პარლამენტის თავმჯდომარემ, დავით უსუფაშვილმა სამხრეთ კავკასიასა და საქართველოში კრიზისის საკითხებში ევროკავშირის სპეციალური წარმომადგენელი, ფილიპ ლეფორი მიიღო.

შეხვედრის ძირითად თემას ჟენევის სამშვიდობო მოლაპარაკებების მნიშვნელობა და მისი სამომავლო პერსპექტივები წარმოადგენდა. ფილიპ ლეფორის განცხადებით, ჟენევის მოლაპარაკებები მნიშვნელოვანი ფორმატია სამშვიდობო პროცესის დასარეგულირებლად და რუსეთ-საქართველოს ხელშემწყობ ფაქტორს წარმოადგენს.
შეხვედრაზე ჟენევის სამშვიდობო მოლაპარაკების მომდევნო რაუნდის შესახებაც იმსჯელეს, რომლის გამართვა მაისში იგეგმება.