პარლამენტის აგრარულ საკითხთა კომიტეტმა თავმჯდომარის პირველ მოადგილედ გიორგი გუგუჩია აირჩია.

გიორგი გუგუჩიას კანდიდატურა, პარლამენტის რეგლამენტის თანახმად, აგრარულ საკითხთა კომიტეტის თავმჯდომარე გელა სამხარაულმა წარადგინა.

მისი განცხადებით, კომიტეტისათვის გიორგი გუგუჩიას გამოცდილება განსაკუთრებით მნიშვნელოვანია. კომიტეტის თავმჯდომარემ გიორგი გუგუჩიას ახალ პოზიციაზე წარმატებები უსურვა.