ტრადიციულად, ქუთაისში, დღევანდელ დღეს, ორმაისობა - ქუთაისქალაქობა აღინიშნება. დღესასწაულთან დაკავშირებით, ქალაქში სხვადასხვა ღონისძიებები გაიმართა.

იურიდიულ საკითხთა კომიტეტში განიხილეს პარლამენტის წევრის, ირაკლი ჩიქოვანის საკანონმდებლო ინიციატივა „საქართველოს სისხლის სამართლის საპროცესო კოდექსში ცვლილებების შეტანის თაობაზე“, რომლის მიხედვითაც ნასამართლობის მოხსნაზე უარის თქმის შემთხვევაში მსჯავრდებულ პირს, დღეს მოქმედი 6 თვის ნაცვლად, უფლება ეძლევა ხელმეორედ მიმართოს სასამართლოს ნასამართლობის მოხსნის მოთხოვნით 3 თვის შემდეგ.

ქუთაისში, საქართველოს პარლამენტის შენობაში 2013 წლის მოწვევის საქართველოს ახალგაზრდული პარლამენტის პირველი სხდომა გაიმართა. ახალგაზრდა სტუმრებს საქართველოს პარლამენტის თავმჯდომარემ, დავით უსუფაშვილმა და უმრავლესობისა და უმცირესობის წარმომადგენლებმა უმასპინძლეს. 

ჯანმრთელობის დაცვისა და სოციალურ საკითხთა კომიტეტის თავმჯდომარე დიმიტრი ხუნდაძე გაეროს განვითარების პროგრამის (UNDP) წარმომადგენლობის ხელმძღვანელის მოადგილეს, ინიტა პაულოვიცას და ფონდის „გლობალური ინიციატივა ფსიქიატრიაში“ დირექტორს, ნინო მახაშვილს შეხვდა. შეხვედრაზე განხილულ იქნა ფსიქიკური ჯანმრთელობის სფეროს პრობლემები და მიმდინარე რეფორმის პროცესში საერთაშორისო ორგანიზაციების როლი და ჩართულობა.