საქართველოს პარლამენტის გარემოს დაცვისა და ბუნებრივი რესურსების კომიტეტის ინიციატივით, სხვადასხვა სახელმწიფო უწყების წარმომადგენლების საკოორდინაციო შეხვედრა გაიმართა.

შეხვედრაზე დედაქალაქის ადმინისტრაციულ საზღვრებში წყალდაცვითი ზოლებისა და ფიტოსანიტარიული საკითხების ურთიერთმიმართების საკითხი განიხილეს, რომელიც მცენარეთა დასაცავად ჩასატარებელი ღონისძიებების განხორციელებისთვის
არის აუცილებელი.

შეხვედრისას აღნიშნეს, რომ საჭიროა კანონმდებლობის შემდგომი დახვეწა, რაც ურბანულ სივრცეებში ფიტოსანიტარიული ღონისძიებების განხორციელების საკითხებს ახლებურად და თანამედროვე სტანდარტებით მოაწესრიგებს.