იურიდიულ საკითხთა კომიტეტმა „საქართველოს სისხლის სამართლის საპროცესო კოდექსში“ ცვლილებას პირველი მოსმენით მხარი დაუჭირა
იურიდიულ საკითხთა კომიტეტმა „საქართველოს სისხლის სამართლის საპროცესო კოდექსში“ ცვლილება, რომელიც კოდექსის 1439 მუხლის (ფარული საგამოძიებო მოქმედების შესახებ შეტყობინება) მე-7 ნაწილის ამოღებას ითვალისწინებს, პირველი მოსმენით განიხილა.
კანონპროექტი სხდომაზე იურიდიულ საკითხთა კომიტეტის თავმჯდომარემ არჩილ გორდულაძემ წარადგინა.
ცვლილების თანახმად, პროკურორი არ იქნება ვალდებული, მომეტებული საზოგადოებრივი საშიშროების მქონე დანაშაულებთან დაკავშირებით (საქართველოს სისხლის სამართლის საპროცესო კოდექსის 1439 მუხლის მე-6 ნაწილით გათვალისწინებული დანაშაულები) ჩატარებული ფარული საგამოძიებო მოქმედების შესახებ შესაბამის პირს სისხლის სამართლის საქმეზე შემაჯამებელი გადაწყვეტილების მიღებისთანავე, დაუყოვნებლივ აცნობოს.
იურიდიულ საკითხთა კომიტეტმა მხარი დაუჭირა კანონპროექტის პლენარულ სხდომაზე განხილვას.
