ვესტმინსტერის კონსორციუმის ოთხწლიანი (2009-2013 წწ.) პროგრამა საქართველოს პარლამენტში მიზნად ისახავს პარლამენტის მიერ საკანონდებლო, ზედამხედველობითი და წარმომადგენლობითი ფუნქციების შესრულების მხარდაჭერას პარლამენტის წევრებისა და აპარატის თანამშრომლების ქმედითუნარიანობის განმტკიცების გზით. პროგრამის ფორმატი ითვალისწინებს ოთხი თემატური მიმართულებით სასწავლო კურსებისა და სემინარების ორგანიზებას, ასევე პარლამენტის წევრების გაცვლით ვიზიტებსა და აპარატის თანამშრომლების მივლინებას დიდი ბრიტანეთის პარლამენტში. პროგრამას ერთობლივად ახორციელებენ ვესტმინსტერის კონსორციუმის წევრი ორგანიზაციები დიდი ბრიტანეთის მხრიდან და ადგილობრივი პარტნიორი ორგანიზაციები:

• საპარლამენტო პროცესი და მართვა - თემთა პალატა და კავკასიის უნივერსიტეტი (მოდული 1), ესექსის უნივერსიტეტი და პოლიტიკური კვლევის ინსტიტუტი (მოდული 2);
• ადამიანის უფლებებისა და კანონის უზენაესობის დაცვა - ადვოკატთა საერთაშორისო ასოციაციის ადამიანის უფლებების ინსტიტუტი და საქართველოს ახალგაზრდა იურისტთა ასოციაცია;
•  ფინანსური ზედამხედველობა - დიდი ბრიტანეთის ეროვნული აუდიტორული ოფისი და პოლიტიკისა და მართვის კონსალტინგ ჯგუფი;
• ინფორმაციის ხელმისაწვდომობა - თომსონ როიტერის ფონდი და საქართველოს საზოგადოებრივ საქმეთა ინსტიტუტი.

პროგრამა მიზნად ისახავს აღნიშნული მიმართულებებით საქართველოს პარლამენტში ინსტიტუციური სწავლების დამკვიდრების ხელშეწყობას, აპარატის პროფესიული განვითარების ისეთი გეგმის შემუშავებას და განხორციელებას, რომელიც საქართველოს პარლამენტის ამჟამინდელი და სამომავლო მოთხოვნების შესაბამისი იქნება.

დამატებითი ინფორმაციისთვის გთხოვთ იხილოთ:

www.parliamentarytraining.ge    

www.thewestminsterconsortium.org