აშშ-ში სამუშაო ვიზიტით იმყოფება საქართველოს პარლამენტის საფინანსო-საბიუჯეტო კომიტეტის თავმჯდომარე დავით ონოფრიშვილი, სადაც იგი მოხსენებით გამოვიდა ნიუ-იორკის კოლუმბიის უნივერსიტეტის მიერ ორგანიზებულ საერთაშორისო კონფერენციაზე „გეოპოლიტიკა და ევრაზიის ენერგო რესურსების პერსპექტივები“.

სახელმწიფო დაცვის სპეციალური სამსახურის მიერ გაწეულ ხარჯებს მიეძღვნა საპარალმენტო უმრავლესობის ლიდერის დავით საგანელიძის ბრიფინგი, რომელიც დღეს პარლამენტში გაიმართა. როგორც დავით საგანელიძემ აღნიშნა, პარლამენტის დღევანდელ პლენარულ სხდომაზე საპროცედურო საკითხთა და წესების კომიტეტის თავმჯდომარემ ირინა იმერლიშვილმა, რომელიც თავის დროზე სახელმწიფო დაცვის სპეციალური სამსახურის შესახებ კანონში შესატანი ცვლილებების პროექტის ავტორი იყო, გააკეთა განცხადება აღნიშნული სამსახურის მიერ გაწეული ხარჯების შესახებ და ეს ინფორმაცია სრულიად შოკისმომგვრელი აღმოჩნდა.