კანონპროექტი "გეოდეზიური და კარტოგრაფიული საქმიანობის შესახებ“ საქართველოს კანონში ცვლილებების შეტანის შესახებ“, რომელიც გარემოს დაცვისა და ბუნებრივი რესურსების კომიტეტმა დღეს II მოსმენით განიხილა.

„ადმინისტრაციულ სამართალდარღვევათა კოდექსში“ შესატანი ცვლილებები განიხილეს პირველი მოსმენით დღეს იურიდიულ საკითხთა კომიტეტის სხდომაზე. კანონპროექტი ითვალისწინებს კოდექსის მთელი რიგი მუხლებით დაწესებული პასუხისმგებლობის გადახედვას, ზოგ შემთხვევაში მათ გამკაცრებას, ზოგიერთ შემთხვევაში კი შემსუბუქებას.

ესპანელი ინვესტორები საქართველოს ბიზნესგარემოთი ინტერესდებიან. დღეს ისინი აგრარულ საკითხთა კომიტეტის თავმჯდომარეს, გიგლა აგულაშვილს და საფინანსო-საბიუჯეტო კომიტეტის თავმჯდომარეს, დავით ონოფრიშვილს შეხვდნენ. შეხვედრას გაცნობითი ხასიათი ჰქონდა.

იურიდიულ საკითხთა კომიტეტმა მეორე მოსმენისთვის განიხილა კანონპროექტი ,,საქართველოს სისხლის სამართლის კოდექსში ცვლილებების შეტანის თაობაზე“, რომლითაც მძიმდება იურიდიული პასუხისმგებლობის ზომა ტერორიზმის შესახებ ცრუ შეტყობინებისთვის. ცვლილებების თანახმად, ტერორიზმის შესახებ ცრუ შეტყობინებისთვის 3 წლამდე თავისუფლების აღკვეთის ნაცვლად სანქცია 2-დან 5-წლამდე იქნება, ხოლო იმ შემთხვევავში, როდესაც იმავე ქმედებას პირი ჩაიდენს დამამძიმებელ გარემოებებში (წინასწარი შეთანხმებით ჯგუფის მიერ, არაერთგზის ან რამაც მნიშვნელოვანი ზიანი გამოიწვია) 3-დან 5 წლამდე თავისუფლების აღკვეთის ნაცვლად სანქცია 5-დან 7 წლამდე იზრდება.