მოქმედებდა იგი, დადებულია „გარემოს დაცვის შესახებ“ საქართველოს კანონის 57¹⁰ მუხლით გათვალისწინებული შეთანხმება, რომელიც მოიცავს პერიოდს, რა დროსაც ჩადენილი იქნა ზემოთხსენებული სამართალდარღვევა, გარდა იმ შემთხვევისა, როდესაც შეთანხმება გაუქმებულია.“

მუხლი 4. „სააღსრულებო წარმოებათა შესახებ“ საქართველოს კანონის (საქართველოს საკანონმდებლო მაცნე, №13(20), 1999 წელი, მუხ. 52) 34-ე მუხლის პირველ პუნქტს დაემატოს შემდეგი შინაარსის „მ“ ქვეპუნქტი:

„მ) დადებულია „გარემოს დაცვის შესახებ“ საქართველოს კანონის 57¹⁰ მუხლით გათვალისწინებული შეთანხმება.

შენიშვნა:

ამ პუნქტის „მ“ ქვეპუნქტის საფუძველზე აღსრულება შეწყდება, თუ „გარემოს დაცვის შესახებ“ საქართველოს კანონის 57¹⁰ მუხლით გათვალისწინებული შეთანხმება დადებულია პირის, რომლის მიმართაც ხორციელდება აღსრულება, ან იმ პირის მიერ რომლის უფლებამოსილების ფარგლებშიც მოქმედებდა პირი იმ ქმედების ჩადენისას, რასთან დაკავშირებითაც იქნა მიღებული იძულებითი წესით აღსასრულებელი გადაწყვეტილება. ამასთან, აღსრულების შეწყვეტის აუცილებელი პირობაა, რომ ქმედება რასთან დაკავშირებითაც იქნა მიღებული იძულებითი წესით აღსასრულებელი გადაწყვეტილება ჩადენილია/განხორციელებულია ზემოხსენებული შეთანხმებით გათვალისწინებულ პერიოდში.

აღნიშნული ქვეპუნქტი ეხება მხოლოდ სახელმწიფო და/ან ადგილობრივი თვითმმანრთველობის ორგანოების სასარგებლოდ აღსასრულებელ საქმეებს.“

მუხლი 5. ეს კანონი ამოქმედდეს გამოქვეყნებისთანავე.

საქართველოს პრეზიდენტი                          მიხეილ სააკაშვილი

დანართი 6

საქართველოს პარლამენტის ბიუროს

დარგობრივი ეკონომიკისა

და

ეკონომიკური პოლიტიკის კომიტეტის

დ ა ს კ ვ ნ ა

კანონპროექტზე

„საქართველოს ზოგიერთ საკანონმდებლო აქტში

ცვლილების შეტანის თაობაზე“

დარგობრივი ეკონომიკისა და ეკონომიკური პოლიტიკის კომიტეტმა 2012 წლის 12 მარტის სხდომაზე პირველი მოსმენით განიხილა საქართველოს მთავრობის მიერ საკანონმდებლო ინიციატივის წესით წარმოდგენილი კანონპროექტი „საქართველოს ზოგიერთ საკანონმდებლო აქტში ცვლილების შეტანის თაობაზე“ და მომზადებულად მიიჩნია საქართველოს პარლამენტის პლენარულ სხდომაზე პირველი მოსმენით განხილვისათვის.

გიორგი მელაძე

კომიტეტის თავმჯდომარე

დანართი 7

საქართველოს პარლამენტის

თავდაცვისა და უშიშროების კომიტეტს

ასლი:     საქართველოს პარლამენტის

საორგანიზაციო დეპარტამენტს

დარგობრივი ეკონომიკისა

და

ეკონომიკური პოლიტიკის კომიტეტის

დ ა ს კ ვ ნ ა

კანონპროექტზე

„ბირთვული და რადიაციული უსაფრთხოების შესახებ“

და მისგან გამომდინარე კანონპროექტებზე

დარგობრივი ეკონომიკისა და ეკონომიკური პოლიტიკის კომიტეტმა 2012 წლის 12 მარტის სხდომაზე განიხილა საქართველოს მთავრობის მიერ საკანონმდებლო ინიციატივის წესით წარმოდგენილი კანონპროექტი „ბირთვული და რადიაციული უსაფრთხოების შესახებ“ და მისგან გამომდინარე კანონპროექტები: „ლიცენზიებისა და ნებართვების შესახებ“ საქართველოს კანონში ცვლილების შეტანის თაობაზე“ და „შეიარაღების, სამხედრო ტექნიკისა და ორმაგი დანიშნულების პროდუქციის საექსპორტო და საიმპორტო კონტროლის შესახებ“ საქართველოს კანონში ცვლილების შეტანის თაობაზე და მათ მიმართ შენიშვნები არ გააჩნია.

გიორგი მელაძე

კომიტეტის თავმჯდომარე