„სსიპ ლევან სამხარაულის სახელობის სასამართლო ექსპერტიზის ეროვნული ბიუროს შექმნის თაობაზე“ კანონში ცვლილების თანახმად, ბიუროს უფროსის დანიშვნის კომპეტენცია ენიჭება საქართველოს პრემიერ-მინისტრს, რამდენადაც ბიუროს საქმიანობა განეკუთვნება საქართველოს მთავრობის რეგულაციის სფეროს და ბიუროს ძირითადი ფუნქციები და მომსახურების ტარიფები განისაზღვრება მთავრობის დადგენილებით.

დღეს ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე ეკა ბესელია, გამოცდილებების ურთიერთგაზიარების მიზნით, ქალაქ ჩიკაგოს ადამიანის უფლებათა კომისიის თავმჯდომარის პირველ მოადგილეს, კენეტ განს შეხვდა. 

შეხვედრის ძირითად საკითხს დისკრიმინაციის წინააღმდეგ ბრძოლის გააქტიურება წარმოადგენდა.

27 სექტემბერს, რიგაში ბალტიის ასამბლეა ბენილუქსის პარლამენტისა და სკანდინავიის ქვეყნების საბჭოს მონაწილეობით გამართავს კონფერენციას, რომელიც შეეხება ევროპის კავშირში დღგ-ს გადახდასთან დაკავშირებულ თაღლითობებთან ბრძოლას.

477 დღიდან 730 დღემდე იზრდება ორსულობის მშობიარობისა და ბავშვის მოვლის გამო შვებულება, რომლიდანაც ანაზღაურებადი ხდება 183 დღე ნაცვლად 126-ისა, ასევე იზრდება ანაზღაურების ოდენობა 1000 ლარამდე. შესაბამისი კანონპროექტი “საქართველოს ორგანულ კანონში „საქართველოს შრომის კოდექსი“ ცვლილების შეტანის თაობაზე“, პარლამენტის წევრმა, დიმიტრი ხუნდაძემ პირველი მოსმენით განსახილველად წარადგინა პარლამენტის დღევანდელ რიგგარეშე სხდომაზე. წარმოდგენილი დოკუმენტიდან გამომდინარე ცვლილებები შედის „საჯარო სამსახურის შესახებ“ კანონშიც.