დღეს ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე მესამე მოსმენით განიხილეს საქართველოს პარლამენტის წევრის, თამაზ ავდალიანის მიერ საკანონმდებლო ინიციატივის წესით წარმოდგენილი კანონის პროექტი „პატიმრობის კოდექსში ცვლილების შეტანის შესახებ.“

პარლამენტის თავმჯდომარემ, დავით უსუფაშვილმა საქართველოში ვიზიტად მყოფ ევროპის სახალხო პარტიის (EPP) დელეგაციას უმასპინძლა. შეხვედრას ესწრებოდნენ პარლამენტის საგარეო ურთიერთობათა კომიტეტის თავმჯდომარე თედო ჯაფარიძე და ევროპასთან ინტეგრაციის კომიტეტის თავმჯდომარე ვიქტორ დოლიძე.

საგზაო მოძრაობის უსაფრთხოების უზრუნველყოფის სახელმწიფო პროგრამას საქართველოს პრეზიდენტის ნაცვლად საქართველოს მთავრობა დაამტკიცებს, ეს ცვლილება შედის კანონში „საგზაო მოძრაობის უსაფთხოების შესახებ“, რომელიც დღეს იურიდიულ საკითხთა კომიტეტმა პირველი მოსმენით განიხილა.

კომუნიკაციების ეროვნული კომისიის საქმიანობის შემსწავლელი საქართველოს პარლამენტის დროებითი საგამოძიებო კომისიის სხდომაზე სააბონენტო ნომრების პორტირების შესახებ ინფორმაცია მოისმინეს და ამ საკითხთან დაკავშირებით ოპერატორი კომპანიების პრეტენზიებს გაეცნენ.