ჯანმრთელობის დაცვისა და სოციალურ საკითხთა კომიტეტმა დიუშენის კუნთოვანი დისტროფიით დაავადებული პაციენტების მშობლების მიერ წარდგენილი პეტიცია განიხილა
ჯანმრთელობის დაცვისა და სოციალურ საკითხთა კომიტეტმა დიუშენის კუნთოვანი დისტროფიით დაავადებული პაციენტების მშობლების მიერ წარდგენილი პეტიცია განიხილა.
პეტიცია დიუშენის კუნთოვანი დისტროფიით დაავადებული პაციენტების მშობლების ორგანიზაციამ „ერთად ვებრძოლოთ დიუშენის კუნთოვან დისტროფიას“ წარადგინა.
პეტიციის მიზანია, საქართველოში დიუშენის კუნთოვანი დისტროფიის სამკურნალო საშუალებები დარეგისტრირდეს და პაციენტებისთვის მკურნალობა ხელმისაწვდომი გახდეს.
კომიტეტმა მიიღო გადაწყვეტილება, საკითხის შესწავლის მიზნით, პეტიცია ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს გადაეგზავნოს.
მიღებული გადაწყვეტილების შესახებ სამინისტრომ ჯანმრთელობის დაცვისა და სოციალურ საკითხთა კომიტეტს 1 თვის ვადაში უნდა აცნობოს.
საქართველოში დიუშენის კუნთოვანი დისტროფიით დაავადებული 100-მდე პირია რეგისტრირებული.
