საგარეო ურთიერთობათა კომიტეტის თავმჯდომარის პირველი მოადგილე, ნინო გოგუაძეევროპის საბჭოს საპარლამენტო ასამბლეის წესების, იმუნიტეტისა და ინსტიტუციურ საკითხთა კომიტეტის პირველ ვიცე-პრეზიდენტად აირჩიეს.

„წესების იმუნიტეტისა და ინსტიტუციურ საკითხთა კომიტეტს მნიშვნელოვანი ფუნქციები აქვს ევროპის საბჭოს საპარლამენტო ასამბლეის მუშაობაში. ეს იყო ერთ-ერთი წამყვანი კომიტეტი, რომელიც გასულ წელს, რუსეთის დაბრუნების საკითხზე მსჯელობდა და ეს საკითხი ისევ დგას კომიტეტის დღის წესრიგში. ამიტომ, ვფიქრობ ამ კომიტეტში ჩვენი წარმომადგენლობა და მმართველ პოზიციებზე ყოფნა გააძლიერებს ქართული დელეგაციის პოზიციას“, - განაცხადა ნინო გოგუაძემ.

ევროსაბჭოს საპარლამენტო ასამბლეის საშემოდგომო სესიის გახსნას საქართველოს საპარლამენტო დელეგაცია პროტესტისა და უკრაინისადმი სოლიდარობის ნიშნად არ დასწრებია. პროტესტი იმ გადაწყვეტილებას უკავშირდება, რომლითაც ევროსაბჭოს საპარლამენტო ასამბლეამ რუსეთს ხმის მიცემის უფლება აღუდგინა.

მიუხედავად იმისა, რომ საქართველოს საპარლამენტო დელეგაციამ სესიის მუშაობაში არ მიიღო მონაწილეობა, ის აქტიურად არის ჩართული ევროპის საბჭოს საპარლამენტო ასამბლეის კომიტეტების მუშაობაში.