პარლამენტის დამოუკიდებელი დეპუტატი, თამარ ჩარკვიანი ჩეხეთის რესპუბლიკის ელჩს საქართველოში, პეტერ მიკისკას შეხვდა.

მხარეებმა საქართველოში არსებულ პოლიტიკურ ვითარებაზე ისაუბრეს. ყურადღება გამახვილდა ადგილობრივი თვითმმართველობის, მათ შორის, 30 ოქტომბერს დაგეგმილ მეორე ტურის არჩევნებზე.

საუბრის ძირითად თემას ასევე წარმოადგენდა, საქართველოს მესამე პრეზიდენტის, მიხეილ სააკაშვილის პატიმრობა, მისი უფლებრივი და ჯანმრთელობის მდგომარეობა.

„შეხვედრაზე ვისაუბრეთ ქვეყანაში მიმდინარე პოლიტიკურ პროცესებზე და ადგილობრივი თვითმმართველობის არჩევნებზე. ელჩს გადავეცი წერილი რომელიც ეხება მიხეილ სააკაშვილს და რომელიც დაფუძნებულია ადამიანის უფლებათა ევროპული კონვენციის მე-6 მუხლით განმტკიცებულ გარანტიებზე“, - განაცხადა თამარ ჩარკვიანმა შეხვედრის დასრულების შემდეგ.