| სხდომის ოქმი #7 |
|
საქართველოს პარლამენტის დარგობრივი ეკონომიკისა და ეკონომიკური პოლიტიკისK კომიტეტის სხდომის
ოქმი #7
ქ. ქუთაისი, 18 დეკემბერი, 2012 წ.
სხდომის თავმჯდომარე: ზურაბ ტყემალაძე
სხდომას მდივნობდა: რამაზ ყანჩაველი
სხდომას ესწრებოდნენ:
დღის წესრიგი
საქართველოს პარლამენტის ევროპასთან ინტეგრაციის კომიტეტის მიერ საკანონმდებლო ინიციატივის წესით წარმოდგენილი კანონპროექტი „მაუწყებლობის შესახებ“ საქართველოს კანონში ცვლილების შეტანის თაობაზე“ /მეორე მოსმენა/ /მომხ. ვიქტორ დოლიძე/
საქართველოს პრეზიდენტის მიერ რატიფიკაციისათვის წარმოდგენილი შეთანხმება „საქართველოს მთავრობასა და მოლდოვას რესპუბლიკის მთავრობას შორის საერთაშორისო საავტომობილო მიმოსვლის შესახებ“ /მომხ. ნათია მიქელაძე/
საქართველოს მთავრობის მიერ საკანონმდებლო ინიციატივის წესით წარმოდგენილი კანონპროექტი „პროდუქტის უსაფრთხოებისა და თავისუფალი მიმოქცევის შესახებ“ საქართველოს კანონში ცვლილების შეტანის თაობაზე“ /იხილება გამარტივებული წესით/ /მომხ. ნათია მიქელაძე/
საქართველოს პარლამენტის წევრის მურმან დუმბაძის მიერ საკანონმდებლო ინიციატივის წესით წარმოდგენილი კანონპროექტები: „მაუწყებლობის შესახებ“ საქართველოს კანონში ცვლილების შეტანის თაობაზე“ და „სახელმწიფო შესყიდვების შესახებ“ საქართველოს კანონში ცვლილების შეტანის თაობაზე“ /მომხ. მურმან დუმბაძე/
საქართველოს პარლამენტის წევრის დავით ონოფრიშვილის მიერ საკანონმდებლო ინიციატივის წესით წარმოდგენილი კანონპროექტი „ბუღალტრული აღრიცხვისა და ანგარიშგების აუდიტის შესახებ“ საქართველოს კანონში ცვლილების შეტანის თაობაზე“ /მომხ. დავით ონოფრიშვილი/
საქართველოს პრეზიდენტის მიერ რატიფიკაციისათვის წარმოდგენილი „საქართველოსა და განვითარების საერთაშორისო ასოციაციას შორის დაფინანსების შეთანხმება (რეგიონული განვითარების პროექტი)“ /მომხ. დავით ებრალიძე/
სხდომის თავმჯდომარე: ზურაბ ტყემალაძე
სხდომის მდივანი: რამაზ ყანჩაველი
დანართი 1 „მაუწყებლობის შესახებ“ საქართველოს კანონში ცვლილების შეტანის თაობაზე“ კანონპროექტზე გამოთქმული შენიშვნების გათვალისწინების მდგომარეობის ამსახველი ფურცელი
დანართი 2
პროექტი საქართველოს კანონი “მაუწყებლობის შესახებ” საქართველოს კანონში ცვლილებების შეტანის თაობაზე
მუხლი 1. საქართველოს კანონში “მაუწყებლობის შესახებ” (სსმ, №5, 18.01.2005, მუხ. 19) შეტანილ იქნეს შემდეგი ცვლილება:
კანონის მე-16 მუხლს დაემატოს შემდეგი შინაარსის „ნ)“ და „ო)“ ქვეპუნქტები: „ნ) უზრუნველყოს საქართველოს საგარეო პოლიტიკური ძირითადი მიმართულებების, მათ შორის საქართველოს ნატოსა და ევროკავშირში ინტეგრაციის პოპულარიზაცია;
ო) უზრუნველყოს აუდიტორიის დროული და ყოველმხრივი ინფორმირება საქართველოს ოკუპირებულ ტერიტორიებთან დაკავშირებული მოვლენების შესახებ.“
კანონის მე-20 მუხლის პირველი პუნქტი ჩამოყალიბდეს შემდეგი შინაარსით: „1. სამეურვეო საბჭო განსაზღვრავს საზოგადოებრივი მაუწყებლობის პროგრამულ პრიორიტეტებს საქართველოს სახელმწიფოს საშინაო და საგარეო პოლიტიკის ძირითადი პრიორიტეტული მიმართულებების, მათ შორის ევროკავშირსა და ნატოში ინტეგრაციისა და ქვეყნის ოკუპირებულ ტერიტორიებთან დაკავშირებული მოვლენების, საზოგადოებრივი აზრის კვლევის შედეგების, მაუწყებლობის სფეროში სახელმწიფო პოლიტიკის ძირითადი მიმართულებებისა და პრიორიტეტების გათვალისწინებით.“
კანონის 30-ე მუხლის „ა)“ ქვეპუნქტი ჩამოყალიბდეს შემდეგნაირად: „ა) „მაუწყებლობის შესახებ“ საქართველოს კანონის მე-16 და მე-20 მუხლების გათვალისწინებით განსაზღვრავს საზოგადოებრივი მაუწყებლის პროგრამულ პრიორიტეტებს;“
კანონის 65-ე მუხლის პირველი და მე-2 პუნქტები ჩამოყალიბდეს შემდეგი რედაქციით:
1. მაუწყებელი ვალდებულია ეთერში განთავსების მიზნით წარმოდგენილ სოციალურ რეკლამას უსასყიდლოდ და არადისკრიმინაციულად დაუთმოს 3 საათში არანაკლებ 90 წამისა, საიდანაც საზოგადოებრივი მაუწყებელი ვალდებულია 20 წამი დაუთმოს სოციალურ რეკლამას საქართველოს ნატოსა და ევროკავშირში ინტეგრაციასთან დაკავშირებით. 2. წინასაარჩევნო კამპანიის დროს საზოგადოებრივი მაუწყებელი, აგრეთვე სათემო მაუწყებლობის ლიცენზიის მფლობელი ვალდებულნი არიან ეთერში განთავსების მიზნით სოციალურ რეკლამას უსასყიდლოდ და არადისკრიმინაციულად დაუთმონ 1 საათში არანაკლებ 60 წამისა და მათი მომსახურების ზონაში სოციალური რეკლამის სახით მიაწოდონ საზოგადოებას ინფორმაცია საარჩევნო სუბიექტებისა და მნიშვნელოვანი საარჩევნო პროცედურების შესახებ. ინფორმაცია უნდა იყოს ზუსტი და შეიცავდეს შემდეგ მონაცემებს:
ა) საარჩევნო უბნების მისამართები; ბ) არჩევნების თარიღი; გ) საარჩევნო საპროცედურო უფლებები და მოვალეობები.“
მუხლი 2. ეს კანონი ამოქმედდეს გამოქვეყნებისთანავე
საქართველოს პრეზიდენტი მიხეილ სააკაშვილი
დანართი 3
საქართველოს პარლამენტის ბიუროს
დარგობრივი ეკონომიკისა და ეკონომიკური პოლიტიკის კომიტეტის
დ ა ს კ ვ ნ ა
კანონპროექტზე „მაუწყებლობის შესახებ“ საქართველოს კანონში ცვლილების შეტანის თაობაზე“
დარგობრივი ეკონომიკისა და ეკონომიკური პოლიტიკის კომიტეტმა 2012 წლის 18 დეკემბრის სხდომაზე მეორე მოსმენით განიხილა საქართველოს პარლამენტის ევროპასთან ინტეგრაციის კომიტეტის მიერ საკანონმდებლო ინიციატივის წესით წარმოდგენილი კანონპროექტი „მაუწყებლობის შესახებ“ საქართველოს კანონში ცვლილების შეტანის თაობაზე“ და მომზადებულად მიიჩნია საქართველოს პარლამენტის პლენარულ სხდომაზე მეორე მოსმენით განხილვისათვის.
ზურაბ ტყემალაძე კომიტეტის თავმჯდომარე
დანართი 4
საქართველოს პარლამენტის ბიუროს
დარგობრივი ეკონომიკისა და ეკონომიკური პოლიტიკის კომიტეტის
დ ა ს კ ვ ნ ა
შეთანხმებაზე „საქართველოს მთავრობასა და მოლდოვას რესპუბლიკის მთავრობას შორის საერთაშორისო საავტომობილო მიმოსვლის შესახებ“
დარგობრივი ეკონომიკისა და ეკონომიკური პოლიტიკის კომიტეტმა 2012 წლის 18 დეკემბრის სხდომაზე განიხილა საქართველოს საქართველოს პრეზიდენტის მიერ წარმოდგენილი შეთანხმება „საქართველოს მთავრობასა და მოლდოვას რესპუბლიკის მთავრობას შორის საერთაშორისო საავტომობილო მიმოსვლის შესახებ“ და მომზადებულად მიიჩნია საქართველოს პარლამენტის პლენარულ სხდომაზე რატიფიცირებისათვის.
ზურაბ ტყემალაძე კომიტეტის თავმჯდომარე
დანართი 5
პროექტი საქართველოს კანონი
პროდუქტის უსაფრთხოებისა და თავისუფალი მიმოქცევის კოდექსში ცვლილების შეტანის შესახებ
მუხლი 1. პროდუქტის უსაფრთხოებისა და თავისუფალი მიმოქცევის კოდექსში (საქართველოს საკანონმდებლო მაცნე (www.matsne.gov.ge), 25.05.2012, სარეგისტრაციო კოდი: 240110000.05.001.016708) შეტანილ იქნეს შემდეგი ცვლილებები:
103–ე მუხლის პირველი და მე–2 ნაწილები ჩამოყალიბდეს შემდეგი რედაქციით: „1. შესაბამისმა უწყებებმა 2013 წლის 31 დეკემბრამდე საქართველოს მთავრობას წარუდგინონ მისაღები ტექნიკური რეგლამენტების პროექტები მოქმედი ტექნიკური რეგლამენტების (ნორმების, წესების, ინსტრუქციების, მოთხოვნების) რევიზიის შედეგად. 2. საქართველოს მთავრობამ 2014 წლის პირველ აპრილამდე დაამტკიცოს და გამოაქვეყნოს საქართველოში მოქმედი/რეგისტრირებული ტექნიკური რეგლამენტების ნუსხა.“ 2. 103–ე მუხლის მე–4 ნაწილი ჩამოყალიბდეს შემდეგი რედაქციით: „4. საქართველოს მთავრობამ 2013 წლის პირველ მარტამდე შეიმუშაოს და დაამტკიცოს იმ ქვეყნების ნუსხა, რომელთა ტექნიკური რეგლამენტები საქართველოში სამოქმედოდ არის დაშვებული.“ 103–ე მუხლის მე–15 ნაწილი ჩამოყალიბდეს შემდეგი რედაქციით: „15. შესაბამისმა უწყებებმა 2014 წლის პირველ იანვრამდე უზრუნველყონ ამავე კოდექსის 104-ე მუხლის შესაბამისად ძალადაკარგულად გამოცხადებული საკანონმდებლო აქტების საფუძველზე გამოცემული ნორმატიული აქტების კოდექსთან შესაბამისობა.“ 103–ე მუხლის 18–21 ნაწილები ჩამოყალიბდეს შემდეგი რედაქციით: „18. საქართველოს მთავრობამ 2013 წლის პირველ მარტამდე შეიმუშაოს და დაამტკიცოს იმ ქვეყნების ნუსხა, რომელთა შესაბამისობის შემფასებელი ორგანოების მიერ გაცემული შესაბამისობის დამადასტურებელი დოკუმენტები აღიარებულია საქართველოში. 19. საქართველოს მთავრობამ 2013 წლის პირველ მარტამდე შეიმუშაოს და დაამტკიცოს იმ ქვეყნებიდან იმპორტირებული, შესაბამისობის შეფასებისადმი დაქვემდებარებული ობიექტების მიერ შესაბამისობის შეფასების პროცედურის გავლის წესი, რომლებიც არ არის განსაზღვრული ამ მუხლის მე-18 ნაწილში აღნიშნულ დადგენილებაში. 20. საქართველოს მთავრობამ 2013 წლის პირველ მარტამდე განსაზღვროს იმ ქვეყნების ნუსხა, რომლებშიც წარმოებულია რეგულირებული სფეროსთვის მიკუთვნებული პროდუქტი, რომელიც საქართველოს ბაზარზე განთავსდება შეზღუდვის გარეშე. 21. საქართველოს მთავრობამ 2013 წლის პირველ ივნისამდე განსაზღვროს შესაბამისობის შეფასების მოდულები და ქვემოდულები და მათთან დაკავშირებული პროცედურები.“ 6. 103–ე მუხლის 24–ე ნაწილი ჩამოყალიბდეს შემდეგი რედაქციით: „24. ამ კოდექსთან საქართველოს კანონმდებლობის შესაბამისობის მიზნით საქართველოს მთავრობამ 2013 წლის 31 დეკემბრამდე უზრუნველყოს საქართველოს პარლამენტისთვის შესაბამისი საკანონმდებლო აქტების პროექტების წარდგენა.“. 104–ე მუხლის მე–2 ნაწილი ჩამოყალიბდეს შემდეგი რედაქციით: „2. 2014 წლის პირველი იანვრის შემდეგ ყველა ტექნიკური რეგლამენტი (ნორმები, წესები, ინსტრუქციები, მოთხოვნები), რომლებიც სათანადო წესით არ იქნება მიღებული, ძალადაკარგულად ჩაითვლება.“
მუხლი 2. ეს კანონი ამოქმედდეს გამოქვეყნებისთანავე.
საქართველოს პრეზიდენტი მიხეილ სააკაშვილი
დანართი 6
საქართველოს პარლამენტის განათლების, მეცნიერებისა და კულტურის კომიტეტს
ასლი: საქართველოს პარლამენტის საორგანიზაციო დეპარტამენტს
დარგობრივი ეკონომიკისა და ეკონომიკური პოლიტიკის კომიტეტის
დ ა ს კ ვ ნ ა
კანონპროექტებზე „მაუწყებლობის შესახებ“ საქართველოს კანონში ცვლილების შეტანის თაობაზე“ და „სახელმწიფო შესყიდვების შესახებ“ საქართველოს კანონში ცვლილების შეტანის თაობაზე“
დარგობრივი ეკონომიკისა და ეკონომიკური პოლიტიკის კომიტეტმა 2012 წლის 18 დეკემბერის სხდომაზე განიხილა საქართველოს პარლამენტის წევრის მურმან დუმბაძის მიერ საკანონმდებლო ინიციატივის წესით წარმოდგენილი კანონპროექტები: „მაუწყებლობის შესახებ“ საქართველოს კანონში ცვლილების შეტანის თაობაზე“ და „სახელმწიფო შესყიდვების შესახებ“ საქართველოს კანონში ცვლილების შეტანის თაობაზე“ (07–3/25,03; 03.12.12).
კანონპროექტის ტექსტის მიმართ კომიტეტს გააჩნია შემდეგი წინადადებები: 356 მუხლის მე-2 პუნქტის თანახმად აჭარის საზოგადოებრივი მაუწყებლის სამეურვეო საბჭოს წევრის უფლებამისილების ვადა განისაზღვრება 1 წლით, რაც ჩვენი აზრით ძალზე მცირეა და მიზანშეწონილია განისაზღვროს 2 წლით, როგორც ეს არის მოქმედი კანმდებლობით; ასევე ძალზე მცირეა აჭარის საზოგადოებრივი მაუწყებლის დირექტორის უფლებამისილების ვადა - 1 წელი და ამ შემთხვევაშიც საჭიროა გაიზარდოს დირექტორის უფლებამოსილების ვადა;
მიზანშეწონილია კანონის გარდამავალ დებულებაში აჭარის ტელევიზიასა და რადიომაუწყებლობის დეპარტამენტის რეორგანიზაცია განხორციელდეს კანონპროექტით შემოთავაზებულ გონივრულ ვადაში;
ამასთან, კომიტეტმა მიიჩნია, რომ წარმოდგენილ კანონპროექტების საქართველოს პარლამენტის პლენარულ სხდომაზე პირველი მოსმენით განხილვამდე საჭირო იქნება კანონპროექტის ინიციატორმა სათანადო კონსულტაციები ჩაატაროს ეკონომიკისა და მდგრადი განვითარების სამინისტროსა და კომუნიკაციების მარეგულირებელ ეროვნული კომისიის სპეციალისტებთან.
ზურაბ ტყემალაძე
კომიტეტის თავმჯდომარე
დანართი 7
საქართველოს პარლამენტის საფინანსო - საბიუჯეტო კომიტეტს
საქართველოს პარლამენტის ასლი: საორგანოზაციო დეპარტამენტს
დარგობრივი ეკონომიკისა და ეკონომიკური პოლიტიკის კომიტეტის
დ ა ს კ ვ ნ ა
კანონპროექტზე
„ბუღალტრული აღრიცხვისა და ანგარიშგების აუდიტის შესახებ“ საქართველოს კანონში ცვლილების შეტანის თაობაზე“
დარგობრივი ეკონომიკისა და ეკონომიკური პოლიტიკის კომიტეტმა 2012 წლის 18 დეკემბერის სხდომაზე განიხილა საქართველოს პარლამენტის წევრის დავით ონოფრიშვილის მიერ საკანონმდებლო ინიციატივის წესით წარმოდგენილი კანონპროექტი „ბუღალტრული აღრიცხვისა და ანგარიშგების აუდიტის შესახებ“ საქართველოს კანონში ცვლილების შეტანის თაობაზე“ (07–3/32; 12.12.12).
კომიტეტს კანონპროექტის შინაარსობრივი მხარის მიმართ შენიშვნები და წინადადებები არ გააჩნია. ამასთან, კანონპროექტის სათაური შესაბამისობაში უნდა მოვიდეს „ნორმატიული აქტების შესახებ“ საქართველოს კანონის მოთხოვნებთან.
ზურაბ ტყემალაძე კომიტეტის თავმჯდომარე დანართი 8
საქართველოს პარლამენტის საფინანსო-საბიუჯეტო კომიტეტს
ასლი: საქართველოს პარლამენტის საორგანიზაციო დეპარტამენტს
დარგობრივი ეკონომიკისა და ეკონომიკური პოლიტიკის კომიტეტის
დ ა ს კ ვ ნ ა „საქართველოსა და განვითარების საერთაშორისო ასოციაციას შორის დაფინანსების შეთანხმებაზე (რეგიონული განვითარების პროექტი)“
დარგობრივი ეკონომიკისა და ეკონომიკური პოლიტიკის კომიტეტმა 2012 წლის 18 დეკემბრის სხდომაზე განიხილა საქართველოს საქართველოს პრეზიდენტის მიერ წარმოდგენილი „საქართველოსა და განვითარების საერთაშორისო ასოციაციას შორის დაფინანსების შეთანხმება (რეგიონული განვითარების პროექტი)“ (07–1/8; 07.12.12) და მომზადებულად მიიჩნია საქართველოს პარლამენტის პლენარულ სხდომაზე რატიფიცირებისათვის.
ზურაბ ტყემალაძე კომიტეტის თავმჯდომარე |
||||||||||||||||||||||||||||||||||||||||||||||||||||||||||||||||||||
