იურიდიულ საკითხთა კომიტეტში განიხილეს პარლამენტის წევრის, ირაკლი ჩიქოვანის საკანონმდებლო ინიციატივა „საქართველოს სისხლის სამართლის საპროცესო კოდექსში ცვლილებების შეტანის თაობაზე“, რომლის მიხედვითაც ნასამართლობის მოხსნაზე უარის თქმის შემთხვევაში მსჯავრდებულ პირს, დღეს მოქმედი 6 თვის ნაცვლად, უფლება ეძლევა ხელმეორედ მიმართოს სასამართლოს ნასამართლობის მოხსნის მოთხოვნით 3 თვის შემდეგ. იურიდიულ საკითხთა კომიტეტის წევრებს ცვლილების პროექტთან დაკავშირებით შენიშვნები არ გააჩნია და ერთხმად დაუჭირეს მხარი კანონპროექტის პლენარულ სხდომაზე პირველი მოსმენით გატანას.