საქართველოში სამუშაო ვიზიტით პოლონეთის რესპუბლიკის სენატის თვითმმართველობისა და სახელმწიფო მართვის კომიტეტის დელეგაცია იმყოფება. დელეგაციის წევრებმა, რომელსაც კომიტეტის თავმჯდომარე იანუს სეპიოტი, საკანონმდებლო ოფისის წარმომადგენელი და ქალაქ გორლიცის მერი წარმოადგენს, სასტუმრო „ თბილისი მარიოტში“ შეხვედრები ქართველ კანონმდებლებთან გამართეს.

საფინანსო-საბიუჯეტო კომიტეტის თავმჯდომარე დავით ონოფრიშვილი და საქართველოს კომუნიკაციების ეროვნული კომისიის საქმიანობის შემსწავლელი საქართველოს პარლამენტის დროებითი საგამოძიებო კომისიის თავმჯდომარე თინათინ ხიდაშელი ბაქოში მსოფლიო ბანკისა და საერთაშორისო სავალუტო ფონდის მე-10 მსოფლიო ფორუმის მუშაობაში იღებენ მონაწილეობას. ფორუმის ფარგლებში გაიმართება დისკუსია ეკონომიკური კრიზისის პირობებში გასატარებელი აუციელებელი ზომებისა და საუკეთესო გამოცდილების შესახებ.
კონფერენცია 2 დღის მანძილზე 23-24 მაისს აზერბაიჯანის დედაქალაქში მიმდინარეობს და მასში მსოფლიოს 79 ქვეყნის 200 დეპუტატი მონაწილეობს.