ვანის მუნიციპალიტეტის საკრებულოს წევრებზე ზეწოლის ფაქტებთან დაკავშირებით, დავით ლორთქიფანიძე მთავარ პროკურორს გამოძიების დაწყების თხოვნით მიმართავს. პარლამენტარის განცხადებით, ვანის მუნიციპალიტეტის საკრებულოს დეპუტატებზე მიმდინარეობდა ზეწოლა, რათა მათ გამგებლის იმპიჩმენტისათვის მხარი დაეჭირათ. ამასთან დაკავშირებით პარლამენტის წევრმა დღეს გამართულ ბრიფინგზე განაცხადა.

სასტუმრო "რედისონ ბლუ ივერიაში" პარლამენტის ევროპასთან ინტეგრაციის კომიტეტმა ერთი წლის საქმიანობის ანგარიშის პრეზენტაცია გამართა. შეხვედრაზე მოწვეულნი იყვნენ აღმასრულებელი ხელისუფლებისა და არასამთავრობო სექტორის წარმომადგენლები. 

ბათუმში მოქმედ საკაბელო კომპანიების თემას კომუნიკაციების ეროვნული კომისიის საქმიანობის შემსწავლელი საქართველოს პარლამენტის დროებითი საგამოძიები კომისია კვლავაც მიუბრუნდა. დღევანდელ საჯარო განხილვაზე კომისიის წევრებმა შპს „მინდას“ დამფუძნებელს და დირექტორს, რამაზ მახაჭაძეს მოუსმინეს.

პარლამენტის ბიუროს სხდომაზე 25 სექტემბრის რიგგარეშე სხდომის დღის წესრიგი განსაზღვრეს. მიუხედავად იმისა, რომ რიგგარეშე სხდომებზე განსახილველი საკითხები პრეზიდენტის განკარგულებით წინასწარ იქნა დადგენილი, ბიუროს წევრებმა დღევანდელი პლენარული სხდომის დღის წესრიგის საკითხები დააზუსტეს და რიგითობაც განსაზღვრეს.