ოქმი #2

დარგობრივი ეკონომიკისა და

ეკონომიკური პოლიტიკის

კომიტეტის სხდომის

ოქმი #2

ქ. თბილისი 15 თებერვალი 2012 წ.

სხდომას თავმჯდომარეობდა: გიორგი მელაძე

სხდომას მდივნობდა: რამაზ ყანჩაველი

სხდომას ესწრებოდნენ:

კომიტეტის წევრები:

მ. სამადაშვილი, თ. წურწუმია, კ. ბადაგაძე,

ზ. კიკალეიშვილი, გ. კანდელაკი, თ. კოხოძე,

რ. მაისურაძე, დ. ოვაშვილი, თ. ჩარკვიანი, გ. ჩახვაძე, გ. ჯაბუა;

აპარატის მუშაკები:

ი. მერებაშვილი, მ. ჯაფარიძე, ი. გაბისონია. მ. ჯულაყიძე, გ. სირაძე, ვ. ქარუმიძე, თ. ტეფნაძე, თ. ჯაფარიძე.

მოწვეულები:

ნინო ენუქიძე – ენერგეტიკისა და ბუნებრივი რესურსების მინისტრის მოადგილე, ნათია მიქელაძე – ეკონომიკისა და მდგრადი განვითარების მინისტრის მოადგილე, რუსუდან კემულარია – ფინანსთა მინისტრის მოადგილე, ხათუნა კაპანაძე – მთავრობის საპარლამენტო მდივნის მოადგილე, გოჩა მამაცაშვილი, ეკატერინე დანელია – ეკონომიკისა და მდგრადი განვითარების სამინისტროს იურიდიული დეპარტამენტის პარლამენტთან ურთიერთობის სამმართველოს უფროსი, ლევან ნიჟარაძე, ნიკოლოზ ნარსია და ნატალია დვალი – საქართველოს პრეზიდენტის მიერ საზოგადოებრივი სამეურვეო საბჭოს წევრის (მეურვის) დანიშვნაზე თანხმობის მისაღებად წარმოდგენილი კანდიდატურები.

დღის წესრიგი

1.საქართველოს პრეზიდენტის მიერ საზოგადოებრივი სამეურვეო საბჭოს წევრის (მეურვის) დანიშვნაზე თანხმობის მისაღებად წარმოდგენილი ლევან ნიჟარაძის, ნიკოლოზ ნარსიასა და ნატალია დვალის კანდიდატურების შესახებ

/მომხ. ხათუნა კაპანაძე/

2.საქართველოს პრეზიდენტის მიერ შეერთებისთვის წარმოდგენილი „საერთაშორისო ჰიდროგრაფიული ორგანიზაციის შესახებ“ 1967 წლის კონვენცია“

/მომხ.ნათია მიქელაძე/

3.საქართველოს მთავრობის მიერ საკანონმდებლო ინიციატივის წესით წარმოდგენილი კანონპროექტები: „სარეგისტრაციო მოსაკრებლების შესახებ“ საქართველოს კანონში ცვლილების შეტანის თაობაზე“ და სახელმწიფო ბაჟის შესახებ“ საქართველოს კანონში ცვლილების შეტანის თაობაზე“.

(მეორე მოსმენა)

/მომხ.ნათია მიქელაძე/

4.საქართველოს მთავრობის მიერ საკანონმდებლო ინიციატივის წესით წარმოდგენილი კანონპროექტი „სახელმწიფო ქონების შესახებ“ საქართველოს კანონში ცვლილების შეტანის თაობაზე“

(მეორე მოსმენა)

/მომხ.ნათია მიქელაძე/

5.საქართველოს მთავრობის მიერ საკანონმდებლო ინიციატივის წესით წარმოდგენილი კანონპროექტი „ბუნებრივი რესურსებით სარგებლობისათვის მოსაკრებლების შესახებ“ საქართველოს კანონში ცვლილების შეტანის თაობაზე“

(პირველი მოსმენა)

/მომხ.ნინო ენუქიძე/

6.საქართველოს მთავრობის მიერ საკანონმდებლო ინიციატივის წესით წარმოდგენილი კანონპროექტი „სახელმწიფო ქონების შესახებ“ საქართველოს კანონში ცვლილების შეტანის თაობაზე“

(პირველი მოსმენა)

/მომხ.რუსუდან კემულარია/

7.საქართველოს პრეზიდენტის მიერ რატიფიკაციისათვის წარმოდგენილი „საქართველოსა და აზიის განვითარების შორის დაფინანსების ჩარჩო ხელშეკრულების (საქართველო: ქვერეგიონული საგზაო დერეფანი)“ 2011 წლის 30 დეკემბერს წერილების გაცვლის გზით დადებული ცვლილება

/მომხ.რუსუდან კემულარია/

8.საქართველოს მთავრობის მიერ საკანონმდებლო ინიციატივის წესით წარმოდგენილი კანონპროექტები: „საქართველოს საგადასახადო კოდექსში ცვლილების შეტანის შესახებ“ და „თავისუფალი ინდუსტრიული ზონების შესახებ“

/მომხ.რუსუდან კემულარია/

9. საქართველოს მთავრობის მიერ საკანონმდებლო ინიციატივის წესით წარმოდგენილი კანონპროექტი „დაცული ტერიტორიების სტატუსის შესახებ“ საქართველოს კანონში ცვლილების შეტანის თაობაზე“

/მომხ.გოჩა მამაცაშვილი/

1. მოისმინეს:

საქართველოს პრეზიდენტის მიერ საზოგადოებრივი სამეურვეო საბჭოს წევრის (მეურვის) დანიშვნაზე თანხმობის მისაღებად წარმოდგენილი კანდიდატურების შესახებ.

მოხსენებელმა წარმოადგინა კანდიდატურების (დანართი 1) ბიოგრაფიები.

აზრი გამოთქვეს:

ნიჟარაძემ, ნარსიამ, დვალმა, ბადაგაძემ, ჩარკვიანმა, მელაძემ;

გადაწყვიტეს:

კომიტეტმა მიიღო შესაბამისი გადაწყვეტილება (დანართი ¹2).

2. მოისმინეს:

მოხსენება საქართველოს პრეზიდენტის მიერ შეერთებისთვის წარმოდგენილი „საერთაშორისო ჰიდროგრაფიული ორგანიზაციის შესახებ“ 1967 წლის კონვენციის“ თობაზე.

გაერთიანებული ერების ორგანიზაციის გენერალურმა ანსამბლეამ 2010 წლის 12 მარტს 69-ე სესიაზე მიღებული რეზოლუციით, მოუწოდა სახელმწიფოებს განიხილონ და გახდნენ საერთაშორისო ჰიდროგრაფიული ორგანიზაციის წევრები, ასევე მოუწოდა ყველა სახელმწიფოს, რომ ითანამშრომლოს აღნიშნულ ორგანიზაციასთან, რათა გაიზარდოს ჰიდროგრაფიული ინფორმაციის დაფარვის არეალი და ხელი შეუწყოს უსაფრთხო ნავიგაციას იმ ადგილებში, სადაც გამოიყენება საერთაშორისო დაუცველი ან დაცული საზღვაო რაიონები.

აღნიშნულ კონვენციაზე შეერთებით და საერთაშორისო ჰიდროგრაფიულ ორგანიზაციაში გაწევრიანებით, საქართველოს მიეცემა საშუალება, რომ მაქსიმალურად ჩაერთოს საერთაშორისო ჰიდროგრაფიული განვითარების პროგრამებში და გამოივიყენოს მათი შესაძლებლობები. ასევე, იმისათვის,რომ შეიქმნას საქართველოს საზღვაო და სანავიგაციო რუქები და სქემები, აუცილებელია საერთაშორისო ჰიდროგრაფიული ორგანიზაციის ჩართულობა და მხარდაჭერა, ვინაიდან ეს არის ორგანიზაცია, რომელიც კოორდინაციას უწევს საზღვაო რუქების გამოცემას მსოფლიო მასშტაბით.

ეს ორგანიზაცია ხელს უწყობს წევრი სახელმწიფოების ჰიდროგრაფიულ სამსახურებთან, განვითარებად ჰიდროგრაფიულ სამსახურებს აწვდის შესაბამის სახელმძღვანელოებს და უტარებს კონსულტაციებს, ასევე კოორდინაციას უწევს ჰიდროგრაფიულ კვლევებს და თანამშრომლობს შესაბამის საერთაშორისო ორგანიზაციებთან.

ასევე აღინიშნა, რომ საერთაშორისო ჰიდროგრაფიულ ორგანიზაციაში წევრობა ითვალისწინებს ყოველწლიურ საწევრო შენატანს, რომელიც იანგარიშება ფლოტის ტონაჟის მიხედვით. საქართველოს შემთხვევაში, საწევრო შენატანი შეადგენს 60 000 ლარს, რომლის გადახდასაც უზრუნველყოფს სსიპ საქართველოს სახელმწიფო ჰიდროგრაფიული სამსახური, კანონმდებლობით ნებადართულ სხვა შემოსავლებიდან.

აზრი გამოთქვეს:

ჩარკვიანმა, წურწუმიამ, მელაძემ;

გადაწყვიტეს:

კომიტეტმა მიიღო შესაბამისი გადაწყვეტილება (დანართი ¹3).

3. მეორე

მოსმენით

განიხილეს:

მოხსენება „სარეგისტრაციო მოსაკრებლების შესახებ“ საქართველოს კანონში ცვლილების შეტანის თაობაზე“ და „სახელმწიფო ბაჟის შესახებ“ საქართველოს კანონში ცვლილების შეტანის თაობაზე“ საქართველოს მთავრობის მიერ საკანონმდებლო ინიციატივის წესით წარმოდგენილი კანონპროექტების შესახებ.

წარმოდგენილი კანონპროექტის მიმართ მეორე მოსმენით შენიშვნები არ გამოთქმულა.

აზრი გამოთქვეს:

კემულარიამ, ჩახვაძემ, ჯაბუამ, მელაძემ;

გადაწყვიტეს:

კომიტეტმა მიიღო შესაბამისი გადაწყვეტილება (დანართი ¹4).

4.მეორე

მოსმენით

განიხილეს:

მოხსენება „სახელმწიფო ქონების შესახებ“ საქართველოს კანონში ცვლილების შეტანის თაობაზე“ საქართველოს მთავრობის მიერ წარმოდგენილი კანონპროექტის შესახებ.

წარმოდგენილი იქნა კანონპროექტების მიმართ გამოთქმული შენიშვნების (დანართი 5) გათვალისწინებით რედაქტირებული კანონპროექტის ტექსტი (დანართი 6).

აზრი გამოთქვეს:

ჩახვაძემ, ენუქიძემ, მელაძემ;

გადაწყვიტეს:

კომიტეტმა მიიღო შესაბამისი გადაწყვეტილება (დანართი ¹7).

5.პირველი

მოსმენით

განიხილეს:

მოხსენება „ბუნებრივი რესურსებით სარგებლობისათვის მოსაკრებლების შესახებ“ საქართველოს კანონში ცვლილების შეტანის თაობაზე“ საქართველოს მთავრობის მიერ წესით წარმოდგენილი კანონპროექტის (დანართი 8) შესახებ.

აღინიშნა, რომ წარმოდგენილი კანონპროექტის თანახმად ბუნებრივი რესურსების სააგენტოსა და ბუნებრივი რესურსებით სარგებლობისათვის მოსაკრებლების გადახდაზე პასუხისმგებელ პირს შორის შესაძლებელი იქნება დაიდოს მოსაკრებლების გადახდის ადმინისტრირებასთან დაკავშირებული შეთანხმება.

აზრი გამოთქვეს:

მიქელაძემ, კემულარიამ, სამადაშვილმა, წურწუმიამ, ბადაგაძემ, მამაცაშვილმა, ჩახვაძემ, ჯაბუამ, მელაძემ;

გადაწყვიტეს:

კომიტეტმა მიიღო შესაბამისი გადაწყვეტილება (დანართი ¹9).

6. პირველი

მოსმენით

განიხილეს:

მოხსენება „სახელმწიფო ქონების შესახებ“ საქართველოს კანონში ცვლილების შეტანის თაობაზე“ საქართველოს მთავრობის მიერ საკანონმდებლო ინიციატივის წესით წარმოდგენილი კანონპროექტის შესახებ (დანართი 10).

აღინიშნა, რომ წარმოდგენილი კანონპროექტით ხორციელდება ცვლილება კანონის 25-ე მუხლში, სადაც კეთდება ჩანაწერი იმის შესახებ, რომ დაინტერესებული ფიზიკური და იურიდიული პირების ქონების განკარგვის ხელშეწყობის განხორცილებისას, სააგენტოს (საქართველოს ფინანსთა სამინისტროს მომსახურების სააგენტო) მიერ მომსახურების გაწევის წესს, მომსახურების სახეებს და საფასურის ოდენობას დაადგენს საქართველოს მთავრობა. კანონპროექტით ასევე განისაზღვრება, რომ დაინტერესებული ფიზიკური და იურიდიული პირების ქონების განკარგვის ხელშეწყობის განხორციელებისას, სააგენტოს მიერ გაწეული მომსახურების საფასური მთლიანად მიიმართება სააგენტოს ანგარიშზე.

კანონის მიღებიდან ერთი თვის ვადაში საქართველოს მთავრობას ევალება უზრუნველყოს დაინტერესებული ფიზიკური და იურიდიული პირების ქონების განკარგვის ხელშეწყობის განხორციელებისას, სააგენტოს მიერ მომსახურების გაწევის წესის, მომსახურების სახეების და საფასურის ოდენობის დამტკიცება.

აზრი გამოთქვეს:

ჩახვაძემ, ჩარკვიანმა, მელაძე;

გადაწყვიტეს:

კომიტეტმა მიიღო შესაბამისი გადაწყვეტილება (დანართი ¹11).

7. მოისმინეს:

მოხსენება საქართველოს პრეზიდენტის მიერ რატიფიკაციისათვის წარმოდგენილი „საქართველოსა და აზიის განვითარების შორის დაფინანსების ჩარჩო ხელშეკრულების (საქართველო: ქვერეგიონული საგზაო დერეფანი)“ 2011 წლის 30 დეკემბერს წერილების გაცვლის გზით დადებული ცვლილების შესახებ.

აღინიშნა რომ, საქართველოსა და აზიის განვითარების ბანკს შორის 2009 წლის 29 აგვისტოს ხელი მოეწერა დაფინანსების ჩარჩო ხელშეკრულებას „ქვერეგიონული საგზაო დერეფნის განვითარების პროგრამა“. აღნიშნული ხელშეკრულება ითვალისწინებს მრავალმხრივი ტრანშების გამოყოფას საქართველოში გზების საინვესტიციო პროექტების დაფინანსების მიზნით.

დაფინანსების ჩარჩო ხელშეკრულებაში შეტანილი ცვლილებით შესაძლებელი ხდება საჭიროების შემთხვევაში აღნიშნული ხელშეკრულების ფარგლებში დაფინანსებულ პროექტებზე დამატებითი დაფინანსების გამოყოფა.

ამჟამად ჩარჩო ხელშეკრულების ფარგლებში გამოყოფილია პირველი ტრანში (119 მლნ აშშ დოლარამდე ოდენობით) ქ. ქობულეთის ახალი შემოვლითი გზის მშენებლობის დასაფინანსებლად.

აგრეთვე, ჩარჩო ხელშეკრულების ფარგლებში მეორე ტრანში ითვალისწინებდა ქ. ბათუმის ახალი შემოვლითი გზის მშენებლობას თუმცა აღნიშნული სესხი აზიის განვითარების ბანკის თანხმობით გაუქმდა, რადგან პროექტის საბოლოო ღირებულება მნიშვნელოვნად აჭარბებდა მის თავდაპირველ საპროგნოზო ღირებულებას.

აზრი გამოთქვეს:

ჩარკვიანმა, ბადაგაძემ, მელაძემ;

გადაწყვიტეს:

კომიტეტმა მიიღო შესაბამისი გადაწყვეტილება (დანართი ¹12).

8. მოისმინეს:

მოხსენება „საქართველოს საგადასახადო კოდექსში ცვლილების შეტანის შესახებ“ და „თავისუფალი ინდუსტრიული ზონების შესახებ“ საქართველოს მთავრობის მიერ საკანონმდებლო ინიციატივის წესით წარმოდგენილი კანონპროექტების შესახებ.

აღინიშნა რომ, წარმოდგენილი ცვლილებების პროექტი ითვალისწინებს თავისუფალი ინდუსტრიული ზონის საწარმოების დაბეგვრის რეჟიმის ცვლილებას. კერძოდ, აღარ იარსებებს საერთაშორისო საწარმოს დეფინიცია და თავისუფალ ინდუსტრიულ ზონაში დარეგისტრირებული ყველა საწარმო ისარგებლებს საგადასახადო შეღავათებით. ამასთანავე, თავისუფალი ინდუსტრიული ზონის საწარმო მიერ საქართველოს კანონმდებლობით რეგისტრირებული პირისათვის (გარდა, თიზ-ის საწარმოსი) საქონლის მიწოდების და მათგან საქონლის მიღების შემთხვევაში დაიბეგრება საქონლის მიწოდებით მიღებული/მისაღები შემოსავლის 5%-იანი განაკვეთით.

თავისუფალი ინდუსტრიული ზონის საწარმოს აეკრძალება (ნაცვლად სტატუსის გაუქმებისა) საქართველოს კანონმდებლობით რეგისტრირებული პირისათვის (გარდა, თიზ-ის საწარმოსი) მომსახურების გაწევა. ასევე აეკრძალება მათგან მომსახურების მიღება, გარდა არსებული კანონმდებლობით განსაზღვრული მომსახურებებისა, რომელთა მიღებაც არ იწვევს საერთაშორისო საწარმოს სტატუსის გაუქმებას.

კანონპროექტი აგრეთვე ითვალისწინებს სპეციალური სავაჭრო ზონების მარეგულირებელ მუხლებში დაზუსტებითი ხასიათის ცვლილებებს, აგრეთვე სპეციალური სავაჭრო ზონის სტატუსის მქონე იურიდიული პირის მიერ სპეციალურ სავაჭრო ზონაში საქმიანობის განმახორციელებელი პირების მიერ მიღებული შემოსავალის დაბეგვრის წესის დაზუსტებას.

„თავისუფალი ინდუსტრიული ზონების შესახებ“ საქართველოს კანონში ცვლილების შეტანის თაობაზე“ კანონპროექტის მიღება მიზნად ისახავს თავისუფალ ინდუსტრიულ ზონაში ნაცვლად დღეს არსებული აკრძალვისა, რომლის მიხედვითაც იკრძალება ზონაში ყველა სახის აქციზური საქონლის შეტანა, აიკრძალოს მხოლოდ თამბაქოს ნაწარმის, თამბაქოს ნედლეულის, ალკოჰოლიანი სასმელებისა და ასევე შავი ან/და ფერადი ლითონების ჯართის შეტანა.

აზრი გამოთქვეს:

წურწუმიამ, ბადაგაძემ, კაპანაძემ, მელაძემ;

გადაწყვიტეს:

კომიტეტმა მიიღო შესაბამისი გადაწყვეტილება (დანართი ¹13).

9. მოისმინეს:

მოხსენება „დაცული ტერიტორიების სტატუსის შესახებ“ საქართველოს კანონში ცვლილების შეტანის თაობაზე“

საქართველოს მთავრობის მიერ საკანონმდებლო ინიციატივის წესით წარმოდგენილი კანონპროექტის შესახებ.

შემოთავაზებული კანონპროექტის თანახმად ყაზბეგის რაიონში იქმნება დაცული ტერიტორიის სტატუსის მქონე სამი ახალი ბუნების ძეგლი, ესენია: სახიზნარის კლდის ბუნების ძეგლი, აბანოს მინერალური ტბის ბუნების ძეგლი და თრუსოს ხეობის ტრავერტინების (კირის ტუფი) ბუნების ძეგლი, რომელთა ფართობი შეადგენს 339,94 ჰა–ს.

აზრი გამოთქვეს:

ენუქიძემ, მელაძემ;

გადაწყვიტეს:

კომიტეტმა მიიღო შესაბამისი გადაწყვეტილება (დანართი ¹14).

სხდომის თავმჯდომარე: გიორგი მელაძე

სხდომის მდივანი: რამაზ ყანჩაველი

დანართი 1

ლევან ნიჟარაძე დაიბადა 1981 წლის 26 ნოემბერს ქ. თბილისში.

2003 წელს დაამთავრა საქართველოს ტექნიკური უნივერსიტეტი მშენებლობის მენეჯმენტის სპეციალობით;

2006 წელს დაამთავრა თბილისის ეკონომიკურ ურთიერთობათა სახელმწიფო უნივერსიტეტი სამართალმცოდნეობის სპეციალობით;

2006 წლის მარტიდან 2011 წლის თებერვლამდე მუშაობდა შპს „ლოგოს“ პროექტის მენეჯერად. დროებით უმუშევარია, ფლობს ინგლისურ და რუსულ ენებს.

ნატალია დვალი დაიბადა 1978 წლის 5 იანვარს ქ. თბილისში.

1999 წელს დაამთავრა ივ. ჯავახიშვილის სახელობის თბილისის სახელმწიფო უნივერსიტეტის ფილოსოფიისა და სოციოლოგიის ფაკულტეტი ფილოსოფიის სპეციალობით; 2004 წელს დაამთავრა ივ. ჯავახიშვილის სახელობის თბილისის სახელმწიფო უნივერსიტეტის სამართალმცოდნეობის ფაკულტეტი სამართალმცოდნეობის სპეციალობით; 2007 წელს დაამთავრა Advanced English Certificate; Internexus, Regent‘s College ლონდონში.

მიღებული აქვს მონაწილეობა პროფესიული ტრენინგებში: 2003 წლის 29 მაისი-2 ივნისი - NDI, IRI, IREX, IFES, Partners Georgia; ტრენინგ-კურსი - ქალები პოლიტიკაში; 2003 წლის მარტი-ივნისი - თბილისი, ICCN - კონფლიქტებისა და მოლაპარაკებების საერთაშორისო ცენტრი, ტრენინგ-კურსი მშვიდობისა და კონფლიქტების მოგვარების დარგში; 2003-2004 წლებში - NDI საქართველო; მომავალი ქალი ლიდერები.

2000-2002 წლებში იყო თბილისის დავით აღმაშენებლის სახელობის უნივერსიტეტის ლოგიკის მასწავლებელი; 2001-2003 წლებში მუშაობდა ქ. თბილისის 164-ე საშ. სკოლის ლოგიკის მასწავლებლად; 2010 წლიდან დღემდე არის არასამთავრობო ორგანიზაციის „New vision Georgia” წევრი;

2011 წლიდან დღემდე არის არასამთავრობო ორგანიზაცია „სამოქალაქო ინიციატივა“-ს დამფუძნებელი, წევრი; 2005 წლიდან დღემდე არის შპს „ბრიტანული სახლის“ დირექტორი. ფლობს რუსულ და ინგლისურ ენებს.

ნიკოლოზ ნარსია დაიბადა 1979 წლის 26 ივლისს ქ. თბილისში.

2000 წელს დაამთავრა საქართველოს ტექნიკური უნივერსიტეტის ჰუმანიტარულ-ტექნიკური ფაკულტეტი საერთაშორისო ეკონომიკის სპეციალობით.

1996-2002 წლებში მუშაობდა შპს „სამებაში“ ბუღალტერ-მოანგარიშედ; 2002-2003 წლებში მუშაობდა შპს „ეგრის-აუდიტის“ აუდიტორად; 2003-2004 წლებში იყო საქართველოს პარლამენტის ფრაქცია „მოძრაობა დემოკრატიული რეფორმებისათვის“ მოწვეული სპეციალისტი; 26.03.2004-11.06.2004 წელს იყო საქართველოს ფინანსთა სამინისტროს ფინანსური პოლიციის მე-4 განყოფილების (შიდა ქართლი) ოპერატიული თანამშრომელი; 26,10,2004-28,12,2004 წელს მუშაობდა საქართველოს თავდაცვის სამინისტროს შიდა უსაფრთხოების სამმართველოს რეჟიმისა და პირადი უსაფრთხოების განყოფილების წამყვან სპეციალისტად; 2008-2010 წლებში მუშაობდა საქართველოს თავდაცვის სამინისტროს ეროვნული გვარდიის დეპარტამენტის სამაშველო სამსახურში.

დროებით უმუშევარია. ფლობს რუსულ და ინგლისურ ენებს.

დანართი 2

საქართველოს პარლამენტის ბიუროს

დარგობრივი ეკონომიკისა

და

ეკონომიკური პოლიტიკის კომიტეტის

დ ა ს კ ვ ნ ა

საქართველოს პრეზიდენტის მიერ საზოგადოებრივი მაუწყებლის სამეურვეო საბჭოს წევრის დანიშვნაზე თანხმობის მისაღებად წარმოდგენილი კანდიდატურების შესახებ

დარგობრივი ეკონომიკისა და ეკონომიკური პოლიტიკის კომიტეტმა 2012 წლის 15 თებერვლის სხდომაზე განიხილა საქართველოს პრეზიდენტის მიერ საზოგადოებრივი მაუწყებლის სამეურვეო საბჭოს წევრის დანიშვნაზე თანხმობის მისაღებად წარმოდგენილი ლევან ნიჟარაძის, ნიკოლოზ ნარსიასა და ნატალია დვალის კანდიდატურები და მიზანშეწონილად მიიჩნია მათი განხილვა საქართველოს პარლამენტის პლენარულ სხდომაზე.

გიორგი მელაძე

კომიტეტის თავმჯდომა

დანართი 3

საქართველოს პარლამენტის ბიუროს

დარგობრივი ეკონომიკისა

და

ეკონომიკური პოლიტიკის კომიტეტის

დ ა ს კ ვ ნ ა

შეერთებისთვის წარმოდგენილ

„საერთაშორისო ჰიდროგრაფიული ორგანიზაციის შესახებ“

1967 წლის კონვენციაზე

დარგობრივი ეკონომიკისა და ეკონომიკური პოლიტიკის კომიტეტმა 2012 წლის 15 თებერვლის სხდომაზე განიხილა საქართველოს პრეზიდენტის მიერ შეერთებისთვის წარმოდგენილი „საერთაშორისო ჰიდროგრაფიული ორგანიზაციის შესახებ“ 1967 წლის კონვენცია და მომზადებულად მიიჩნია საქართველოს პარლამენტის პლენარულ სხდომაზე განხილვისათვის.

გიორგი მელაძე

კომიტეტის თავმჯდომარე

დანართი 4

საქართველოს პარლამენტის ბიუროს

დარგობრივი ეკონომიკისა

და

ეკონომიკური პოლიტიკის კომიტეტის

დ ა ს კ ვ ნ ა

კანონპროექტებზე

„სარეგისტრაციო მოსაკრებლების შესახებ“ საქართველოს კანონში ცვლილების შეტანის შესახებ“

და

„სახელმწიფო ბაჟის შესახებ“ საქართველოს კანონში ცვლილების შეტანის შესახებ“

დარგობრივი ეკონომიკისა და ეკონომიკური პოლიტიკის კომიტეტმა 2012 წლის 15 თებერვლის სხდომაზე, მეორე მოსმენით განიხილა საქართველოს მთავრობის მიერ საკანონმდებლო ინიციატივის წესით წარმოდგენილი საქართველოს კანონის პროექტები „სარეგისტრაციო მოსაკრებლების შესახებ“ საქართველოს კანონში ცვლილების შეტანის თაობაზე“ და „სახელმწიფო ბაჟის შესახებ“ საქართველოს კანონში ცვლილების შეტანის თაობაზე“ და მომზადებულად მიიჩნია საქართველოს პარლამენტის პლენარულ სხდომაზე მეორე მოსმენით განხილვისათვის.

გიორგი მელაძე

კომიტეტის თავმჯდომარე

დანართი 5

„სახელმწიფო ქონების შესახებ“

საქართველოს კანონში ცვლილების შეტანის თაობაზე”

კანონპროექტზე გამოთქმული შენიშვნების გათვალისწინების მდგომარეობის ამსახველი ფურცელი

შენიშვნის ავტორი

შენიშვნის შინაარსი

გათვალისწინების მდგომარეობა

საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტი

მიზანშეწონილია სახელმწიფო ორგანოებისა და საჯარო სამართლის იურიდიული პირებისათვის თხოვების ხელშეკრულების საფუძველზე გადაცემული სახელმწიფო საკუთრებაში არსებული მოძრავი ქონება ჩაითვალოს კანონის 35-ე მუხლით გათვალისწინებული ფორმით გადაცემულად. ამასთან, წინამდებარე წესი არ უნდა გავრცელდეს საქართველოს სამოციქულო ავტოკეფალურ მართლმადიდებლურ ეკლესიაზე, მის მიმართ მოქმედი განსაკუთრებული რეჟიმის გათვალისწინებით, და შესაბამისად, საქართველოს სამოციქულო ავტოკეფალური მართლმადიდებლური ეკლესიისათვის თხოვების ხელშეკრულებით გადაცემული ქონება არ უნდა ჩაითვალოს კანონის 35-ე მუხლით განსაზღვრული ფორმით გადაცემულად. ზემოთქმულიდან გამომდინარე, მართებულია „სახელმწიფო ქონების შესახებ“ საქართველოს კანონში ცვლილების შეტანის თაობაზე” საქართველოს კანონის პროექტს დაემატოს მე-5 პუნქტი, რომლითაც მოხდება „სახელმწიფო ქონების შესახებ“ საქართველოს კანონში შესაბამისი შინაარსის დებულების დამატება 47³მუხლის სახით. კერძოდ, მიზანშეწონილად მიგვაჩნია „სახელმწიფო ქონების შესახებ“ საქართველოს კანონში ცვლილების შეტანის თაობაზე” საქართველოს კანონის პროექტს დაემატოს შემდეგი შინაარსის მე-5 პუნქტი:

”5. კანონს დაემატოს 47³ მუხლი:

,,მუხლი 47³. თხოვების ხელშეკრულების შეწყვეტა და მოძრავი ქონების სარგებლობაში გადაცემა

1. სახელმწიფო ორგანოებისა და საჯარო სამართლის იურიდიული პირებისათვის თხოვების ხელშეკრულების საფუძველზე გადაცემული სახელმწიფო საკუთრებაში არსებული მოძრავი ქონება ჩაითვალოს ამ კანონის 35-ე მუხლით გათვალისწინებული ფორმით გადაცემულად და შეწყდეს შესაბამისი თხოვების ხელშეკრულებები.

2. ამ მუხლის მოქმედება არ ვრცელდება საქართველოს სამოციქულო ავტოკეფალურ მართლმადიდებლურ ეკლესიასთან გაფორმებული თხოვების ხელშეკრულებების მიმართ.”

გათვალისწინებულია

დანართი 6

პროექტი

საქართველოს კანონი

„სახელმწიფო ქონების შესახებ“ საქართველოს კანონში ცვლილების შეტანის თაობაზე

მუხლი 1. „სახელმწიფო ქონების შესახებ“ საქართველოს კანონში (საქართველოს საკანონმდებლო მაცნე, №48, 09.08.2010, მუხ. 312) შეტანილ იქნეს შემდეგი ცვლილება:

1.მე-5¹ მუხლს დაემატოს მე-6-მე-7 პუნქტები შემდეგი რედაქციით:

”6. სამინისტრო მასთან დაცული დოკუმენტაციის ქაღალდის მატარებლის მეშვეობით გაცემული ასლის დამოწმებისას ადასტურებს ასლის დედანთან იგივეობას.

7. სამინისტროს/სამინისტროს ტერიტორიული ორგანოს დოკუმენტი ელექტრონული სახით შეიძლება გაიცეს სამინისტროს ვებგვერდის – www.privatization.ge შესაბამისი ბმულების მეშვეობით და მისი ამონაბეჭდის მიმართ ასლის დედანთან სისწორის დამოწმებისათვის დადგენილი წესები არ გამოიყენება. ამ ამონაბეჭდს აქვს იგივე იურიდიული ძალა, რაც თავად ელექტრონული სახით გამოცემულ დოკუმენტს.”

2.მე-6 მუხლის:

ა) მე-4 პუნქტის ”ა” ქვეპუნქტი ჩამოყალიბდეს შემდეგი რედაქციით:

”ა) აუქციონში გამარჯვებულმა ამ კანონის საფუძველზე პრივატიზების განმახორციელებელი ორგანოს მიერ განსაზღვრულ ვადაში სრულად არ გადაიხადა საპრივატიზებო საფასური;”

ბ) 4¹და 4²პუნქტები ამოღებულ იქნეს.

3.მე-9 მუხლის მე-2 პუნქტი ჩამოყალიბდეს შემდეგი რედაქციით:

”2. აუქციონში გამარჯვებული აუქციონის ჩატარებიდან 30 კალენდარული დღის ვადაში იხდის სახელმწიფო საკუთრებაში არსებული, იჯარით გაუცემელი სასოფლო-სამეურნეო დანიშნულების მიწის ნაკვეთის საფასურს და პრივატიზების განმახორციელებელ ორგანოს წარუდგენს გადახდის დამადასტურებელ დოკუმენტს. პრივატიზების განმახორციელებელი ორგანო გასცემს ვალდებულების სრულად ან მისი ნაწილის შესრულების დადასტურებას ელექტრონული ფორმით, ვებგვერდ – www.privatization.ge-ის მეშვეობით, ან წერილობით, რაც საჯარო რეესტრში ვალდებულების გაუქმების ან მასში ცვლილების რეგისტრაციის საფუძველია.”

ა) მე-4 პუნქტი ჩამოყალიბდეს შემდეგი რედაქციით:

”4. სახელმწიფო საკუთრებაში არსებული უძრავი ქონების პირდაპირი მიყიდვის ფორმით პრივატიზებისას მყიდველი სახელმწიფო საკუთრებაში არსებული უძრავი ქონების საპრივატიზებო საფასურს იხდის ხელშეკრულების გაფორმების შემდეგ, საქართველოს პრეზიდენტის მიერ დადგენილ ვადაში. ”

ბ) მე-5 პუნქტი ამოღებულ იქნეს.

5.კანონს დაემატოს 47³ მუხლი:

მუხლი 2. ეს კანონი ამოქმედდეს გამოქვეყნებისთანავე.

საქართველოს პრეზიდენტი მიხეილ სააკაშვილი

დანართი 7

საქართველოს პარლამენტის ბიუროს

დარგობრივი ეკონომიკისა

და

ეკონომიკური პოლიტიკის კომიტეტის

დ ა ს კ ვ ნ ა

კანონპროექტზე

„სახელმწიფო ქონების შესახებ“

საქართველოს კანონში ცვლილების შეტანის თაობაზე“

დარგობრივი ეკონომიკისა და ეკონომიკური პოლიტიკის კომიტეტმა 2012 წლის 15 თებერვლის სხდომაზე, მეორე მოსმენით განიხილა საქართველოს მთავრობის მიერ საკანონმდებლო ინიციატივის წესით წარმოდგენილი საქართველოს კანონის პროექტი „სახელმწიფო ქონების შესახებ“ საქართველოს კანონში ცვლილების შეტანის თაობაზე“ და მომზადებულად მიიჩნია საქართველოს პარლამენტის პლენარულ სხდომაზე მეორე მოსმენით განხილვისათვის.

გიორგი მელაძე

კომიტეტის თავმჯდომარე

დანართი 8

პროექტი

საქართველოს კანონი

„ბუნებრივი რესურსებით სარგებლობისათვის მოსაკრებლების შესახებ“

საქართველოს კანონში ცვლილების შეტანის თაობაზე

მუხლი 1. „ბუნებრივი რესურსებით სარგებლობისათვის მოსაკრებლების შესახებ“ საქართველოს კანონში (სსმ, 41, 30/12/2004) შეტანილ იქნეს შემდეგი ცვლილებები:

ა) მე-9 მუხლის პირველი პუნქტი ჩამოყალიბდეს შემდეგი რედაქციით:

“1. ამ კანონით განსაზღვრული ბუნებრივი რესურსებით სარგებლობის მოსაკრებლების (შემდგომში “მოსაკრებლები“) გადახდის ადმინისტრირება ევალებათ საგადასახადო ორგანოებს და საქართველოს ენერგეტიკისა და ბუნებრივი რესურსების სამინისტროს სისტემაში შემავალ საჯარო სამართლის იურიდიულ პირს − ბუნებრივი რესურსების სააგენტოს (შემდგომში ,,სააგენტო“). სააგენტო მოსაკრებლების გადახდის ადმინისტრირებას ახორციელებს ამ კანონით და საქართველოს მთავრობის კანონქვემდებარე ნორმატიული აქტით დადგენილი წესით.“

ბ) კანონს მე-9 მუხლის შემდეგ დაემატოს შემდეგი შინაარსის 9¹და 9² მუხლები:

,,მუხლი 9¹. ბუნებრივი რესურსებით სარგებლობისთვის მოსაკრებლების გადახდის ადმინისტრირება

1. ამ კანონით განსაზღვრული ბუნებრივი რესურსებით სარგებლობისთვის მოსაკრებლების გადახდაზე პასუხისმგებელ პირს (შემდგომში პასუხისმგებელი პირი) და სააგენტოს შორის შესაძლებელია დაიდოს მოსაკრებლების გადახდის ადმინისტრირებასთან დაკავშირებული შეთანხმება (შემდგომში ,,შეთანხმება“).

2. შეთანხმებით შესაძლებელია განხორციელდეს:

ა) პასუხისმგებელი პირის მიერ განცხადების შეტანის მომენტისათვის ან რომელიმე კონკრეტულ პერიოდში/პერიოდებში გადასახდელი მოსაკრებლების და საურავის ოდენობის განსაზღვრა, შემცირება, ან/და მათი გადახდის (მთლიანად ან ნაწილობრივ) გადავადება (მათ შორის განაწილვადება) ან/და სხვა ვალდებულებით ჩანაცვლება;

ბ) მომავალ პერიოდში/პერიოდებში გადასახდელი მოსაკრებლების ოდენობის განსაზღვრა, მისი გადახდის (მთლიანად ან ნაწილობრივ) ვადის განსაზღვრა, გადავადება (მათ შორის განაწილვადება) ან/და სხვა ვალდებულებით ჩანაცვლება.

3. ამ მუხლის მე-2 პუნქტის შესაბამისად მოსაკრებლების გადახდის გადავადება (მათ შორის განაწილვადება) არა უმეტეს 3 წლით ხორციელდება წლიური 4% სარგებლით, ხოლო სამ წელზე მეტი ვადით - არანაკლებ წლიური 4%-ით.

4. შეთანხმებით გათვალისწინებული ვალდებულებების შესრულების ვადების დარღვევის შემთხვევაში პასუხისმგებელ პირს დაეკისრება გადაუხდელი თანხის 0.5 პროცენტი ყოველ ვადაგადაცილებულ კალენდარულ დღეზე, მაგრამ არა უმეტეს შეთანხმებით გადასახდელად განსაზღვრული მთლიანი თანხის 10 პროცენტისა.

5. ბუნებრივი რესურსებით სარგებლობისთვის მოსაკრებლების გადახდის ადმინისტრირებასთან დაკავშირებული შეთანხმების გასაჩივრება დასაშვებია მხოლოდ იმ შემთხვევაში, თუ იგი ხელმოწერილია არაუფლებამოსილი პირის მიერ.

მუხლი 9². შეთანხმების გაფორმება

1. პასუხისმგებელი პირი შეთანხმების გაფორმების შესახებ განცხადებით მიმართავს სააგენტოს. განცხადების მიღების შემდგომ სააგენტო უფლებამოსილია:

ა) უარი თქვას შეთანხმების გაფორმებაზე, რაც წერილობით უნდა ეცნობოს პასუხისმგებელი პირს. ასეთ შემთხვევაში სააგენტო არ არის ვალდებული დაასაბუთოს უარი;

ბ) აღნიშნული განცხადება თანდართულ მასალებთან ერთად წარუდგინოს საქართველოს ენერგეტიკისა და ბუნებრივი რესურსების მინისტრს, რომელიც თავის მხრივ გადაწყვეტილების მისაღებად წარუდგენს საქართველოს პრემიერ-მინისტრს.

2. შეთანხმების გაფორმების შესახებ გადაწყვეტილებას იღებს საქართველოს პრემიერ-მინისტრი. საქართველოს პრემიერ-მინისტრის ბრძანებით განისაზღვრება პასუხისმგებელი პირის მიერ შეთანხმების შესაბამისად გადასახდელი თანხის ოდენობა და გადახდის ვადა, ხოლო ამ კანონის 9¹ მუხლის მე-3 პუნქტით გათვალისწინებულ შემთხვევაში − სარგებლის წლიური განაკვეთის ოდენობა.

3. საქართველოს პრემიერ-მინისტრის გადაწყვეტილებით, ბუნებრივი რესურსებით სარგებლობისთვის მოსაკრებლების ანაზღაურების უზრუნველსაყოფად დამატებით პირობად შესაძლებელია განისაზღვროს კანონმდებლობით გათვალისწინებული ვალდებულების შესრულების უზრუნველყოფის საშუალება.

4. ამ მუხლის მე-2 პუნქტის საფუძველზე მიღებული გადაწყვეტილების შესახებ პასუხისმგებელ პირს უნდა ეცნობოს წერილობით.

5. შეთანხმების დადების შემდეგ დაუშვებელია შეთანხმებით გათვალისწინებული მოსაკრებლების ოდენობის გადახედვა (დაზუსტება), გარდა იმ შემთხვევისა, როდესაც შეთანხმება გაუქმებულია.

6. პასუხისმგებელი პირის მიერ შეთანხმების პირობების დარღვევა გამოიწვევს შეთანხმების გაუქმებას საქართველოს მთავრობის კანონქვემდებარე ნორმატიული აქტით დადგენილი წესის და შეთანხმების შესაბამისად.“

მუხლი 2. ეს კანონი ამოქმედდეს გამოქვეყნებისთანავე.

საქართველოს პრეზიდენტი მ. სააკაშვილი

დანართი 9

საქართველოს პარლამენტის ბიუროს

დარგობრივი ეკონომიკისა

და

ეკონომიკური პოლიტიკის კომიტეტის

დ ა ს კ ვ ნ ა

კანონპროექტზე

„ბუნებრივი რესურსებით სარგებლობისათვის მოსაკრებლის შესახებ“ საქართველოს კანონში ცვლილების შეტანის თაობაზე“

დარგობრივი ეკონომიკისა და ეკონომიკური პოლიტიკის კომიტეტმა 2012 წლის 15 თებერვლის სხდომაზე, პირველი მოსმენით განიხილა საქართველოს მთავრობის მიერ საკანონმდებლო ინიციატივის წესით წარმოდგენილი საქართველოს კანონის პროექტი „ბუნებრივი რესურსებით სარგებლობისათვის მოსაკრებლის შესახებ“ საქართველოს კანონში ცვლილების შეტანის თაობაზე“ და მომზადებულად მიიჩნია საქართველოს პარლამენტის პლენარულ სხდომაზე პირველი მოსმენით განხილვისათვის.

გიორგი მელაძე

კომიტეტის თავმჯდომა

დანართი 10

პროექტი

საქართველოს კანონი

„სახელმწიფო ქონების შესახებ“

საქართველოს კანონში ცვლილების შეტანის თაობაზე

მუხლი 1. „სახელმწიფო ქონების შესახებ“ საქართველოს კანონის (საქართველოს საკანონმდებლო მაცნე, №48, 09.08.2010, მუხლი 312) 25-ე მუხლი ჩამოყალიბდეს შემდეგი რედაქციით:

„მუხლი 25. სააგენტოს მიზნები

1. სააგენტოს ძირითადი მიზანია სახელმწიფოს საკუთრებაში მიქცეული მოძრავი ქონების აღრიცხვა, შენახვა, შეფასება, განკარგვა, განაწილება, რეალიზაცია ან/და მისი განადგურების ღონისძიებათა კოორდინაცია და ამ სფეროში არსებული პრობლემების გადაჭრა.

2. სააგენტო აგრეთვე ახორციელებს მისთვის კანონმდებლობით მინიჭებულ სხვა უფლებამოსილებებს, მათ შორის, დაინტერესებული ფიზიკური და იურიდიული პირების ქონების განკარგვის ხელშეწყობას.

3. დაინტერესებული ფიზიკური და იურიდიული პირების ქონების განკარგვის ხელშეწყობის განხორციელებისას, სააგენტოს მიერ მომსახურების გაწევის წესს, მომსახურების სახეებს და საფასურის ოდენობას განსაზღვრავს საქართველოს მთავრობა.

4. ამ მუხლის მე-3 პუნქტით გათვალისწინებული საფასაური მთლიანად მიიმართება სააგენტოს ანგარიშზე.“.

მუხლი 2. ამ კანონის ამოქმედებიდან ერთი თვის ვადაში საქართველოს მთავრობამ უზრუნველყოს დაინტერესებული ფიზიკური და იურიდიული პირების ქონების განკარგვის ხელშეწყობის განხორციელებისას, სააგენტოს მიერ მომსახურების გაწევის წესის, მომსახურების სახეების და საფასურის ოდენობის დამტკიცება.

მუხლი 3. ეს კანონი ამოქმედდეს გამოქვეყნებისთანავე

საქართველოს პრეზიდენტი მიხეილ სააკაშვილი

დანართი 11

საქართველოს პარლამენტის ბიუროს

დარგობრივი ეკონომიკისა

და

ეკონომიკური პოლიტიკის კომიტეტის

დ ა ს კ ვ ნ ა

კანონპროექტზე

„სახელმწიფო ქონების შესახებ“

საქართველოს კანონში ცვლილების შეტანის თაობაზე

დარგობრივი ეკონომიკისა და ეკონომიკური პოლიტიკის კომიტეტმა 2012 წლის 15 თებერვლის სხდომაზე, პირველი მოსმენით განიხილა საქართველოს მთავრობის მიერ საკანონმდებლო ინიციატივის წესით წარმოდგენილი საქართველოს კანონის პროექტი „სახელმწიფო ქონების შესახებ“ საქართველოს კანონში ცვლილების შეტანის თაობაზე“ და მომზადებულად მიიჩნია საქართველოს პარლამენტის პლენარულ სხდომაზე პირველი მოსმენით განხილვისათვის.

გიორგი მელაძე

კომიტეტის თავმჯდომარე

დანართი 12

საქართველოს პარლამენტის

საფინანსო–საბიუჯეტო კომიტეტს

საქართველოს პარლამენტის

საგარეო ურთიერთობათ კომიტეტს

ასლი: საქართველოს პარლამენტის

საორგანიზაციო დეპარტამენტს

დარგობრივი ეკონომიკისა

და

ეკონომიკური პოლიტიკის კომიტეტის

დ ა ს კ ვ ნ ა

რატიფიკაციისათვის წარმოდგენილ

„საქართველოსა და აზიის განვითარების შორის დაფინანსების ჩარჩო ხელშეკრულების

(საქართველო: ქვერეგიონული საგზაო დერეფანი)“

2011 წლის 30 დეკემბერის ცვლილებაზე

დარგობრივი ეკონომიკისა და ეკონომიკური პოლიტიკის კომიტეტმა 2012 წლის 15 თებერვლის სხდომაზე განიხილა საქართველოს პრეზიდენტის მიერ რატიფიკაციისათვის წარმოდგენილი „საქართველოსა და აზიის განვითარების შორის დაფინანსების ჩარჩო ხელშეკრულების (საქართველო: ქვერეგიონული საგზაო დერეფანი)“ 2011 წლის 30 დეკემბერს წერილების გაცვლის გზით დადებული ცვლილება და მომზადებულად მიიჩნია საქართველოს პარლამენტის პლენარულ სხდომაზე რატიფიკაციისათვის.

გიორგი მელაძე

კომიტეტის თავმჯდომარე

დანართი 13

საქართველოს პარლამენტის

საფინანსო – საბიუჯეტო კომიტეტს

ასლი : საქართველოს პარლამენტის

საორგანიზაციო დეპარტამენტს

დარგობრივი ეკონომიკისა

და

ეკონომიკური პოლიტიკის კომიტეტის

დ ა ს კ ვ ნ ა

კანონპროექტებზე

„საქართველოს საგადასახადო კოდექსში ცვლილების შეტანის შესახებ“

და

„თავისუფალი ინდუსტრიული ზონების შესახებ“

საქართველოს კანონში ცვლილების შეტანის თაობაზე

დარგობრივი ეკონომიკისა და ეკონომიკური პოლიტიკის კომიტეტმა 2012 წლის 15 თებერვლის სხდომაზე განიხილა საქართველოს მთავრობის მიერ საკანონმდებლო ინიციატივის წესით წარმოდგენილი კანონპროექტები: „საქართველოს საგადასახადო კოდექსში ცვლილების შეტანის შესახებ“ და „თავისუფალი ინდუსტრიული ზონების შესახებ“ და მათ მიმართ შენიშვნები და წინადადებები არ გააჩნია.

გიორგი მელაძე

კომიტეტის თავმჯდომარე

დანართი 14

საქართველოს პარლამენტის

გარემოს დაცვისა და

ბუნებრივი რესურსების კომიტეტს

ასლი: საქართველოს პარლამენტის

საორგანიზაციო დეპარტამენტს

დარგობრივი ეკონომიკისა

და

ეკონომიკური პოლიტიკის კომიტეტის

დ ა ს კ ვ ნ ა

კანონპროექტზე

„დაცული ტერიტორიების სტატუსის შესახებ“

საქართველოს კანონში ცვლილების შეტანის თაობაზე“

დარგობრივი ეკონომიკისა და ეკონომიკური პოლიტიკის კომიტეტმა 2012 წლის 15 თებერვლის სხდომაზე განიხილა საქართველოს მთავრობის მიერ საკანონმდებლო ინიციატივის წესით წარმოდგენილი კანონპროექტი „დაცული ტერიტორიების სტატუსის შესახებ“ საქართველოს კანონში ცვლილების შეტანის თაობაზე“ და მის მიმართ შენიშვნები და წინადადებები არ გააჩნია.

გიორგი მელაძე

კომიტეტის თავმჯდომარე