ქვეყანა მალე მაღალი ხარისხის საზოგადოებრივ მაუწყებელს მიიღებს, რისი გარანტიც იქნება კანონპროექტი „მაუწყებლობის შესახებ“ საქართველოს კანონში ცვლილების შეტანის შესახებ“, რომელიც დღეს საპროცედურო საკითხთა და წესების კომიტეტის სხდომაზე პირველი მოსმენით განიხილეს. 

საქართველო-რუსეთის ურთიერთობების საკითხის განხილვით დაიწყო ნატოს საპარლამენტო ასამბლეის როუზ-როსის 83-ე სემინარის მეორე დღის სხდომა აღნიშნულ თემაზე მოხსენებები საქართველო-რუსეთის ურთიერთობების საკითხებში საქართველოს პრემიერ-მინისტრის სპეციალურმა წარმომადგენელმა, ზურაბ აბაშიძემ, რუსეთის საგარეო საქმეთა მინისტრის ყოფილმა მოადგილემ, რუსეთის მეცნიერებათა აკადემიისა და საერთაშორისო ურთიერთობათა და მსოფლიო ეკონომიკის ინსტიტუტის მთავარმა მკვლევარმა, გიორგი კუნაძემ, რეინტეგრაციის საკითხებში საქართველოს სახელმწიფო მინისტრის მოადგილემ, ქეთევან ციხელაშვილმა და საერთაშორისო კრიზის ჯგუფის კავკასიის პროექტის დირექტორმა, ლოურენს შიითსმა წარმოადგინეს.

ჯანმრთელობის დაზღვევის მედიაციის 2012 წლისა და 2013 წლის პირველი კვარტლის ანგარიში ჯანმრთელობის დაცვისა და სოციალურ საკითხთა კომიტეტის სხდომაზე სამსახურის უფროსმა, სოფიო ლებანიძემ წარმოადგინა.

საპარლამენტო უმცირესობაში შემავალმა ფრაქციებმა "ერთიანი ნაციონალური მოძრაობა“, "ნაციონალური მოძრაობა-რეგიონები“ და "ნაციონალური მოძრაობა-მაჟორიტარების“ ერთობლივ სხდომაზე სხვადასხვა ქვეყანაში საგანგებო და სრულუფლებიანი ელჩების რანგში წარდგენილ კანდიდატებთან გამართეს შეხვედრა.