ნინო წილოსანი დანიის გენდერული თანასწორობის ცენტრის პროგრამის „KVINFO“-ს წარმომადგენლებს შეხვდა
კომისიები და საბჭოები 31 მარტი 2022
გენდერული თანასწორობის მუდმივმოქმედი საპარლამენტო საბჭოს თავმჯდომარე ნინო წილოსანი დანიის გენდერული თანასწორობის ცენტრის პროგრამის „KVINFO“-ს წარმომადგენლებს შეხვდა.
ორგანიზაციის საქმიანობის პრიორიტეტულ მიმართულებებს სექსუალური ძალადობისა და გენდერული სტერეოტიპების პრობლემებზე მუშაობა წარმოადგენს. დანიის საგარეო საქმეთა სამინისტროს ინიციატივით აღნიშნული პროგრამა საქართველოსა და უკრაინაში გენდერული საკითხების კოორდინაციას განახორციელებს.
შეხვედრის მონაწილე მხარეებმა ერთმანეთს თავიანთი საქმიანობა, ფუნქციები და პრიორიტეტული მიმართულებები გააცნეს, აგრეთვე შეთანხმდნენ სამომავლო თანამშრომლობის ასპექტებზე.
