კომიტეტის წევრები:

თ. წურწუმია, რ. მარსაგიშვილი, კ. ბადაგაძე, გ. კანდელაკი, ზ. კიკალეიშვილი, კ. კვიციანი, თ. კოხოძე, კ. კურდღელაშვილი, კ. ოქრიაშვილი, დ. ოვაშვილი, თ. ჩარკვიანი, გ. ჩახვაძე, გ. ჯაბუა;

აპარატის მუშაკები:

ი. მერებაშვილი, მ. ჯაფარიძე, ი. გაბისონია, მ. ჯულაყიძე, გ. სირაძე, ვ. ქარუმიძე, თ. შაბაშვილი,   თ. ჯაფარიძე.

მოწვეულები:

მარიკა ვალიშვილი – ენერგეტიკისა და ბუნებრივი რესურსების მინისტრის პირველი მოადგილე, ნინო ენუქიძე – ენერგეტიკისა და ბუნებრივი რესურსების მინისტრის მოადგილე, ნათია მიქელაძე – ეკონომიკისა და მდგრადი განვითარების მინისტრის მოადგილე, ლაშა მგელაძე – რეგიონული განვითარებისა და ინფრასტრუქტურის მინისტრის მოადგილე, რუსუდან კემულარია – ფინანსთა მინისტრის მოადგილე, ვახტანგ ბალავაძე – საქართველოს პარლამენტის წევრი, ზვიად კუკავა – საქართველოს პარლამენტის წევრი,ხათუნა კაპანაძე – მთავრობის საპარლამენტო მდივნის მოადგილე,   ლენა ღვინიანიძე – ახალგაზრდა იურისტთა ასოციაციის წევრი;

1. მოისმინეს:

მოხსენება „საქართველოსა და თურქეთის რესპუბლიკას შორის „ახალციხე – ბორჩხას“ ურთიერთდამაკავშირებელი ხაზის მეშვეობით ელექტროენერგიით ტრანსსასაზღვრო ვაჭრობის შესახებ“

საქართველოს პრეზიდენტის მიერ წარმოდგენილი 2012 წლის 20 იანვარს ხელმოწერილი   შეთანხმების შესახებ.

აღინიშნა რომ, საერთაშორისო ხელშეკრულების პროექტი გამიზნულია ხელმოსაწერად ენერგეტიკისა და ბუნებრივი რესურსების მინისტრებს შორის თურქეთის და საქართველოს მხრიდან, თუმცა ეს ხელშეკრულება არ იქნება შეზღუდული სამთავრობათაშორისო სტატუსით, არამედ ორ ქვეყანას შორის საერთაშორისო ხელშეკრულების სტატუსის მატარებელი იქნება.

საერთაშორისო ხელშეკრულების პროექტი, როგორც უკვე მისი სათაურიდან ჩანს, შეეხება მხოლოდ ბორჩხა-ახალციხე-ს 400 კვ-იანი მშენებარე ელექტროგადამცემი ხაზით ელექტროენერგიით ვაჭრობის სფეროს. ხსენებული სისტემათაშორისი გადამცემი ხაზის მშენებლობის დასრულება დაგეგმილია უკვე 2012 წლის მე-3 კვარტალში და ამავე წელს უნდა დაიწყოს მისი კომერციული ექსპლუატაცია.

საერთაშორისო ხელშეკრულების პროექტს საფუძვლად უდევს მთელი რიგი ურთიერთგაგების მემორანდუმების, შეხვედრის ოქმებისა და წინარე შეთანხმებებისა, რომელთა უმრავლესობა 2007-2011 წლების განმავლობაში თურქეთ-საქართველოს ენერგეტიკის მინისტრებს შორის ფორმდებოდა. პროექტში მოცემულია ძირითადი გამოყენებული ტერმინების და შემოკლებების განსაზღვრებები, რომლებიც გამოყენებული უნდა იქნეს ამ ხელშეკრულების განმარტების და ერთგვაროვანი აღქმის მიზნებისთვის.

საერთაშორისო ხელშეკრულების პროექტის საგანს წარმოადგენს იმ პრინციპებისა და მექანიზმების დადგენა, რომლებზეც დაყრდნობით წარიმართება კომერციული ვაჭრობა ბორჩხა-ახალციხე-ს 400 კვ-იანი ელექტროგადამცემი ხაზის მეშვეობით გადაცემული ელექტროენერგიით თურქეთის და საქართველოს მხარეთა შორის, აგრეთვე რომლებიც საფუძვლად დაედება ტექნიკური თანამშრომლობის სპეციალურ ხელშეკრულებებს ორივე მხრიდან ნომინირებულ უფლებამოსილ კომპანიებს (ენერგოსისტემების ტექნიკური ოპერატორები) შორის. პროექტის უმთავრეს მიზნებად სახელდება:

                - მხარეთა შორის სოციალური, ეკონომიკური და ტექნიკური თანამშრომლობის გაღრმავება და გაძლიერება გამყიდველებსა და მყიდველებს შორის ელექტროენერგიით წარმატებული ვაჭრობის უზრუნველყოფის გზით;

                - იმ ძირითადი პირობებისა და დამხმარე ტექნიკური ხელშეკრულებების განსაზღვრა, რაც საჭიროა ბორჩხა-ახალციხე-ს 400 კვ-იანი ელექტროგადამცემი ხაზით ელექტროენერგიის ექსპორტ-იმპორტის უზრუნველსაყოფად ურთიერთმაკავშირებელი მოწყობილობა-დანადგარების მართვა-ოპერირებისთვის.

მნიშვნელოვანია, რომ მხარეები ცხადად აღიარებენ საერთაშორისო ხელშეკრულების პროექტში მის პრიმატს შიდა ჩვეულებრივი კანონებისა და კანონქვემდებარე აქტების მიმართ.

პროექტი ადგენს რა მხარეთა ორმხრივ ვალდებულებას იზრუნონ ბორჩხა-ახალციხე-ს 400 კვ-იანი ელექტროგადამცემი ხაზის გამტარუნარიანობის შესაძლოდ მაქსიმალურ ათვისებაზე, ამასთან ერთად განსაზღვრავს ხაზის მაქსიმალური გამტარუნარიანობის კონკრეტულ პარამეტრებს: 350 MW - 2012 წლისთვის, 650 MW-მდე ზრდა - 2013 წლისთვის და შემდგომ 1000 MW-მდე ზრდის პერსპექტივით. პროექტში თანმიმდევრულად განისაზღვრება ბორჩხა-ახალციხე-ს 400 კვ-იანი ელექტროგადამცემი ხაზის გამტარუნარიანობის სიმძლავრის წლიურ და თვიურ ჭრილში ზოგადი დადგენის, შემდგომ კი დაინტერესებულ კომერციულ კომპანიებს შორის მისი გადანაწილების პროცედურა, პრიორიტეტულად მიიჩნევა განახლებადი ენერგიის წყაროები. მნიშვნელოვანია, რომ პროექტით პირდაპირ დგინდება პრინციპი, რომლის თანახმადაც ბორჩხა-ახალციხე-ს 400 კვ-იანი ელექტროგადამცემი ხაზის გამტარუნარიანობის სიმძლავრის კომერციულ კომპანიებს შორის გადანაწილებაზე გადაწყვეტილებას იღებს ექსპორტის განმახორციელებელი ქვეყანა.

საერთაშორისო ხელშეკრულების პროექტში დაფიქსირებულია მხარეთა მზაობა უზრუნველყონ თავიანთი შიდა ენერგოსისტემების გახსნილობა და წვდომა ბორჩხა-ახალციხე-ს 400 კვ-იანი ელექტროგადამცემი ხაზის მეშვეობით გადაცემული ენერგიისთვის, ასევე ეტაპობრივად შიდა ქსელების განვითარების და უსაფრთხო ექსპლუატაციის უზრუნველყოფა. ხაზგასმულია გამყიდველებისთვის და მყიდველებისთვის ბორჩხა-ახალციხე-ს 400 კვ-იანი ელექტროგადამცემი ხაზის გამტარუნარიანობის სიმძლავრის შესატყვისი ნაწილის დარეზერვების შესაძლებლობაც. საერთაშორისო ხელშეკრულებით დაურეგულირებელი საკითხები, ასევე უფრო დეტალური რეგულაცია გამიზნულია მოწესრიგდეს ურთიერთდაკავშირების საოპერაციო ხელშეკრულებაში, რომელიც როგორც ცალკე უმთავრესი ტექნიკური დოკუმენტი გაფორმებული უნდა იქნეს 2012 წლის 1 ივნისისთვის (ან უფრო ადრე ხაზის მშენებლობის დასრულების შემთხვევაში).

საერთაშორისო ხელშეკრულებიდან გამომდინარე დავები საწყის ეტაპზე შესაძლოა მოწესრიგდეს მხარეთა შორის დიპლომატიური არხების გამოყენებით, თუ ეს შედეგს არ გამოიღებს საკითხი გადაეცემა და მოწესრიგდება საერთაშორისო საარბიტრაჟო პროცედურის მეშვეობით.

საერთაშორისო ხელშეკრულების პროექტში განხილულია ასევე ფორს-მაჟორული გარემოებების დადგენისა და ასეთ სპეციფიკურ ვითარებაში მოქმედების წესები, ხელშეკრულების აღსრულებასთან მიმართებით დამხმარე საკონსულტაციო ორგანოს - გაერთიანებული კომიტეტის ფორმირება, ხელშეკრულებაში ცვლილებების შეტანის, მისი ამოქმედების, მოქმედების ვადის გაგრძელების პირობები.

აღნიშნული საერთაშორისო ხელშეკრულება მეტად მნიშვნელოვანია საქართველოს ენერგეტიკული სექტორის მდგრადობის და განვითარების თვალსაზრისით, ასევე საქართველოსა და თურქეთის რესპუბლიკას შორის ელექტროენერგიით ტრანსსასაზღვრო ვაჭრობის განვითარებისთვის, რაც თავის მხრივ ხელს შეუწყობს და წაახალისებს საქართველოში ახალი ენერგეტიკული პროექტების განხორციელებას და დამატებითი ინვესტიციების მოდინებას.

აზრი გამოთქვეს:

ენუქიძემ, ჩარკვიანმა, მელაძემ;

გადაწყვიტეს:

კომიტეტმა მიიღო შესაბამისი გადაწყვეტილება (დანართი ¹1).  

2. მეორე

მოსმენით

განიხილეს:

მოხსენება „ლიცენზიებისა და ნებართვების შესახებ“ საქართველოს კანონში ცვლილების შეტანის თაობაზე“ საქართველოს მთავრობის მიერ წარმოდგენილი კანონპროექტის შესახებ.

კანონპროექტის მიმართ შენიშვნები არ გამოთქმულა, ამდენად მის ტექსტში ცვლილებები არ განხორციელებულა.

აზრი გამოთქვეს:

ჩახვაძე, მელაძემ;

გადაწყვიტეს:

კომიტეტმა მიიღო შესაბამისი გადაწყვეტილება (დანართი ¹2).

3. მესამე

მოსმენით

განიხილეს:

მოხსენება „სარეგისტრაციო მოსაკრებლების შესახებ“ საქართველოს კანონში ცვლილების შეტანის თაობაზე“ და  „სახელმწიფო ბაჟის შესახებ“ საქართველოს კანონში ცვლილების შეტანის თაობაზე“ საქართველოს მთავრობის მიერ წარმოდგენილი კანონპროექტების შესახებ.

კანონპროექტის მიმართ რედაქციული ხასიათის შენიშვნები არ გამოთქმულა, ამდენად მის ტექსტში ცვლილებები არ განხორციელებულა.

აზრი გამოთქვეს:

მელაძემ;

გადაწყვიტეს:

კომიტეტმა მიიღო შესაბამისი გადაწყვეტილება (დანართი ¹3).

4. პირველი

მოსმენით

განიხილეს:

მოხსენება „სახელმწიფო ქონების შესახებ“ საქართველოს კანონში ცვლილების შეტანის თაობაზე“ საქართველოს მთავრობის მიერ წარმოდგენილი კანონპროექტის (დანართი 4) შესახებ.

აღინიშნა რომ, „სახელმწიფო ქონების შესახებ” საქართველოს კანონში ცვლილების მიზანია პრივატიზების განმახორციელებელ ორგანოებს მიენიჭოთ უფლებამოსილება ვალდებულებების შესრულების დადასტურება განახორციელონ როგორ წერილობითი ასევე ელექტრონული ფორმით.

კანონპროექტის პირველი პუნქტით ზუსტდება საპრივატიზებო საფასურის და საპრივატიზებო შემოსულობის მნიშვნელობები. მე-2 პუნქტით ემატება საწყისი საპრივატიზებო საფასურის და საწყისი საპრივატიზებო შემოსულობის განმარტებები. მე-3 პუნქტით   დგინდება აუქციონისას ბეს და საბანკო გარანტიის ასევე საფასურის გადახდის ელექტრონული ფორმა, იხსნება პირობებიანი აუქციონისას ტიპიური ხელშეკრულების დადგენის აუცილებლობა და გამყიდველ სუბიექტს უფლებამოსილება ენიჭება აუქციონში გამარჯვების დადასტურება წერილობითთან ერთად გასცეს ელექტრონული ფორმითაც. ზუსტდება აუქციონისას საპრივატიზებო საფასურის გადახდის დაწყების ვადა. კორექტირდება ის მუხლები, რომლებითაც რეგულირებულია სსიპ ”საწარმოთა მართვის სააგენტოსთან” დაკავშირებული საკითხები, განისაზღვრება 2011 წლის 1 იანვრამდე პრივატიზებულ ქონებაზე საკუთრების უფლების დადასტურების წესი, კორექტირდება ტექნიკური ხარვეზები. მე-15 პუნქტით დგინდება საპრივატიზებო ვალდებულებათა შეუსრულებლობისათვის დაკისრებული პირგასამტეხლოსაგან გათავისუფლებას.

აზრი გამოთქვეს:

კიკალეიშვილმა, მელაძემ;

გადაწყვიტეს:

კომიტეტმა მიიღო შესაბამისი გადაწყვეტილება (დანართი ¹5).

5.მესამე

მოსმენით

განიხილეს:

მოხსენება „საქართველოს საგადასახადო კოდექსში ცვლილების შეტანის თაობაზე“ საქართველოს მთავრობის მიერ წარმოდგენილი კანონპროექტის შესახებ.

კანონპროექტის მიმართ რედაქციული ხასიათის შენიშვნები არ გამოთქმულა, ამდენად მის ტექსტში ცვლილებები არ განხორციელებულა.

აზრი გამოთქვეს:

მელაძემ;

გადაწყვიტეს:

კომიტეტმა მიიღო შესაბამისი გადაწყვეტილება (დანართი ¹6).

6. მეორე

მოსმენით

განიხილეს:

მოხსენება „ლატარიების, აზარტული და მომგებიანი თამაშობების მოწყობის შესახებ“ საქართველოს კანონში ცვლილების შეტანის თაობაზე“ საქართველოს მთავრობის მიერ წარმოდგენილი კანონპროექტის შესახებ.

კანონპროექტის მიმართ შენიშვნები არ გამოთქმულა, ამდენად მის ტექსტში ცვლილებები არ განხორციელებულა.

აზრი გამოთქვეს:

კაპანაძემ, ჩახვაძემ, მელაძემ;

გადაწყვიტეს:

კომიტეტმა მიიღო შესაბამისი გადაწყვეტილება (დანართი ¹7).

7. მეორე

მოსმენით

განიხილეს:

მოხსენება „ადგილობრივი თვითმმართველი ერთეულის ქონების შესახებ“ საქართველოს კანონში ცვლილების შეტანის თაობაზე“ საქართველოს პარლამენტის წევრის ვახტანგ ბალავაძის მიერ წარმოდგენილი კანონპროექტის შესახებ.

წარმოდგენილი იქნა კანონპროექტების მიმართ გამოთქმული შენიშვნების (დანართი 8) გათვალისწინებით რედაქტირებული კანონპროექტის ტექსტი (დანართი 9).

აზრი გამოთქვეს:

ღვინიანიძემ, მიქელაძემ, წურწუმიამ, მელაძემ;

გადაწყვიტეს:

კომიტეტმა მიიღო შესაბამისი გადაწყვეტილება (დანართი ¹10).

8. მეორე

მოსმენით

განიხილეს:

მოხსენება „საქართველოს დედაქალაქის – თბილისის შესახებ“ საქართველოს კანონში ცვლილების შეტანის თაობაზე“ საქართველოს პარლამენტის წევრის ვახტანგ ბალავაძის მიერ წარმოდგენილი კანონპროექტის შესახებ.

წარმოდგენილი იქნა კანონპროექტების მიმართ გამოთქმული შენიშვნების (დანართი 11) გათვალისწინებით რედაქტირებული კანონპროექტის ტექსტი (დანართი 12).

აზრი გამოთქვეს:

ღვინიანიძემ, მიქელაძემ, კიკალეიშვილმა, ჯაბუამ, მელაძემ;

გადაწყვიტეს:

კომიტეტმა მიიღო შესაბამისი გადაწყვეტილება (დანართი ¹13).

9. მეორე

მოსმენით

განიხილეს:

მოხსენება „ადგილობრივი თვითმმართველობის შესახებ“ საქართველოს ორგანულ კანონში ცვლილების შეტანის თაობაზე“ საქართველოს მთავრობის მიერ წარმოდგენილი კანონპროექტის შესახებ.

კანონპროექტის მიმართ რედაქციული ხასიათის შენიშვნები არ გამოთქმულა, ამდენად მის ტექსტში ცვლილებები არ განხორციელებულა.

აზრი გამოთქვეს:

ღვინიანიძემ, ჩახვაძემ, ჩარკვიანმა, ჯაბუამ, კიკალეიშვილმა, მელაძემ;

გადაწყვიტეს:

კომიტეტმა მიიღო შესაბამისი გადაწყვეტილება (დანართი ¹14).

10. მეორე

მოსმენით

განიხილეს:

მოხსენება „სალიცენზიო და სანებართვო მოსაკრებლების   შესახებ“ საქართველოს კანონში ცვლილების შეტანის თაობაზე“ საქართველოს მთავრობის მიერ წარმოდგენილი კანონპროექტის შესახებ.

კანონპროექტის მიმართ შენიშვნები არ გამოთქმულა, ამდენად მის ტექსტში ცვლილებები არ განხორციელებულა.

აზრი გამოთქვეს:

მელაძემ;

გადაწყვიტეს:

კომიტეტმა მიიღო შესაბამისი გადაწყვეტილება (დანართი ¹15).

11. პირველი

მოსმენით

განიხილეს:

მოხსენება „სახელმწიფო შესყიდვების შესახებ“ საქართველოს კანონში ცვლილების შეტანის თაობაზე“ საქართველოს პარლამენტის წევრების: კახაბერ ანჯაფარიძისა და ზვიად კუკავას მიერ წარმოდგენილი კანონპროექტის (დანართი 16) შესახებ.

აღინიშნა რომ, კანონპროექტით ხდება ყველა შემსყიდველი ორგანიზაციისათვის მომდევნო წლის სახელმწიფო შესყიდვების გეგმის სახელმწიფო შესყიდვების ერთიან ელექტრონულ სისტემაში განთავსების (რითაც აღნიშნული დოკუმენტი ხელმისაწვდომი გახდება ნებისმიერი მიმწოდებლისთვის) ერთიანი ვადის დადგენა (არაუგვიანეს 20 ნოემბრისა. აღნიშნული ვადა უკავშირდება მომავალი წლის შესაბამისი ბიუჯეტის პროექტის სათანადო წარმომადგენლობით ორგანოში განხილვისა და დამტკიცებისთვის დადგენილ ვადებს). აღნიშნული ცვლილების შედეგად, ბიზნეს სექტორს უფრო მეტი დრო ექნება, დაგეგმოს და შეიმუშავოს მომავალი წლის გაყიდვების სტრატეგია. გარდა ამისა, შემსყიდველ ორგანიზაციებს ექნებათ შესაძლებლობა, უკეთ მოემზადონ მომავალი წლის შესყიდვებისთვის და უფრო ეფექტურად დაგეგმონ მათთვის განკუთვნილი საბიუჯეტო სახსრების ხარჯვის პროცესი.

აზრი გამოთქვეს:

კაპანაძემ, ჩახვაძემ, მელაძემ;

გადაწყვიტეს:

კომიტეტმა მიიღო შესაბამისი გადაწყვეტილება (დანართი ¹17).

12. მოისმინეს:

მოხსენება „საქართველოს მთავრობასა და უნგრეთის მთავრობას შორის შემოსავლებსა და კაპიტალზე ორმაგი დაბეგვრის თავიდან აცილებისა და გადასახადების გადაუხდელობის აღკვეთის შესახებ“ საქართველოს პრეზიდენტის მიერ რატიფიკაციისათვის წარმოდგენილი შეთანხმების შესახებ.

აღინიშნა, რომ 2012 წლის 16 თებერვალს ხელი მოეწერა “საქართველოს მთავრობასა და უნგრეთის მთავრობას შორის შემოსავლებსა და კაპიტალზე ორმაგი დაბეგვრის თავიდან აცილებისა და გადასახადების გადაუხდელობის აღკვეთის შესახებ” შეთანხმებას.

• ქვეყანაში ინვესტიციების მოზიდვისა და ეკონომიკური კავშირების გაფართოების ერთ-ერთი მნიშვნელოვანი პირობაა შემოსავლებსა და კაპიტალზე ორმაგი დაბეგვრის თავიდან აცილებისა და გადასახადების გადაუხდელობის აღკვეთის შესახებ შეთანხმების დადება იმ ქვეყნებთან, რომლებთანაც საქართველოს გააჩნია ეკონომიკური ინტერესები. ამგვარი შეთანხმებები არეგულირებენ ხელშემკვრელი ქვეყნების იურიდიული და ფიზიკური პირების მიერ მეორე ქვეყანაში გაწეული საქმიანობიდან მიღებული შემოსავლების გადასახადებით დაბეგვრის პირობებს.

აღნიშნული შეთანხმების გაფორმების რიგითობის განსაზღვრის დროს საქართველოს ამჟამინდელ პრიორიტეტს წარმოადგენს უნგრეთი.

• სტატისტიკური მონაცემების თანახმად, საქართველოსა და უნგრეთს შორის სავაჭრო ბრუნვამ 2011 წელს 36 547 700 აშშ. დოლარი შეადგინა, რაც 7 853 200 ა.შ.შ დოლარით აღემატება 2010 წლის ანალოგიურ მაჩვენებელს (28 694 500 ა.შ.შ დოლარი). ეს განაპირობა როგორც საქართველოდან ექსპორტირებული საქონლის ასევე უნგრეთიდან იმპორტირებული საქონლის რაოდენობის ზრდამ.

• შეთანხმების ტექსტი ეფუძნება ეკონომიკური თანამშრომლობისა და განვითარების ორგანიზაციის (OEჩD) 2008 წლის მოდელს. მოდელის შესაბამისად, შეთანხმებით გათვალისწინებულია შემოსავლების და კაპიტალის დაბეგვრა შემოსავლის წყაროს ქვეყანაში გარკვეული შეზღუდვებით და შეზღუდვების გარეშე ან შემოსავლების და კაპიტალის დაბეგვრა მხოლოდ რეზიდენტობის ქვეყანაში. შემოსავლის წყაროს ქვეყანაში დაბეგვრის შემთხვევაში ორმაგი დაბეგვრის თავიდან აცილების მიზნით რეზიდენტის ქვეყანა იღებს ვალდებულებას, რომ გადასახადის გადამხდელის საგადასახადო ბაზის გაანგარიშების დროს ჩაუთვალოს წყაროს ქვეყანაში გადახდილი გადასახადი.

• ამჟამად, ორმაგი დაბეგვრის თავიდან აცილებისა და გადასახადების გადაუხდელობის აღკვეთის შესახებ შეთანხმება ძალაშია 36 ქვეყანასთან: ავსტრია, აზერბაიჯანი, არაბეთის გაერთიანებული საემირო, ბელგია, ბულგარეთი, გაერთიანებული სამეფო, გერმანია, დანია, ესპანეთი, ესტონეთი, თურქეთი, თურქმენეთი, ირლანდია, ირანი, იტალია, კატარი, ლატვია, ლიტვა, ლუქსემბურგი, მალტა, ჩეხეთი, ნიდელანდები, პოლონეთი, რუმინეთი, საბერძნეთი, საფრანგეთი, სინგაპური, სომხეთი, უზბეკეთი, უკრაინა, ფინეთი, ყაზახეთი, შვეიცარია, ისრაელი, ჩინეთი, ინდოეთი.

·         შეთანხმების დებულებები არეგულირებენ ქვეყნისთვის მნიშვნელოვან სფეროებში გადასახადით დაბეგვრის პირობებს:

ჯანდაცვა

ჯანდაცვის სფეროს არეგულირებს პროექტის მე-18 და მე-19 მუხლები

• მუხლი 18 “პენსიები”

ამ შეთანხმების მე-18 მუხლის დებულებების შესაბამისად, წარსულში დაქირავებით მუშაობასთან დაკავშირებით ხელშემკვრელი სახელმწიფოს რეზიდენტისათვის გადახდილი პენსიები და სხვა მსგავსი ანაზღაურება, იბეგრება მხოლოდ ამ სახელმწიფოში.

ü       მოცემული მუხლის თანახმად, კერძო საქმიანობასთან დაკავშირებული პენსიები დაიბეგრება იმ სახელმწიფოს მიერ, რომლის რეზიდენტიცაა შემოსავლის მიმღები.D

• მუხლი 19 “საჯარო სამსახური”

ü       პირველი პუნქტის დებულებების მიუხედავად, ნებისმიერი პენსია, რომლის გადახდა ხდება ფიზიკური პირისათვის ხელშემკვრელი სახელმწიფოს, მისი პოლიტიკურ-ადმინისტრაციული ქვედანაყოფის ან ხელისუფლების ადგილობრივი ორგანოს მიერ ან მათ მიერ შექმნილი ფონდებიდან, ამ სახელმწიფოს, მისი პოლიტიკურ-ადმინისტრაციული ქვედანაყოფის ან ხელისუფლების ადგილობრივი ორგანოს გაწეული სამსახურისათვის, დაიბეგრება მხოლოდ ამ სახელმწიფოში; ამასთან, ასეთი პენსია დაიბეგრება მხოლოდ მეორე ხელშემკვრელ სახელმწიფოში, თუ ფიზიკური პირი წარმოადგენს ამ სახელმწიფოს რეზიდენტსა და ნაციონალურ პირს.

ü       მოცემული მუხლი ეხება იმ პირთა პენსიების დაბეგვრის საკითს, რომლებიც დასაქმებულნი არიან საჯარო სამსახურში. მე-19 მუხლის მე-2 პუნქტის ა) ქვეპუნქტის თანახმად, საჯარო სამსახურში დასაქმებული პირების პენსიების დაბეგვრის ექსკლუზიური უფლება ენიჭებათ ანაზღაურების გადამხდელ სახელმწიფოს, ხოლო ამავე მუხლის მე-2 პუნქტის ბ) ქვეპუნქტის თანახმად გარკვეული გამონაკლისია დადგენილი და სახელმწიფო უფლებამოსილია დაბეგროს შემოსავალი, თუ მისი მიმღები ამ სახელმწიფოს რეზიდენტები ან მოქალაქეები არიან.

კულტურა, სპორტი

კულტურისა და სპორტის სფეროს არეგულირებს პროექტის მე-17 მუხლი

• მუხლი 17 “ხელოვნების მუშაკები და სპორტსმენები”

ü       ამ შეთანხმების მე-7, მე-14 და მე-15 მუხლების დებულებების მიუხედავად, შემოსავალი, რომელსაც იღებს ერთი ხელშემკვრელი სახელმწიფოს რეზიდენტი, როგორც ხელოვნების მუშაკი, კერძოდ, როგორც თეატრის, კინოს, რადიოს ან ტელევიზიის მსახიობი, ან მუსიკოსი, ან როგორც სპორტსმენი, მის მიერ მეორე ხელშემკვრელ სახელმწიფოში განხორციელებული პირადი საქმიანობიდან, შეიძლება დაიბეგროს ამ მეორე სახელმწიფოში.

ü       იმ შემთხვევაში, როდესაც შემოსავალი პირადი საქმიანობიდან, რომელსაც ახორციელებს ხელოვნების მუშაკი ან სპორტსმენი, ერიცხება არა თვით ხელოვნების მუშაკს ან სპორტსმენს არამედ სხვა პირს, მაშინ ეს შემოსავალი, ამ შეთანხმების მე-7, მე-14 და მე-15 მუხლების დებულებების მიუხედავად, შეიძლება დაიბეგროს იმ ხელშემკვრელ სახელმწიფოში, რომელშიც ხორციელდება ხელოვნების მუშაკის ან სპორტსმენის საქმიანობა.

ü       ამ მუხლის წინა პუნქტების დებულებების მიუხედავად, ერთ-ერთი ხელშემკვრელი სახელმწიფოს რეზიდენტი ხელოვნების მუშაკებისა და სპორტსმენების მიერ მეორე ხელშემკვრელ სახელმწიფოში განხორციელებული საქმიანობიდან მიღებული შემოსავალი თავისუფლდება გადასახადისაგან ამ მეორე სახელმწიფოში, თუ ეს ღონისძიება გათვალისწინებულია ხელშემკვრელ სახელმწიფოთა მთავრობებს შორის გაფორმებული კულტურული გაცვლის შესახებ პროგრამის შესაბამისად.

ü       მოცემული მუხლის დებულებების თანახმად სპორტსმენებისა და ხელოვნების მუშაკების მიერ მიღებული შემოსავლები იბეგრება ანაზღაურების წყაროს ქვეყანაში, გარდა იმ შემთხვევებისა, როდესაც სპორტსმენისა და ხელოვნების მუშაკის მიერ განხორციელებული საქმიანობა გათვალისწინებულია ხელშემკვრელ სახელმწიფოთა მთავრობებს შორის გაფორმებული კულტურული გაცვლის შესახებ პროგრამის შესაბამისად

განათლება

განათლების სფეროს არეგულირებს პროექტის მე-20 მუხლი

• მუხლი 20 “სტუდენტები”

ü       ანაზღაურება, მიღებული სტუდენტის ან სტაჟიორის მიერ, რომელიც არის ან ხელშემკვრელ სახელმწიფოში უშუალოდ ჩასვლამდე იყო მეორე ხელშემკვრელი სახელმწიფოს რეზიდენტი და რომელიც პირველად ხსენებულ სახელმწიფოში იმყოფება მხოლოდ განათლების მიღების ან კვალიფიკაციის ამაღლების მიზნით, თუ იგი განკუთვნილია მხოლოდ მისი ცხოვრებისთვის, განათლების მიღების ან კვალიფიკაციის ასამაღლებლად, არ დაიბეგრება ამ სახელმწიფოში, თუ დაფინანსების წყარო მდებარეობს ამ სახელმწიფოს ფარგლებს გარეთ.

ü       სტუდენტის ან სტაჟიორის, რომელიც არის ან ხელშემკვრელ სახელმწიფოში უშუალოდ ჩასვლამდე იყო მეორე ხელშემკვრელი სახელმწიფოს რეზიდენტი, დაქირავებით მუშაობიდან მიღებული ანაზღაურება, რომელსაც იგი იღებს პირველად ხსენებულ სახელმწიფოში პერიოდში ან პერიოდებში, რომელთა საერთო ხანგრძლივობა მოცემული საგადასახადო წლის განმავლობაში არ აღემატება 183 დღეს, არ იბეგრება პირველად ხსენებულ სახელმწიფოში, თუ ამგვარი მუშაობა პირდაპირ უკავშირდება მის სწავლას ან პრაქტიკის გავლას პირველად ხსენებულ სახელმწიფოში.

ü       მოცემული მუხლის დებულებების მიხედვით სტუდენტები, რომლებიც განათლების მისაღებად ან სამუშაოდ იმყოფებიან მეორე სახელმწიფოში, თავისუფლდებიან ამ ქვეყნის გადასახადებისაგან და იბეგრებიან იმ სახელმწიფოში, რომლის რეზიდენტსაც წარმოადგენენ.

აზრი გამოთქვეს:

კანდელაკმა, მელაძემ;

გადაწყვიტეს:

კომიტეტმა მიიღო შესაბამისი გადაწყვეტილება (დანართი ¹18).

13. მოისმინეს:

მოხსენება „საქართველოს საგადასახადო კოდექსში ცვლილების შეტანის შესახებ“ და მისგან გამომდინარე კანონპროექტები: „საქართველოს ადმინისტრაციულ სამართალდარღვევათა კოდექსში ცვლილების შეტანის შესახებ“, „საქართველოს ადმინისტრაციულ სამართალდარღვევათა კოდექსში ცვლილების შეტანის შესახებ“, „ინტელექტუალურ საკუთრებასთან დაკავშირებულ სასაზღვრო ღონისძიებათა შესახებ“ საქართველოს კანონში ცვლილების შეტანის თაობაზე“, „სასოფლო-სამეურნეო კარანტინის შესახებ“ საქართველოს კანონში ცვლილების შეტანის თაობაზე“, „სახელმწიფო (საბაჟო) კონტროლის გვერდის ავლით ან მისგან მალულად საქართველოს ეკონომიკურ ტერიტორიაზე შემოტანილი, კეთილსინდისიერად შეძენილი მექანიკური სატრანსპორტო საშუალებების რეგისტრაციის წესის შესახებ“ საქართველოს კანონში ცვლილების შეტანის თაობაზე“, „კულტურულ ფასეულობათა საქართველოდან გატანისა და საქართველოში შემოტანის შესახებ“ საქართველოს კანონში ცვლილების შეტანის თაობაზე” , „ლიცენზიებისა და ნებართვების შესახებ“ საქართველოს კანონში ცვლილების შეტანის თაობაზე”, „მავნე ორგანიზმებისაგან მცენარეთა დაცვის შესახებ“ საქართველოს კანონში ცვლილების შეტანის თაობაზე“, „საჯარო სამართლის იურიდიული პირის – საქართველოს შინაგან საქმეთა სამინისტროს მომსახურების სააგენტოს მიერ გაწეული მომსახურებისათვის დაწესებული საფასურისა და ვადების შესახებ“ საქართველოს კანონში ცვლილების შეტანის თაობაზე“,   „ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ“ საქართველოს კანონში ცვლილების შეტანის თაობაზე“, ,,ნავთობისა და გაზის შესახებ“ საქართველოს კანონში ცვლილების შეტანის თაობაზე“, „საქართველოს საზღვაო კოდექსში ცვლილების შეტანის შესახებ“, „საავტომობილო გზების შესახებ“ საქართველოს კანონში ცვლილების შეტანის თაობაზე“, „საგზაო მოძრაობის უსაფრთხოების შესახებ“ საქართველოს კანონში ცვლილების შეტანის თაობაზე“, საქართველოს საჰაერო კოდექსში ცვლილების შეტანის შესახებ“, „სალიცენზიო და სანებართვო მოსაკრებლების შესახებ“ საქართველოს კანონში ცვლილების შეტანის თაობაზე“, საქართველოს სამოქალაქო კოდექსში ცვლილების შეტანის შესახებ“, „საქართველოს სარკინიგზო კოდექსში ცვლილების შეტანის შესახებ“, „საქართველოს სავაჭრო-სამრეწველო პალატის შესახებ“,საქართველოს კანონში ცვლილების შეტანის თაობაზე“, „საქართველოს სახელმწიფო საზღვრის შესახებ“ საქართველოს კანონში ცვლილების შეტანის თაობაზე“, „საზოგადოებრივი ჯანმრთელობის შესახებ“ საქართველოს კანონში ცვლილების შეტანის თაობაზე“, „შეიარაღების, სამხედრო ტექნიკისა და ორმაგი დანიშნულების პროდუქციის საექსპორტო და საიმპორტო კონტროლის შესახებ“ საქართველოს კანონში ცვლილების შეტანის თაობაზე“, „საქართველოს სისხლის სამართლის კოდექსში ცვლილების შეტანის შესახებ“, „თავისუფალი ინდუსტრიული ზონების შესახებ“ საქართველოს კანონში ცვლილების შეტანის თაობაზე“, „ვეტერინარიის შესახებ“ საქართველოს კანონში ცვლილების შეტანის თაობაზე“ და „წამლისა და ფარმაცევტული საქმიანობის შესახებ“ საქართველოს კანონში ცვლილების შეტანის თაობაზე“

საქართველოს მთავრობის მიერ წარმოდგენილი კანონპროექტის შესახებ.

აღინიშნა რომ, კანონპროექტის შემუშავების მიზეზს წარმოადგენს, მოქმედ კანონმდებლობაში საერთაშორისო სამართლებრივ ურთიერთობიდან გამომდინარე ტერმინ საბაჟოს დამკვიდრება.

კანონპროექტის მიხედვით, ტერმინოლოგიური ცვლილებები შედის მთელ რიგ მუხლებში და იცვლება რამდენიმე ტერმინი, კერძოდ:

ტერმინი „ეკონომიკური საზღვარი“ - საბაჟო საზღვრით, „პორტალი“ - საბაჟო გამშვები პუნქტით, „კონტროლის ზონა“ - საბაჟო კონტროლის ზონით, „სასაქონლო დეკლარაცია“- საბაჟო დეკლარაციით, იმპორტის ღირებულება“ – საბაჟო ღირებულებით, „სახელმწიფო ზედამხედველობა“ – საბაჟო ზედამხედველობით, „სახელმწიფო კონტროლი“ – საბაჟო კონტროლით, „ტერმინალი“ – საბაჟო ტერმინალით.

აზრი გამოთქვეს:

ჩახვაძემ, მელაძემ;

გადაწყვიტეს:

კომიტეტმა მიიღო შესაბამისი გადაწყვეტილება (დანართი ¹19).

14. მოისმინეს:

მოხსენება „საინფორმაციო ტექნოლოგიური ზონების შესახებ“ საქართველოს კანონში ცვლილების შეტანის თაობაზე“ და „სურსათის უვნებლობისა და ხარისხის შესახებ“ საქართველოს კანონში ცვლილების შეტანის თაობაზე“ საქართველოს მთავრობის მიერ წარმოდგენილი კანონპროექტის შესახებ.

აღინიშნა, რომ კანონპროექტის შემუშავება განაპირობა მოქმედ კანონმდებლობაში საერთაშორისო სამართლებრივი ურთიერთობიდან გამომდინარე ტერმინ საბაჟოს დამკვიდრებამ.

კანონპროექტის მიხედვით ცვლილება შედის კანონის მე-3 მუხლის მე-2 პუნქტის ,,გ“ ქვეპუნქტში და ხდება ტერმინოლოგიური დაზუსტება, კერძოდ, ტერმინი ,,ეკონომიკური ტერიტორია“   იცვლება ტერმინით ,,საბაჟო ტერიტორია“.

აზრი გამოთქვეს:

ჩახვაძემ, მელაძემ;

გადაწყვიტეს:

კომიტეტმა მიიღო შესაბამისი გადაწყვეტილება (დანართი ¹20).

15. მოისმინეს:

მოხსენება „საქართველოს საგადასახადო კოდექსში ცვლილების შეტანის თაობაზე“ საქართველო პარლამენტის წევრების   თეიმურაზ წურწუმიას, გია გოგუაძისა და ზვიად კუკავას მიერ წარმოდგენილი კანონპროექტის შესახებ.

აღინიშნა რომ, ინიციატი­ვით წარდგენილ, ღრმა და ყოვლისმომცველი თავისუფალი ვაჭრობის შეთანხმებასთან და­კავ­ში­რებით შემუშავებულ საკანონმდებლო პაკეტში შემავალი „თავისუფალი ვაჭრობისა და კონკურენციის შესახებ“ და „სურსათის/ცხოველის საკვების უვნებლობის, ვეტერინარიისა   და მცენარეთა დაცვის შესახებ საქართველოს კოდექსის“ კანონპროექტების დარგობრივი ეკონომიკისა და ეკონომიკური პოლიტიკის კომიტეტში მეორე მოსმენით განხილვისას გამოთქმული წინადადება.

კანონპროექტის მიზანია უზრუნველყოფილი იქნას საჯარო სამართლის იურიდიულ პირის – კონკურენციისა და სახელმწიფო შესყიდვების სააგენტოსა და საჯარო სამართლის იურიდიულ პირის – სურსათის ეროვნულ სააგენტოსათვის სამსახურებრივი უფლებამოსილების ეფექტიანი განხორციელებისათვის საჭირო ინფორმაციაზე ხელმისაწვდომობა.

წარმოდგენილი კანონპროექტის თანახმად, ცვლილებები შედის საქართველოს საგადასახადო კოდექსში, კეძოდ საგადასახადო კოდექსის 39-ე მუხლს მე-2 ნაწილს ემატება „ნ“ და „ო“ ქვეპუნქტები. ცვლილების თანახმად, საჯარო სამართლის იურიდიულ პირს – კონკურენციისა და სახელმწიფო შესყიდვების სააგენტოს და საჯარო სამართლის იურიდიულ პირს – სურსათის ეროვნულ სააგენტოს ექნებათ უფლებამოსილება მოითხოვონ და მიიღონ საგადასახადო ორგანოში არსებული მათთვის საჭირო ინფორმაცია, რომელიც წარმოადგენს საგადასახადო საიდუმლოებას. ამასთან, საჯარო სამართლის იურიდიული პირები უზრუნველყოფენ აღნიშნული ინფორმაციის კონფიდენციალურობას.

აზრი გამოთქვეს:

ღვინიანიძემ, კემულარიამ, მელაძემ;

გადაწყვიტეს:

კომიტეტმა მიიღო შესაბამისი გადაწყვეტილება (დანართი ¹21).

შენიშვნის ავტორი

შენიშვნა

გათვალისწინების მდგომარეობა

საქართველოს პარლამენტის წევრი

ვახტანგ ბალავაძე

კანონპროექტის პირველი მუხლის პირველი პუნქტის ბ) ქვეპუნქტი ჩამოყალიბდეს შემდეგი რედაქციით:

ბ) 19¹ მუხლს დაემატოს შემდეგი შინაარსის მე-19 და მე-20 პუნქტები:

„19. თვითმმართველი ერთეულის წარმომადგენლობითი ორგანო – საკრებულო უფლებამოსილია საკრებულოს თავმჯდომარის წარდგინების საფუძველზე, მიიღოს გადაწყვეტილება თვითმმართველი ერთეულის საკუთრებაში არსებული მოძრავი ქონების, აქციებისა და წილების სახელმწიფოსათვის, აფხაზეთის ან აჭარის ავტონომიური რესპუბლიკის და ადგილობრივი თვითმმართველი ერთეულებისათვის უსასყიდლოდ საკუთრებაში გადაცემის შესახებ. ქონების გადაცემა ხორციელდება შესაბამისი მიღება-ჩაბარების აქტის საფუძელზე.

20. ქალაქ თბილისის თვითმმართველი ერთეულის საკუთრებაში არსებული მოძრავი ქონება, აქციები და წილები შეიძლება უსასყიდლოდ საკუთრებაში გადაეცეს სახელმწიფოს, აფხაზეთის ან აჭარის ავტონომიურ რესპუბლიკას და ადგილობრივ თვითმმართველ ერთეულებს. მოძრავი ქონების, აქციებისა და წილების უსასყიდლოდ საკუთრებაში გადაცემის შესახებ გადაწყვეტილებას იღებს ქ. თბილისის მთავრობა ინდივიდუალური ადმინისტრაციულ-სამართლებრივი აქტის გამოცემის გზით. ქონების გადაცემა ხორციელდება შესაბამისი მიღება-ჩაბარების აქტის საფუძელზე.

გათვალისწინებულია

შენიშვნის ავტორი

შენიშვნა

გათვალისწინების მდგომარეობა

საქართველოს პარლამენტის წევრი

ვახტანგ ბალავაძე

კანონპროექტის პირველი მუხლის პირველი პუნქტი ჩამოყალიბდეს შემდეგი რედაქციით:

1. 231 მუხლს დაემატოს შემდეგი შინაარსის ე²   და ტ²  პუნქტები:

                „ე²) ადგილობრივ საკუთრებაში არსებული მოძრავი ნივთის, აქციებისა და წილების სახელმწიფოსთვის, აფხაზეთის ან აჭარის ავტონომიური რესპუბლიკისათვის, თვითმმართველობის ერთეულებისათვის უსასყიდლოდ საკუთრებაში გადაცემის შესახებ.

                ტ²) სოციალურ–კულტურული და სპორტული ღონისძიებების დაფინანსება.“

გათვალისწინებულია

კანონპროექტის პირველი მუხლის მესამე პუნქტის ე) ქვეპუნქტი ჩამოყალიბდეს შემდეგი რედაქციით:

ე) პრივატიზებული ან/და სარგებლობის უფლებით გადაცემული ქონების მიმღები პირის ფინანსური (გარდა სააუქციონო საპრივატიზებო ფასისა) და საინვესტიციო ვალდებულებების შესრულებისგან გათავისუფლებასთან დაკავშირებული საკითხების განხილვა;

გათვალისწინებულია