კომუნიკაციების ეროვნული კომისიის საქმიანობის შემსწავლელი საქართველოს პარლამენტის დროებითი საგამოძიებო კომისია საჯარო სხდომების ფორმატში საჩივრების განხილვას განაგრძობს. კომისიის დღევანდელი სხდომა სხვადასხვა საკაბელო კომპანიების და გლობალ მედია ჯგუფის (GMG) ურთიერთობებს და ამ საკითხში კომუნიკაციების ეროვნული კომისიის ჩართულობას შეეხო.

საქართველოს კონსტიტუციის ფუნდამენტურმა ცვლილებებმა, რომელიც 2013 წლის მორიგი საპრეზიდენტო არჩევნების შედეგად არჩეული პრეზიდენტის მიერ ფიცის დადების მომენტიდან უნდა ამოქმედდეს, შესაბამისი ცვლილებების შეტანა განაპირობა მთელ რიგ კანონპროექტებში.

საქართველოს პარლამენტის თავმჯდომარემ, დავით უსუფაშვილმა ბიუროს სხდომაზე ვეტოდაძლეულ ორ კანონზე: ,,სასოფლო-სამეურნეო დანიშნულების მიწის არასასოფლო-სამეურნეო მიზნით გამოყოფისას სანაცვლო მიწის ათვისების ღირებულებისა და მიყენებული ზიანის ანაზღაურების შესახებ’’ კანონში ცვლილების შეტანის შესახებ“ და ,,უმაღლესი განათლების შესახებ“ კანონში ცვლილებების შეტანის შესახებ“ ხელი მოაწერა. დავით უსუფაშვილის განცხადებით, მომავალ კვირაში, პარლამენტში რიგგარეშე სხდომები გაიმართება.

საქართველოს კონსტიტუციის ფუნდამენტურმა ცვლილებებმა, რომელიც 2013 წლის მორიგი საპრეზიდენტო არჩევნების შედეგად არჩეული პრეზიდენტის მიერ ფიცის დადების მომენტიდან უნდა ამოქმედდეს, „მაუწყებლობის შესახებ“ საქართველოს კანონში ცვლილებების შეტანა განაპირობა, რომელიც დღეს განათლების, მეცნიერებისა და კულტურის კომიტეტის სხდომაზე განიხილეს.