პარლამენტის თავმჯდომარის პირველ მოადგილედ გიორგი ვოლსკი აირჩიეს. საკანონმდებლო ორგანომ დღესვე თავმჯდომარის მოადგილეებად: თეა წულუკიანი და ნინო წილოსანი აირჩია.

პარლამენტის რეგლამენტის თანახმად, პარლამენტი თავისი უფლებამოსილების ვადით, სრული შემადგენლობის უმრავლესობით, პარლამენტის წევრთაგან ირჩევს პარლამენტის თავმჯდომარის მოადგილეებს, მათ შორის, პირველ მოადგილეს.

პარლამენტის თავმჯდომარის პირველი მოადგილე აირჩევა პარლამენტის თავმჯდომარის წარდგინებით.

პარლამენტის თავმჯდომარის 3 მოადგილე აირჩევა საპარლამენტო უმრავლესობაში შემავალ პარლამენტის წევრთა უმრავლესობის წარდგინებით.