დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ დავით სონღულაშვილმა ხელოვნური ინტელექტის შესახებ ბრიუსელში გამართულ საპარლამენტთაშორისო კონფერენციაში მიიღო მონაწილეობა.

კონფერენცია ხელოვნურ ინტელექტთან დაკავშირებით ოთხ სხვადასხვა სესიას მოიცავდა.

მეორე სესია, რომელშიც დავით სონღულაშვილმა მიიღო მონაწილეობა, ეხებოდა ხელოვნური ინტელექტის გავლენებს და სწავლებას ხელოვნური ინტელექტის ეპოქაში.

​კონფერენცია ორი დღის განმავლობაში მიმდინარეობდა და მასში მონაწილეობას ევროკავშირის წევრი ქვეყნების ეროვნული პარლამენტებისა და ევროპარლამენტის წარმომადგენლები იღებდნენ.

კონფერენციის მიზანი იმ შესაძლებლობების განხილვა იყო, რომელიც ხელოვნურ ინტელექტსა და ისეთ ინდუსტრიებს აკავშირებს, როგორიცაა შემოქმედება და კულტურა, განათლება, ჯანდაცვა, საჯარო მმართველობა და ა.შ.

​კონფერენციაში ასევე მონაწილეობდა ევროპასთან ინტეგრაციის კომიტეტის წევრი სალომე ქურასბედიანი.