| საფინანსო-საბიუჯეტო კომიტეტის სხდომა |
| ხუთშაბათი, 26 აპრილი 2012 18:12 |
|
სხდომაზე ასევე განიხილეს აჭარის ავტონომიური რესპუბლიკის უმაღლესი საბჭოს მიერ საკანონმდებლო ინიციატივის წესით წარმოდგენილი კანონპროექტი "მაჭახელას ეროვნული პარკის შესახებ". კანონპროექტის ზოგად პრინციპებზე საუბრისას, აჭარის ავტონომიური რესპუბლიკის უმაღლესი საბჭოს აგრარულ საკითხთა და როგორც საფინანსო–საბიუჯეტო კომიტეტის თავმჯდომარემ ზურაბ მელიქიშვილმა განაცხადა, ეროვნული პარკის შექმნის იდეა მისასალმებელია, რომელსაც კომიტეტის წევრები მხარს უჭერენ, თუმცა დასაზუსტებელია მაჭახელას ეროვნული პარკის ასამუშავებლად საჭირო თანხის მოზიდვის გზები. მისი თქმით, ეს საკითხი კანონპროექტის მეორე მოსმენით განხილვამდე უნდა გაირკვეს. კომიტეტის წევრებმა კანონპროექტის პირველი მოსმენით განხილვას მხარი დაუჭირეს. პარლამენტის წევრმა ზვიად კუკავამ პირველი მოსმენით კანონპროექტი "საქართველოს ზოგიერთ საკანონმდებლო აქტში ცვლილების შეტანის შესახებ" წარმოადგინა, რომელიც გადახდისუუნარობის საქმის წარმოების შესახებ კანონში, საგადასახადო და ადმინისტრაციულ სამართალდარღვევათა კოდექსებში ცვლილებების შეტანას ითვალისწინებს. კანონპროექტის მიზანია გადახდისუუნარობის საქმის წარმოებისას არსებული ცალკეული ხარვეზების აღმოფხვრა. პირველი მოსმენით განიხილეს ასევე მთავრობის საკანონმდებლო ინიციატივის წესით წარმოდგენილი კანონპროექტი "გრანტების შესახებ" საქართველოს კანონში ცვლილების შეტანის თაობაზე", რომლის მიზანს სსიპ–ის –საქართველოს რეფორმებისა და თანამშრომლობის ორგანიზაციის მიერ გრანტების გაცემისა და გრანტების შესაბამის ადრესატებამდე მიღების უზრუნველყოფა წარმოადგენს. კომიტეტის წევრებმა განხილული საკითხების პარლამენტის პლენარულ სხდომაზე გატანას მხარი ერთხმად დაუჭირეს. |
