საქართველოს მონიტორინგის მისიის მიერ რუსეთის სადამკვირვებლო მისიის წარმომადგენლის, ვასილი ლიხაჩოვის ქვეყანაში არშეშვების საკითხს ევროსაბჭოს საპროცედურო საკითხთა კომიტეტი შეისწავლის, სწორედ ამის გამო გადადო ამ საკითხის განხილვა ევროსაბჭოს ბიურომ ნოემბრამდე.

ევროსაბჭოს საპარლამენტო ასამბლეაზე სტრასბურგში მყოფმა საქართველოს პარლამენტის თავმჯდომარემ, დავით უსუფაშვილმა ლიბერალ დემოკრატთა პოლიტიკური ჯგუფის (ALDE) შეხვედრაში მიიღო მონაწილეობა.

უმნიშვნელოვანესი ეროვნული მემკვიდრეობის უნიკალური, იშვიათი ბუნებრივი წარმონაქმნების და კულტურული არეალების მქონე ტერიტორიების დაცვა-აღდგენას და მათთვის ბუნების ძეგლის სტატუსის მინიჭებას ითვალისწინებს კანონპროექტი "ბუნების ძეგლების შექმნისა და მართვის შესახებ“. საქართველოს პარლამენტის წევრის, გიორგი ცაგარეიშვილის მიერ საკანონმდებლო ინიციატივის წესით წარმოდგენილი კანონპროექტი გარემოს დაცვისა და ბუნებრივი რესურსებისა და რეგიონული პოლიტიკისა და თვითმმართველობის კომიტეტებმა პირველი მოსმენით განიხილეს დღეს გამართულ ერთობლივ სხდომაზე. 

სატრანსპორტო საშუალების ალკოჰოლური სიმთვრალის მდგომარეობაში მართვის შემთხვევაში ადმინისტრაციული პასუხისმგებლობის ზომები მკაცრდება. ამის შესახებ დღეს იურიდიულ საკითხთა კომიტეტის სხდომაზე იმსჯელეს.