საპარლამენტო ფრაქცია

„ქართული ოცნება-კონსერვატორების“

პოლიტიკური პლატფორმა

საპარლამენტო ფრაქცია „ქართული ოცნება-კონსერვატორი“, არის პარლამენტის წევრთა ნებაყოფლობითი გაერთიანება, საერთო პოლიტიკური მიზნების მისაღწევად. კერძოდ:

1. ერთიანი და დემოკრატიული ქართული სახელმწიფოს ჩამოყალიბება.
2. სახემწიფოებრივი პატრიოტიზმის, ეროვნული მსოფლმხედველობისა და იდეალების დამკვიდრება, ეთნიკური, კონფესიური, კულტურული და ტრადიციული თვითმყოფადობის შენარჩუნება.
3. ტერიტორიული მთლიანობის აღდგენა, ინტეგრაცია ევროპულ სტრუქტურებში და ნატოში.
4. სახელმწიფო აღმშენებლობაში აქტიური მონაწილეობა, მშვიდობიანი და სამართლებრივი პოლიტიკური საშუალებებით.
5. დემოკრატიული პრინციპების დამკვიდრება სახელმწიფო მმართველობაში, ყველა დონის ტერიტორიული ერთეულების სრული თვითმმართველობა.
6. კერძო საკუთრების დაცვა, სამეწარმეო და არასამეწარმეო საქმიანობის ავტონომია.
7. ადამიანის ძირითდ უფლებათა და თავისუფლებათა დაცვა.
8. სიტყვისა და გამოხატვის თავისუფლების დაცვა.
9. სიღარიბის დაძლევა და უღარიბესი ფენისთვის ეფექტური სოციალური პროგრამების განხორციელება.
10. განათლებისა და ჯანდაცვის ხელმისაწვდომობის უზრუნველყოფა.