კომიტეტის წევრები:

 პ. კვიჟინაძე,  გ. კარბელაშვილი,  გ. გაჩეჩილაძე,  თ.  მაისურაძე,    გ. მელაძე, კ. ოქრიაშვილი, გ. ჟორჟოლიანი, გ. სამხარაული, თ. ყაჭეიშვილი,  მ. წერეთელი, ზ. ჯაფარიძე;

აპარატის მუშაკები:

მოწვეულნი:

რ. ყანჩაველი, ლ. სახოკია, თ. შაბაშვილი, ი. გაბისონია, მ. მეტრეველი,   გ. სირაძე, თ. ტეფნაძე,  ვ. ქარუმიძე, ი. ჩხენკელი;

დავით ონოფრიშვილი - საქართველოს პარლამენტის წევრი, შალვა ამირეჯიბი - გარემოს დაცვის მინისტრის მოადგილე.

1. 1.პირველი

მოსმენით

განიხილეს:

მოხსენება    „სახელმწიფო ქონების  შესახებ“ საქართველოს კანონში ცვლილების შეტანის თაობაზე“ საქართველოს პარლამენტის წევრის  დავით ონოფრიშვილის  მიერ საკანონმდებლო ინიციატივის წესით   კანონპროექტების (დანართი 1) შესახებ. 

     აზრი გამოთქვეს:

ჯაფარიძემ, ჟორჟოლიანმა,  მელაძემ, გაჩეჩილაძემ, კვიჟინაძემ,  ტყემალაძემ; 

     გადაწყვიტეს:

კომიტეტმა მიიღო შესაბამისი გადაწყვეტილება (დანართი 2).

     მოისმინეს:

მოხსენება „საქართველოს ეროვნული ბანკის შესახებ“ საქართველოს კანონში ცვლილების შეტანის თაობაზე“ საქართველოს პარლამენტის წევრის დავით ონოფრიშვილის  მიერ საკანონმდებლო ინიციატივის წესით წარმოდგენილი კანონპროექტის შესახებ.

 აღინიშნა, რომ კანონპროექტის მიღება განაპირობებულია საფინანსო სექტორის წარმომადგენლებზე საზედამხედველო ფუნქციების განხორციელებისას საქართველოს ეროვნული ბანკის ზოგიერთი უფლებამოსილების დაზუსტების საჭიროება.

 კანონპროექტის მიზანია პირის საფინანსო სექტორის წარმომადგენლად რეგისტრაციისას ან ლიცენზირებისას საფრთხე არ შეექმნას საფინანსო სექტორის სტაბილურობას და თავიდან იქნას აცილებული საერთაშორისო ორგანიზაციების სავალდებულო გადაწყვეტილებებით ან/და რეკომენდაციებით გათვალისწინებული მოთხოვნების ან/და საქართველოსა და უცხო ქვეყანას შორის გაფორმებული შეთანხმებების დარღვევა და შეუსრულებლობა. 

სხვადასხვა საკანონმდებლო და ნორმატიული აქტებით გათვალისწინებულია პირდაპირი საფუძვლები, თუ რა შემთხვევაში აქვს ეროვნულ ბანკს უფლებამოსილება პირს უარი განუცხადოს საფინანსო სექტორის წარმომადგენლად რეგისტრაციაზე ან ლიცენზირებაზე. წარმოდგენილი კანონპროექტი, რომლითაც 48–ე მუხლს ემატება ახალი რედაქციის 3¹ პუნქტი, განისაზღვრა დამატებითი პირობები, რომელიც ეროვნულ ბანკს აგრეთვე აძლევს შესაძლებლობას მიიღოს გადაწყვეტილება პირის რეგისტრაციაზე ან მასზე ლიცენზიის გაცემაზე უარის თქმის შესახებ. ეს საფუძვლებია თუ: 

ა)პირის რეგისტრაციამ ან მასზე ლიცენზიის გაცემამ შეიძლება საფრთხე შეუქმნას საქართველს საფინანსო სექტორის სტაბილურობას; 

ბ)პირის რეგისტრაციამ ან მასზე ლიცენზიის გაცემამ შეიძლება გამოიწვიოს საერთაშორისო ორგანიზაციების სავალდებულო გადაწყვეტილებებით ან/და რეკომენდაციებით გათვალისწინებული მოთხოვნების დარღვევა ან/და შეუსრულებლობა; 

გ) პირის რეგისტრაციამ ან მასზე ლიცენზიის გაცემამ შეიძლება გამოიწვიოს საქართველოსა და უცხო ქვეყანას შორის გაფორმებული შეთანხმებების დარღვევა; 

დ) ეროვნული ბანკის მოთხოვნის შემთხვევაში დაინტერესებულმა პირმა არ წარმოადგინა სრულყოფილი ინფორმაცია სუბიექტის საქმიანობის დაწყებისათვის საქართველოს კანონმდებლობით დადგენილი მინიმალური კაპიტალური მოთხოვნების შესრულებისათვის საჭირო თანხების წარმომავლობის შესახებ. 

     აზრი გამოთქვეს:

ჯაფარიძემ, სამხარაულმა, კარბელაშვილმა, ოქრიაშვილმა, წერეთელმა, ტყემალაძემ; 

გადაწყვიტეს:

კომიტეტმა მიიღო შესაბამისი გადაწყვეტილება  (დანართი 3) 

     მოისმინეს:

მოხსენება „საქართველოსა და სან მარინოს რესპუბლიკას  შორის  შემოსავლებსა და კაპიტალზე ორმაგი დაბეგვრის თავიდან აცილებისა და გადასახადების გადაუხდელობის აღკვეთის შესახებ“ საქართველოს პრეზიდენტის მიერ რატიფიკაციისათვის წარმოდგენილი შეთანხმების შესახებ. 

აღინიშნა, რომ 30 მუხლიანი “ორმაგი დაბეგვრის თავიდან აცილებისა და გადასახადების გადაუხდელობის აღკვეთის შესახებ” შეთანხმების მთავარი მიზანია ხელი შეუწყოს ქვეყნებს შორის ეკონომიკური თანამშრომლობის გაღრმავებასა და ინვესტიციების მოზიდვას.  

ამგვარი შეთანხმებების ტექსტები ძირითადად ეფუძნება ეკონომიკური თანამშრომლობისა და განვითარების ორგანიზაციის (OECD) მოდელს და განსაზღვრავს ქვეყნებს შორის დაბეგვრის პრინციპებს. კერძოდ, იურიდიული და ფიზიკური პირების მიერ მეორე ქვეყანაში გაწეული საქმიანობიდან მიღებული შემოსავალი დაიბეგრება იმ ქვეყანაში, სადაც იგი იქნა მიღებული ანუ წყარო სახელმწიფოში ან რეზიდენტობის ქვეყანაში. შემოსავლის წყაროს ქვეყანაში დაბეგვრის შემთხვევაში ორმაგი დაბეგვრის თავიდან აცილების მიზნით რეზიდენტი ქვეყანა იღებს ვალდებულებას, გადასახადის გადამხდელს ჩაუთვალოს წყაროს ქვეყანაში გადახდილი გადასახადი. 

შეთანხმების მთავარი მიზანია ასევე გადასახადების გადაუხდელობისაგან თავის არიდება, რაც მიიღწევა საგადასახადო მიზნებისათვის ინფორმაციის გაცვლის საერთაშორისო სტანდარტების დანერგვით. 

ასევე შეთანხმების მუხლებთან ორმაგი ინტეპრეტაციის წარმოშობის შემთხვევაში გადასახადის გადამხდელს  საშუალება ეძლევა მიმართოს  კომპეტენტურ უწყებებს, რათა  ურთიერთშეთანხმების საფუძველზე გადაწყვიტონ წარმოქმნილი პრობლემები. 

    აზრი გამოთქვეს:

მაისურაძემ, კარბელაშვილმა, ტყემალაძემ;  

გადაწყვიტეს:

კომიტეტმა მიიღო შესაბამისი გადაწყვეტილება (დანართი 4) 

        მოისმინეს:

მოხსენება „საქართველოსა და სლოვენიის რესპუბლიკას  შორის  შემოსავლებსა და კაპიტალზე ორმაგი დაბეგვრის თავიდან აცილებისა და გადასახადების გადაუხდელობის აღკვეთის შესახებ“ საქართველოს პრეზიდენტის მიერ რატიფიკაციისათვის წარმოდგენილი შეთანხმების შესახებ. 

აღინიშნა, რომ შეთანხმების რატიფიკაცია ხელ შეუწყობს ქვეყნებს შორის ეკონომიკური თანამშრომლობის გაღრმავებასა და ინვესტიციების მოზიდვას.   

იგი განსაზღვრავს ქვეყნებს შორის დაბეგვრის პრინციპებს. კერძოდ, იურიდიული და ფიზიკური პირების მიერ მეორე ქვეყანაში გაწეული საქმიანობიდან მიღებული შემოსავალი დაიბეგრება იმ ქვეყანაში, სადაც იგი იქნა მიღებული ანუ წყარო სახელმწიფოში ან რეზიდენტობის ქვეყანაში. 

შეთანხმების მთავარი მიზანია ასევე გადასახადების გადაუხდელობისაგან თავის არიდება, რაც მიიღწევა საგადასახადო მიზნებისათვის ინფორმაციის გაცვლის საერთაშორისო სტანდარტების დანერგვით. 

აზრი გამოთქვეს:

წერეთელმა, ტყემალაძემ; 

       გადაწყვიტეს:

კომიტეტმა მიიღო შესაბამისი გადაწყვეტილება (დანართი 5). 

მოისმინეს:

მოხსენება  „სახელმწიფო კომპენსაციისა და სახელმწიფო აკადემიური სტიპენდიის შესახებ“  საქართველოს კანონში ცვლილების შეტანის თაობაზე“ საქართველოს მთავრობის მიერ საკანონმდებლო ინიციატივის წესით წარმოდგენილი კანონპროექტების შესახებ 

აღინიშნა რომ, კანონპროქტის მიზანს წარმოადგენს  ძალოვანი სტრუქტურებიდან დათხოვნილი მოსამსახურეების საპენსიო უზრუნველყოფაში არსებული დისკრიმინაციის აღმოფხვრა და ამ პირთათვის და სამოქალაქო ავიაციის მომსახურეთათვის სახელმწიფო კომპენსაციის გადაანგარიშება. 

შემოთავაზებული  ცვლილებების თანახმად, კომპენსაციის გაანგარიშებისას მხედველობაში აღარ მიიღება პირის ხელფასი და გაანგარიშება ხორციელდება „სახელმწიფო სპეციალური წოდებების შესახებ“ საქართველოს კანონის მე-2 მუხლით განსაზღვრული სახელმწიფო სპეციალური წოდების, პირის ასაკის (65 წელს ზემოთ ან 65 წლამდე) და შესაბამის ორგანოებში მუშაობის სტაჟის გათვალისწინებით. 

კომპენსაციის ოდენობა გამოიანგარიშება შემდეგი წესით: 65 წელს ზემოთ დანიშვნის შემთხვევაში, პენსიის ოდენობას დამატებული უმცროსი სპეციალური წოდების პირებისათვის შესაბამის ორგანოებში მუშაობის სტაჟის ნამრავლი 2-ზე, საშუალო სპეციალური წოდების პირებისათვის-5-ზე, უფროს სპეციალური წოდების მქონე პირებისათვის-10-ზე, ხოლო უმაღლესი სპეციალური წოდების მქონე პირებისათვის-15-ზე. კომპენსაციის 65 წლამდე დანიშვნის შემთხვევაში კი კომპენსაციის ოდენობა შეადგენს ზემოაღნიშნული წესით გაანგარიშებული კომპენსაციის 80%-ს. 

იგივე პრინციპით მოხდება კომპენსაციის გადაანგარიშება სამოქალაქო ავიაციის მოსამსახურეთათვის, უფროსი სპეციალური წოდების მქონე პირთათვის აღნიშნულ ორგანოში მუშაობის 20 წლის სტაჟზე დადგენილი ოდენობით - ხომალდის მეთაურისათვის; საშუალო სპეციალური წოდების მქონე პირთათვის შესაბამის ორგანოში მუშაობის 20 წლის სტაჟზე დადგენილი ოდენობით - მეორე პილოტისათვის, შტურმანისათვის, ბორტმექანიკოს-ინჟინრისათვის, „ან-2“-ის მეთაურისათვის, ხოლო უმცროსი სპეციალური წოდების მქონე პირთათვის შესაბამის ორგანოებში მუშაობის 20 წლის სტაჟზე დადგენილი ოდენობით - ბორტგამცილებლის, ბორტრადისტის, ბორტაეროლოგისა და საჰაერო მოძრაობის მეთვალყურისათვის, აგრეთვე, საჰაერო ხომალდების ტექნიკური მომსახურების პერსონალისათვის, რომელიც უშუალოდ ემსახურებოდა თვითმფრინავებს 

გარდა ზემოაღნიშნული კატეგორიებისა, კომპენსაციის გადაანგარიშება მოხდება შეზღუდული შესაძლებლობის სტატუსის მქონე ძალოვანი სტრუქტურებისა და სამოქალაქო ავიაციის მოსამსახურეთათვის, აგრეთვე ძალოვან სტრუქტურაში მომუშავე მოსამსახურეთა გარდაცვალების გამო კომპენსაციის მიმღები ოჯახებისათვის. 

კანონპროექტის მიღებასთან დაკავშირებული ხარჯი - დაახლოებით 19 მლნ ლარი  გათვალისწინებულია 2013 წლის სახელმწიფო ბიუჯეტის შესახებ კანონში. 

აზრი გამოთქვეს:

ჯაფარიძემ, ოქრიაშვილმა,  სამხარაულმა, გაჩეჩილაძემ, კვიჟინაძემ, ტყემალაძემ; 

გადაწყვიტეს:

კომიტეტმა მიიღო შესაბამისი გადაწყვეტილება (დანართი 6)