საქართველოს პარლამენტის თავმჯდომარემ, დავით ბაქრაძემ სოციალური ქსელის იმ მომხმარებლებს უმასპინძლა, რომლებიც პარლამენტის თავმჯდომარის Facebook-ის გვერდის აქტიური მომხმარებლები არიან. პარლამენტის თავმჯდომარის ფანგვერდი რამდენიმე თვეა გაიხსნა და მას უკვე 65 ათასზე მეტი მომხმარებელი ჰყავს, ხოლო მისი შეხვედრები სოციალური ქსელის მეგობრებთან ტრადიციული გახდა. დავით ბაქრაძემ Facebook–ელ მეგობრებს დღეს უკვე მეხუთედ უმასპინძლა.
პარლამენტის თავმჯდომარის სტუმრებმა პარლამენტის სასახლე დაათვალიერეს და სამახსოვრო ფოტოები გადაიღეს, მათ ასევე სამახსოვრო საჩუქრები გადაეცათ.