სხდომაზე კანონპროექტი ერთ-ერთმა ინიციატორმა ანტონ ობოლაშვილმა წარადგინა.

საერთაშორისო პრაქტიკისა და საუკეთესო გამოცდილების გათვალისწინებით, შეიცვალა ტერმინ „ტურისტული გიდის“ განმარტება. დაზუსტდა ტურიზმის ეროვნული ადმინისტრაციის ხელმძღვანელის უფლებამოსილება ნორმატიულ-ადმინისტრაციულ-სამართლებრივი აქტების გამოცემასთან დაკავშირებით.

რისკის შემცველი ტურისტული მომსახურებების მიმწოდებლებისა და სამთო გამყოლის, სათხილამურო გამყოლისა და ალპური გამყოლის საქმიანობის განმახორციელებელ სუბიექტებთან მიმართებით ზუსტდება სავალდებულო დაზღვევასთან დაკავშირებული საკითხები. პერსონალის სერტიფიცირების ორგანოს ავტორიზაციას ტურიზმის ეროვნული ადმინისტრაცია განახორციელებს. მიღებულ კანონპროექტში გათვალისწინებულია ადმინისტრაციულ სამართალდარღვევათა ოქმის შედგენა ელექტრონული ფორმით. გარდა ამისა, შესაძლებელი იქნება ამ უფლებამოსილების დელეგირება ადმინისტრაციის მიერ კერძო სამართლის იურიდიულ პირებზე. ცვლილებით გათვალისწინებულია სამთო გამყოლის, სათხილამურო გამყოლისა და ალპური გამყოლის საქმიანობის სერტიფიკატის და სავალდებულო დაზღვევის პოლისის ფლობის გარეშე საქმიანობის დაჯარიმების დიფერენციაცია.