საქართველოს პარლამენტის 2009 წლის რიგგარეშე

 

სესიის 6 აგვისტოს პლენარული სხდომის

 

 

ო ქ მ ი N 63

 

 

    სხდომა დაიწყო – 16⁰⁵ სთ.

   

     სხდომას თავმჯდომარეობდა –  დავით ბაქრაძე.  

სხდომას ესწრებოდნენ  _         მ.კოპალეიშვილი (განათლების მინისტრის მოადგილე), ხ.კაპანაძე (მთავრობის საპარლამენტო მდივნის მოადგილე), გ.ბერძენიშვილი (თავდაცვის მინისტრის მოადგილე).

 

პარლამენტის თავმჯდომარემ პარლამენტის წევრებს გააცნო საქართველოს პრეზიდენტის 2009 წლის 4 აგვისტოს N535 განკარგულება საქართველოს პარლამენტის რიგგარეშე სესიის მოწვევის შესახებ.

 

     რეგისტრაცია გაიარა – 77 პარლამენტის წევრმა,     კვორუმი – 76

 

რიგგარეშე სესია გაიხსნა საქართველოს სახელმწიფო ჰიმნით.

 

დავით ბაქრაძემ პარლამენტის წევრებს მოახსენა, რომ სხდომის მოწვევა განაპირობა პოლიტიკურმა შეთანხმებამ, რომელიც შედგა უმრავლესობას და უმცირესობას შორის შუალედურ არჩევნებთან დაკავშირებით.

ხელის აწევით დეპუტატებმა თანხმობა განაცხადეს წარმოდგენილი დღის წესრიგით მუშაობასა და განხილვების შემდეგ კენჭისყრის პროცედურების ჩატარებაზე.

 

ლ.ვეფხვაძემ პარლამენტს I მოსმენით განსახილველად წარუდგინა    საქართველოს ორგანული კანონის პროექტი «საქართველოს ორგანულ კანონში «საქართველოს საარჩევნო კოდექსი» დამატების შეტანის შესახებ»

შეკითხვები არ დასმულა.

თანამოხსენებით გამოვიდა მ.ზოდელავა.

ცალკეული წევრებიდან – ჯ.ბაღათურია.

 

მ.კოპალეიშვილმა II მოსმენისათვის, პუნქტობრივი განხილვით წარმოადგინა საქართველოს კანონის პროექტი «უმაღლესი განათლების შესახებ» საქართველოს კანონში ცვლილებებისა და დამატებების  შეტანის თაობაზე»

შენიშვნა გამოთქვა ჩ. თაქთაქიშვილმა.

 

ი.ქავთარაძემ III მოსმენისათვის წარმოადგინა საქართველოს კანონის პროექტი «დიპლომატიური სამსახურის შესახებ» საქართველოს კანონში ცვლილებებისა და დამატებების შეტანის თაობაზე»

რედაქციული შენიშვნები არ გამოთქმულა.

 

გ.ბერძენიშვილმა განხილვისთვის წარმოადგინა საქართველოს პარლამენტის დადგენილების პროექტი «ავღანეთში უსაფრთხოების ხელშეწყობის საერთაშორისო ძალების შემადგენლობაში (ISAF) სამშვიდობო მისიაში მონაწილეობის მისაღებად საქართველოს შეიარაღებული ძალების ერთი ქვეითი ასეულის, ერთი ქვეითი ბატალიონისა და სამხედრო მოსამსახურეების გაგზავნაზე თანხმობის მიცემის შესახებ»

შეკითხვები არ დასმულა.

 

კენჭისყრების დაწყებამდე დავით ბაქრაძემ პარლამენტის წევრებს გააცნო იმ ღონისძიებების ნუსხა, რომელთა ჩატარებაც გათვალისწინებული იყო რუსული აგრესიის წლისთავთან დაკავშირებით.

 

კენჭისყრების წინ ჩატარდა რეგისტრაცია 93,    კვორუმი – 76

 

კენჭი ეყარა შემდეგ საკითხებს:

 

საქართველოს ორგანული კანონის პროექტი «საქართველოს ორგანულ კანონში «საქართველოს საარჩევნო კოდექსი» დამატების შეტანის შესახებ» I მოსმენა

     

       რეგისტრაცია – 93                           მომხრე – 87

            კვორუმი – 69                      წინააღმდეგი _ 2

_______________________________________________________________

საქართველოს კანონის პროექტი «დიპლომატიური სამსახურის შესახებ» საქართველოს კანონში ცვლილებებისა და დამატებების შეტანის თაობაზე»   III მოსმენა

        

        რეგისტრაცია – 93                           მომხრე – 83

            კვორუმი – 50                      წინააღმდეგი _ 0

__________________________________________________________________________

საქართველოს კანონის პროექტი «უმაღლესი განათლების შესახებ» საქართველოს კანონში ცვლილებებისა და დამატებების  შეტანის თაობაზე» II მოსმენა

      

       რეგისტრაცია – 94                           მომხრე – 80

            კვორუმი – 50                      წინააღმდეგი _ 0

__________________________________________________________________________

საქართველოს პარლამენტის დადგენილების პროექტი «ავღანეთში უსაფრთხოების ხელშეწყობის საერთაშორისო ძალების შემადგენლობაში (ISAF) სამშვიდობო მისიაში მონაწილეობის მისაღებად საქართველოს შეიარაღებული ძალების ერთი ქვეითი ასეულის, ერთი ქვეითი ბატალიონისა და სამხედრო მოსამსახურეების გაგზავნაზე თანხმობის მიცემის შესახებ»

      

       რეგისტრაცია – 94                           მომხრე – 84

            კვორუმი – 50                      წინააღმდეგი _ 0

 

     

 

                        სხდომა დასრულდა.