კომიტეტის წევრები:

მ. სამადაშვილი, თ. წურწუმია, კ. ბადაგაძე, ა. თავდგირიძე, გ. კანდელაკი, ზ. კიკალეიშვილი, კ. კვიციანი, რ. მარსაგიშვილი, თ. ჩარკვიანი, გ. ჩახვაძე, გ. ჯაბუა;

აპარატის მუშაკები:

ი. მერებაშვილი, მ. ჯაფარიძე,   თ. შაბაშვილი, ვ. ქარუმიძე, თ. ჯაფარიძე.

მოწვეულები:

რუსუდან კემულარია – ფინანსთა მინისტრის მოადგილე;

1. 1.მოისმინეს:

მოხსენება „აჭარის ავტონომიური რესპუბლიკის ხულოს მუნიციპალიტეტის გოდერძის ხეობაში სათხილამურო საბაგიროსა და გონდოლას მიწოდების, პროექტის საინჟინრო   მომსახურების, აწყობის ტექნიკური დახმარებისა და მოწყობილობების ექსპლოატაციაში დადებული ექსპორტის საკრედიტო ხელშეკრულების შესახებ.

აღინიშნა რომ, ავსტრიის რესპუბლიკის მთავრობის ხელშეწყობით დაგეგმილია აჭარის ავტონომიური რესპუბლიკის ხულოს მუნიციპალიტეტის გოდერძის ხეობაში სათხილამურო საბაგიროების მოწყობის პროექტი (შემდგომში პროექტი), რის განსახორციელებლად 2012 წლის 8 ივნისს გაფორმდა კონტრაქტი ავსტრიულ კომპანია DOPPELMAYR Seilbahnen GmbH და შპს „გოდერძის კურორტებს“ (“Goderdzi Resorts” LTD) შორის.

პროექტის დაფინანსების მიზნით საქართველოს (წარმოდგენილი ფინანსთა სამინისტროთი) და UniCredit Bank Austria AG შორის 2012 წლის 18 ივნისს გაფორმდა საკრედიტო ხელშეკრულება, რომელიც ითვალისწინებს შეღავათიანი კრედიტის გამოყოფას. აღნიშნული კრედიტის მხარდაჭერას შეღავათიანი პირობების უზრუნველყოფის მიზნით ახორციელებს ავსტრიის ფინანსთა სამინისტრო და ავსტრიის კონტროლბანკი OeKB (Oesterreichische Kontrollbank Aktiengesellschaft) UniCredit Bank Austria AG-ზე საკრედიტო გარანტიის გაცემის საშუალებით.

საკრედიტო ხელშეკრულების ფინანსური პირობები შემდეგია: ოდენობა: 10,930,000 ევრო; სესხის დაფარვის ვადა: 15 წელი (მათ შორის შეღავათიანი პერიოდი 5.5 წელი);სესხის საპროცენტო განაკვეთი: წლიური 0%;ვალდებულების გადასახადი: სესხის აუთვისებელ ნაწილზე წლიური 0.5%;ადმინისტრირების გადასახადი: სესხის თანხის 0.5%, რომელიც გადასახდელია სესხის ხელმისაწვდომობის თარიღიდან 30 დღის განმავლობაში;OeKB ერთჯერადი საგარანტიო პრემია და მომსახურების გადასახდელი: 28,765.00 ევროს ოდენობით გადასახდელია სესხის ხელმისაწვდომობის თარიღიდან 30 დღის განმავლობაში. OeKB-ის საგარანტიო მარჟა: წლიური 1%.

სესხის თანხის მიმღები საქართველოს სახელით არის ფინანსთა სამინისტრო, რომელიც სესხის თანხებს საკრედიტო ხელშეკრულებაში მოცემული იდენტური ფინანსური პირობებით გადასცემს აჭარის ავტონომიური რესპუბლიკის მთავრობას, წარმოდგენილი აჭარის ავტონომიური რესპუბლიკის ფინანსთა და ეკონომიკის სამინისტროთი.

აზრი გამოთქვეს:

კანდელაკმა, ჩარკვიანმა, მელაძემ;

გადაწყვიტეს:

კომიტეტმა მიიღო შესაბამისი გადაწყვეტილება (დანართი 1).

1. 2.მოისმინეს:

მოხსენება „საქართველოს საბიუჯეტო კოდექსში ცვლილების შეტანის შესახებ“ საქართველოს პარლამენტის წევრების გურანდა ჯაბუასა და ანდრო ალავიძის საკანონმდებლო ინიციატივის წესით წარმოდგენილი კანონპროექტის შესახებ.

აზრი გამოთქვეს:

ჩახვაძემ, კემულარიამ, მელაძემ.

გადაწყვიტეს:

კომიტეტმა მიიღო შესაბამისი გადაწყვეტილება (დანართი 2).