სახელმწიფო ვალის შესახებ კანონის გარკვეული ნორმების 2010 წლის კონსტიტუციური კანონით განხორციელებულ საკონსტიტუციო ცვლილებებთან შესაბამისობაში მოყვანა წარმოადგენს „სახელმწიფო ვალის შესახებ“ საქართველოს კანონში ცვლილების შეტანის შესახებ“ კანონპროექტის მთავარ მიზანს, რომელიც საფინასო-საბიუჯეტო კომიტეტის დღევანდელ სხდომაზე პირველი მოსმენით განიხილეს.

საკონსტიტუციო ცვლილებებს უკავშირდება პარლამენტის წევრების დავით ონოფრიშვილისა და ნოდარ ებანოიძის საკანონმდებლო ინიციატივის წესით წარმოდგენილი კანონპროექტებიც: „საქართველოს ეროვნული ბანკის შესახებ“ საქართველოს ორგანულ კანონში ცვლილების შეტანის თაობაზე“, „უკანონო შემოსავლების ლეგალიზაციის აღკვეთის ხელშეწყობის შესახებ“ საქართველოს კანონში ცვლილებების შეტანის თაობაზე“ და „შემოსავლების სამსახურის შესახებ“ საქართველოს კანონში ცვლილების შეტანის თაობაზე“, რომლებიც სხდომაზე ასევე პირველი მოსმენით განიხილეს.
საფინანსო-საბიუჯეტო კომიტეტის თავმჯდომარის დავით ონოფრიშვილის განცხადებით, აღნიშნული საკონსტიტუციო ცვლილებების მიხედვით მცირდება საქართველოს პრეზიდენტის უფლებამოსილებანი და, შესაბამისად, იზრდება პრემიერ-მინისტრის უფლებამოსილებანი, სწორედ ამ ცვლილებებმა უნდა ჰპოვოს ასახვა მოქმედ კანონმდებლობაში.
კომიტეტის წევრებს არსებითი ხასიათის შენიშვნები არ ჰქონდათ და კანონპროექტების პარლამენტის პლენარულ სხდომაზე განსახილველად გატანას ერთხმად დაუჭირეს მხარი.